UEFA អាចនឹងគិតគូរប្ដូរកន្លែងប្រកួត Champions League វគ្គផ្ដាច់ព្រ័ត្រ ចេញពីរុស្ស៊ី
23 Feb 2022 - 04:16:50 SHARE
UEFA ត្រូវបានសារព័ត៌មានជាច្រើនបានចុះផ្សាយថា អាចនឹងគិតគូរពិចារណាប្ដូរកន្លែងប្រកួត Champions League វគ្គផ្ដាច់ព្រ័ត្រ ដែលគ្រោងនឹងធ្វើឡើងនៅថ្ងៃទី២៨ ខែឧសភា ឆ្នាំ២០២២ខាងមុខ ចេញពីទីក្រុង Saint Petersburg ប្រទេសរុស្ស៊ី ដោយសារបញ្ហាវិបត្តិតានតឹងរវាងប្រទេសរុស្ស៊ី នឹងប្រទេសអ៊ុយក្រែនកើនឡើងគួរឲ្យព្រួយបារម្ភ។
នៅក្នុងថ្ងៃនេះ UEFA ផ្ទាល់បានចេញសេចក្ដីប្រកាសថា នៅខណៈនេះមិនមានផែនការប្ដូរកន្លែងប្រកួត Champions League វគ្គផ្ដាច់ព្រ័ត្រនៅឡើយទេ តែស្ថាប័ននេះនឹងបន្តតាមដានឃ្លាំមើលស្ថានការណ៍វិបត្តិតានតឹងរវាងប្រទេសទាំងពីរនេះទៀត។
យ៉ាងណាការសម្រេចរបស់ UEFA នេះត្រូវបានមតិស្ថាប័នពីបណ្ដាប្រទេសផ្សេងៗដាក់សម្ពាធឲ្យប្ដូរកន្លែងប្រកួតខាងលើចេញភ្លាម ដោយនៅក្នុងនោះក៏មានអតីតរដ្ឋមន្ត្រីកីឡារបស់ប្រទេសអង់គ្លេស ក៏ទទូចឲ្យប្ដូរកន្លែងប្រកួតចេញពីប្រទេសរុស្ស៊ីនេះភ្លាមៗផងដែរ។
ដោយសារបញ្ហាវិបត្តិតានតឹងរវាងប្រទេសរុស្ស៊ី នឹងប្រទេសអ៊ុយក្រែននៅតែកើនឡើង ក៏ដូចជាការដាក់សម្ពាធពីមហាជនតូចធំពីប្រទេសជាច្រើន UEFA អាចនឹងពិចារណាក្នុងការប្ដូរកន្លែងប្រកួត Champions League វគ្គផ្ដាច់ព្រ័ត្រនេះ។
សូមរំលឹកផងដែរថា ការប្រកួត UCL វគ្គផ្ដាច់ព្រ័ត្រធ្វើឡើងនៅប្រទេសព័រទុយហ្គាល់ ២ឆ្នាំជាប់គ្នាហើយគឺឆ្នាំ២០២០ និង២០២១ ដោយសារតែប្រទេសនេះមានលក្ខណៈងាយស្រួលដល់ UEFA រៀបចំការប្រកួតនេះក្នុងកំឡុងពេលកូវីដ-១៩នេះ៕
សូមចុចនៅទីនេះដើម្បីរក្សាការ Updated ជាមួយនឹងព័ត៌មានបាល់ទាត់ចុងក្រោយបំផុត និង ការធ្វើបច្ចុប្បន្នភាព
Related
Football News
Enrique អតីតកីឡាករ Liverpool ព្រមានខ្លាំងៗទៅកាន់ក្រុម Real Madrid
អតីតកីឡាករ Liverpool លោក Jose Enrique បានបោះសម្តីព្រមានខ្លាំងៗ ទៅកាន់ក្រុម Real Madrid ក្រោយពី កីឡាករឆ្នើម Karim Benzema ឲ្យផ្លែផ្កាទៅ Liverpool ដែរ។ ជាការពិតណាស់ ការប្រកួតវគ្គផ្តាច់ព្រាត់នៃក្របខណ្ឌ UCL នឹងត្រូវប្រព្រឹត្តឡើងនៅទីក្រុងប៉ារីស នៅថ្ងៃទី ២៩ ម៉ោង២ រំលងអាធ្រាត្រ ដោយក្រុមខ្លាំងៗមកពីអឺរ៉ុបចំនួនពីរក្រុមត្រូវប្រកួតប៉ះគ្នា គឺ Liverpool និង Real Madrid។ យ៉ាងណាមិញ ថ្មីៗនេះ ក៏មានការបោះសម្តីដាក់គ្នា ទៅវិញទៅមក រវាងកីឡាករឆ្នើមរបស់ក្រុមទាំងសងខាង ជាពិសេសនោះគឺ Salah និង Benzema ដែលធ្វើឲ្យការប្រកួតដែលទន្ទឹងនឹងប្រព្រឹត្តឡើងនេះ គឺកាន់តែក្តៅគគុកទៅទៀត។ លោក Enrique បាននិយាយថា៖ “ខ្ញុំមិនយល់ថា Benzema ចង់និយាយពីអ្វីនោះទេ ព្រោះស្តាប់ទៅសម្តី Benzema គឺមិនដូចទៅនឹងអ្វីដែលខាង ពួកខ្ញុំបាននិយាយនោះទេ។ មើលទៅប្រហែលជាយើងត្រូវលត់ពួកគេ ៥គ្រាប់ហើយ បើនិយាយច្រើនម្លឹងៗ”៕
25 May 2022
Football News
ក្លិប Chelsea នឹងលក់ Hakim Ziyech ប្រសិនមានក្លឹបណាឲ្យតម្លៃសមរម្យ
ក្លិប Chelsea នឹងដាក់លក់កីឡាករ Hakim Ziyech នៅក្នុងទីផ្សារដោះដូរកីឡាកររដូវក្តៅនេះប្រសិនបើមានក្លិបណាមួយហ៊ានផ្តល់តម្លៃខ្លួនតាមអ្វីដែលក្រុមតោខៀវចង់បាន។ ជាការពិតណាស់ កីឡាករសញ្ជាតិម៉ារុកខាងលើ បានចូលរួមជាមួយ Chelsea កាលពីឆ្នាំ២០២០ ពី Ajax និង ត្រូវបានគេរំពឹងថា រូបនឹងលេចធ្លោខ្លាំងនៅលើទឹកដីអង់គ្លេស ប៉ុន្តែ គ្រប់យ៉ាងហាក់ខុសពីការរំពឹងទុកបន្តិច បន្ទាប់ពីការលេងរបស់គេពុំមានទម្រង់លេងល្អជាប់លាប់ ដោយពេលខ្លះក៏ល្អ ពេលខ្លះក៏មិនសូវល្អ ដូច្នេះឪកាសបង្ហាញខ្លួននៅលើទីលានក៏ពុំសូវបានបង្ហាញជាប់លាប់។ បើយោងទៅតាមការចុះផ្សាយរបស់អ្នកកាសែតកីឡាដ៏ល្បី គឺ លោក Fabrizio Romano បានទម្លាយឲ្យដឹងថា Chelsea នឹងលក់ Ziyech តែម្តងនៅក្នុងទីផ្សារដោះដូរកីឡាកររដូវក្តៅនេះ ឲ្យតែមានក្លិបណាយល់ព្រមតម្លៃដែលក្លិបចង់បាន នោះ Chelsea នឹងសម្រេចចិត្តលក់គេហើយ៕
25 May 2022
Football News
Luis Suarez នឹងគាំទ្រក្រុមរបស់លោក Jurgen Klopp ពេញទំហឹង
អតីតខ្សែប្រយុទ្ធឆ្នើមប្រចាំក្លិប Liverpool គឺ Luis Suarez បាននិយាយថារូបគេនឹងគាំទ្រក្រុមហង្សក្រហមរបស់លោក Jurgen Klopp ពេញទំហឹង នៅការប្រកួតវគ្គផ្ដាច់ព្រ័ត្រ Champions League ប៉ុន្តែក៏បានកោតសរសើរខ្សែប្រយុទ្ធ Karim Benzema នៃក្លិប Real Madrid ផងដែរ។ Liverpool នឹងត្រូវជួបតទល់ជាមួយ Real Madrid នាទីក្រុងប៉ារីស ថ្ងៃទី២៩ ខែឧសភា ក្នុងការប្រកួតវគ្គផ្ដាច់ព្រ័ត្រ UCL ខាងមុខនេះហើយដោយក្រុមទាំងពីរជាគូសងសឹក ព្រោះកាលពីឆ្នាំ២០១៨ គឺ Real Madrid ធ្លាប់ទម្លាក់ Liverpool ក្នុងលទ្ធផល ៣ ទល់នឹង ១។ យ៉ាងណាមិញ Suarez បាននិយាយថា៖ “ខ្ញុំជាអ្នកគាំទ្ររបស់ Barcelona, Liverpool និង Atletico ដែលជាក្លិបខ្ញុំធ្លាប់លេងឲ្យ។ ប៉ុន្តែគ្រាប់បាល់ស៊ុតបញ្ចូលទីរបស់ Benzema គឺគ្រាប់ទី២ដែលស៊ុតទល់នឹង Chelsea គឺខ្ញុំពិតជាចង់ទះដៃអបអរដល់គេ ព្រោះខ្ញុំពិតជា ស្ញើចសរសើរអ្វីដែលគេបានធ្វើណាស់”៕
25 May 2022
Football News
លោក Joan Laporta ថាកីឡាករទៅលេងឲ្យ PSG ដូចទៅធ្វើជាទាសករដើម្បីតែលុយអញ្ចឹង
លោក Joan Laporta ប្រធានក្លឹប Barcelona និយាយទៅកាន់សារព័ត៌មាន L’Esportiu de Catalunya នៅក្នុងថ្ងៃនេះថា កីឡាករដូចជា Neymar ជាដើមដែលទៅលេងឲ្យក្លឹប Paris Saint Germain ដូចទៅធ្វើជាទាសករដើម្បីតែលុយអញ្ចឹង។ លោក Laporta បាននិយាយថា៖” នរណាគេមិនចង់បាន Neymar ? គេជាកីឡាករដ៏អស្ចារ្យមួយរូប។ យ៉ាងណាគេនៅកុងត្រាជាមួយ PSG សល់ ៤-៥ឆ្នាំអីទៀតណោះ។ កីឡាករដូចជាពួកគេអញ្ចឹង ដែលទៅលេងឲ្យ PSG ដូចទៅធ្វើជាទាសករដើម្បីតែលុយអញ្ចឹង “។ ប្រធានក្លឹប Barcelona រូបនេះក៏បាននិយាយបែបខឹងនឹង PSG ផងដែរដោយថា កីឡាករដែលទៅលេងឲ្យ PSG ដែលសូម្បីតែ Messi តែ Lionel Messi អីហ្នឹងក៏មិនងាយនឹងចាកចេញវិញដែរ ដោយសារតែទំហំទឹកប្រាក់យ៉ាងច្រើនសន្ធឹកសន្ធាប់ដែលក្លឹបបារាំងនេះផ្ដល់ឲ្យ។ លោក Laporta ក៏លើកឡើងពីអនាគតរបស់ Neymar ក៏ដូចជា Messi ផងដែរថា ក្លឹបនឹងយកកីឡាករល្អដូចជាពួកគេមក
25 May 2022
Football News
Ten Hag ព្រមាន City និង Liverpool ថា លោកនឹងជួយ Man United ឲ្យឡើងដល់កំពូលវិញ
Erik ten Hag បាននិយាយរំឭកទៅកាន់លោក Pep Guardiola និង Jurgen Klopp ថា លោកមកអង់គ្លេសដើម្បីជួយរុញ Manchester United ត្រលប់មកកាន់កំពូលវិញ។ អ្នកចាត់ការរបស់ Manchester City និង Liverpool បានចែកពានលីគគ្នានៅ៥រដូវកាលចុងក្រោយ និងតែងតែឈរលើក្លឹបផ្សេងក្នុង Premier League។ Man United គម្លាតដល់ទៅ៣៥ពិន្ទុឈរពីក្រោមម្ចាស់ជើងឯក Man City ក្នុងរដូវកាលនេះ។ ប៉ុន្តែអ្នកចាត់ការថ្មីរបស់បិសាចក្រហមលោក Ten Hag បានលើកឡើងថា លោកត្រៀមរួចរាល់ដើម្បីបញ្ចប់រជ្ជកាលត្រួតត្រាពានក្នុងស្រុករបស់ Pep និង Klopp។ ក្រោយចូលកាន់តំណែងថ្មីលោក Ten Hag បាននិយាយថា ក្នុងពេលនេះលោកពិតជាសរសើរចំពោះទាំងពីរក្លឹប Man City និង Liverpool។ ក្រុមទាំងពីរលេងពិតជាអស្ចារ្យក្នុងបាល់ទាត់។ ប៉ុន្តែគ្រប់គ្នានឹងឃើញរជ្ជកាលនេះដល់ទីបញ្ចប់។ លោកកំពុងទន្ទឹងរងចាំប្រជែងជាមួយពួកគេ និងធ្វើការជាមួយបិសាចក្រហមជាមួយប្រវត្តិសាស្ត្រដ៏ធំ។ បុរសសញ្ជាតិហុល្លង់ក៏បានបញ្ជាក់ទៀតថា លោកនឹងធ្វើការដើម្បីឲ្យ Man United ត្រលប់មករកភាពជោគជ័យរបស់ខ្លួនវិញ។
24 May 2022
Football News
De Bruyne គ្មានបំណងចាកចេញពី Man City នោះឡើយក្រោយលើកពាន Premier League
ខ្សែបម្រើ Kevin De Bruyne បាននិយាយទាក់ទងនឹងអនាគតរបស់គេក្រោយឈ្នះពាន Premier League ថាគេនឹងបន្តអនាគតជាមួយក្លឹប Manchester City ទៀតដោយគ្មានបំណងចាកចេញទៅណានោះទេ។ De Bruyne បាននិយាយថា៖” ខ្ញុំរួមរស់លេងនៅក្លឹប Man City នេះអស់រយៈពេល ៧ឆ្នាំហើយ។ ខ្ញុំនៅតែស្រឡាញ់ក្រុមមួយនេះ នេះជាក្រុមដ៏អស្ចារ្យរបស់ខ្ញុំ។ ខ្ញុំនៅសល់កុងត្រា៣ឆ្នាំទៀតនៅហ្នឹង អញ្ចឹងហើយខ្ញុំច្បាស់ជានៅបន្ត “។ កីឡាករនេះបន្តថា៖” ខ្ញុំគ្មានគម្រោងចាកចេញទៅលេងនៅណាផ្សេងនោះទេ ខ្ញុំច្បាស់ជាបន្តនៅទីនេះទៀត។ Man City នៅតែជាក្រុមខ្ញុំ “។ នៅក្នុងរដូវកាលនេះ De Bruyne ចូលរួមលេងបាន ៤៤ប្រកួត និងស៊ុតចូល១៩គ្រាប់ ដែលជួយ Man City ឈ្នះពាន PL ក្នុងរដូវកាលនេះ។ កីឡាករនេះក៏ជួយក្នុងរយៈពេល៥ឆ្នាំចុងក្រោយនេះឲ្យ Man City ឈ្នះពាន PL ៤ដងផងដែរ៕
24 May 2022
