ព័ត៌មានបាល់ទាត់​ ផ្សេងៗ

គ្រូបង្វឹករបស់ក្រុម Inter Milan លោក Antonio Conte បាន​ទាមទារ​ឲ្យ​កីឡការ​ចំណូល​ថ្មី Christian Eriksen បង្កើន​កម្រិត​លេង​របស់ខ្លួន បន្ទាប់ពី​ខ្សែបម្រើ​រូប​នេះ​រកបាន​គ្រាប់បាល់សម្រាប់ក្រុមថ្មី អំឡុង​ពេលក្រុម​​ Inter Milan បាន​យក​ឈ្នះ​ ២-០លើ​ក្រុម Ludogorets ។ ក្រុមយក្ស​អ៊ីតាលី​នេះ​ហាក់ដូចជា​ពិបាក​បន្តិច​ហើយ​ អំឡុង​ពេល​ប្រកួត​ជាមួយ​ក្រុមប៊ុលហ្គារីនេះ នៅក្របខណ្ឌ Europa League មុន​ពេល​ Eriksen ប្រឹងប្រែង​បំបែក​ឧបសគ្គ​នេះ។ ក្រុម​ Inter Milan មាន​ឱកាស​ទ្វេដង បនា្ទប់ពីខ្សែប្រយុទ្ធ RomeluLukakuរកបាន​១គ្រាប់ជួយ​ឲ្យ​ក្រុម​របស់​លោក Conte ឡើង​ទៅវគ្គ​បន្ត​នៅ​សប្តាហ៍​ក្រោយ​ទៀត។ ប៉ុន្តែ​លោក​ Conteបានទាមទារ​ឲ្យ​ខ្សែបម្រើ​ Eriksen ប្រឹងប្រែង​បន្ថែមទៀត​សម្រាប់ក្រុម​។ ជាពិសេស គ្រូបង្វឹក​អ៊ីតាលីរូបនេះ​ទាមទារ​ឲ្យ​ Eriksen បង្កើនស្មារតី​និង​ភាព​គឃ្លើ​នរបស់ខ្លួននៅលើ​ទី​លាន​ប្រកួត៕

ក្លឹប Barcelona បានចុះហត្ថលេខាទិញខ្សែប្រយុទ្ធ Martin Braithwaite ពីក្លឹប​ Leganes ក្នុងតម្លៃ១៨លានយូរ៉ូ​ជាមួយនិងការចុះកុងត្រាបូករួមរយៈពេលនៅសល់នៃរដូវកាល​នេះមានសុពលភាពរហូតដល់ថ្ងៃទី ៣០ ខែមិថុនាឆ្នាំ ២០២៤ ព្រមជាមួយនឹងតម្លៃទិញផ្តាច់កុងត្រាមានរហូតដល់ទៅ ៣០០ លានអឺរ៉ូ។ អតីតខ្សែ​ប្រយុទ្ធក្លឹប Middlebrough វ័យ២៨ឆ្នាំរូបនេះជាកីឡាករមានបទពិសោធន៍នៅ World Cup និងលីគកំពូល អេស្បាញ La Liga មានដើម​កំណើតនៅទីក្រុងកំពង់ផែ Esbjerg ប្រទេសដាណឺម៉ាកបាន ការចាប់អារម្មណ៍​យ៉ាង ខ្លាំង​ក្រោយ​ចំណាយ​ពេល​មួយឆ្នាំប៉ុណ្ណោះនៅក្លឹប Leganés។ Barcelona បានសម្រេចគោលដៅផ្ទេរកីឡាកររូបនេះទោះបីជាទីផ្សារបានបិទ ក្រោយទទួលសិទ្ធិពិសេសសម្រាប់​ច្បាប់ La LIga ពេលដែលខ្សែប្រយុទ្ធ Ousmane Dembele រងរបួសនិងត្រូវសម្រាករហូតដល់ទៅ៦ខែ។

ខ្សែការពារ Chris Smalling របស់ក្រុម Roma នៅតែសង្ឃឹមថារូបគេនិងជាប់ឈ្មោះក្នុងក្រុមជម្រើស ជាតិអង់គ្លេសសម្រាប់ចូលរួមព្រឹត្តការណ៏ Euro ២០២០ បើទោះបីជាមិនធ្លាប់បានចូលលេងអោយក្រុមតោ កំណាចក្រោមការដឹកនាំរបស់លោក Gareth Southgate ចាប់តាំងពីឆ្នាំ ២០១៧ ក៏ដោយ។ កីឡាករវ័យ ៣០ ឆ្នាំរូបនេះកំពុងលេងក្នុទងលក្ខខណ្ឌខ្ចីជើងពេញ១រដូវវកាលក្រោយផ្ទេរពី Manchester United ជឿជាក់ថាទម្រង់លេងរបស់ខ្លួនមានលក្ខណៈល្អប្រសើរជាងមុនចាប់តាំងពីផ្ទេរមកលីកកំពូលអ៊ីតាលី Serie A ។ ព្រមទាំងប្រាប់ថាគ្រួសាររបស់ខ្លួន សប្បាយរីករាយនិងជីវិត រស់នៅក្នុងទីក្រុងរ៉ូម។ អតីតខ្សែការពារក្រុម Fulham បានប្រាប់ BBC Sport ថា: ខ្ញុំដឹងថាលោក Gareth និងជំនួយការគ្រូបង្វឹក កំពុងតាមដានទម្រង់ លេងរបស់ខ្ញុំ ហើយប្រសិនបើខ្ញុំកំពុងមានវត្តមានជាមួយក្លឹបកំពូលការពិត ខ្ញុំអាចក្លាយជាជម្រើសសម្រាប់ពួកគាត់ ព្រោះខ្ញុំពិតជាចង់ចូលរួមព្រឹត្តការណ៏មួយនេះ ។ Smalling ធ្លាប់ជាប់ជម្រើសជាតិ ៣១ លើក នឹងត្រូវប្រកួតប្រជែងជាមួយមិត្តរួមជាតិ ១.Harry Maguire របស់ Manchester United, ២.Joe Gomez របស់ Liverpool,៣.

ខ្សែបម្រើ Casemiro បានបង្ហាញបំណងរបស់ខ្លួនថាចង់ឃើញមិត្តរួមសញ្ជាតិ Neymar មកលេងនៅក្រុម Real Madrid ជាមួយខ្លួននៅពេលខាងមុខនេះ។ Neymar ដែលមានបំណងចង់ចាកចេញពីក្រុម PSG កាលពីរដូវក្ដៅកន្លងទៅ ធ្លាប់ត្រូវក្រុម Real Madrid ទាក់ទងដែរ ប៉ុន្តែមិនអាចសម្រេចបាន ព្រោះតម្លៃខ្លួនដែលក្រុមនៅបារាំងលក់នោះ ខ្ពស់ខ្លាំងពេក។ យ៉ាងណាមិញ កីឡាករ Casemiro ដែលមានសញ្ជាតិប្រេស៊ីលដូច Neymar ដែរ សង្ឃឹមថាមិត្តរួមសញ្ជាតិម្នាក់នេះ នឹងអាចមកកាន់ Real Madrid បានក្នុងពេលខាងមុខ។ ”ខ្ញុំចង់ឱ្យ Neymar មកទីនេះ។ ខ្ញុំបាននិយាយជាមួយគាត់រាល់ថ្ងៃពីការលេងនៅ Madrid ។ គាត់ជាកីឡាករអស្ចារ្យម្នាក់”។ សម្ដីរបស់ Casemiro ។ យ៉ាងណាក៏ដោយ ជាមួយការចង់បានរបស់ Real Madrid នេះ ក្រុម Barcelona ក៏មានបំណងចង់យកអតីតខ្សែប្រយុទ្ធរបស់ខ្លួនត្រលប់មកវិញដែរ។ អ្វីដែលជារនាំងសំខាន់ក្នុងការផ្ទេរនោះ គឺតម្លៃខ្លួនដែលក្រុម PSG ដាក់លក់តែម្ដង។ ក្លឹបអ្នកមានបារាំងនេះ បានដល់តម្លៃដល់់ទៅជាង២០០លានផោនឯណោះ ទើបពួកគេព្រមឱ្យ

​ក្រុម​ Liverpool ​កំពុង​រង់ចាំ​មើល​លទ្ធផល​របួស​របស់​ប្រធាន​ក្រុម Henderson ​ថា​តើ​រូប​គេ​នឹង​ត្រូវ​សម្រាក​រយៈ​ពេល​ប៉ុន្មាន ​ក្រោយ​ពី​រង​របួស​អំឡុង​ការ​ប្រកួត​ទល់​ក្រុម Atletico Madrid ​កន្លង​ទៅ។ ​ក្រុម Liverpool ​បាន​ចាញ់​ក្រុម Atletico Madrid ​ក្នុង​លទ្ធផល ១-០ ​ក្នុង​ការ​ប្រកួត​ជើង​ទី​១​ពាន​រង្វាន់ UEFA Champions League ​វគ្គ​១៦​ក្រុម​ចុង​ក្រោយ។ ​បន្ទាប់​ពី​ការ​ប្រកួត​នោះ​ទៅ ​ប្រធាន​ក្រុម​ហង្ស​ក្រហម Henderson ​បាន​រង​របួស​សរសៃ​ពួរ។ ​បច្ចុប្បន្ន ​ក្រុម​គ្រូ​ពេទ្យ​របស់ Liverpool ​កំពុង​ពិនិត្យ ​ដើម្បី​អាច​ចេញ​ជា​លទ្ធផល​ថា​តើ​រូបគេ​នឹង​ត្រូវ​សម្រាក​រយៈ​ពេល​ប៉ុន្មាន​សប្ដាហ៍។ ​ក្រុម​របស់​លោក Klopp ​កំពុង​បារម្ភ​ថា​ប្រធាន​ក្រុម​ខាង​លើ​អាច​នឹង​សម្រាក​ច្រើន​សប្ដាហ៍ ​ត្បិត​អី​នៅ​ប្រកួត​ទល់​ក្រុម West Ham ​នៅ​ចុង​សប្ដាហ៍​នេះ គឺ​រូបគេ​នឹង​មិន​អាច​ចូល​លេង​បាន​ឡើយ។ ​ក្រុម Liverpool ​នឹង​មមាញឹក​ខ្លាំង ​នៅ​ប៉ុន្មាន​សប្ដាហ៍​ខាង​មុខ​នេះ ​ព្រោះ​ត្រូវ​លេង​ប្រកួត​នៅ Premier League ​ផង FA Cup ​ផង ​និង​ត្រូវ​លេង​ទល់ AT Madrid ​ជើង​ទី​២​ផង៕

តារា​ឆ្នើម​ប្រចាំ​ក្លឹប RB Leipzig កីឡាករ Timo Werner បាន​ឆ្លើយតប​ក្នុង​ន័យ​វិជ្ជមាន​ពាក់ព័ន្ធ​នឹង​ចចាមអារ៉ាម​នៃ​ការ​គ្រោង​ផ្លាស់​ចេញ​​​ទៅ​ចូលរួម​នៅ​ទឹក​ដី Anfield របស់ Liverpool។ កីឡាករ​វ័យ ២៣ ឆ្នាំ​និយាយ​ក្រោយ​ចប់​ការ​ប្រកួត​យក​ឈ្នះ Spurs ដូច្នោះ​ថា៖ “ពិត​ណាស់​ខ្ញុំ​ដឹង​ថា​ Liverpool ជា​ក្រុម​ល្អ​បំផុត​ដាច់​គេ​ក្នុង​ពេល​នេះ”។ រូប​គេ​បន្ថែម​ប្រាប់ Viasport ៖ “ហើយ​នៅ​ពេល​ដែល​យើង​ជាប់​ឈ្មោះ​ថា​អាច​នឹង​ផ្លាស់​ទៅ​ទី​នោះ គឺ​ជា​មោទនភាព​បំផុត​មួយ តែ​ក្នុង​ពេល​នេះ​គឺ Liverpool មាន​កីឡាករ​កំពូលៗ​ច្រើន​ណាស់ អ៊ីចឹង​ខ្ញុំ​ត្រូវ​តែ​ពង្រឹង​ខ្លួន​ឯង​ជា​មុន​សិន ដើម្បី​រៀនសូត្រ​បន្ថែម​ក្នុង​ការ​ឈាន​ទៅ​ដល់​កម្រិត​ក្លឹប​មួយ​នោះ”។ រំឭក​ថា Werner រក​បាន ២០ គ្រាប់​ហើយ​នៅ​ការ​បង្ហាញ​ខ្លួន ២២ ប្រកួត​នៅ​ក្របខ័ណ្ឌ Bundesliga ហើយ​រដូវ​កាល​នេះ​កំពុង​ប្រកួតប្រជែង​គ្នា​ខ្លាំង​ជាមួយ Bayern ក្នុង​ការ​គ្រោង​ពាន​ក្នុង​លីគ៕

នៅក្នុងកម្មវិធីមួយរបស់ ក្រុមហ៊ុនផលិតសំភារៈកីឡា Nike ខ្សែប្រយុទ្ធឆ្នើម​ Cristiano Ronaldo បាននិយាយពីបុគ្គលិកលក្ខណៈរបស់ តារាឆ្នើមវ័យក្មេង Kylian Mbappe របស់ក្រុម Paris Saint-Germain។ ទើបតែមានវ័យ២១ឆ្នាំ Mbappe ត្រូវបានគេចាត់ទុកថា ជាកីឡាករដែលមានអនាគតភ្លឺស្វាង ជាមួយនឹងល្បឿនដែលបង្កគ្រោះថ្នាក់ដល់គូប្រកួត ក៏ដូចជាបច្ចេកទេសស៊ុតបញ្ចូលទីរបស់រូបគេផងដែរ។ Ronaldo បាននិយាយថា៖ “គេគឺជាអនាគត គេគឺ[កំពូលកីឡាករម្នាក់]នាពេលបច្ចុប្បន្ន។ គេជាកីឡាករដ៏អស្ចារ្យម្នាក់ ដែលមានល្បឿនលឿនណាស់។” នេះជាអ្វីដែល ម្ចាស់ពាន Ballon d’Or ៥សម័យរូបនេះ បាននិយាយទៅកាន់​កីឡាករសញ្ជាតិបារាំង នៅពេលដែលពួកគេនៅលើទីលានប្រកួតជាមួយគ្នា។  

នៅពេលនេះ ក្លឹប Liverpool កំពុង​ស្វែងរកព័ត៌មាន​ទាក់ទិន​នឹង​ខ្សែបម្រើ​ Milot Rashica របស់​ក្លឹប​ Werder Bremen នឹងមានបំណង​ផ្ទេរក្នុង​តម្លៃ​៣១,៥​លានផោន​នៅ​រដូវក្តៅ​នេះ។ កីឡាករ​វ័យ​២៣​ឆ្នាំ​រូបនេះ​ទទួល​បាន​ការ​ចាប់អារម្មណ៍​ខ្លាំងនៅ​ក្របខណ្ឌ Bundesliga នៅ​រដូវកាល​នេះ ដោយ​រក​បាន​៧​គ្រាប់​ក្នុង​បង្ហាញមុខ​១៨​ប្រកួត​។ លោក JurgenKlopp កំពុង​សម្លឹង​មើល​កីឡាករ​ដែលមាន​ទេពកោលស្យ​នៅ​ក្របខណ្ឌ Bundesliga ព្រមទាំង​ខ្សែប្រយុទ្ធ Timo Werner ខណ:នៅពេលនេះ Rashica បាន​ក្លាយ​ជា​កីឡាករ​ម្នាក់ទៀត​ដែល​កំពុង​ត្រូវ​បាន​ឃ្លាំង​មើល​ដោយ​ក្រុម​ការ​ងារ​របស់​ក្លឹប Liverpool ។ សេចក្តី​រាយការណ៍​នេះ​កត់សម្គាល់ថា Rashica មាន​លក្ខខណ្ឌទិញផ្តាច់ ៣១,៥លានផោន​ជាមួយ​ក្លឹប Werner Bremen ។ Rashica បានផ្ទេរ​ពី​ក្លឹប Vitesse Arnhem មក​កាន់​ក្លឹប Bremen កាលពីខែមករា​ឆ្នាំ​២០១៨ ​ដោយ​មាន​កិច្ច​សន្យា​ដល់​ឆ្នាំ​២០២២៕

លោក Jose Mourinho បានធ្វើការប្រៀបធៀបក្តីសង្ឃឹមរបស់ក្រុម Tottenham ក្នុងការបញ្ចប់ជាវិជ្ជមាននៅរដូវកាលនេះ ទៅនឹងការទាក់ជាប់នឹងយ៉រផ្ទះជាន់ទី៤ ក្រោយពីបានបាត់បង់តារាឆ្នើម Son Heung-min ដោយសារតែបញ្ហារបួស។ ស្របពេលដែលក្រុមរបស់ខ្លួនបានបាត់បង់ខ្សែប្រយុទ្ធ Harry Kane រហូតដល់បញ្ចប់រដូវកាលនេះរួចជាស្រេច លោក Mourinho បាននិយាយថា លោកមិនរំពឹងទុកថា Son នឹងចូលលេងម្តងទៀតឡើយនៅរដូវកាលនេះ ក្រោយពីខ្សែប្រយុទ្ធអន្តរជាតិកូរ៉េខាងត្បូងរូបនេះ បានរបួសដៃស្តាំរបស់គេ ក្នុងពេលក្រុមខ្លួនបានទទួលជ័យជម្នះ ៣-២ នៅលើទឹកដីក្រុម Aston Villa កាលពីថ្ងៃអង្គារ។ Spurs នឹងធ្វើជាម្ចាស់ផ្ទះទទួលក្រុមអាល្លឺម៉ង់ RB Leipzig ក្នុងការប្រកួតជើងទី១នៃក្របខ័ណ្ឌ Champions League វគ្គ១៦ក្រុមចុងក្រោយ នៅរាត្រីនេះ នៅមុនពេលជួបជាមួយនឹងក្រុម Chelsea ក្នុងការប្រកួតមួយ ដែលពិតជាសំខាន់ក្នុងការប្រជែងយកកៅអីទៅកាន់ក្របខ័ណ្ឌ Champions League នៅរដូវកាលក្រោយ។ នៅពេលដែលលោក Mourinho បានចូលរួមដឹកនាំក្លិប Tottenham កាលពីខែវិច្ឆិកា Spurs ដេញតាមពីក្រោយអតីតក្លិបរបស់លោករហូតដល់ទៅ១២ពិន្ទុ ក្នុងចំណាត់ថ្នាក់លេខ១៤ ប៉ុន្តែ ពួកគេអាចឡើងឈរពីលើក្រុម

កីឡាករ២នាក់ដែលមានតម្លៃខ្លួនខ្ពស់បំផុតក្នុងពិភពលោក មិនអាចធ្វើឲ្យបានល្អជាងខ្សែប្រយុទ្ធវ័យក្មេង Erling Braut Haaland ខណៈដែលតារាឆ្នើមអន្តរជាតិន័រវែសរូបនេះ បានបន្តទម្រង់លេងដ៏ល្ងរបស់ខ្លួន តាមរយៈការស៊ុតបាល់បញ្ចូលទី២គ្រាប់ ក្នុងពេលក្រុម Borussia Dortmund ដណ្តើមបានជ័យជម្នះ ២-១ លើក្រុម Paris Saint-Germain កាលពីថ្ងៃអង្គារ។ Haaland បានស៊ុតបាល់បញ្ចូលទីនៅចន្លោះគ្រាប់បាល់តាមស្មើរបស់ខ្សែប្រយុទ្ធ Neymar ខណៈដែលតារាឆ្នើមអន្តរជាតិប្រេស៊ីលរូបនេះ បានស៊ុតបាល់បញ្ចូលទីក្រោយពីវិលពីរបួសរបស់គេវិញ ប៉ុន្តែ ក្រុមម្ចាស់ជើងឯកបារាំង បានរងបរាជ័យ នៅលើទឹកដីក្រុម Dortmund ក្នុងការប្រកួតវគ្គ១៦ក្រុមចុងក្រោយ ជើងទី១។ ទាក់ទងនឹងការប្រកួតជើងទី២នៅទីក្រុងប៉ារីស នៅថ្ងៃទី១១ ខែមីនា Haaland បានឲ្យដឹងថា៖ «យើងចង់ឈានទៅវគ្គបន្ត ប៉ុន្តែ វានឹងក្លាយជាការប្រកួតដ៏ស្វិតស្វាញមួយ។ ប៉ុន្តែ យើងគឺជាក្រុមដ៏ខ្លាំងមួយ។ លទ្ធផលនេះ ពិតជាគ្រោះថ្នាក់ណាស់ ខណៈដែល PSG មានក្រុមដ៏ខ្លាំងមួយ និងនៅតែអាចឈានទៅវគ្គបន្តក្នុងជើងទី២»។ Emre Can ដែលជាមិត្តរួមក្រុមរបស់ Haaland រួមជាមួយនឹងកីឡាករ Axel Witsel បានខិតខំព្យាយាមយ៉ាងខ្លាំងនៅតំបន់បម្រើរបស់ក្រុម Dortmund ដើម្បីព្យាយាមរារាំង

ក្លឹបតោខៀវ Chelsea គ្រោងនឹង​ដាក់​សំណើ​​ថ្មី​មួយ​ទៀត​នៅពេល​ទីផ្សារ​ទិញដូរ​កីឡាករបើកទ្វា ដើម្បី​ផ្ទេរ​ខ្សែបម្រើ Matias Vecino របស់​ក្លឹប Inter Milan ។ ក្លឹប​ Chelseaទើបតែទទួល​បាន​កីឡាករ Hakim Ziyech កាល​ពី​សប្តាហ៍​មុន​ ស្របពេល​ខ្សែបម្រើក្លឹប Ajax  រូបនេះ​នឹងមកចូល​រួម​នៅ​រដូវ​ក្តៅ បន្ទាប់ពី​ព្រមព្រៀងផ្ទេរ​មក​ពហុកីឡាដ្ឋាន Stamford Bridge ក្នុង​តម្លៃ​៤០​លានផោន​។ គ្រូបង្វឹកក្លឹប Chelsea លោក Frank Lampard អាចនឹងស្វាគមន៍​កីឡាករ​ថ្មី​ទី​២​នៅ​ខែមិថុនា​ ស្របពេល​ក្លឹបនេះ​បាន​ឆ្លើយ​តប​នឹង​តម្លៃ​ ២៣លានផោន​សម្រាប់ Matias ។ គេជឿថា គ្រូបង្វឹកក្លឹប Inter Milan លោក Antonio Conte នឹង​សប្បាយចិត្ត​ក្នុងការ​ចែកផ្លូវ​ពី​កីឡាករ​រូបនេះ ដើម្បី​យក​ថវិកា​មក​ចំណាយ​នៅរដូវកាលទិញដូរ​នារដូវក្តៅខាងមុខ​។តាម​ព័តមាន​ថា ក្លឹប Everton ក៏​ប្រជែងផ្ទេរ​យក​កីឡាករ​វ័យ​២៨​ឆ្នាំ​រូបនេះ​ផងដែរ៕

លោក Jurgen Klopp បាននិយាយកាលពីថ្ងៃចន្ទថា លោកហាក់មានអារម្មណ៍ដូចជា «តួក្នុងខ្សែភាពយន្តកំប្លែងរឿង Kindergarten Cop» អ៊ីចឹង បើធៀបទៅនឹងលោក Diego Simeone ប៉ុន្តែ ក្រុម Liverpool នឹងព្យាយាមដើរតួជាក្រុមមនុស្សពេញវ័យ ដើម្បីប្រកួតជាមួយនឹងក្រុមក្មេងៗ នៅពេលដែលពួកគេជួបជាមួយនឹងក្រុម Atletico Madrid ក្នុងក្របខ័ណ្ឌ Champions League។ លោក Klopp បានប្រាប់អ្នកយកព័ត៌មាននៅទីក្រុងម៉ាឌ្រីដថា៖ «មនុស្សជាច្រើននិយាយថា ខ្ញុំឆាប់នឹងរំជួលចិត្ត ប៉ុន្តែ ប្រសិនបើខ្ញុំស្ថិតក្នុងកម្រិត៤ គាត់ស្ថិតក្នុងកម្រិត១២។ ខ្ញុំជាតួក្នុងរឿង Kindergarten Cop បើធៀបនឹងគាត់»។ លោក Klopp បានប្រាប់បន្តថា៖ «លោក Simeone បានដឹកនាំក្រុមរបស់ខ្លួនអស់រយៈពេល៨ឆ្នាំមកហើយ និងនៅតែមានកម្រិតនៃការរំជួលចិត្ត ហើយនោះគឺជារឿងដ៏គួរឲ្យចាប់អារម្មណ៍»។ លោក Klopp នឹងត្រូវជួបជាមួយនឹងលោក Simeone ជាលើកទី១ នៅកីឡដ្ឋាន Wanda Metropolitano នៅរាត្រីនេះ ហើយលោកបានកោតសរសើរដល់គ្រូបង្វឹកសញ្ជាតិអាហ្សង់ទីនរូបនេះយ៉ាងខ្លាំង ស្របពេលដែលលោកមិនបាននិយាយពីការធ្លាក់ចុះទម្រង់លេងរបស់ក្រុម Atletico

លោក Frank Lampard អ្នកចាត់ការទូទៅរបស់ក្រុម Chelsea បានប្រាប់ក្រុមរបស់លោកថា «ការប្រយុទ្ធចាប់ផ្តើមហើយ» សម្រាប់ការប្រជែងយកកៅអីក្របខ័ណ្ឌ Champions League នៅរដូវកាលក្រោយ ក្រោយពីបានរងបរាជ័យក្នុងលទ្ធផល ២-០ ក្រោមស្នារដៃក្រុម Manchester United កាលពីថ្ងៃចន្ទ។ ក្រុមតោខៀវ បានរងនូវការបាត់បង់គ្រាប់បាល់២គ្រាប់ ដោយសារតែប្រព័ន្ធវីដេអូជំនួយការអាជ្ញាកណ្តាល (VAR) និងបានផ្ទុះកំហឹងដោយសារតែខ្សែការពារ Harry Maguire មិនរងពិន័យកាតក្រហមសម្រាប់ការទាត់ទៅលើខ្សែប្រយុទ្ធ Michy Batshuayi ពេលគ្មានបាល់ នៅមុនពេលរូបគេបានតែតបាល់គ្រាប់បាល់ទី២របស់ Man United ក្រោយពីខ្សែប្រយុទ្ធ Anthony Martial បានរកគ្រាប់បាល់បើកឆាក។ លោក Lampard បានសម្តែងនូវការខកចិត្តយ៉ាងខ្លាំង ខណៈដែលក្រុមរបស់លោកបានឈ្នះត្រឹមតែ៤ប្រកួតគត់ ក្នុងចំណោមការប្រកួតលីក១៤លើកចុងក្រោយ នៅពេលប្រកួតជាមួយនឹងក្រុមដែលមានកម្រិតលេងអន់ជាង។ លោក Lampard បានឲ្យដឹងថា៖ «ការប្រយុទ្ធចាប់ផ្តើមពេលនេះហើយ។ វាមិនមានតម្លៃសម្រាប់ខ្ញុំឡើយក្នុងការនិយាយលើបញ្ហានេះ នៅពេលនេះ ប៉ុន្តែ ពិតណាស់ យើងនឹងរង់ចាំមើល»។ ជ័យជម្នះនេះ ធ្វើឲ្យក្រុម Man United ឡើងទៅឈរក្នុងចំណាត់ថ្នាក់លេខ៧

ខ្សែប្រយុទ្ធ Moussa Marega របស់ FC Porto បានដើរចេញពីទីលានប្រកួតនៅតង់ទី២ ខណៈក្រុមរបស់ខ្លួនបានផ្តួលម្ចាស់ផ្ទះ Vitoria Guimaraes ក្នុងលទ្ធផល ២ទល់និង១ កាលពីថ្ងៃអាទិត្យ ខណៈដែល ខ្សែប្រយុទ្ធអន្តរជាតិបារាំងរូបនេះបានទទួលរងការរើសអើងជាតិសាសន៍ពីអ្នកគាំទ្រគូបដិបក្ស។ ម៉ារ៉េហ្គាមានវ័យ ២៨ឆ្នាំសញ្ជាតិបារាំងរូបនេះបានបង្ហាញអារម្មណ៏ខឹងសម្បារ និងបានដើរចេញពីទីលានប្រកួតនៅនាទី៦៩ ពោលគឺ ៩នាទីបន្ទាប់ពីរកបានគ្រាប់បាល់ជ័យជំនះសម្រាប់ក្រុមភ្ញៀវ។យ៉ាងណាមិញ Marega បានឆ្លើយតបដោយបង្ហាញសកម្មភាពដាក់មេដៃចុះក្រោម និងលើកម្រាមដៃកណ្តាលរបស់គាត់ទៅកាន់ហ្វូងមនុស្សដែល បានស្រែកចំអកអោយ ស្របពេលមិត្តរួមក្រុមកំពុងមានវត្តមានលើទីលានព្យាយបាមបញ្ចុះបញ្ចូលអោយរូបគេនៅបន្តលេង តែទីបំផុតអតីតកីឡាករក្លឹប Maritimo រូបនេះត្រូវបានប្តូរចេញ។ ក្លឹបយក្សព័រទុយហ្គាល់ Porto បានសរសេរលើគេហទំព័ររបស់ពួកគេ ដោយពិពណ៌នាថា: វាជាស្ថានភាពដ៏ក្រៀមក្រំដែលជារឿងខ្មាស់អៀនបំផុតសម្រាប់ក្លឹប Guimaraes និងលីកកំពូលព័រទុយហ្កាល់។គួរបញ្ជាក់ថា Marega ធ្លាបបានចំណាយពេលមួយរដូវកាល(២០១៦-២០១៧)លេងនៅ ក្លឹប Vitoria Guimaraes ខ្ចីជើង និងស៊ុតបញ្ចូលទីបាន ១៥គ្រាប់ក្នុង ២៥ប្រកួតកន្លងមក។

ជ័យជម្នះ​ក្នុង​លទ្ធផល ១-០ ទៅ​លើ Norwich City កាល​ពី​យប់​ថ្ងៃ​សោរ៍ បាន​រុញ​ច្រាន​ឲ្យ Liverpool សម្រេច​យក​កំណត់ត្រា​ដ៏​អស្ចារ្យ​មួយ​នាម​ជា​ក្រុម​ដែល​មិន​ទាន់​ស្គាល់​បរាជ័យ​យូរ​បំផុត​នៅ​លីគ​កំពូល​របស់​អង់គ្លេស។ ក្នុង​នោះ​គឺ​ហង្ស​ធ្វើ​បាន ៤៣ ប្រកួត​សរុប​ក្នុង​លីគ ដែល​មិន​ទាន់​ស្គាល់​ពាក្យ​ថា “ចាញ់” ពោល​គឺ​មាន​តែ​ស្មើ​និង​ឈ្នះ​តែ​ប៉ុណ្ណោះ។ កំណត់ត្រា​របស់​ Arsenal ដែល​ល្អ​ដាច់​គេ​គឺ​ធ្លាប់​ធ្វើ​បាន​ដល់​ទៅ ៤៩ ប្រកួត​នា​រដូវ​កាល ២០០៣-០៤។ សម្រាប់​ហង្ស​អាច​នឹង​មាន​ឱកាស​ប្រជែង​កំណត់ត្រា​នេះ​បាន ប៉ុន្តែ ៦ ប្រកួត​បន្ទាប់​ខ្លះ​ក៏​ត្រូវ​ប៉ះ​ក្រុម​ខ្លាំង​ដោយ​រួម​មាន​ដូច​ជា​ការ​ជួប West Ham, Watford, Bournemouth, Everton, Crystal Palace និង Manchester City៕

កាលពីពេលថ្មីៗនេះ គណនី Twitter របស់ក្លឹបយក្ស Barcelona ត្រូវបាន​ Hack ដោយក្រុម Hacker ដែលមានឈ្មោះថា OurMine ហើយបានបង្ហោះសារក្នុងបណ្ដាញសង្គម Twitter ថា​ កីឡាករសញ្ជាតិប្រេស៊ីល Neymar អាចនឹងត្រឡប់មកកាន់ទ្រនំចាស់ Barcelona វិញ។ ពួកគេ [Hacker] ក៏បានបញ្ជាក់ដែរថា ប្រព័ន្ធការពារសុវត្ថិភាពរបស់ក្លឹបមិនសូវមានប្រសិទ្ធភាពនោះទេ។ ប្រសិនបើចង់ពង្រឹងប្រព័ន្ធការពារសុវត្ថិភាពគណនីរបស់លោកអ្នក ចាំបាច់ត្រូវតែទាក់ទងទៅកាន់ក្រុម OurMine ដោយផ្ទាល់តែម្ដង។ ទោះជាយ៉ាងណា បន្ទាប់ពីបង្ហោះសារមិនបានប៉ុន្មាននាទីផង ក៏ត្រូវបានលុបទៅវិញ តែត្រូវបានអ្នកគាំទ្រថតបាន។ គួរបញ្ជាក់ដែរថា កាលពីពេលកន្លងទៅនេះ ក្រុម Hacker ដដែលនេះក៏ធ្លាប់បាន Hack ចូលទៅកាន់គណនីរបស់ Facebook និង គណនីរបស់ Olympic នៅលើបណ្ដាញសង្គម Twitter ផងដែរ ដោយបង្ហោះសារក្នុងអត្ថន័យស្រដៀងគ្នា គឺបើចង់ពង្រឹងប្រព័ន្ធការពារសុវត្ថិភាព ត្រូវតែទាក់ទងទៅពួកគេផ្ទាល់៕

លោក Antonio Conte គ្រូបង្វឹក​ក្លឹប Inter Milan សង្ឃឹមថា នឹង​នាំយក​ខ្សែប្រយុទ្ធ​ Pierre Emerick Aubameyang ពីក្រប​ខណ្ឌ​ព្រីមីញ៉េ​លីក។Aubameyang ប្រធាន​ក្រុម Arsenal បាន​ឈាន​ចូលដល់​រយៈ​ពេល​១៨​ខែ​ចុងក្រោយ​នៃ​កិច្ច​សន្យា​ជាមួយ​ក្លឹប Arsenal ហើយ​គេនិយាយថា មាន​ការ​ត្រៀម​បន្តអនាគតវែងឆ្ងាយ​នៅក្នុង​វ័យ​៣០​ឆ្នាំ។ ក្លឹប Barcelona ចង់​ផ្ទេរ​ខ្សែប្រយុទ្ធសញ្ជាតិ​ហ្គាបុងរូប​នេះ​ ប៉ុន្តែនៅពេលនេះក្លឹប Barcelona បាន​ងាក​មក​រកខ្សែប្រយុទ្ធ​ Lautaro Martinez ។ Arsenal ទំនងជា​មិនអាច​ឈរនៅក្នុង​ចំណោម​ក្រុម​កំពូល​ទាំង​បួន​នោះទេនៅរដូវកាលនេះ ដោយ​បង្ខំឲ្យ Aubameyang ដែល​មិន​ធ្លាប់លេងនៅ​ក្របខណ្ឌ​កំពូល​អឺរ៉ុប​ជាមួយ​ Arsenal នោះ នឹង​ពិចារណា​ពីអនាគត​របស់​ខ្លួន​។ រឿងនេះ​អាចត្រួស​ត្រាយ​ផ្លូវ​សម្រាប់ Aubameyang ផ្ទេរ​មក​អ៊ីតាលី ទីដែល​កីឡាករ​រូបនេះ នឹង​លេងដៃគូ​ជាមួយ​អតីត​ខ្សែប្រយុទ្ធយូណាយធីត RomeluLukakuដែល​គេអាច​មើលឃើញថា ជា​ការ​បង្កើន​ប្រព័ន្ធ​ប្រយុទ្ធ​សម្រាប់​ការ​ប្រកួត​នៅ​ក្របខណ្ឌ​ឆេម​ពានលីក៕

ក្រុមមេឃខៀវ Manchester City ត្រូវបានដកសិទ្ធិពីការប្រកួតប្រជែងក្របខ័ណ្ឌក្លឹបអឺរ៉ុបរយៈពេល ២ រដូវកាល បន្ទាប់ពីគេរកឃើញថាក្លិបនេះបានរំលោភយ៉ាងធ្ងន់ធ្ងរទៅលើការផ្តល់សិទ្ធិអនុញ្ញាតរបស់​ UEFA  និងបទប្បញ្ញត្តិស្តីពីការប្រកួតប្រជែងដោយយុត្តិធម៌ផ្នែកហិរញ្ញវត្ថុ។ បើទោះបីជា​បម្រាម​នៅក្របខណ្ឌឆេម​ពានលីក​មកលើ Manchester City អាចនឹង​ប្រែប្រួល ប៉ុន្តែ​ទណ្ឌកម្មនៅក្របខណ្ឌព្រីមីញ៉េលីក​ប្រហែលមិនអាច​ផ្លាស់ប្តូរ​នោះទេ។សេចក្តី​រាយការណ៍​បង្ហាញថា គណកម្មាធិការ​ក្របខណ្ឌ​ Premier League បាន​ពិភាក្សា​ពី​លទ្ធភាព​ដាក់ទណ្ឌកម្ម បន្ទាប់ពី​ស្ថាប័ន UEFA ដាក់​ទោស​ក្លឹប City ។ ក្របខណ្ឌ Premier League ​នឹងបង្ខំចិត្ត​ចាត់វិធានការផងដែរ ​ដោយ​សារតែ​​ខ្លួន​ជា​អ្នក​ផ្តល់​ការ​អនុញ្ញាត។ក្រុម​ប្រឹក្សា​របស់ UEFA បានរកឃើញថា ក្លឹប​ City ​បាន​ធ្វើ​ការ​អះអាងបំផ្លើស​អំពី​ប្រាក់ចំណូល​បាន​មក​ពីក្រុមហ៊ុន​ឧបត្ថម្ភរបស់ខ្លួន។បច្ចុប្បន្ន​ City ​ឈរនៅលេខរៀងទី​២​នៅក្របខណ្ឌ Premier League ដោយ​មាន​៥១​ពិន្ទុ ហើយ​មាន​គម្លាត​ ២២ពិន្ទុ​ពីក្រុម Liverpool ។ Manchester City នឹងមិនអនុញ្ញាតឱ្យប្រកួតក្នុងក្របខ័ណ UEFA Champions League រដូវកាល ២០២០-២១ និង ២០២១-២២៕

បើទោះបីជាក្លឹប Liverpool កំពុង​បោះជំហាន​ឆ្ពោះទៅរក​ការ​លើកពាន​ក្របខណ្ឌ​ EPL ក៏ដោយ ក៏​ជោគជ័យនេះមិន​អាច​រារាំងគ្រូបង្វឹក​លោក JurgenKlopp​ ក្នុងការរកវិធី​ពង្រឹង​ក្រុម​របស់​លោក​បន្ថែមទៀត​នោះទេ។ បើតាមសេចក្តី​រាយការណ៍​នៅអាល្លឺម៉ង់ថា ទោះបី​មាន​ខ្សែប្រយុទ្ធ​ឆ្នើម​បី​រូប​ដូចជា Sadio Mane, Mohamed Salah និង​​ Roberto Firmino ហើយក៏ដោយ​ ក៏គ្រួបង្វឹក​រូបនេះ​ត្រៀម​បង្កើន​ជម្រើស​ខ្សែប្រយុទ្ធបន្ថែម​ទៀត​ ។ មាន​ការ​អះអាងថា ខ្សែប្រយុទ្ធ Timo Werner របស់​ក្លឹប RB Leipzig ត្រូវ​បាន​គេចាត់ទុកថា ជា​ខ្សែប្រយុទ្ធ​ដ៏ស័ក្តិសម​ក្នុងការ​ពង្រឹង​ប្រព័ន្ធប្រយុទ្ធ​របស់​ក្លឹប Liverpool ។ មាន​ការ​លើក​ឡើង​ថា លោក Klopp​ចង់បាន​កីឡាករ​វ័យ​២៣​ឆ្នាំ​រូបនេះ​មក​ពហុកីឡាដ្ឋាន Anfieldនៅរដូវក្តៅ​នេះ ហើយ​ខ្សែប្រយុទ្ធរូបនេះ​មាន​លក្ខខណ្ឌទិញផ្តាច់​៥១លាន​ផោន៕