Tag: Zlatan Ibrahimovic

កំពូល​ភ្នាក់ងារ​បាល់ទាត់​ដ៏​ល្បី Mino Raiola បាន​ចេញ​មក​បដិសេធ​ចំពោះ​ព័ត៌មាន​​ចុះ​ផ្សារ​ថា​ លោក​បាន​ស្លាប់​ដោយ​សារ​តែ​ជំងឺ​កាល​ពី​យប់​មិញ។ សារព័ត៌មាន​ប្រទេស​អ៊ីតាលី​​បាន​ចុះ​ផ្សាយ​ខុស​ថា Raiola វ័យ​៥៤​ឆ្នាំ​បាន​ស្លាប់​ បន្ទាប់​មក​​រឿងរ៉ាវ​នេះ​ត្រូវ​បាន​កាសែត​ជុំវិញ​ពិភពលោក​បាន​ចុះ​ផ្សាយ​បន្ត។ សូម្បី​តែ​ក្លឹប Real Madrid ក៏​បាន​ផ្ញើ​សារ​ចូលរួម​រំលែកទុក្ខ​ផង​ដែរ ក្រោយ​ព័ត៌មាន​ក្លែងក្លាយ​​នេះ​​បាន​ផ្ទុះ​ឡើង។ យ៉ាងណាមិញ Raiola សាមី​ខ្លួន​បាន​​ចេញ​សារ​បដិសេធ​​ព័ត៌មាន​​ខាង​លើ​ពី​​លើ​គ្រែ​នៅ​មន្ទីរពេទ្យ។ តាម​ការ​ឲ្យ​ដឹង Raiola មាន​​បញ្ហា​ជំងឺ​​សួត កំពុង​សម្រាក​នៅ​មន្ទីរពេទ្យ។ សូម្បី​តែ​គ្រួសារ​និង​មិត្តភ័ក្ដិ​របស់ Raiola ក៏​បាន​ចេញ​មក​បដិសេធ​​អំពី​ដំណឹង​ស្លាប់​នេះ​ដែរ។ Raiola ជា​ភ្នាក់ងារ​របស់​កីឡាករ​ល្បី​ៗ​ជា​ច្រើន​ដូច​ជា​ Zlatan Ibrahimovic, Paul Pogba, Erling Haaland, Marco Verratti, Moise Kean, Henrikh Mkhitaryan, Gianluigi Donnarumma, Mario Balotelli និង​កំពូល​កីឡាករ​ជា​ច្រើន​រូប​ទៀត​៕

លោក​ Mino Raiola កំពូល​ភ្នាក់ងារ​កីឡាករ​ប្រចាំ​បាល់ទាត់​អឺរ៉ុប​ដ៏​មាន​ឥទ្ធិពល​មួយ​រូប​ បាន​បាត់​បង់​ជីវិត​នៅ​វ័យ​៥៤ឆ្នាំ​ ដោយ​សារ​តែ​បញ្ហា​សុខភាព​។ នេះ​បើ​យោង​ Mirror ។ លោក​ជា​ភ្នាក់ងារ​កីឡាករ​បស់​ Zlatan Ibrahimovic, Paul Pogba, Erling Haaland, Marco Verratti, Moise Kean, Henrikh Mkhitaryan, Gianluigi Donnarumma, Mario Balotelli និង​កំពូល​កីឡាករ​ជា​ច្រើន​រូប​ទៀត​។ បើ​តាម​សារព័ត៌មាន​ជា​ច្រើន​នៅ​ប្រទេស​អ៊ីតាលី​គឺ​លោក​បាន​ស្លាប់​ដោយ​សារ​តែ​ជំងឺ​សួត​ ដោយ​លោក​ធ្លាប់​ចូល​បន្ទប់​វះកាត់​ព្យាបាល​ម្ដង​រួច​មក​ហើយ​កាល​ពី​ខែ​មករា​ ឆ្នាំ​២០២២​ ប៉ុន្តែ​ព័ត៌មាន​មួយ​នេះ​មិន​បាន​ទម្លាយ​នៅ​ពេល​នោះ​ឡើយ​។ គួរ​បញ្ជាក់​ផង​ដែរ​ថា​ លោក​ Mino Raiola ចាប់​ផ្ដើម​អាជីព​ជា​ភ្នាក់ងារ​កីឡាករ​នេះ​ចាប់​តាំង​ពី​ឆ្នាំ​១៩៩៣រហូត​មក​ ដោយ​លោក​មាន​ភាព​ជោគជ័យ​នៅ​ក្នុង​អាជីព​នេះ​ខ្លាំង​ និង​មាន​មជ្ឈដ្ឋាន​បាល់ទាត់​ទទួល​ស្គាល់​៕

ក្រុម​ជម្រើស​ជាតិ​ស៊ុយអែត​បាន​បាត់​ឱកាស​ទៅ​លេង​ប្រកួត​ World Cup 2022 នៅ​ឯ​ប្រទេស​កាតា​ ក្រោយ​ក្រុម​ជម្រើសជាតិ​ប៉ូឡូញ​បាន​ទម្លាក់​ដោយ​យក​ជ័យជំនះ​ក្នុង​លទ្ធផល​ ២-០ នៅ​ក្នុង​ថ្ងៃ​នេះ​ក្នុង​វគ្គ​ជម្រុះ​ Play-off ។ ទោះ​ជា​​មិន​ទៅ​ប្រកួត​​ក្នុង​ព្រឹត្តិការណ៍​ធំ​មួយ​នេះ​ប៉ុន្តែ​ ខ្សែ​ប្រយុទ្ធ​ Zlatan Ibrahimovic បាន​ឆ្លើយ​តប​ក្នុង​លក្ខណៈ​វិជ្ជមាន​ទៅ​សារព័ត៌មាន​ Metro ដែល​បាន​សួរ​គេ​ក្រោយ​ប្រកួត​ចាញ់​ហើយ​ថា​ គេ​នឹង​បន្ត​លេង​​ឲ្យ​ក្រុមជម្រើសជាតិ​ស៊ុយអែត​ទៀត​ឬ​យ៉ាង​ណា​។ Zlatan បាន​ឆ្លើយ​ថា​៖” ខ្ញុំ​សង្ឃឹម​ថា​នឹង​បាន​បន្ត​លេង​ឲ្យ​​ទៀត​។ ឲ្យ​តែ​ខ្ញុំ​នៅ​មាន​សុខភាព​អាច​លេង​កើត​ ខ្ញុំ​នឹង​នៅ​តែ​បន្ត​លេង​ និង​បន្ត​ជួយ​ក្រុម​នេះ​ទៀត​ “។ គ្រូ​បង្គោល​ក្រុម​ជម្រើសជាតិ​ស៊ុយអែត​ លោក​ Janne Andersson ក៏​​ស្វាគមន៍​ Zlatan ផង​ដែរ​ថា​ ឲ្យ​តែ​គេ​នៅ​ចង់​បន្ត​ និង​មាន​សុខភាព​ទៅ​រួច​ គេ​នឹង​នៅ​តែ​អាច​ជួយ​ក្រុម​លោក​អញ្ចឹង​។ នៅ​ខែ​តុលា ឆ្នាំ​២០២២ខាង​មុខ​ Zlatan នឹងមាន​វ័យ​ ៤១ឆ្នាំ​ហើយ​ ដោយ​កីឡាករ​នេះ​បាន​ចូល​ជួយ​ក្រុម​ជម្រើស​ជាតិ​របស់​ខ្លួន​តាំង​ពី​ឆ្នាំ​២០០១ មក​ដោយ​ចូល​លេង​បាន​ ១២១ប្រកួត​ និង​រក​បាន​៦២គ្រាប់​។ Zlatan ធ្លាប់​បង្ហាញ​ខ្លួន​នៅ World Cup លើក​ចុង​ក្រោយ​បំផុត​នៅ​ឆ្នាំ​២០០៦៕

ខ្សែ​ការពារ​ Giorgio Chiellini បាន​ធ្វើ​ការ​សម្ភាសន៍​ជា​នឹង​អ្នកកាសែត​នៅ​ក្នុង​ថ្ងៃ​នេះ​ និយាយ​ពី​ទំនាក់ទំនង​គេ​រវាង​ ខ្សែ​ប្រយុទ្ធ​ Zlatan Ibrahimovic កន្លង​មក​រហូត​មក​ទល់នឹង​ពេល​នេះ​។ Chiellini បាន​និយាយ​ថា​៖” កាល​ពី​អតីត​កាល​សត្រូវ​ដ៏​ខ្លាំង​បំផុត​សម្រាប់​ខ្ញុំ​គឺ​ Ibrahimovic នេះ​ហើយ​។ គិត​ទៅ​ គេ​អត់​សំណាង​ដែល​លេង​ក្នុង​ពេល​ Cristiano Ronaldo និង​ Lionel Messi កំពុង​ឡើង​ជើង​ខ្លាំង​រហូត​មក​ អញ្ចឹង​ហើយបើ​អត់​​មាន​ពួក​គេ​ Ibra ច្បាស់ណាស់​​ឈ្នះ​ពាន​ Ballon d’Or មួយ​ចំនួន​មិន​ស្ទើរ​ទេ​ “។ ក្នុង​ការ​សម្ភាសន៍​ជា​មួយ​អ្នកកាសែត​នេះ​ Ciellini ក៏​បាន​និយាយ​បែប​លេង​សើច​ពី​អនាគត​នៃ​ការ​ចូល​និវត្តន៍​ពី​កីឡាករ​បាល់ទាត់​របស់​គេ​ ដោយ​នឹង​ធ្វើ​ការ​សម្រេច​ជា​មួយ​ Zlatan ហើយ​នឹងមក​សម្ភាសន៍​ជា​មួយ​សារព័ត៌មាន​​តែ​ម្ដង​៕

ខ្សែប្រយុទ្ធចាស់វស្សា Zlatan Ibrahimovic បានចេញមុខសរសើរតារាឆ្នើមរបស់ Paris Saint-Germain កីឡាករ Marco Verratti មិនដាច់ពីមាត់, ក្នុងនោះគាត់បានលើកឡើងថា ខ្សែបម្រើសញ្ជាតិ អ៊ីតាលី រូបនេះមានដុងជាមួយការលេងតួនាទីជាខ្សែបម្រើតាំងពីកំណើត ហើយគាត់ពិតជាពូកែគ្រប់គងបាល់ខ្លាំងណាស់ និងមិនងាយធ្វើឱ្យរបូតបាល់ឡើយ។ ជាការពិតណាស់ Zlatan ក៏ធ្លាប់ជាមិត្តរួមក្រុមរបស់ Verratti ផងដែរ កំលុងពេលគាត់ស្នាក់នៅទឹកដី Parc des Princes រយៈពេល ៤ ឆ្នាំ ។ ហើយក្រោយមកខ្សែប្រយុទ្ធសញ្ជាតិ ស៊ុយអែត ក៏បានផ្លាស់ទៅចូលរួមជាមួយ Man UTD, LA Galaxy និងបច្ចុប្បន្នកំពុងតែរួមរស់ជាមួយអតីតក្លិបចាស់ AC Milan ខណៈ Verratti វិញ ឥឡូវរូបគេកំពុងបន្តអាជីពជាមួយក្រុមអ្នកមានបារាំងនៅឡើយទេ។ Zlatan បានលើកឡើងពី Verratti យ៉ាងដូច្នេះថា៖ “ Verratti ជាអ្នកដែលមានតួនាទីគ្រប់គ្រងការប្រកួត គាត់ពូកែគ្រប់គ្រងបាល់ គាត់មិនងាយធ្វើឱ្យបាត់បាល់ គាត់មិនភ័យខ្លាចនៅក្នុងការលេង។ គាត់មានសមត្ថភាពជាមួយការលេងជាខ្សែបម្រើតាំងពីធម្មជាតិ”៕

ខ្សែប្រយុទ្ធវ័យជ្រេរបស់ក្លិប AC Milan កីឡាករ Zlatan Ibrahimovic ថា​ បើគេជា Kylian Mbappe គេនឹងផ្លាស់ទៅលេងនៅ Real Madrid វិញហើយ។ ជាការពិតណាស់ អនាគតរបស់ Mbappe នៅ Paris Saint Germain គឺកំពុងតែមានភាពស្រពិចស្រពិល ដោយកុងត្រារបស់គេ នៅសល់ប្រមាណជា ៦ខែទៀត ប៉ុណ្ណោះ ហើយពុំទាន់មានដំណឹងថា គេត្រូវបន្តកុងត្រាទៀត ឬ អត់នោះទេ ស្របពេលដែលក្លិប​​ Real Madrid នៅតែខំដុតដៃ ដុតជើងតាមប្រមាញ់រូបគេដដែល។ Zlatan បាននិយាយថា៖ “រឿងអនាគតរបស់ Mbappe ទាល់តែសួរ Mbappe ខ្លួនឯងផ្ទាល់បានដឹងច្បាស់ ព្រោះវាពឹងលើ ការគិត និង បំណងរបស់គេ។ យ៉ាងណាមិញ បើមានថ្ងៃណាមួយគេមកសួរខ្ញុំ ខ្ញុំនឹងប្រាប់គេថាបើខ្ញុំជាគេខ្ញុំនឹងផ្លាស់ទៅ Real Madrid ហើយព្រោះខ្ញុំបានលេងនៅក្លិបច្រើនប្រទេសហើយ ហើយមានតែវិធីនេះទេ ដែលជួយបង្រៀនខ្ញុំឲ្យយល់ដឹងពីបាល់ទាត់ច្រើន ព្រោះបើយើងលេងនៅតែទឺកដីកំណើតខ្លួនឯងវាគ្មានអ្វីដែលថ្មីនោះទេ”៕

លោក Adrian Mutu បានទម្លាយថា នៅយប់មួយ Zlatan Ibrahimovic បានធ្លាប់មកដាស់គាត់ទាំងយប់ ដោយសារយល់សប្តិឃើញកីឡាករ Cristiano Ronaldo លេងបាល់ល្អជាងគាត់។ ជាការពិតណាស់ លោក Mutu បច្ចុប្បន្នជាអ្នកចាត់ការរបស់ក្លិប FC U Craiova នៃលីគប្រទេស រ៉ូម៉ានី ហើយលោកធ្លាប់ជាមិត្តល្អ និងជាមិត្តរួមក្រុមរបស់ Zlatan នៅ Juventus។ ប៉ុន្តឥឡូវនេះខ្សែប្រយុទ្ធសញ្ជាតិ ស៊ុយអែត នៅបន្តអាជីពជាកីឡាករបាល់ទាត់នៅឡើយទេ ដ្បិតមានវ័យ ៤០ ឆ្នាំទៅហើយក្តី។ លោក Mutu បានមានប្រសាសន៍យ៉ាងដូច្នេះថា៖ “Zlatan គាត់ល្អខ្លាំងណាស់។ ពួកយើងក៏ធ្លាប់គេងក្នុងបន្ទប់រួមគ្នាផងដែរ។ យប់មួយ, គាត់ស្រាប់តែភ្ញាក់ពីគេង។ ហើយគាត់បានមកដាស់ខ្ញុំ និងបានប្រាប់ខ្ញុំថា៖ Adi, ក្រោកឡើង! ខ្ញុំបានយល់សប្តិអាក្រក់។ ខ្ញុំបានយល់សប្តិឃើញ Ronaldo លេងបាល់ល្អជាងខ្ញុំ! ហើយបន្ទាប់មកគាត់ក៏បានត្រឡប់ទៅគេងធម្មតាវិញនៅពេលខ្ញុំនិយាយលួងលោមថា៖ ទេ,ទេ! អ្នកជាកីឡាករល្អបំផុតនៅលើពិភពលោកយើងនេះ! គេងទៅ” ៕

កីឡាករ Zlatan Ibrahimovic បានបង្ហើបឱ្យដឹងថា កំលុងពេលនៅ Manchester United គាត់ត្រូវបានក្លិបពិន័យទឹកប្រាក់ចំនួន ១ ផោន ឬស្មើនឹង (១.៣២ ដុល្លាអាមេរិក) ពីប្រាក់ឈ្នួលរបស់ខ្លួន ដោយសារគាត់បានញ៉ាំទឹកផ្លែឈើមួយកំប៉ុង។ ក្រោយស្នាក់នៅទឹកដី Old Trafford បានរយៈពេល ២ ឆ្នាំខ្សែប្រយុទ្ធវ័យ ៤០ ឆ្នាំបានសារភាពថា Man UTD ដ្បិតជាក្លិបធំនៅលើពិភពលោក ប៉ុន្តែមើលទៅដូចជាចង្អៀតចង្អល់មែនទែន។ Ibrahimovic ហាក់មិនសប្បាយចិត្តទេដែលក្លិបពិន័យលុយផ្ទាល់ខ្លួនរបស់គាត់ ដោយគ្រាន់តែគាត់ញ៉ាំទឹកផ្លែឈើមួយកំប៉ុងនៅសណ្ឋាគារ Mini Bar កំលុងពេលធ្វើដំណើរផ្លូវឆ្ងាយជាមួយ Man UTD។ ដកស្រង់ចេញពីគេហទំព័រ Adrenaline, Zlatan បានទម្លាយឱ្យដឹងថា៖ “រឿងមួយដែលធ្វើឱ្យខ្ញុំភ្ញាក់ផ្អើលមែនទែន៖ គ្រប់គ្នាគិតថា Man UTD គឺជាក្លិបកំពូលមួយ, ជាក្លិបអ្នកមាន និងជាក្លិបដែលមានឥទ្ធិពលនៅលើពិភពលោកយើងនេះ…។ ប៉ុន្តែមានរឿងម្តងនោះ ទើបធ្វើឱ្យខ្ញុំដឹងថាក្លិបមួយនេះពិតជាតូចចង្អៀតខ្លាំងណាស់ ពួកគេគ្មានបើកចិត្តឱ្យទូលាយសោះ។ ថ្ងៃមួយ ខ្ញុំបានស្នាក់នៅសណ្ឋាគារមុនការប្រកួត។ ខ្ញុំស្រែកទឹក, ដូច្នេះខ្ញុំក៏បានទៅញ៉ាំទឹកផ្លែឈើមួយកំប៉ុង។ ជាការពិត, រាល់ដងខ្ញុំមិនដែលមើលក្រដាសបញ្ជាក់ប្រាក់ខែទេ។

ខ្សែ​ប្រយុទ្ធ​ចាស់​វស្សា​ Zlatan Ibrahimovic ​រក​បាន​មួយ​គ្រាប់​កាល​ពី​យប់​មិញ​នេះ ដើម្បី​ជួយ AC Milan យក​ឈ្នះ​ទៅ​លើ​ក្រុម Genoa ៣-០ ក្នុង​ពាន​រង្វាន់​ Serie A សប្ដាហ៍​​ទី​១៥ ។ គិត​ត្រឹម​ពេល​នេះ​បុរស​សញ្ជាតិ​ស៊ុយអែត​ខាង​លើ​វ័យ​៤០​​ហើយ​ ​​ខណៈ​ដែល​​កុង​ត្រា​របស់​ខ្លួន​នឹង​ផុត​នៅ​កក្កដា ឆ្នាំ​២០២២ ខាង​មុខ​នេះ​។ ​ប៉ុន្តែ​ក្រោយ​ពេល​​ធ្វើ​បាន​ល្អ​គេ​​​ក៏​មាន​គំនិត​ចង់​បន្ត​ស្នាក់​នៅ AC ដល់​ ២០២៣ ​ដោយ​បាន​និយាយ​ថា «ខ្ញុំ​ពិត​ជា​រីក​រាយ​​ណាស់​​សម្រាប់​ការ​ធ្វើ​ការ​ជា​មួយ​លោក Pioli អ្នក​ចាត់​ការ​របស់​យើង​។ ប៉ុន្តែ​ឥឡូវ​នេះ​​វា​ដល់​ពេល​ដែល​ត្រូវ​ពង្រីក​កុង​ត្រា​ថែម​ហើយ​ (និយាយ​រួច​ក៏​សើច​) បុរស​ម្នាក់​នេះ​ធ្វើ​ឲ្យ​ខ្ញុំ​រីករាយ​»។ ​​រដូវ​កាលនេះ​ Zlatan រ​ក​បាន​៦​គ្រាប់​ហើយ ​និង​រក​បាន​៣១​ គ្រាប់​ហើយ​ក្នុង​ការ​បង្ហាញ​ខ្លួន​ឲ្យ AC Milan ៤៦ ប្រកួត​គិត​ចាប់​ពី​ការ​ចូល​លេង​​ពី​ឆ្នាំ​២០២០ មក​ដក់​ពេល​នេះ​៕

ក្រុម Fiorentina បានយកឈ្នះលើក្រុម AC Milan ក្នុងលទ្ធផល 4 ទល់នឹង 3 នៅកីឡដ្ឋាន Artemio Franchi កាលពីយប់មិញ ខណៈដែលក្រុម AC Milan បានរងបរាជ័យក្នុងក្របខ័ណ្ឌ Serie A ជាលើកដំបូងរបស់ពួកគេក្នុងរដូវកាលនេះ។ បើទោះបីជាចាញ់ក៏ដោយ ក៏ខ្សែប្រយុទ្ធរបស់ AC Milan កីឡាករ Zlatan Ibrahimovic អាចសម្រេចបាននូវព្រឹត្តិការណ៍ដ៏សំខាន់មួយ ដោយស៊ុតបញ្ចូលទីបានពីរគ្រាប់ និងក្លាយជាកីឡាករវ័យចំណាស់បំផុតទី 3 ក្នុងប្រវត្តិសាស្ត្រដែលស៊ុតបញ្ចូលទីបាននៅ Serie A ដោយមានតែអតីតកីឡាករ Alessandro Costacurta និង Silvio Piola ប៉ុណ្ណោះពេលកន្លងមក។ ការប្រកួតជាមួយក្រុម Fiorentina កីឡាករស៊ុយអែតរូបនេះបានបង្កើតកំណត់ត្រាថ្មីមួយក្លាយជាកីឡាករដែលមាន វ័យចំណាស់បំផុតនៅអាយុ 40 ឆ្នាំ និង 48 ថ្ងៃនៅក្នុងក្របខ័ណ្ឌកំពូលរបស់អ៊ីតាលី ។ នេះជាការស៊ុតបញ្ចូលទី 2 គ្រាប់ឬច្រើនជាងនេះនៅក្នុង ការប្រកួតមួយជាលើកដំបូងក្នុងសតវត្សទី

ក្រុម Paris Saint-Germain បានយកឈ្នះលើក្រុម Bordeaux ក្នុងលទ្ធផល 3 ទល់នឹង 2 ជាមួយនឹងកីឡាករ Neymar Junior ស៊ុតបញ្ចូលទីបាន 2 គ្រាប់។ ខ្សែ​ប្រយុទ្ធ​សញ្ជាតិ​ប្រេស៊ីល​បាន​សម្រេច​​ជោគជ័យ​សំខាន់​មួយ​ក្នុង​ការ​ចុះ​បញ្ជី​លេខគ្រាប់ទី​ 400 និង​ 401 ក្នុង​អាជីព​របស់ខ្លួនកាល​ពី​យប់​មិញ។ នេះបើយោងតាមស្ថិតិរបស់ ESPN បញ្ជាក់ថា កីឡាករវ័យ 29 ឆ្នាំរូបនេះអាចស៊ុតបាន 90 គ្រាប់សម្រាប់ក្លឹបបច្ចុប្បន្នរបស់គាត់នៅក្នុងការប្រកួតទាំងអស់ ថែមទាំងស៊ុតបញ្ចូលទីបាន 136 គ្រាប់នៅ Santos, 105 គ្រាប់នៅ Barcelona និង 70 គ្រាប់ទៀតសម្រាប់ក្រុមជម្រើសជាតិរបស់គាត់ ។ លើសពីនេះ Neymar បានតាមស្មើចំនួន 90 គ្រាប់របស់ Angel Di Maria សម្រាប់ក្រុមបារាំង PSG នឹងក្លាយជាអ្នកស៊ុតបញ្ចូលទីច្រើនជាងគេទី 5 នៅក្លឹប Paris Saint-Germain ។

ក្រុម AC Milan បានផ្តួលក្រុម Roma ក្នុងលទ្ធផល 2 ទល់នឹង 1 នៅកីឡាដ្ឋាន Olimpico កាលពីថ្ងៃអាទិត្យជាមួយនឹងកីឡាករ Zlatan Ibrahimovic បានស៊ុតបាល់បញ្ចូលទីគ្រាប់ដំបូងរបស់ក្រុម AC Milan នៅយប់នេះ ពីការស៊ុតបាល់ហ្វ្រីឃីកដ៏អស្ចារ្យ។ ខ្សែ​ប្រយុទ្ធ​ស៊ុយអែត​រូប​នេះ​បាន​សម្រេច​បាន​គ្រាប់​បាល់​ចំនួន​ ៤០០ ​ក្នុង​លីក​ក្នុង​ស្រុក​ជាមួយ​នឹង​គ្រាប់​បាល់​ដំបូង​សម្រាប់​ក្រុម Malmo កាល​ពី 22 ឆ្នាំ​មុនកាលពី​ខែ​តុលា ឆ្នាំ 1999។ នេះបើតាម Opta Sports រាយការណ៍អំពី Ibrahimovic ដែលទើបតែមានអាយុ 40 ឆ្នាំអាចរកគ្រាប់បាល់បានចំនួន 150 គ្រាប់ក្នុងលីក Serie A ក្នុងនោះ 23 គ្រាប់លេងឲ្យក្រុមសេះបង្កង់ Juventus រីឯ 57 គ្រាប់ក្នុងការលេងឲ្យក្រុម Inter Milan និង 70 គ្រាប់ជាមួយក្រុម AC Milan នេះផ្ទាល់តែម្ដង។

ក្រុម AC Milan បានយកឈ្នះលើក្រុម Bologna ក្នុងលទ្ធផល 4 ទល់នឹង 2 នៅកីឡដ្ឋាន Renato Dall’Ara កាលពីយប់មិញ។ Zlatan Ibrahimovic ដែលមានអាយុ 40 ឆ្នាំបានស៊ុតបញ្ចូលទីចុងក្រោយរបស់ក្រុម AC Milan ក្លាយជាអ្នកស៊ុតបញ្ចូលទីចាស់បំផុតនៅ Serie A ទី ៤ ក្នុងប្រវត្តិសាស្ត្រ។ នេះបើយោងតាម Opta Sports មានកីឡាករតែ 3 នាក់ប៉ុណ្ណោះដែលអាចរកគ្រាប់បាល់បាននៅលីគកំពូលអ៊ីតាលីបន្ទាប់ពីអាយុ 40 ឆ្នាំគឺ Silvio Piola (40 ឆ្នាំ 131 ថ្ងៃ), Pietro Vierchowod (40 ឆ្នាំ 47 ថ្ងៃ) និង Alessandro Costacurta (41 ឆ្នាំ 25 ថ្ងៃ) ។ លើសពីនេះ

លោក Mino Raiola ភ្នាក់ងាររបស់កីឡាករ Zlatan Ibrahimovic បានឲ្យដឹងថាខ្សែប្រយុទ្ធក្រុម AC Milan រូបនេះ ចង់ក្លាយជាអ្នកគ្រប់គ្រងក្លិប បន្ទាប់ពីចូលនិវត្ដន៍ពីអាជីពបាល់ទាត់។ លោក Raiola បានក្លាយជាភ្នាក់ងាររបស់ Zlatan មួយរយៈមកហើយ និងបានដឹងពីបំណងដែលកីឡាករសញ្ជាតិស៊ុយអ៊ែត វ័យ៣៩ឆ្នាំរូបនេះចង់ធ្វើនៅថ្ងៃអានាគតផងដែរ។ ទោះជាយ៉ាងណា លោកបញ្ជាក់ថា កីឡាកររូបនេះនៅតែបន្ដអាជីពជាកីឡាករដដែល រហូតដល់ថ្ងៃណាមួយគាត់លែងជាកីឡាករសំខាន់សម្រាប់ក្រុម ដែលគាត់លេង។ លោក Raiola បាននិយាយថា៖ យើងនឹងឃើញអ្វីដែល Zlatan ចង់ធ្វើនៅខែមិថុនា។ គាត់តែងតែសម្រេចចិត្ដពីមួយឆ្នាំទៅមួយឆ្នាំ ដោយគ្មានការសម្រេចចិត្ដបែបបន្ទាន់ណាឡើយ។ ប្រាកដណាស់ នៅថ្ងៃដែលគាត់គិតថាខ្លួនគាត់លែងជាកីឡាករសំខាន់សម្រាប់ក្លិប គាត់នឹងចូលនិវត្ដន៍ ហើយចាប់ផ្ដើមទំព័រជីវិតថ្មី ជាអ្នកគ្រប់គ្រងក្លិប៕

ខ្សែប្រយុទ្ធចាស់វស្សា Zlatan Ibrahimovic បានខកខានការប្រកួតបើករដូវកាលនៅ Serie A ឱ្យក្រុម AC Milan ចំនួន ២ ប្រកួតមកហើយ ដោយសារបញ្ហារបួស, ប៉ុន្តែគាត់នឹងអាចត្រឡប់មកចូលរួមប្រកួតវិញបាននៅពាក់កណ្តាលខែ កញ្ញា នេះ។ ទោះបីជាយ៉ាងណាក៏ដោយ មកដល់ពេលនេះខ្សែប្រយុទ្ធសញ្ជាតិ ស៊ុយអែត គឺទទួលបានភាពធូរស្រាលមកវិញបានគួរសមខ្លះហើយ, តួយ៉ាងថ្មីៗនេះ លោកទើបតែបានបង្ហោះវីដេអូមួយនៅលើបណ្តាញសង្គមអំពីការហ្វឹកហាត់របស់លោក ដែលមានទៅវាពិតជាអស្ចារ្យដូចកំពុងនៅលើទីលានអ៊ីចឹង៕

ខ្សែប្រយុទ្ធ Zlatan Ibrahimovic របស់ក្លិប AC Milan នឹងខកខានការប្រកួតនៅ Serie A ដែលនៅសល់ទាំងអស់របស់ក្រុមក្នុងរដូវកាល ។ ខ្សែប្រយុទ្ធវ័យ ៣៩ ឆ្នាំរូបនេះបានរងរបួសជង្គង់នៅពេលក្រុម AC Milan យកឈ្នះលើក្រុម Juventus ក្នុងលិទ្ធផល ៣ ទល់នឹង ០ កាលពីថ្ងៃទី ៩ ខែឧសភាសប្ដាហ៍មុន ។ ដែលបង្ខំចិត្តអោយគាត់ផ្លាស់ប្ដូរចេញនៅពាក់កណ្តាលតង់ទីពីរ ។ លោក Stefano Pioli អ្នកចាត់ការរបស់ក្រុម AC Milan និយាយក្រោយការប្រកួតថាលោករំពឹងថាខ្សែប្រយុទ្ធសញ្ជាតិស៊ុយអែតរូបនេះនឹងត្រូវជាសះស្បើយសារជាថ្មីម្តងទៀតនៅពេលការប្រកួតចុងក្រោយរវាងក្រុម Juventus នឹងប៉ះគ្នាជាមួយក្រុម Atalanta ក្នុងការដណ្តើមពានរង្វាន់ Coppa Italia វគ្គផ្ដាច់ព្រ័ត្រនៅថ្ងៃទី ២០ ខែឧសភា ឆ្នាំ ២០២១ ខាងមុខនេះ ។ ទោះបីជាយ៉ាងណាក៏ដោយយោងទៅតាមគេហះទំព័រ La Gazzetta dello Sport ការជាសះស្បើយរបស់ Ibrahimovic

ខ្សែប្រយុទ្ធវ័យ ៣៩ឆ្នាំ Zlatan Ibrahimovic គ្រោងនឹងចុះកុងត្រាថ្មីជាមួយ AC Milan នៅល្ងាចនេះដែលតាមសេចក្តីរាយការណ៍បានឲ្យដឹងថាកិច្ចសន្យាថ្មីនេះមានតម្លៃ ៧.៥ លានផោនក្នុងមួយរដូវបូកនឹងការលើកទឹកចិត្ត។ កិច្ចសន្យាចាស់នឹងផុតកំណត់នៅថ្ងៃទី ៣០ ខែមិថុនា ឆ្នាំ ២០២១ នេះ ។ យោងតាមរបាយការណ៍ទាំងអស់ត្រូវបានគេរំពឹងថានឹងត្រូវប្រកាសនៅរាត្រីនេះនៅ Casa Milan ។ ជាមួយនឹងពាក្យស្លោកៈតើមានអ្វីកើតឡើង? ប្រាក់ខែរបស់ Ibrahimovic នឹងត្រូវបានកើនឡើងពី ៧ លានផោនដល់ ៧.៥ លានផោនក្នុងមួយរដូវនេះបើយោងតាម Sky Sport Italia, Tuttomercatoweb និងប្រភពដទៃទៀត។ នឹងមានការលើកទឹកចិត្តមួយចំនួនដែលជាប់ទាក់ទងនឹងលទ្ធផលរបស់កីឡាករចាស់វស្សា Ibrahimovic នេះផងដែរ។

ខ្សែប្រយុទ្ធសញ្ជាតិស៊ុយអ៊ែតរបស់ក្លិប AC Milan គឺកីឡាករ Zlatan Ibrahimovic នឹងចុះកុងត្រាថ្មីជាមួយក្លឹបរយះពេល ១រដូវកាលទៀត ។ ភាគីទាំងពីរបានឯកភាពលើការបន្តកិច្ចសន្យាមួយឆ្នាំចំពោះកិច្ចព្រមព្រៀងនេះ។ ក្លិប AC បានចរចាជាមួយខ្សែប្រយុទ្ធស៊ុយអ៊ែតអស់រយៈពេលជាច្រើនសប្តាហ៍ហើយបានឈានដល់កិច្ចព្រមព្រៀងមួយក្នុងរយៈពេលប៉ុន្មានថ្ងៃខាងមុខនេះ។ ព័ត៌មានលម្អិតចុងក្រោយនៃកិច្ចព្រមព្រៀងឥឡូវនេះកំពុងត្រូវបានយល់ព្រម។ គេរំពឹងថាការចុះកុងត្រាថ្មីជាមួយកីឡាករបាល់ទាត់វ័យ ៣៩ ឆ្នាំរូបនេះនឹងត្រូវប្រកាសជាផ្លូវការនាពេលខាងមុខនេះ។ Ibrahimovic រកបាន ១៥ គ្រាប់ក្នុង ១៦ ប្រកួតនៅរដូវកាល Serie A នេះ។