U-16 កម្ពុជា ចប់ភារកិច្ចនៅឥណ្ឌូណេស៊ី ដោយបន្ដចាញ់ក្រុមម្ចាស់ផ្ទះ ៤-០
07 Aug 2018 - 11:24:19 SHARE
ក្រុមបាល់ទាត់ជម្រើសជាតិយុវជនក្រោមអាយុ ១៦ឆ្នាំកម្ពុជា បានបញ្ចប់បេសកកម្មក្នុងពានរង្វាន់ AFF U16 Championship 2018 នៅប្រទេសឥណ្ឌូនេស៊ីហើយ ខណៈការប្រកួតបង្គ្រប់កិច្ចចុងក្រោយ បានបរាជ័យក្រោមថ្វីជើងក្រុមម្ចាស់ផ្ទះ U16 ឥណ្ឌូនេស៊ី ដោយលទ្ធផល ៤-០ នៅកីឡដ្ឋាន Gelora Delta Stadium កាលពីយប់មិញ។
ក្រុមកម្ពុជាបានជ្រុះចេញពីព្រឹត្តិការណ៍ខាងលើត្រឹមវគ្គសន្សំពិន្ទុតាមពូល A ដោយរកបានត្រឹម ៣ ពិន្ទុក្នុងចំណោម ៥ ប្រកួតគឺឈ្នះ១ចាញ់៤។ ប្រកួតចុងក្រោយរបស់ U16 កម្ពុជាយប់មិញគឺចាញ់ក្រុមម្ចាស់ផ្ទះធ្ងន់ក ៤-០។
សម្រាប់ប្រកួតទី៥ ក្នុងពូលនេះ ក្រុមគោព្រៃជំទង់កម្ពុជា ត្រូវបានក្រុមម្ចាស់ផ្ទះបំប៉ោងសំណាញ់ ៤គ្រាប់តែម្ដង នៅតង់ទី១ ដែលធ្វើសម្រេចដោយកីឡាករ Amiruddin Bagus Kahfi Al-Fikri ៣គ្រាប់ និងកីឡាករ Rendy Juliansyah។ ប៉ុន្ដែតង់ទី២ ឥណ្ឌូនេស៊ីហាក់មិនសូវដាក់សម្ពាធលើកម្ពុជានោះទេ ព្រោះពួកគេបានកក់កៅអីវគ្គ ១/២ ផ្ដាច់ព្រ័ត្ររួចទៅហើយ តែកម្ពុជាក៏ព្យាយាមវាយបកណាស់ដែរ តែមិនមានការស៊ុតបញ្ចូលទីគ្នាបន្ថែមឡើយ។
គួរឲ្យដឹងថា ក្រុម U16 កម្ពុជា នឹងមកដល់ទឹកដីកំណើតវិញនៅថ្ងៃស្អែកនេះវេលាម៉ោង ៥:៣០ នាទី ក្រោយបញ្ចប់ភារកិច្ចក្នុងព្រឹត្តិការណ៍ AFF U-16 Championship 2018 នៅប្រទេសឥណ្ឌូណេស៊ី។
សូមចុចនៅទីនេះដើម្បីរក្សាការ Updated ជាមួយនឹងព័ត៌មានបាល់ទាត់ចុងក្រោយបំផុត និង ការធ្វើបច្ចុប្បន្នភាព
Related
Khmer News
ភ្នំពេញក្រោន សម្រេចចែកផ្លូវជាមួយ កីឡាករបីរូប
ក្រោយបញ្ចប់រដូវកាល២០១៩ ក្លិបបាល់ទាត់ភ្នំពេញក្រោន សូមប្រកាសជាផ្លូវការក្នុងការសម្រេចចែកផ្លូវជាមួយកីឡាករ Shane Booysen, នៅ សុខសិលា និងពុំ តុលា ។ ខ្សែបម្រើ សុខសិលា បានចូលរួមជាមួយយើងកាលពីដើមរដូវកាល២០១៩ ដោយលេង ៦លើក រកបាន២គ្រាប់ គ្រប់ពានរង្វាន់ ខណៈ តុលា លេងបាន៣ប្រកួត ។ ស្របពេល Booysen ចូលរួមជាមួយយើងម្តងទៀតនាពាក់កណ្តាលរដូវកាល ដោយរកបាន៧គ្រាប់ ក្នុងចំណោម១២ប្រកួត ។ គ្រប់គ្នានៃក្លិបសូមអរគុណកីឡាករ៣រូបចំពោះកិច្ចខិតខំប្រឹងប្រែង និងការប្តេជ្ញាចិត្តរបស់គេហើយយើងសូមជូនពរអោយមានសំណាងល្អសម្រាប់ថ្ងៃអនាគត ៕
15 Nov 2019
Khmer News
ខ្សែការពារ កុក បូរីស ត្រលប់មកចូលរួមជាមួយ ភ្នំពេញក្រោន សារជាថ្មី
ខ្សែការពារកណ្តាល និងជាអតីតប្រធានក្រុម កីឡាករ កុក បូរីស បានសម្រេចចុះកិច្ចសន្យាចូលរួមលេងជាមួយក្លិបបាល់ទាត់ភ្នំពេញក្រោន សារជាថ្មីម្តងទៀតសម្រាប់រដូវកាល២០២០។ បុរសសញ្ជាតិខ្មែរ-បារាំងរូបនេះ ធ្លាប់ចំណាយពេល៥រដូវកាលជាមួយ ភ្នំពេញក្រោន ចាប់តាំងពីឆ្នាំ២០១២ដល់២០១៧ មុនចាកចេញត្រលប់ទៅប្រទេសបារាំង។ បូរីស ធ្លាប់លេងឲ្យក្លិបនៅប្រទេសបារាំងដូចជា Jarville JF, US Vandœuvre-lès-Nancy, FC Toul, Nancy Olympique និងភ្នំពេញក្រោន៕
15 Nov 2019
Khmer News
គោព្រៃកម្ពុជា ប៉ះហុងកុង នៃវគ្គជម្រុះ World Cup 2022 នៅថ្ងៃទី១៩ ខែវិច្ឆិកា
ជំនួបគូជក់ចិត្តរវាងក្រុមបាល់ទាត់គោព្រៃកម្ពុជាជម្រើជាតិកម្ពុជា ប៉ះក្រុមម្ចាស់ផ្ទះហុងកុង ក្នុងវគ្គជម្រុះ World Cup 2022 និងវគ្គជម្រុះ Preliminary Joint Qualification Round 2 នៅថ្ងៃទី១៩ ខែវិច្ឆិកា ឆ្នាំ២០១៩ ចាប់ម៉ោង ១៨៖៣០ នាទីតទៅ (ម៉ោងនៅកម្ពុជា) មានផ្សាយជូនទស្សនានៅលើកញ្ចក់ទូរទស្សន៍ CTN និង Facebook Page: CBS Sport។ នេះជាការជួបគ្នាលើកទី២ រវាងក្រុមទាំងពីរក្នុងព្រឹត្តិការណ៍ខាងលើ ដែលកាលពីជើងទី១ កម្ពុជាបានប្រកួតស្មើជាមួយហុងកុង ដោយលទ្ធផល ១-១ នៅពហុកីឡដ្ឋានជាតិ រាជធានីភ្នំពេញកាលពីថ្ងៃទី៥ ខែកញ្ញា ឆ្នាំ២០១៩។ សម្រាប់ជំនួបជើងទី២ នៅថ្ងៃទី១៩ ខែវិច្ឆិកាខាងមុខនេះ កម្ពុជាបានត្រៀមខ្លួនបានយ៉ាងល្អ ដើម្បីធ្វើដំណើរទៅសួរសុខទុក្ខក្រុមម្ចាស់ផ្ទះហុងកុង។ ចំពោះកម្ពុជា មុនការប្រកួតផ្លូវការទល់នឹងហុងកុង ក៏បានណាត់ជួបគ្នាជាមួយក្រុមជម្រើសជាតិម៉ុងហ្គោលី នៅថ្ងៃទី១៤ ខែវិច្ឆិកា ដែលជាការប្រកួតមិត្តភាពកម្ដៅសាច់ដុំតែប៉ុណ្ណោះ។ ដោយឡែក ហុងកុងនឹងស្វាគមន៍ក្រុមបារ៉ែន ដែលស្ថិតក្នុងពូល C ជាមួយគ្នា ក្នុងការប្រកួតក្នុងវគ្គជម្រុះ World Cup
15 Nov 2019
Khmer News
កម្ពុជា ប៉ះម៉ុងហ្គោលី ក្នុងមិត្តភាពម៉ោង ៦:៣០ នាទីល្ងាចនេះនៅពហុកីឡដ្ឋានជាតិ
ក្រុមបាល់ទាត់ជម្រើជាតិកម្ពុជា នឹងត្រូវបើកទ្វារផ្ទះទទួលក្រុមជម្រើសជាតិម៉ុងហ្គោលី នាវេលាម៉ោង ៦:៣០នាទីល្ងាចនេះនៅពហុកីឡដ្ឋានជាតិ ហើយក៏ជាការប្រកួតមិត្តភាពអន្ដរជាតិក្នុងទឹកដីលើកចុងក្រោយសម្រាប់ឆ្នាំ២០១៩ របស់ក្រុមជម្រើសជាតិកម្ពុជាផងដែរ។ ចំពោះការប្រកួតមិត្តភាពនេះ គោលបំណងសំខាន់របស់ក្រុមទាំងពីរ គឺដើម្បីពង្រឹងសមត្ថភាពត្រៀមបន្ដបេសកកម្មប្រកួតជម្រុះពានរង្វាន់បាល់ទាត់ពិភពលោក ឆ្នាំ២០២០ នៅប្រទេសកាតា(FIFA World Cup Qatar 2022) រៀងៗខ្លួន ពោលគឺកម្ពុជា ត្រៀមជួបហុងកុងក្រៅដី ខណៈម៉ុងហ្គោលី ត្រូវជួបក្រុមម្ចាស់ផ្ទះមីយ៉ាន់ម៉ា នាថ្ងៃទី១៩ ខែវិច្ឆិកាខាងមុខដូចគ្នា ។ លោក Felix G.Dalmas គ្រូបង្វឹកក្រុមគោព្រៃកម្ពុជាបានអះអាងថា កូនក្រុមលោកបានត្រៀមខ្លួនហើយជាស្រេច សម្រាប់ការប្រកួតមិត្តភាពអន្ដរជាតិនេះ ដ្បិតលោកបានចាត់ទុកការប្រកួតនេះ គឺជាការត្រៀមខ្លួនដ៏ល្អរបស់ក្រុមជម្រើសជាតិកម្ពុជា ដើម្បីត្រៀមជួបក្រុមជម្រើសជាតិហុងកុង នៅទីក្រុងហុងកុង នាថ្ងៃទី១៩ ខែវិច្ឆិកាខាងមុខ ។ លោកជឿជាក់កូនក្រុមខ្លួន នឹងធ្វើបានល្អក្នុងការប្រកួតនេះ ដើម្បីប្រជែងកៅអីចុងក្រោយ ។ ដោយឡែកលោក Michael Weiss គ្រូបង្វឹកក្រុមជម្រើសជាតិម៉ុងហ្គោលី បានលើកឡើងស្រដៀងគ្នាថា ការប្រកួតថ្ងៃនេះ ពិតជាសំខាន់សម្រាប់ក្រុមខ្លួន ដើម្បីស៊ាំនឹងអាកាសធាតុ មុនជួបក្រុមអាស៊ាន គឺក្រុមមីយ៉ាន់ម៉ា។ មួយវិញទៀត លោកក៏ចង់ឲ្យកូនក្រុមស៊ាំនឹងកីឡដ្ឋាន ដែលមានអ្នកគាំទ្រចូលរួមទស្សនាច្រើននៅក្នុងប្រទេសកម្ពុជាផងដែរ មុនការប្រកួតផ្លូវការចូលមកដល់។ គួរបញ្ជាក់ថា
14 Nov 2019
Khmer News
កម្ពុជា យកឈ្នះ ប្រ៊ុយណេ ៣-០ ឡើងឈរលេខ២ នៃពូល G ពាន AFC U19
ក្រុមជម្រើសជាតិយុវជន U19 កម្ពុជា បានយកឈ្នះក្រុមជម្រើសជាតិ U19 ប្រ៊ុយណេ ដោយលទ្ធផល ៣-០ ក្នុងការប្រកួតចុងក្រោយនៃវគ្គជម្រុះពានរង្វាន់ AFC U19 Championship 2020 ពូល G នាយប់ថ្ងៃទី១០ ខែវិច្ឆិកានេះ នៅពហុកីឡដ្ឋានជាតិ។ សម្រាប់ការប្រកួតបញ្ចប់ពូលនេះ ក្រុមគោព្រៃជំទង់កម្ពុជា ធ្វើបានយ៉ាងល្អ ដោយមានឱកាសគ្រប់គ្រងបាល់ និងស៊ុតជាច្រើន តែធ្វើសម្រេចបានតែ ៣គ្រាប់ ដោយកីឡាករ លឹម ពិសិដ្ឋ, កែវ ឧត្តម និង មិន រតនៈ។ ជ័យជម្នះនេះ បានធ្វើឲ្យកម្ពុជា ឈរលេខរៀងទី២ ក្នុងពូល បន្ទាប់ពីឆ្លងកាត់ ៤ប្រកួត ឈ្នះ៣ និងចាញ់១ រកបាន ៩ពិន្ទុ។ យ៉ាងណាមិញ ការឈរលេខ២ ក្នុងពូល G នេះ ក្រុមគោព្រៃជំទង់កម្ពុជា មិនទាន់អស្ឃឹមនោះទេ ពោលគឺរង់ចាំអ៊ុតក្រុមលេខ ២ នៃពូលផ្សេងៗទៀត ដើម្បីកំណត់ថា តើក្រុមលេខ២
11 Nov 2019
Khmer News
កម្ពុជា បានបំបាក់ក្រុមជម្រើសជាតិថៃ ក្នុងលទ្ធផល ២-១ កាលពីម្សិលមិញ
ក្រុមជម្រើសជាតិកម្ពុជាអាយុក្រោម ១៩ឆ្នាំបានបំបាក់ក្រុមជម្រើសជាតិថៃអាយុក្រោម១៩ឆ្នាំ ក្នុងលទ្ធផល ២-១ ក្នុងការប្រកួតវគ្គជម្រុះព្រឹត្តិការណ៍ AFC U-19 Championship 2020 ពូល G កាលពីរាត្រីថ្ងៃសុក្រកន្លងទៅនេះ។ នៅក្នុងវគ្គទី១ ក្រុមកម្ពុជាបានស៊ុតនាំមុខ២គ្រាប់ ដោយគ្រាប់ទី១ជាការប្រើបច្ចេកទេសឆ្កឹះបាល់ផុតដៃអ្នកចាំទី បញ្ចូលទីបានយ៉ាងល្អ តាមរយៈខ្សែបម្រើវ័យក្មេងកីឡាករ មិត សាម៉ើយ នៅនាទីទី១៥ ចំណែកឯគ្រាប់ទី២ គឺជាការស៊ុតបញ្ចូលទីបានយ៉ាងល្អពីសំណាក់កីឡាករ សៀង ចន្ធានៅនាទីទី២៥។ លុះមកដល់តង់ទី២ ក្រុមថៃមានឱកាសវាយបកបាន១គ្រាប់វិញដោយកីឡាករ Channarong នៅនាទីទី៨០។ ដូច្នេះក្រោយបញ្ចប់ការប្រកួតក្រុមជម្រើសជាតិកម្ពុជាអាយុក្រុម១៩ឆ្នាំ បានទទួលជ័យជម្នះទៅលើក្រុមម្រើសជាតិថៃអាយុក្រោម១៩ឆ្នាំ ក្នុងលទ្ធផល២ទល់នឹង១។ តាមរយៈជ័យជម្នះជួយអោយកម្ពុជាទទួលបាន៣ពិន្ទុបន្ថែម ឡើងឈរលេខ២ក្នុងពូល G មាន៦ពិន្ទុសរុប។ គួររម្លឹកផងដែរថា ការប្រកួតបន្ទាប់ក្រុមជម្រើសជាតិកម្ពុជាអាយុក្រោម១៩ឆ្នាំ នឹងត្រូវប៉ះគ្នាជាមួយនឹងក្រុមជម្រើសជាតិប្រ៊ុយណេអាយុក្រោម១៩ឆ្នាំនៅថ្ងៃទី១០ ខែវិច្ឆិកា ឆ្នាំ២០១៩ខាងមុខនេះ វេលាម៉ោង៦:៣០នាទីល្ងាច៕
09 Nov 2019
