Tag: Xherdan Shaqiri

Liverpool បាន​ប្រកាស ខ្សែ​បម្រើ​ប្រយុទ្ធ Xherdan Shaqiri បំពេញ​ការ​ផ្ទេរ​រួចរាល់​ទៅ​កាន់​ក្លឹប Lyon ក្នុង​ក្របខណ្ឌ Ligue 1។ កីឡាករ​សញ្ជាតិ​ស្វីស​ដែល​ចូលរួម​ជាមួយ Liverpool ផ្លាស់​ពី Stoke ក្នុង​ឆ្នាំ​២០១៩ រក​បាន៨​គ្រាប់​គត់ ក្នុង​ការ​បង្ហាញ​ខ្លួន​៦៣​ប្រកួត​គិត​គ្រប់​កម្មវិធី ក្រោម​ការ​ដឹកនាំ​របស់​លោក Jurgen Klopp។ កីឡាករ​វ័យ​២៩​ឆ្នាំ​​ផ្ទេរ​ទៅ Lyon ក្នុង​តម្លៃ​ខ្លួន​៩,៥​លាន​ផោន។ Shaqiri បាន​យល់​ព្រម​លើ​កុងត្រា​រយៈពេល​៣​ឆ្នាំ ជាមួយ Lyon។ ចំណាយ​ពេល​៣​រដូវ​កាល​ជាមួយ​ហង្សក្រហម Shaqiri ជួយ​ក្រុម​ឈ្នះ Premier League, Champiosn League, FIFA Club World Cup និង UEFA Super Cup៕

យោងតាមការចុះផ្សាយរបស់ Gianluca Di Marzio ខ្សែបម្រើស្លាបរបស់ក្លិបហង្សក្រហម Liverpool កីឡាករ Xherdan Shaqiri បានកំពុងក្លាយជាប្រធានបទដែលទទួលបានការចាប់អារម្មណ៍ពីសំណាក់ក្លឹប AS Roma  ។ ក្លិប Liverpool និង Roma បានបើកកិច្ចពិភាក្សារួចហើយអំពីការផ្ទេរដែលអាចទៅរួចដោយក្រុមកំពុងឈរនៅកំពូលតារាងនៃក្របខណ្ឌ Premier League សុខចិត្តអនុញ្ញាតឱ្យកីឡាករអន្តរជាតិស្វីសវ័យ ២៨ឆ្នាំរូបនេះចាកចេញក្នុងកិច្ចព្រមព្រៀងខ្ចីជើង ។ ក្រុមយក្សនៃក្របខណ្ឌ Serie A បានបង្វែរការចាប់អារម្មណ៍របស់ពួកគេទៅលើ Shaqiri បន្ទាប់ពីបានបាត់បង់គោលដៅសំខាន់ គឺកីឡាករ Matteo Politano ដែលបានផ្ទេរទៅកាន់ក្រុម Inter Milan ខណៈដែលពួកគេកំពុងសម្លឹងមើលកីឡាករមកជំនួសខ្សែបម្រើកំពុងទទួលរបួស Nicolo Zaniolo ។ សូមជម្រាបឱ្យដឹងថា អតីតខ្សែបម្រើឆ្នើមរបស់ក្លឹប Bayern Munich និង Inter Milan កីឡាករ Xherdan Shaqiri បានផ្ទេរមកកាន់ក្លឹប Liverpool ពីក្លឹប Stoke City កាលពីឆ្នាំ២០១៨