Tag: Thomas Tuchel

​យប់​មិញ​នេះ​​តោខៀវ​​ Chelsea ​បាន​ត្រឹម​ស្មើ​ក្រុម Brighton ក្នុងលិទ្ធផល ១ ទល់នឹង ១ ​ក្នុង​​ដី​​របស់​តោ​ខៀវ ​ក្រោយ​ប្រកួត​ចប់ អ្នក​ចាត់​ការ​របស់​ក្លឹប​លោក Thomas Tuchel ​បាន​និយាយ​ទាំង​ខឹង​ថា ​ក្រុម​របស់​ខ្លួន​ពេល​នេះ​ស្ថិត​ក្នុង​ស្ថានភាព​ដូច​ឆ្កួត ក្នុង​ការ​ប្រជែង​ពាន​​ English Premier League ​រដូវ​កាល​នេះ​ ដោយ​សារ​កីឡាករ​របួស​ច្រើន ​ព្រម​ទាំង​មាន​កីឡាករ​ឆ្លង​កូវីដ១៩​ថែម​ទៀត​។ ​​​​​លោក Tuchel បាន​ខឹង​សម្បារ​យ៉ាង​ខ្លាំង​​ក្រោយ​ក្រុម​របស់​ខ្លួន​បាន​ត្រឹម​ស្មើ​គ្នា​ជា​មួយ Brighton ក្នុងលិទ្ធផល ១ ទល់នឹង ១ កាល​ពី​យប់មិញ​នេះ បន្ថែម​លើស​ពី​នេះ​ Chelsea ​​មាន​កីឡាករ​រង​របួស​បន្ថែម​ទៀត​គឺ​ខ្សែ​ការពារកំពុង​ពេញ​ល្អ Reece James ។ លោក​បាន​សង្កត់​ធ្ងន់​ជុំ​វិញ​របួស​របស់ Reece James ថា គឺ​ជា​បួស​សរសៃពួរ​។ ខណៈ​ដែល​ការ​ប្រកួត​បន្ទាប់​ត្រូវ​ធ្វើ​ការ​ធ្ងន់​គឺ​ត្រូវ​លេង​ទល់ Liverpool ​​ស្រប​ពេល​​តោ​ខៀវ​កំពុង​មាន​វិបត្តិ​រឿង​កីឡាករ​ ប៉ុន្តែ​លោក​គ្មាន​ជម្រើស​​ផ្សេង​ ដើម្បី​ស្វែង​រក​កីឡាករ​​មក​ជួយ​ក្រុម​តាម​លទ្ធភាព​ដែល​អាច​ធ្វើ​ទៅ​បាន​នោះ​ឡើយ​។ ​អ្នក​ចាត់​ការ​ដដែល​ថាកង្វះ​កីឡាករ​ធ្ងន់​បំផុត​គឺ​ខ្សែ​ការពារ​ស្លាបដែល​ពេល​នេះ​គឺ​របួស​ទាំង​អស់ ​ដោយ​អ្នក​​ខ្លះ​​ឆ្លង​កូវីដនិង​អ្នក​អ្នក​ខ្លះ​រង​របួស​ដោយ​សារ​​ការ​ប្រកួត​ជាប់​ៗ​គ្នា​។ ​យ៉ាង​ណា​ក៏​មាន​កីឡាករ​មួយ​ចំនួន​កំពុង​ត្រឡប់​ពី​កូវីដ​វិញ​ដែរប៉ុន្តែ​លោក​ក៏​ត្រូវ​ការ​​ពេល​ដើម្បី​ថែរក្សា​​សុខភាព​ពួក​គេ​ពោល​គឺ​មិន​អាច​ដាក់​ឲ្យ​លេង​បាន​ភ្លាម​ៗ​នោះ​ដែរ​។ ​ក្រោយ​ស្មើ​គ្នា​ជា​មួយ Brighton យប់​មិញ​ធ្វើ​ឲ្យ​ Chelsea ត្រូវ​ដាច់​ពិន្ទុ​ពី​ក្រុម​កំពូលតារាង

អ្នកកាសែតល្បីឈ្មោះលោក​ Matt Law បានទម្លាយឲ្យដឹងថាកីឡាកររបស់ Real Madrid ជាច្រើននាក់ជឿជាក់ថា ខ្សែការពារ Antonio Rudiger នឹងផ្លាស់មកកាន់កីឡដ្ឋាន Santiago Bernabeu នារដូវកាលក្រោយ។  ជាការពិតណាស់ កីឡាករសញ្ជាតិអាល្លឺម៉ង់ខាងលើ បានវិវត្តន៍ខ្លួនទៅ ជាកីឡាករដ៏សំខាន់ជាងគេម្នាក់នៅ ក្នុងក្រុម Chelsea ជាពិសេសក្រោមការដឹកនាំរបស់លោក Thomas Tuchel។ យ៉ាងណាក្តី បញ្ហាចម្បងនៅ ពេលនេះ គឺ កុងត្រារបស់គេនៅ ឯកីឡាករដ្ឋាន Stamford Bridge នឹងអស់សុពលភាពនៅ បញ្ចប់រដូវកាលនេះ។ ដូច្នេះមានន័យថា រូបគេអាចនឹងចាកចេញដោយគ្មានតម្លៃខ្លួនប្រសិនបើគេបដិសេធមិនបន្តកុងត្រាថ្មី។ ក្រៅពី Real Madrid មានក្លិបធំៗផ្សេងទៀតដូចជា Bayern Munich និង Paris Saint Germain ជាដើមដែលចង់បាន Rudiger មករួមក្រុម ប៉ុន្តែ ទិសដៅ បន្ទាប់ដែលគេចង់ទៅ ចូលរួមបំផុត គឺ ការប្រកបអាជីពនៅ ឯកីឡដ្ឋាន

ក្លិបតោខៀវ Chelsea ត្រូវបានគេរាយការណ៍ថាកំពុងគ្រោងនឹងតាមទិញយកខ្សែការពារ Sergino Dest ពីក្លិប Barcelona នៅខែមករាខាងមុខ។ សារព័ត៌មាន Express បានបង្ហើបថាភាគីលោក Thomas Tuchel បានស្នើតម្លៃខ្លួនដល់គេចំនួន៣០លានផោន(ស្មើនឹងប្រមាណ ៤០.១លានដុល្លារ) សម្រាប់ទិញយក Dest ដោយចង់យកគេមកជំនួសខ្សែការពារ Ben Chilwell ដែលរងរបួខណៈដែលអនាគតខ្សែការពារ César Azpilicueta នៅមានភាពស្រពេចស្រពិល។ Dest បានផ្ទេរពីក្លិប Ajax មកកាន់ទឹកដី Camp Nou កាលពីឆ្នាំ២០២០ដោយគេអាចលេងជាខ្សែការពារបានទាំងស្លាបឆ្វេងនិងស្លាបស្តាំទើបអាចងាយស្រួលឲ្យ Chelsea ដាក់គេឲ្យលេងជំនួសកន្លែង Reece James ឬ Ben Chilwell បើសិនពួកគេរងរបួស៕

អ្នក​ចាត់​ការ​របស់ Chelsea លោក Thomas Tuchel បាន​កោះហៅ​​​កីឡាករ​​​ក្នុង​ឈុត​យុវជន​ដល់​ទៅ​១២​មក​ហាត់​ជាមួយ​ឈុត​ធំ​ ដើម្បី​ត្រៀម​ប្រកួត​ពេល​ខាង​មុខ។ ​ជួរ​កីឡាករ​របស់ Chelsea ពេល​នេះ​កំពុង​រង​ការ​វាយ​ប្រហារ​ពី​បញ្ហា​របួស និង​​ទាក់ទង​ជាមួយ​ជំងឺ​កូវីដ ទើប​ធ្វើ​​ឲ្យ​​លោក Tuchel កោះហៅ​កីឡាករ​ក្មេង​ៗ​ដើម្បី​ត្រៀម​ជួយ​ក្រុម។ Teddy Sharman-Lowe ១៨​ឆ្នាំ, Josh Brooking ១៩​ឆ្នាំ​, Xavier Mbuyamba ១៩​ឆ្នាំ​, Alfie Gilchrist ១៨​ឆ្នាំ​, Dion Rankine ១៩​ឆ្នាំ និង Xavier Simons ១៨​ឆ្នាំ សុទ្ធ​តែ​មក​ចូលរួម​ហាត់​ជាមួយ​ឈុត​ធំ​កាល​ពី​ថ្ងៃ​ច័ន្ទ។ Chelsea បាន​ប្រកួត​ស្មើ​គ្នា ០ ទល់នឹង ០ ប៉ុណ្ណោះ​​ជាមួយ Wolves កាល​ពី​ថ្ងៃ​ច័ន្ទ បន្ទាប់​ពី​​សំណើ​របស់​ក្លឹប​​សុំ​​លើក​​ពេល​ការ​ប្រកួត​ត្រូវ​បាន​បដិសេធ។ កីឡាករ​របស់​ក្រុម​តោ​ខៀវ​មាន ​​៧​នាក់​ផ្ទុក​ជំងឺ​កូវីដ ហើយ​មាន​កីឡាករ​មួយ​ចំនួន​ផ្សេង​ទៀត​ចាប់​ផ្ដើម​តេស្ដ​វិជ្ជមាន ចាប់​តាំង​ពី​លេង​ស្មើ​គ្នា ១ ទល់នឹង ១ ជាមួយ Everton កាល​ពី​ថ្ងៃ​​ព្រហស្បតិ៍​មុន៕

លោក Paul Merson ហាក់មានការព្រួយបារម្ភចំពោះបញ្ហារបស់ក្រុម Chelsea ដែលកំពុងកើតមាន, ក្នុងនោះលោកបានឱ្យដំបូន្មានថា លុះត្រាតែនៅទីផ្សារដោះដូរកីឡាករខែមករានេះ ពួកគេយកបាន Ruben Neves របស់ Wolves និង James Ward-Prowse របស់ Southampton នោះទើបវិបត្តិទាំងមូលអាចដោះស្រាយបាន។ ជាការពិតណាស់ បច្ចុប្បន្នក្រុមរបស់លោក Thomas Tuchel កំពុងជួបប្រទះនូវវិបត្តិកីឡាករ បន្ទាប់ពីខ្សែបម្រើឆ្នើម N’Golo Kante និង Mateo Kovacic មានបញ្ហារបួសខណៈ Ruben Loftus-Cheek និង Jorginho ដែលជាអ្នកជំនួសតួនាទីនេះ ក៏នៅធ្វើមិនទាន់បានល្អដែរ ហើយការប្រកួតទល់នឹង Wolves នៅថ្ងៃ អាទិត្យនេះ ពួកគេស្រាប់តែមិនអាចចូលរួមប្រកួតបានថែមទៀត។ ទាក់ទងនឹងរឿងខាងលើ អតីតជម្រើសជាតិ អង់គ្លេស លោក Merson បានមានប្រសាសន៍ប្រាប់កាសែត Sky Sports យ៉ាងដូច្នេះ៖ “ខ្ញុំគិតថា Chelsea កំពុងត្រូវការ Neves។

ក្លិប Chelsea យកបានត្បូងពេជ្រម្នាក់ហើយពីក្រុម Paris Saint-Germain នោះគឺអ្នកចាត់ការលោក Thomas Tuchel, ហើយថ្មីៗនេះទៀតសោតក្រុម តោខៀវ ត្រូវបានគេរាយការណ៍មកថាកំពុងចាប់អារម្មណ៍ចង់បានកំផែងដ៏រឹងមាំម្នាក់ទៀត របស់ក្រុមអ្នកមានបារាំង។ យោងតាមប្រភពសារព័ត៌មាន TeamTalk របស់ប្រទេស អេស្ប៉ាញ បានឱ្យដឹងថា Chelsea កំពុងពិចារណាលើការនាំយក Marquinhos ខ្សែការពារកណ្តាលសញ្ជាតិ ប្រេស៊ីលមកកាន់ទឹកដី Stamford Bridge ខណៈជើងក្រោមរបស់ PSG រូបនេះកំពុងផ្សារភ្ជាប់ទំនាក់ទំនងខ្លាំងមែនទែនក្នុងការផ្លាស់មកកាន់ទឹកដី អង់គ្លេស នៅរដូវក្តៅខាងមុខ។ ជាការពិតណាស់ Chelsea មានខ្សែការពារមួយចំនួនគឺជិតផុតកុងត្រានៅរដូវកាលខាងមុខនេះហើយ, ក្នុងនោះមាន Antonio Rudiger និង Andreas Christensen ខណៈពួកគេក៏ប្រហែលជានឹងចាកចេញផងដែរ។ យ៉ាងណាមិញ ក្រុមតោខៀវត្រូវបានគេមើលឃើញថា នឹងអាចមានលទ្ធភាពខ្ពស់ក្នុងការយកបាន Marquinhos ដោយសាររូបគេនិងលោក Tuchel គឺមានទំនាក់ទំនងជិតស្និទ្ធនឹងគ្នាខ្លាំងមែនទែន៕

​អ្នក​ចាត់​ការ​របស់​តោ​ខៀវ Chelsea ​លោក Thomas Tuchel យល់​ឃើញ​ថា​ក្រុម​របស់​ខ្លួន​យក​បាន​​​៣​ពិន្ទុ​​ពី​ក្រុម Watford ​បាន​គឺ​ចាត់​ទុក​ថា សំណាង​​ហើយ សម្រាប់​ការ​ប្រកួត​ Premier League សប្ដាហ៍​ទី​១៤ ដើម្បី​គ្រប់គ្រង​កំពូល​តារាង​។ ​បើ​ក​ការ​ប្រកួត​ក្រុមទាំង​ពីរ​​​ប្រឹងប្រែង​រៀងខ្លួន​រហូត​ដល់​នាទី​ទី​​២៩ Mason Mount ​​​រក​បាន​១​គ្រាប់​មុន​ដើម្បី​បង្កើត​ការ​នាំ​មុខ​១-០។ ​​ដល់​នាទី​ទី​៤៣ មុន​ចប់​តង់ទី​១​ម្ចាស់​ផ្ទះ​ក៏​តាម​បាន​ស្មើ​ដោយ ​Emmanuel​ Bonaventure Dennis។ ចប់​តង់​ទី​១​ ក្រុម​ទាំង​ពីរ​បញ្ចប់​ត្រឹម​១ស្មើ​។ ចូល​ដល់​វគ្គ​ទី​២ ក្រុម​ភ្ញៀវ​រក​បានគ្រាប់​បាល់​​ជ័យជម្នះ​ដោយ Hakim Ziyech ​នៅ​នាទី​ទី​៧២​។ ចប់​ការ​ប្រកួត​ក្រុម​ទាំង​ពីរ​បញ្ចប់​ដោយ​ក្រុម​ផ្ញៀវ​ឈ្នះ ២-១។ ​ទាក់​ទង​ជ័យជម្នះ​នេះ​អ្នក​ចាត់ការ​ក្រុម​តោ​បាន​​ឲ្យ​ដឹង​ថា វា​ហាក់​ដូច​ជា​ការ​លួច​៣​ពិន្ទុ​ពី​ម្ចាស់​ផ្ទះ យ៉ាង​ណា​វា​ក៏​ជា​សំណាង​បំផុត​មួយ​សម្រាប់​​រូប​លោក ដែល​អាច​យក​បាន​៣​ពិន្ទុ​ពី​ក្រុម​​ម្ចាស់​ផ្ទះ​​យ៉ាង​ដូច្នេះ​ដែរ៕

​Ralf Rangnick ​គ្រូ​បង្វឹក​ពោរពេញ​ដោយ​បទ​ពិសោធ​សញ្ជាតិ​អាល្លឺម៉ង់ ​បាន​សម្រេច​ចិត្ត​យល់​ព្រម​ដឹក​នាំ​ក្រុម​បិសាច​ក្រហម Manchester United ​បណ្ដោះអាសន្ន​ហើយ​មាន​រយៈ​ពេល​៦​ខែ។ ​បុរស​វ័យ​៦៣​ឆ្នាំ​ខាង​លើ​នេះ​បាន​ទទួល​ការងារ​នៅ Man Utd ​មែន ប៉ុន្តែ​លោក​មិន​ទាន់​អាច​ដឹក​នាំ​ក្រុម​ទល់ Chelsea ​បាន​នៅ​ឡើយ​ទេ ​ដោយ​រង់ចាំ​លិខិត​ការងារ​សិន។ ​លោក Rangnick ​នេះ​ត្រូវ​បាន​គេ​ស្គាល់​ច្បាស់​ថា​ជា​គ្រូ​បង្វឹក​តឹងរឹង​ម្នាក់​ក្នុង​វិស័យ​បាល់ទាត់ ​និង​មាន​តិចនិច​ស៊ី​ជម្រៅ​ផង​ដែរ។ ​លោក ​ជា​គ្រូ​បង្វឹក​ម្នាក់​ដែល​មិន​ចេះ​ទុក​មាត់​ឡើយ ហើយ​ការ​ដឹក​នាំ​របស់​លោក​ឃើញ​ថា​ទទួល​បាន​ផល​ល្អ ​បើ​ទោះ​ជា​មិន​ធ្លាប់​ដឹក​នាំ​ក្រុម​មាន​លុយ​ច្រើន​ៗ​ក៏​ដោយ។ ​គ្រូ​បង្វឹក​ខាង​លើ​នេះ ​ក៏​ជា​គ្រូ​របស់​អ្នក​ចាត់ការ​វ័យ​ក្មេង​ៗ​នា​បច្ចុប្បន្ន​នេះ​ផង​ដែរ។ ដោយ​លោក Klopp ​និង Thomas Tuchel ​សុទ្ធ​តែ​ទទួល​បាន​បទ​ពិសោធ​ពី​បុរស​ខាង​លើ​ទាំង​អស់។ ​ដោយ​ការ​យក​បាន​លោក Rangnick ​នេះ ត្រូវ​បាន​គេ​មើល​ឃើញ​ថា Man Utd ​រើស​មនុស្ស​មក​ដឹក​នាំ​ក្រុម​ត្រូវ​ហើយ៕

ក្រុម​តោ​ខៀវ Chelsea បាន​យក​ឈ្នះ​ទៅ​លើ​ក្រុម Juventus ដល់​ 4 ទល់នឹង 0 សម្រាប់​ជំនួប​ EUFA Champions League ​កាល​ពី​យប់មិញ​ ប៉ុន្តែ​កីឡាករ​របស់​ពួក​គេ​ចំនួន​២​នាក់​បាន​មាន​បញ្ហា​ជង្គង់​គឺ N’Golo Kante និង Ben Chilwell ​នាំ​ជា​ក្ដី​​កង្វល់​​សម្រាប់​​ក្រុម​ដែល​ត្រូវ​លេង​ចុង​សប្ដាហ៍​នេះ​ទល់​ក្រុម​​បិសាច​ក្រហម Manchester United ។ Kante ត្រូវ​បាន​ប្ដូរ​ចេញ​នៅ​នាទី​ទី​៣៧ បន្ទាប់​ពី​​រូប​គេ​​ព្យាយាម​​រារាំង​បាល់​ពី​សំណាក់​ការ​វាយ​សម្រុក​របស់ Juventus ដែល​ដាក់​ជំនួស​ដោយ​ Ruben Loftus-Cheek ។ បន្ទាប់​ពី​រក​បាន​៣​គ្រាប់ Chelsea ក៏​មាន​​បញ្ហា​របួស​ Chilwell ម្នាក់​ទៀត ដែល​ត្រូវ​ដាក់​ César Azpilicueta ឲ្យ​ចូល​លេង​ជំនួស​នៅ​នាទី​ទី 71 ​។ ​ ក្រោយ​ការ​ប្ដូរ​ចេញ​នេះគេ​ឃើញ Chilwell មាន​ការ​ឈឺចាប់​យ៉ាង​ខ្លាំង​ត្រង់​ជង្គង់​របស់​គេ ស្រប​ពេល​ដែល​ Kante ក៏​មាន​បញ្ហា​ត្រង់​ជង្គង់​ដូច​គ្នា។ នេះ​ជា​ការ​បញ្ជាក់​ឲ្យ​ដឹង​ពី Thomas Tuchel អ្នក​ចាត់ការ​​របស់​តោខៀវ​។ ​ ទាក់​ទង​របួស​នេះ​មាន​ស្ថានភាព​កម្រិត​ណា​នោះ​

គ្រូបង្វឹកក្រុមតោខៀវ Chelsea លោក Thomas Tuchel បាននិយាយប្រាប់សារព័ត៌មានមុនការប្រកួតជាមួយក្រុម Leicester ដោយនិយាយថា Romelu Lukaku នឹងមិនមានវត្តមាននៅថ្ងៃសៅរ៍នេះនោះទេ។ ខ្សែប្រយុទ្ធបែលហ្ស៊ិករូបនេះ ស្ថិតក្នុងភាពស្រពិចស្រពិលសម្រាប់ការប្រកួត Champions League ទល់នឹងក្រុម Juventus និងក្នុងលីកទល់នឹងក្រុម Manchester United នៅចុងសប្តាហ៍ក្រោយ។ សរុបមកខ្សឬប្រយុទ្ធវ័យ 28ឆ្នាំរូបនេះ បានអវត្តមានរយះពេលមួយខែដោយសាររបួសកជើង អំឡុងពេលដែលក្រុម Chelsea បានយកឈ្នះលើ Malmo របស់ន័រវេសក្នុងលិទ្ធផល 4 ទល់នឹង 0 ក្នុងក្របខ័ណ្ឌ Champions League កាលពីថ្ងៃទី 20 ខែតុលាកន្លងទៅ ។ លោក Thomas Tuchel បាននិយាយមុនការប្រកួតជាមួយក្រុម Leicester ថា៖“អ្វីដែលខ្ញុំអាចនិយាយបាននៅពេលនេះ យើងព្យាយាមយ៉ាងខ្លាំង។ ខ្ញុំមិនចង់ដាក់សម្ពាធលើគេទេ។ ប៉ុន្តែទុកអោយគេជាអ្នកដាក់សម្ពាធលើខ្លួនឯងទៅចុះ” ។ កាសែត Daily Mail រាយការណ៍ថាកីឡាករវ័យ 28 ឆ្នាំរូបនេះត្រូវបានគេរំពឹងថានឹងត្រលប់មកហ្វឹកហាត់ក្រុមវិញនៅចុងសប្តាហ៍នេះ៕

ខ្សែការពារ Antonio Rudiger របស់ Chelsea ចង់បន្តនៅក្លឹប បើទោះបីជាមានការផ្តល់ជូនដ៏អស្ចារ្យពីក្លឹបមួយផ្សេងទៀតក៏ដោយ។ ក្លឹប Bayern Munich ត្រូវបានគេរាយការណ៍ថាអាចបង្កើនប្រាក់ឈ្នួលទ្វេដងដែលកីឡាករសញ្ជាតិអាល្លឺម៉ង់រូបនេះរកបាននៅទីក្រុងឡុងដ៍ ប៉ុន្តែកីឡាករខ្លួនឯងសុខចិត្តស្នាក់នៅ Stamford Bridge បន្តទៀតនេះបើយោងតាមកាសែត Daily Mail ។ កីឡាករវ័យ 28 ឆ្នាំបានចូលដល់ឆ្នាំចុងក្រោយនៃកិច្ចព្រមព្រៀងជាមួយ Chelsea ប៉ុន្តែរូបគេមិនទាន់បានយល់ព្រមលើកិច្ចសន្យាថ្មីនៅឡើយទេ។ មានសេចក្ដីរាយការណ៍ថាក្លឹបយក្សអាល្លឺម៉ង់ Bayern Munich បានទាក់ទងភ្នាក់ងាររបស់ Rudiger រួចហើយដោយផ្តល់ទឹកប្រាក់ចំនួន 12 លានអឺរ៉ូក្នុងមួយឆ្នាំដែលកីឡាករផ្ទាល់បានទាមទារ។ ខ្សែការពារកណ្តាលមានសឹទ្ធក្នុងការទៅកាន់ក្លឹបនៅអឺរ៉ុបនៅពេលដែលទីផ្សារដោះដូរកីឡាករបើកនៅខែមករា ប្រសិនបើខ្សែការពាររូបនេះមិនយល់ព្រមលើការបន្តកិច្ចសន្យាជាមួយក្រុមរបស់លោក Thomas Tuchel ទេនោះ៕

Xavi Hernandez ដែល​ជា​អ្នក​ចាត់​ការ​ថ្មី​របស់​ក្លឹប Barcelona កំពុង​សម្លឹង​ឃើញ​កីឡាករ​ Chelsea ដល់​ទៅ​៣​នាក់ និង​ត្រៀម​យក​មក​នៅ​ខែ​មករា​ខាង​មុខ​ដើម្បី​ជួយ​ពង្រឹង​ក្រុម។ អ្នក​ចាត់​ការ​សញ្ជាតិ​អេស្ប៉ាញ​​​កំពុង​សម្លឹង​ឃើញ​​លើ​ការ​ខ្ចី​ជើង​កីឡាករ​ថ្មី​ចូល ហើយ​ក្នុង​នោះសមាជិក​របស់ Chelsea ចំនួន 3 ​រូប​ដែល​មាន Christian pulisic, Hakim Ziyech និង Hudson-Odoi ​ស្ថិង​ក្នុង​ចំណាប់​អារម្មណ៍​របស់​លោក។ យោង​តាម​សារព័ត៌មាន Diario Sport ឲ្យ​ដឹង​ថា Barcelona ចង់​បាន​កីឡាករ​ទាំង​៣​ខាង​លើ ដែល​មិន​សូវ​បាន​លេង​ក្រោម​ការ​ដឹក​នាំ​របស់​លោក Thomas Tuchel។ ហើយ​ពួក​គេ​អាច​ជា​ជម្រើស​ប្រយុទ្ធ​​បន្ថែម​ដ៏​ល្អ​សម្រាប់​ក្រុម​លោក Xavi។ Pulisic រដូវ​កាល​នេះក្នុង​លីគ​ទើប​តែ​លេង​បាន​២ប្រកួត​ប៉ុណ្ណោះ ហើយ​ប្រសិន​បើ​គេ​ទៅ​ Barca វា​ជា​ឱកាស​អាច​​លេង​ជាមួយ​មិត្តរួម​ជាតិ​អាមេរិក Sergino Dest។ Ziyech ក៏​មិន​សូវ​បាន​បង្ហាញ​ខ្លួន​ឲ្យ​តោខៀវ​ដូច​គ្នា ខណៈ Hudson-Odoi ត្រូវ​ការ​ឱកាស​លេង​ច្រើន​ដើម្បី​បាន​ជាប់​ជម្រើស​ជាតិ​អង់គ្លេស​ទៅ​លេង​នៅ World Cup ឆ្នាំ​ក្រោយ៕

លោក​ Thomas Tuchel អ្នក​ចាត់​ការ​ក្លឹប​ Chelsea បាន​ឈ្នះ​ពាន​អ្នក​ចាត់​ការ​ឆ្នើម​ប្រចាំ​ខែ​តុលា​​ នៅ​ Premier League ក្នុង​ថ្ងៃ​នេះ​។ កាល​ពី​ខែ​តុលា​​កន្លង​ទៅ​នេះ​ លោក​ Tuchel បាន​ដឹក​នាំ​ Chelsea ឲ្យ​ឈ្នះ​៤ប្រកួត​ជាប់​គ្នា​តែ​ម្ដង​នៅ​ក្នុង​ក្របខ័ណ្ឌ​លីគកំពូល​អង់គ្លេស​មួយ​នេះ​ ដោយ​បាន​ឈ្នះ​ប្រកួត​នឹង​ក្លឹប​ Southampton លិទ្ធផល ៣-១ ក្លឹប​ Brentford លិទ្ធផល ១-០ ក្លឹប​ Norwich City លិទ្ធផល ៧-០ និង​ក្លឹប​ Newcastle លិទ្ធផល ៣-០ ។ ក្រោម​ការ​ដឹក​នាំ​របស់​អ្នកចាត់​ការ​រូប​នេះ​ នៅ​ខណៈ​នេះ​ Chelsea កំពុង​ឈរ​នៅ​លំដាប់​ថ្នាក់​ទី​មួយ​ក្នុង​ការ​ប្រកួត​ដណ្ដើម​យក​ PL នេះ​ដោយ​មាន​ ២៦ពិន្ទុ។​ គួរ​បញ្ជាក់​ផង​ដែរ​ថា​នេះ​ជា​លើក​ទី​ពីរ​​ហើយ​ សម្រាប់​លោក​ Tuchel ដែល​បាន​ឈ្នះ​ពាន​អ្នក​ចាត់​ការ​ឆ្នើម​របស់​ PL នេះ​ចាប់​តាំង​ពី​មក​ដឹក​នាំ​ Chelsea ដោយ​កាល​ពី​លើក​ដំបូង​ឈ្នះ​នៅ​ខែ​មីនា ឆ្នាំ​២០២១​កន្លង​ទៅ​៕

ខ្សែបម្រើ Hakim Ziyech របស់ក្រុមតោខៀវ Chelsea អាចនឹងចាក់ចេញពីទឹកដីអង់គ្លេសនឹងបន្តអាជីពរបស់គេនៅឯប្រទេសអាល្លឺម៉ង់។ បើតាមការអះអាងរបស់ Goal.com ថាកីឡាករវ័យ 28 ឆ្នាំរូបនេះសុខចិត្តចាកចេញពីទឹកដី Stamford Bridge ក្នុងខែមករាខាងមុខនេះ ។ កីឡាករសញ្ជាតិម៉ារ៉ុកមិនពេញចិត្តនឹងពេលវេលាលេងជាប្រចាំក្រោមការដឹកនាំរបស់លោក Thomas Tuchel។ រដូវកាលនេះ Hakim Ziyech បង្ហាញខ្លួននៅ Premier League ត្រឹមតែ 4 ដងប៉ុណ្ណោះសម្រាប់ក្លឹបដែលមានតែ 2 ប្រកួតប៉ុណ្ណោះដែលរូបគេជាប់ជម្រើស 11នាក់ដំបូង។ យោងតាមប្រភពបានឱ្យដឹងថាក្លឹប Borussia Dortmund កំពុងស្វែងរកខ្សែបម្រើដើម្បីពង្រឹងក្រុមរបស់ពួកគេ ហើយ Ziyech គឺពិតជាជម្រើសដែលសមនឹងទទួលបានការពិចារណាយ៉ាងម៉ត់ចត់៕

លោកគ្រូបង្វឹក Thomas Tuchel នៃក្លិប Chelsea បាននិយាយថា ក្លិប Manchester City និង Liverpool ជាក្លិបគំរូ នៅ Premier League ។ ប៉ុន្តែលោកបានបង្ហើបថាក្រុមរបស់លោកនឹងខិតខំប្រឹងប្រែងដើម្បីធ្វើជាក្លិបគម្រូ ធ្វើយ៉ាងម៉េចឲ្យទាន់ក្លិបទាំងពីរ។ Chelsea បានយកឈ្នះ Manchester City និងលើកពាន Champions League បានសម្រេចកាលពីរដូវកាលមុនខណៈដែលពេលនេះក្រុមលោក Tuchel ក៏កំពុងកាន់កាប់តារាង Premier League ផងដែរ។ លោក Tuchel បាននិយាយថា៖ “ឥលូវនេះជារដូវកាលថ្មីហើយពួកយើងត្រូវតែបង្ហាញថាពួកយើងពិតជាអាចធ្វើបាន។ ឆ្លងកាត់៩ប្រកួតមកនេះ វាមិនទាន់គ្រប់គ្រាន់ទេ។ ការប្រកួតប្រជែងនៅទីនេះដូចកំពុងរត់នៅម៉ារ៉ាតុងអ៊ីចឹង ការប្រកួតក្នុងលីគនេះគឺពិតជាហត់នឿយណាស់ ពួកយើងមានការប្រកួតប្រជែងខុសគ្នា។ ខ្ញុំគ្មានបញ្ហាទេក្នុងការនិយាយថាពួកយើងជិតតាមទាន់ Liverpool និង Man City ដែលជាក្លិបគម្រូ។ ពួកគេបានបង្កើតក្រុមមួយដែលមានស្មារតីប្រកួតប្រជែងខ្ពស់ជាមួយគ្រូបង្វឹកពួកគេអស់រយៈពេលច្រើនឆ្នាំមកហើយ។ ពួកយើងនឹងព្យាយាមឲ្យទាន់ពួកគេ”៕

យោងតាមសេចក្ដីរាយការណ៍ក្លិបអ្នកមានបុណ្យ Barcelona ចង់ទិញយកអ្នកចាំទីដៃទី២របស់ Chelsea គឺ Kepa Arrizabalaga ។ Kepa នៅតែគ្រងតំណែងជាអ្នកចាំទីដែលមានតម្លៃផ្ទេរថ្លៃបំផុតគឺជាង ៩៧.៩លានដុល្លារអាមេរិកពេល Chelsea បានទិញយកគេពីក្លិប Athletic Bilbao កាលពីឆ្នាំ ២០១៨។ អ្នកចាំទីសញ្ជាតិអេស្ប៉ាញរូបនេះបានចុះកុងត្រាដល់ទៅ៧ឆ្នាំជាមួយក្លិបដោយកាលលោក Frank Lampard នៅដឹកនាំគឺ កីឡាកររូបនេះបានចូលលេងឆ្លាស់គ្នានឹងអ្នកចាំទី Edouard Mendy ប៉ុន្តែក្រោយ Thomas Tuchel ផ្លាស់ចូលមកដឹកនាំគឺ Mendy បានក្លាយជាអ្នកចាំទីដៃទី ១ វ៉ាដាច់តំណែងរបស់ Kepa ទៅហើយ។ យ៉ាងណាមិញ សារព័ត៌មាន Fichajes បានរាយការណ៍ថា Barcelona ចង់ទាក់ទងយកគេមកជំនួសអ្នកចាំទី Marc-Andre ter Stegen ដៃទី១ ដែលកំពុងមានអនាគតស្រពេចស្រពិលនៅឯទឹកដី Camp Nou ។ ក្រៅពី Kepa គឺ Barcelona ក៏បានចុចយក អ្នកចាំទី Gianluigi

ខ្សែបម្រើ Christopher Nkunku របស់ក្រុម RB Leipzig អាចបន្តអាជីពនៅអង់គ្លេសជាមួយក្រុមតោខៀវ Chelsea ។ យោងតាមសារព័ត៌មាន Independent អ្នកចាត់ការទូទៅរបស់ក្រុមតោខៀវ Chelsea លោក Thomas Tuchel ចាប់អារម្មណ៍ក្នុងការចុះហត្ថលេខាជាមួយកីឡាករសញ្ជាតិបារាំងរូបនេះដែលធ្លាប់បានធ្វើការក្រោមការគ្រប់គ្រងរបស់លោកកាលនៅក្លឹប Paris Saint-Germain ។ ទោះយ៉ាងណាក្រុមនៅទីក្រុងឡុងដ៍នឹងត្រូវប្រឈមមុខនឹងការប្រកួតប្រជែងខ្លាំងពីក្រុមយក្សបាល់ទាត់ដូចជា Real Madrid និង Manchester City ដែលកំពុងចាប់អារម្មណ៍ទៅលើខ្សែបម្រើវ័យ ២៣ ឆ្នាំរូបនេះផងដែរ ។ តាមវេបសាយ៍ទិញដូរកីឡាករ Transfermarkt បានវាយតម្លៃដល់ការផ្ទេរកីឡាករវ័យក្មេងរបស់បារាំងក្នុងតម្លៃ ៤៣ លានអឺរ៉ូ។ ក្នុងរដូវកាលនេះ Nkunku បានបង្ហាញខ្លួន ១០ ដងឲ្យក្លឹប RB Leipzig ដោយស៊ុតបញ្ចូលទីបាន ៩ គ្រាប់ក្នុងការប្រកួតទាំងអស់៕

អ្នកចាត់ការទូទៅក្លិប Chelsea លោក Thomas Tuchel បានលើកឡើងថា មានតែ Mateo Kovacic និង Mason Mount ប៉ុណ្ណោះដែលលេងយល់ចិត្តគ្នាជាងគេជាមួយ Romelu Lukaku។ ជាការពិតណាស់ កាលពីដើមរដូវកាល កីឡាករសញ្ជាតិប៊ែលហ្សិកខាងលើ បានសម្រេចចិត្តចាកចេញពី Inter Milan ដើម្បីវិលត្រឡប់មកកាន់ Chelsea វិញក្នុងតម្លៃខ្លួន ៩៧.៥លានផោន (ឬប្រមាណ១៣២លានដុល្លារ) ហើយ រូបគេអាចរកគ្រាប់បាល់បានសរុបចំនួនបួនគ្រាប់ហើយ។ លោក Tuchel បាននិយាយថា៖ ខ្ញុំគិតថាបាល់ទាត់ក្នុងពេលបច្ចុប្បន្ននេះ គឺ អាស្រ័យទៅលើការទាក់ទងគ្នា។ Lukaku គាត់មានទំនាក់ទំនងល្អនៅលើទីលានជាមួយ Kovacic និង Mount។ ពួកគេតែងតែសម្លឹងរកគ្នីគ្នា និង យល់ចិត្តគ្នាណាស់។ សម្រាប់កីឡាករផ្សេងៗទៀត គឺ គាត់ត្រូវការពេលវេលាដើម្បីសិក្សាពីគ្នាបន្ថែមទៀត ៕