Tag: The Times

ខ្សែ​ប្រយុទ្ធ Edinson Cavani មាន​បំណង​ចង់​ចាកចេញ​ពី Manchester United ទៅ​ចូលរួម​ជាមួយ​ Barcelona នៅ​រដូវ​កាល​ក្រោយ។ កីឡាករ​វ័យ​៣៤​ឆ្នាំ​​កំពុង​ស្ថិត​ក្នុង​កុងត្រា​ឆ្នាំ​ចុងក្រោយ​​នៅ​ Man United ហើយ​អាច​នឹង​មក​កីឡដ្ឋាន Camp Nou ​ដោយ​គ្មាន​តម្លៃ​ខ្លួន។ យោង​តាម​សារព័ត៌មាន The Times ឲ្យ​ដឹង​ថា Cavani ដឹង​ច្បាស់​ខ្លួន​ឯង​ថា គេ​គួរ​តែ​សាក​លេង​នៅ La Liga ម្ដង ដោយ​ទៅ​លេង​ជាមួយ Barca ពេល​បញ្ចប់​រដូវ​កាល​នេះ។ វិនាទី​លេង​របស់​កីឡាករ​សញ្ជាតិ​អ៊ុយរុយហ្គាយ​​ចាប់ផ្ដើម​មាន​កម្រិត​នៅ Old Trafford ក្នុង​រដូវ​កាល​២០២១-២២ ចាប់​តាំង​ពី​ការ​មក​ដល់​របស់ Ronaldo។ គ្រាប់​បាល់​ចុងក្រោយ​របស់ Cavani រក​បាន​ពេល​ប៉ះ Spurs ឈ្នះ ៣-០។ ហើយ​លទ្ធផល​នេះ​បាន​ធ្វើ​ឲ្យ​លោក Nuno ត្រូវ​ Spurs បណ្ដេញ​ចេញ​ពី​តំណែង៕

ក្លិប Manchester City ដែលកំពុងត្រូវការខ្សែប្រយុទ្ធម្នាក់បានបង្ហាញចំណាប់អារម្មណ៍ក្នុងការចុះហត្ថលេខាជាមួយខ្សែប្រុយុទ្ធឆ្នើមវ័យក្មេង Erling Haaland របស់ក្លិប Borussia Dortmund ។ កាសែត The Times បានអះអាងថាភ្នាក់ងាររបស់កីឡាករសញ្ជាតិន័រវែសលោក Mino Raiola នឹងជួបពិភាក្សាជាមួយភាគីខាងក្លឹប Man City នៅខែមករាខាងមុខនេះជុំវិញការផ្លាស់ប្តូរកីឡាករវ័យ ២១ ឆ្នាំរូបនេះនៅរដូវក្តៅខាងមុខនេះ។ កិច្ចសន្យារបស់ខ្សែប្រយុទ្ធកម្ពស់ខ្ពស់ Haaland ជាមួយក្រុម Borussia Dortmund មានសុពលភាពរហូតដល់ឆ្នាំ ២០២៤ តម្លៃផ្ដាច់កុងត្រា ៧៥ លានអឺរ៉ូនៅឆ្នាំ ២០២២ ។ Haaland រកបាន ៦៨ គ្រាប់ក្នុង ៦៨ ប្រកួតគ្រប់ការប្រកួតទាំងអស់សម្រាប់ក្លឹបចាប់តាំងពីចូលរួមជាមួយ Dortmund នៅឆ្នាំ ២០២០ ៕

ខ្សែប្រយុទ្ធ Harry Kane របស់ក្រុម Tottenham Hotspur អាចនឹងចាកចេញពីក្លឹបនៅរដូវក្តៅនេះ។ កាសែត The Times បានអះអាងថាខ្សែប្រយុទ្ធសញ្ជាតិអង់គ្លេសជឿជាក់ថាម្ចាស់ក្លឹបរបស់ខ្លួនត្រៀមខ្លួនរួចជាស្រេចដើម្បីអនុញ្ញាតឱ្យរូបគេចាក់ចេញទៅ។ ប្រធានក្លិប Tottenham លោក Daniel Levy បានដាក់តម្លៃ Harry Kane ប្រហែល ១៥០ លានផោន។ ខណះដែលកីឡាករ Kane ផ្ទាល់ក៏បានប្រាប់ក្លឹបថាគាត់ចង់ចាកចេញហើយជម្រើសដែលគាត់ពេញចិត្តគឺ Manchester City ព្រោះគាត់ចង់ឈ្នះពានរង្វាន់។ ក្លឹបទទូចមិនមានចេតនាលក់កីឡាកររូបនេះទេ។ ទោះយ៉ាងណាកីឡាករវ័យ ២៨ ឆ្នាំរូបនេះជឿជាក់ថាក្លឹប Tottenham មានការផ្លាស់ប្តូរចិត្តនៅក្នុងប៉ុន្មានសប្តាហ៍ថ្មីៗនេះហើយកំពុងឆ្ពោះទៅរកការអនុញ្ញាតិឱ្យគាត់ទៅខណៈពួកគេត្រូវការប្រាក់ដើម្បីមកពង្រឹងក្នុងក្រុមផងដែរ។