លោក Xavi Hernandez គ្រូបង្វឹករបស់ Barcelona បានមានប្រសាសន៍ថា លោកនឹងស្វាគមន៍ Lionel Messi ជានិច្ចក្នុងការត្រឡប់មកកាន់ទឹកដី Camp Nou វិញ។

Xavi Hernandez នឹង Lionel Messi
Xavi Hernandez នឹង Lionel Messi

ជាការពិតណាស់ នៅរដូវកាលនេះ Messi បានធ្វើឱ្យពិភពលោកមានការភ្ញាក់ផ្អើលមែនទែន ក្រោយពេលគាត់បានចាកចេញពី Barca ទៅចូលរួមជាមួយ Paris Saint-Germain ដោយគ្មានតម្លៃខ្លួនបន្ទាប់ពីក្រុមអ្នកមានបុណ្យមិនអាចបន្តកុងត្រាថ្មីជូនគាត់បាន ដោយសារតែបញ្ហាហិរញ្ញវត្ថុ។

យ៉ាងណាមិញការប្រកបអាជីពនៅទឹកដីបារាំងខ្សែប្រយុទ្ធសញ្ជាតិ អាហ្សង់ទីន ហាក់បង្ហាញទម្រង់លេងពុំសូវបានល្អប៉ុន្មានទេជាក់ស្តែងថ្មីៗនេះគាត់ក៏ទទួលបានពាក្យរិះគន់ច្រើនពីសំណាក់អ្នកគាទ្រផងដែរ បន្ទាប់ពី PSG ធ្លាក់ចេញពីពានរង្វាន់ Champions League ត្រឹមវគ្គ ១៦ ក្រុមចុងក្រោយក្រោមថ្វីជើងក្រុម Real Madrid។

នៅក្នុងសន្និសីទកាសែតមុនជំនួប El Clasico យប់នេះលោក Xavi ត្រូវបានគេសួរថា តើលោកនឹងស្វាគមន៍ឬទេ ប្រសិនបើ Messi ត្រឡប់មកទឹកដី Camp Nou វិញ?

គ្រូបង្វឹកសញ្ជាតិ អេស្ប៉ាញ រូបនេះបានឆ្លើយតបទៅវិញយ៉ាងដូច្នេះថា៖ “គាត់គឺជាកីឡាករដ៏អស្ចារ្យនៅក្នុងប្រវត្តិសាស្ត្រក្លិបហើយគាត់នឹងត្រូវបានគេស្វាគមន៍ជានិច្ចក្នុង ការត្រឡប់មក Barcelona វិញ។ ក្នុងនាមខ្ញុំជាគ្រូបង្វឹកវាគឺមិនមានបញ្ហាអ្វីទេ

ប្រសិនបើគាត់ចង់មកទីនេះជារៀងរាល់ថ្ងៃ។ ខ្ញុំគិតថា ពួកយើងបានជំពាក់គាត់ច្រើនណាស់”៕