Tag: Youri Tielemans

យោងតាមសេចក្ដីរាយការណ៍ពីអ្នកកាសែតល្បីឈ្មោះ Fabrizio Romano បានឲ្យដឹងថា​ ខ្សែបម្រើក្រុម​ Leicester City កីឡាករ Youri Tielemans បានសម្រេចចិត្ត មិនបន្តកុងត្រាថ្មីជាមួយក្លិប។ Tielemans បានបង្ហាញទម្រង់លេងលេចធ្លោ កាលពីមកលេងខ្ចីជើងឲ្យ Leicester កាលពីខែមករាឆ្នាំ២០១៩ ខណៈ៦ខែក្រោយមក រូបគេត្រូវបាន​ក្រុមរហស្សនាមកញ្ជៀងខៀវទិញផ្ដាច់ក្នុងតម្លៃ៤០លាន​ផោន (ឬប្រមាណ ៥៤លានដុល្លារ) ដោយគិតមកទល់ពេលនេះ ខ្សែបម្រើសញ្ជាតិប៊ែលហ្សិក បង្ហាញខ្លួនបាន១៣៥ប្រកួត។ Tielemans ជាតួឯកសំខាន់ សម្រាប់ការប្រកួតពានរង្វាន់ FA Cup វគ្គផ្ដាច់ព្រ័ត្រ កាលពីរដូវកាលមុន ដោយគ្រាប់បាល់តែ១គត់របស់គេ បានជួយ Leicester លើកពាន។ ដោយសារតែ Tielemans បានសាងគុណសម្បតិ្តធំធេងដូចនេះ ដូច្នេះទើប​ Leicester ស្រែកឃ្លាន ក្នុងការបន្តកុងត្រាថ្មីឲ្យរូបគេ។ គួរបញ្ជាក់ដែរថា កុងត្រារបស់ខ្សែបម្រើវ័យ២៤ឆ្នាំខាងលើ នៅសល់សុពលភាពមិនដល់១៨ខែទៀតនោះទេ ខណៈរូបគេ កំពុងមានដំណឹងលេចឮពាក់ព័ន្ធជាមួយក្លិបធំៗដូចជាបិសាចក្រហម Manchester United ហង្សក្រហម Liverpool កាំភ្លើងធំ Arsenal និង Bayern

ខ្សែប្រយុទ្ធក្រុម Liverpool កីឡាករ Mohamed Salah ត្រូវបានជ្រើសរើសជាកីឡាករឆ្នើមប្រចាំក្របខ័ណ្ឌ Premier League សម្រាប់ខែតុលា នេះបើយោងតាមគេហទំព័រផ្លូវការរបស់លីកបានចុះផ្សាយ។ ដោយចាប់ផ្តើមជាមួយនឹងការខិតខំប្រឹងប្រែងជាបុគ្គលដ៏អស្ចារ្យប្រឆាំងនឹងក្រុម Manchester City នៅកីឡដ្ឋាន Anfield កីឡាករសញ្ជាតិអេហ្ស៊ីបរូបនេះបានស៊ុតបញ្ចូលទីបាន 5 គ្រាប់ និងបញ្ជូនឲ្យមិត្តរួមក្រុមស៊ុតបញ្ចូលទីបាន 4 ដងសម្រាប់ក្រុម Liverpool កាលពីខែមុន។ នេះជាលើកទី 4 ហើយដែលខ្សែប្រយុទ្ធវ័យ 29 ឆ្នាំរូបនេះទទួលបានពានរង្វាន់ និងជាលើកដំបូងរបស់គេចាប់តាំងពីខែមីនា 2018 មក។ តារាឆ្នើមសញ្ជាតិអេហ្ស៊ីបរូបនេះបានឈរនៅលើកំពូលតារាងកីឡាករទាំង 8 ដែលរួមមាន Ben Chilwell (Chelsea), Phil Foden (Manchester City), Maxwel Cornet (Burnley), Tino Livramento (Southampton), Aaron Ramsdale (Arsenal), Declan Rice (West Ham United