លោក​ Erik Ten Hag អ្នកចាត់ការ​ក្លឹប​ Manchester United បាន​និយាយ​នៅ​ក្នុង​ថ្ងៃ​នេះ​ថា​ ខ្សែ​ប្រយុទ្ធ​ Cristiano Ronaldo គឺ​មិន​សម្រាប់​លក់​នោះ​ទេ​ ហើយ​អវត្តមាន​របស់​គេ​គឺ​ដោយ​សារ​តែ​ធុរៈ​ផ្ទាល់​ខ្លួន​។

Erik Ten Hag នឹង​ Cristiano Ronaldo
Erik Ten Hag នឹង​ Cristiano Ronaldo

លោក​ Ten Hag បាន​និយាយ​ថា​៖” គេ​មិន​បាន​មក​លេង​ Pre-Season ជា​មួយ​យើង​នេះ​គឺ​ដោយ​សារ​តែ​ធុរៈ​ផ្ទាល់​ខ្លួន​របស់​គេ​។ Cristiano គឺ​មិន​សម្រាប់​លក់​នោះ​ទេ​។ គេ​ស្ថិត​ក្នុង​ផែនការ​របស់​យើង​។ យើង​ចង់​​ជោគជ័យ​ទាំង​អស់​គ្នា​ “។

លោក​បាន​បន្ត​ថា​៖” ខ្ញុំ​ធ្លាប់​គ្នា​ជា​មួយ​ Ronaldo គឺ​ថា​យើង​មាន​ចំណុច​ត្រូវ​គ្នា​ច្រើន។​ អ្វី​ដែល​ខ្ញុំ​អាច​បញ្ជាក់​បាន​ពី​ការ​និយាយ​គ្នា​របស់​ខ្ញុំ​និង​ Ronaldo គឺ​ថា​ យើង​មាន​កិច្ច​សន្ទនា​ដ៏​ល្អ​មួយ​គឺ​មាន​ចំណុច​ត្រូវ​គ្នា​ច្រើន​ “។

គួរ​បញ្ជាក់​ផង​ដែរ​ថា​ កាល​ពី​ពេល​ថ្មីៗ​នេះ​ Ronaldo ត្រូវ​បាន​សារព័ត៌មាន​ជា​ច្រើន​ចុះ​ផ្សាយ​ថា​ចង់​ចាកចេញ​ពី​ Man Utd ដោយ​ចង់​ទៅ​លេង​ឲ្យ​ក្លឹប​មាន​កៅអី​ប្រកួត​ Champions League ដោយ​នៅ​ខណៈ​នេះ​គឺ​កំពុង​ឲ្យ​លោក​ Jorge Mendes ភ្នាក់ងារ​​កីឡាករ​របស់​ខ្លួន​សិក្សា​លទ្ធភាព​៕