Tag: Antony

លោក Erik Ten Hag បានបង្ហើបឲ្យដឹងថាលោកនៅមិនទាន់ច្បាស់ទេថា ខ្សែប្រយុទ្ធ Cristiano Ronaldo និង Antony  អាចចូលលេងក្នុងការប្រកួត Premier League ទល់នឹង Fulham នាថ្ងៃទី១៣ខែវិច្ឆិកា បានដែរឬអត់។ ការប្រកួតនេះនឹងក្លាយជាការប្រកួតចុងក្រោយ មុនព្រឹត្តិការណ៍បាល់ទាត់ពិភពលោកចូលមកដល់ខណៈដែល Ronaldo និង Antony សុទ្ធតែមានឈ្មោះក្នុងក្រុមជម្រើសជាតិសម្រាប់ធ្វើដំណើរទៅប្រទេស កាតា។ យ៉ាងណាមិញ Ronaldo បានខកខានការប្រកួតទល់នឹង Aston Villa ក្នុងពានរង្វាន់ Carabao Cup ម្ដងរួចមកហើយដោយសារមានជំងឺ ខណៈដែល Antony មានរបួសត្រង់ត្រគាក។ លោក Ten Hag បានបញ្ជាក់ថា៖ “ខ្ញុំមិនអាចធានាបានទេថាគេនឹងអាចចូលលេង ព្រោះគេបានឈឺនៅថ្ងៃនេះ។ គេនៅតែអាចជាសះស្បើយព្រោះវាមិនមែនជាជំងឺធ្ងន់ធ្ងរដែលត្រូវការពេលព្យាបាលរាប់ថ្ងៃឬអាទិត្យនោះទេ។ ខ្ញុំគិតថាវាអាចទៅរួចដែលគេអាចចូលលេងនៅថ្ងៃអាទិត្យ និងគេអាចនឹងនៅក្នុងក្រុមដែរ។ចំណែក Antony,ខ្ញុំមិនអាចបញ្ជាក់បានទេថាគេនឹងលេងក្នុងក្រុមនាថ្ងៃអាទិត្យឬអត់។ ប៉ុន្តែគេបានធូរច្រើននៅប៉ុន្មានថ្ងៃនេះហើយពួកយើងនឹងរង់ចាំមើលថ្ងៃស្អែក”៕

ខ្សែប្រយុទ្ធ Anthony Martial, Antony និង Jadon Sancho នឹងមិនមានវត្តមានក្នុងការប្រកួត Europa League ទល់នឹង Real Sociedad នៅយប់ថ្ងៃទី៤ខែវិច្ឆិកានេះឡើយ។ Martial នៅមិនទាន់ជាសះស្បើយរបួសត្រង់ខ្នងពេញលេញ ខណៈដែល Antony ដែលមិនបានចូលលេងការប្រកួតជាមួយ West Ham ក៏នៅតែមិនទាន់អាចមករួមក្រុមវិញដែរ។ ចំណែក Jadon Sancho វិញគឺលោក Erik Ten Hag បានបង្ហើបថារូបគេមានជំងឺនិងមិនបានចូលលេងនោះឡើយ។ លោក Ten Hag បាននិយាយថា៖ “Jadon Sanchoបានឈឺ។ Anthony Martial កំពុងស្ថិតនៅដំណាក់កាលស្តារកាយសម្បទាឡើងវិញដូច្នេះគេត្រូវធ្វើវាឲ្យចប់។គេបានមកហ្វឹកហាត់នៅព្រឹកនេះ ដូច្នេះពួកយើងនឹងដើរឆ្ពោះទៅកាន់ផ្លូវមួយដ៏ត្រឹមត្រូវ”៕

អ្នកចាត់ការរបស់ Manchester United លោក Erik ten Hag ​បានចេញមុខពន្យល់ពីហេតុផលដែលយប់មិញខ្សែប្រយុទ្ធសញ្ជាតិ ប្រេស៊ីល Antony មិនមានឈ្មោះនៅក្នុងក្រុមសូម្បីតែកៅអីបម្រុង។ ជាការពិតណាស់ នៅក្នុងការប្រកួតសប្តាហ៍ទី ១៣ នៃក្របខណ្ឌ Premier League យប់មិញ Manchester United បានទទួលជ័យជម្នះទៅលើក្រុម West Ham ក្នុងលទ្ធផល ១-០ ខណៈមួយគ្រាប់នោះគឺរកបានដោយ Marcus Rashford នៅនាទីទី ៣៨។ យ៉ាងណាមិញសម្រាប់ការប្រកួតខាងលើគឺមិនមានឈ្មោះរបស់ Antony នោះទេ ស្របពេលដែលបច្ចុប្បន្នរូបគេកំពុងតែបង្ហាញសមត្ថភាពល្អគួរឱ្យកត់សម្គាល់ហើយជាមួយគ្នានេះក៏បានធ្វើឱ្យអ្នកគាំទ្រងឿយឆ្ងល់ផងដែរ ក្រោយអវត្តមានរបស់ខ្សែប្រយុទ្ធវ័យ ២២ ឆ្នាំ។ ទាក់ទងនឹងរឿងខាងលើ លោក Ten Hag បានចេញមុខបកស្រាយពីអវត្តមានរបស់ Antony យ៉ាងដូច្នេះថា៖ “វាគឺគ្មានរឿងអ្វីនោះទេគាត់គឺមានបញ្ហារបួស ហើយខ្ញុំសង្ឃឹមថា វានឹងមិនមានរឿងអាក្រក់ឡើយ។ ខ្ញុំគិតថាវាគឺមិនអាក្រក់នោះទេ។ នៅក្នុង ២ ទៅ ៣ ថ្ងៃទៀតគាត់នឹងត្រឡប់មកវិញ”៕

លោក Erik ten Hag ត្រូវបានគេរាយការណ៍ថាចង់នាំយកតារាឆ្នើមរបស់ Ajax កីឡាករ Edson Alvarez មកកាន់ Old Trafford ។ នៅពេលដែល Ten Hag ត្រូវបានតែងតាំងជាអ្នកចាត់ការទូទៅរបស់ United នៅដើមឆ្នាំនេះ មនុស្សជាច្រើនរំពឹងថាគាត់នឹងឆ្មក់យកតារាឆ្នើមៗជាច្រើន អតីតក្លឹបរបស់គាត់ ដើម្បីកសាងក្រុមឡើងវិញនៅ Old Trafford ។  ហើយប្រាកដណាស់ Man United បាននាំយក Lisandro Martinez និង Antony ពី Ajax មែន ។ ហើយបើ យោងទៅតាមរបាយការណ៍របស់ calciomercato បានឲ្យដឹងថា ឆាប់ៗនេះ លោក Ten Hag គ្រោងយក Alvarez ម្នាក់ទៀតពី Ajax ដែលជាដៃគូចាស់ របស់ Martinez។ គួរបញ្ជាក់ដែរថា មិនមែន តែ

Casemiro បានទម្លាយឈ្មោះមិត្តរួមក្រុមនៅ Manchester United ចំនួន ២ នាក់ ដែលខ្លួនចង់យកមករួមក្រុមបំផុតនៅពេលហ្វឹកហាត់ប៉ុន្តែពិតគួរឱ្យភ្ញាក់មែនទែន ដែលក្នុងចំណោមកីឡាករទាំង ២ នាក់នោះ គឺគ្មានឈ្មោះរបស់ខ្សែប្រយុទ្ធឆ្នើម Cristiano Ronaldo នោះទេ។ ជាការពិតណាស់ Casemiro ខ្សែបម្រើសញ្ជាតិ ប្រេស៊ីល ត្រូវបាន Man UTD ទិញយកពី Real Madrid នៅរដូវក្តៅនេះក្នុងតម្លៃ ៦៣.៦ លានផោន ឬប្រមាណជា (៧២ លានដុល្លារអាមេរិក), ខណៈប៉ុន្មានប្រកួតចុងក្រោយនេះរូបគេកំពុងធ្វើបានល្អមែនទែន តួយ៉ាងថ្មីៗនេះរូបគេបានសាងគុណសម្បត្តិយ៉ាងធំធេងដោយរកបានមួយគ្រាប់នៅចុងម៉ោងជួយឱ្យ Man UTD តាមស្មើ Chelsea ១-១។ នៅក្នុងកិច្ចសម្ភាសន៍ជាមួយ YouTube channel របស់ Premier League, Casemiro ត្រូវបានគេសួរអំពីកីឡាករក្នុងក្រុមដែលគេចង់យកមករួមក្រុមបំផុតនៅពេលហ្វឹកហាត់ ក្នុងនោះខ្សែបម្រើវ័យ ៣០ឆ្នាំបានឆ្លើយតបទៅវិញដោយមិនលាក់លាមថា គាត់គឺពេញចិត្ត Fred និងខ្សែប្រយុទ្ធស្លាប Antony៕

​ខ្សែ​ប្រយុទ្ធ Cristiano Ronaldo បាន​សាង​កំណត់ត្រា​ខ្លួន​ឯង ដោយ​រក​បាន​គ្រាប់​ទី​៧០០​ក្នុង​ក្លឹប​អាជីព បន្ទាប់​ពី​ជួយ Manchester United ​វាយ​បក​យក​ឈ្នះ Everton ២-១។ ក្នុង​ការប្រកួត​ Ronaldo ត្រូវ​បាន​ផ្លាស់​ប្ដូរ​ចូល​ក្នុង​វគ្គ​​មួយ​ជំនួស​កន្លែង Anthony Martial ដែល​មាន​របួស។ ពិត​ជា​មាន​ប្រសិទ្ធភាព​ កីឡាករ​វ័យ​៣៧​ឆ្នាំ​រក​បាន​គ្រាប់​ទី​ពីរ​ឲ្យ​បិសាច​ក្រហម ក្រោយ​ពេល Antony ជា​អ្នក​សម្រេច​បាន​​គ្រាប់​ទី​មួយ​វាយ​បក​យក​ឈ្នះ​វិញ។ មួយ​គ្រាប់​នាំ​មុខ​ដំបូង​របស់ Everton ធ្វើ​បាន​ដោយ​​ខ្សែ​បម្រើ Alex Iwobi។ ​​​នេះ​គឺ​ជា​គ្រាប់​ដំបូង​សម្រាប់ Ronaldo ក្នុង​លីគ​នា​រដូវ​កាល​នេះ ក្រោយ​បង្ហាញ​ខ្លួន​​ឲ្យ​ Man United បាន​៧​ប្រកួត ហើយ​ក៏​ជា​គ្រាប់​ទី​៧០០​សម្រាប់​ក្លឹប​អាជីព​ផង​ដែរ។ កីឡាករ​សញ្ជាតិ​ព័រទុយហ្គាល់​​រក​បាន​១៤៤​គ្រាប់​នៅ Man United ៤៥០​គ្រាប់​នៅ Real Madrid ១០១​គ្រាប់​នៅ Juventus និង​៥​គ្រាប់​នៅ Sporting Lisbon៕

ខ្សែប្រយុទ្ធ​ Antony បាន​ឡើង​តម្លៃ​ខ្លួន​រហូត​ទៅ​ដល់​ ៤០លាន​អ៊ឺរ៉ូ​ ក្រោយ​មក​ផ្លាស់​មក​កាន់​ក្លឹប​ Manchester United នៅ​ក្នុង​រដូវកាល​ឆ្នាំ​២០២២/២៣​នេះ​។ បើ​យោង​តាម​ស្ថិតិ​របស់​ Transfermarkt។ នៅ​ក្នុង​​ពេលនេះ​ កីឡាករ​សញ្ជាតិ​ប្រេស៊ីល​រូប​នេះ​មាន​តម្លៃ​ខ្លួន​រហូត​ដល់​ ៧៥​លាន​អ៊ឺរ៉ូ​ឯណោះ​ ខណៈ​នៅ​​ចុង​រដូវកាល​ឆ្នាំ​២០២១/២២ កាល​នៅ​លេង​ឲ្យ​ក្លឹប​ Ajax កន្លង​ទៅ​នេះ គេ​មាន​តម្លៃ​ខ្លួន​ត្រឹម​៣៥លាន​អ៊ឺរ៉ូ​។ ខ្សែ​ប្រយុទ្ធ​វ័យ​២២ឆ្នាំ​រូប​នេះ​ ជា​កីឡាករ​ដែល​លោក​ Erik Ten Hag អ្នកចាត់ការ​ Man Utd ពេញ​ចិត្ត​ និង​មើល​ឃើញ​ពី​សមត្ថភាព​ដោយ​បាន​តាម​ទិញ​ពី​ Ajax ដោយ​ចំណាយ​សរុប​ក្បែរ​១០០លាន​អ៊ឺរ៉ូ​ ជា​មួយ​នឹង​កុងត្រា​រហូត​ដល់​ឆ្នាំ​២០២៧ និង​មាន​លក្ខខ័ណ្ឌ​អាច​បន្ត​កុងត្រា​១ឆ្នាំ​ទៀត​។ មក​ទល់​នឹង​ពេល​នេះ Antoy បាន​បង្ហាញ​សមត្ថភាព​នៅ​ក្លឹប​ថ្មី​បាន​ល្អ​គួរសម​ ដោយ​ចូល​លេង​ឲ្យ​ Man Utd បាន​៤ប្រកួត​ និង​ស៊ុត​ចូល​២គ្រាប់​៕

ខ្សែបម្រើ​ Casemiro បាន​និយាយ​ទៅ​សារព័ត៌មាន​របស់​ក្លឹប​ Manchester United របស់​គេ​ដោយ​បង្ហាញ​ពី​ការ​ពេញ​ចិត្ត​នឹង​ ខ្សែប្រយុទ្ធ​ Antony ដោយ​ថា​គេ​ជា​កីឡាករ​មាន​គុណភាព​។ Casemiro បាន​និយាយ​ថា​៖” ខ្ញុំ​គិត​វា​ជា​រឿង​សំខាន់​មែនទែន​ដែល​មាន​កីឡាករ​ដ៏​មាន​គុណភាព​មួយ​រូប​ដូច​ជា​ Antony នៅ​ជា​មួយ​ក្រុម​របស់​យើង​។ ខ្ញុំ​បាន​ស្គាល់​គេ​តាំង​ពី​ក្រុម​ជម្រើស​ជាតិ​រួច​រាល់​ហើយ​។ គេ​នឹង​ធ្លាប់​លេង​ជា​មួយ​ខ្ញុំ​នៅ​ប្រេស៊ីល​។ និយាយ​ទៅ​គឺ​ថា​សំខាន់​ណាស់​ដែល​ត្រូវ​តែ​មាន​កីឡាករ​កម្រិត​ Antony “។ ទាំង​ Casemiro និង​ Antony សុទ្ធ​តែ​ជា​កីឡាករ​ចំណូល​ថ្មី​របស់​ Man Utd ក្នុង​រដូវកាល​នេះ​។ Antony បាន​ចូល​លេង​ឲ្យ​ក្រុម​ប៊ិសាច​ក្រហម​បាន​២ប្រកួត​ហើយ​ និង​ស៊ុត​ចូល​១គ្រាប់​។ ពួក​គេ​ទាំង​ពីរ​សុទ្ធ​តែ​មាន​ឈ្មោះ​ដើម្បី​ចូល​រួម​ប្រកួត​តទល់នឹង​ Sheriff ក្របខ័ណ្ឌ​ UEFA Europa League យប់​នេះ​៕

យោងតាមការចុះផ្សាយរបស់អ្នកកាសែត Fabrizio Romano គឺក្លិប Atletico Madrid បានស្នើឲ្យ Manchester United ទិញយក Yannick Carrasco កាលពីទីផ្សារដោះដូរកីឡាករនារដូវក្ដៅកន្លងទៅ។ ភាគីលោក Erik Ten Hag បានស្វែងរកខ្សែប្រយុទ្ធមកពង្រឹងក្រុម ដូច្នេះទើប Atletico Madrid ចង់ឲ្យក្លិបនេះទិញយក Carrasco ដែលបានបង្ហាញខ្លួន២២៥ប្រកួត និងស៊ុតបញ្ចូលទី ៣៨គ្រាប់ព្រមទាំងបញ្ជូនបាល់៣៩គ្រាប់ឲ្យក្លិបផងដែរ។ យ៉ាងណាមិញ Man UTD បានបដិសេធសំណើនេះនិងងាកមកទិញយក Antony ពី Ajax វិញក្នុងតម្លៃដល់ទៅ១០០លានដុល្លារឯណោះ។ នៅរដូវកាលនេះ Yannick Carrasco បានបង្ហាញខ្លួន៦ប្រកួតនិងស៊ុតបញ្ចូលទី១គ្រាប់នៅរដូវកាលនេះ៕

អ្នក​ចាត់​ការ Erik ten Hag បាន​បង្ហាញ​ក្ដី​រីករាយ​ជា​ខ្លាំង​ បន្ទាប់​ពី​ដឹក​នាំ Manchester United បញ្ចប់​កំណត់ត្រា​​ឈ្នះ​១០០%​ របស់ Arsenal ក្នុង​ការ​ចាប់​ផ្ដើម​រដូវ​កាល។ គ្រាប់​ម្នាក់​ឯង ​ជា​គ្រាប់​បាល់​ដំបូង​​របស់​​គេ​ដែល​រក​បាន​ទល់​នឹង​ Arsenal ក្នុង​រយៈពេល​ជាង​៦​ឆ្នាំ​មក​នេះ។ ជ័យជម្នះ ៣-១ លើ​កាំភ្លើង​ធំ គឺ​ជា​ការ​ឈ្នះ​៤​ប្រកួត​ជាប់​គ្នា​ក្នុង​​លីគ​របស់​បិសាច​ក្រហម។ យ៉ាងណាក្ដី លោក Ten Hag ​បាន​បញ្ជាក់​ថា​ នេះ​គ្រាន់​តែ​ជា​ការ​ចាប់​ផ្ដើម​​នៃ​​កំណែទម្រង់​ក្រុម​របស់​លោក​ប៉ុណ្ណោះ។ បុរស​សញ្ជាតិ​ហុល្លង់​បាន​​សរសើរ​ Antony និង Rashford ​លេង​ល្អ​ ហើយ​ពួក​គេ​នឹង​គំរាមកំហែង​ក្រុម​ផ្សេង​បន្ត​ទៀត។ នេះ​​ជា​លើក​ដំបូង​ដែល​អ្នក​ទាំង​ពីរ​លេង​ជាមួយ​គ្នា និង​​បង្ហាញ​ទម្រង់​លេង​ល្អ​បែប​នេះ ជា​ពិសេស​​ការ​បង្កើត​ឱកាស​និង​ល្បឿន។ Ten Hag បាន​បន្ថែម​ថា៖ “ពួក​​យើង​កំពុង​នៅ​​លើ​ផ្លូវ​​ក្នុង​ទិសដៅ​ល្អ​មួយ។ ពួក​យើង​ត្រូវ​តែ​បន្ត​ទៅ​មុខ។ យើងត្រូវតែបន្តជំរុញ អាកប្បកិរិយា និងចិត្តគំនិត កំណត់ស្តង់ដារខ្ពស់ជារៀងរាល់ថ្ងៃ។ យើងត្រូវធ្វើឱ្យកាន់តែប្រសើរឡើង ​ខណៈ​មានកន្លែងជាច្រើន​ត្រូវកែលម្អ៕

បន្ទាប់ពីទិញបាន Antony ពី Ajax ក្នុងតម្លៃ ១០០ លាន ទីបំផុត Manchester United បានប្រកាសលេខអាវរបស់ខ្សែប្រយុទ្ធសញ្ជាតិ ប្រេស៊ីល រូបនេះហើយ តែមិនមែនលេខ ១១ ទេ។ យោងតាមទំព័រផ្លូវការរបស់ Man UTD បានធ្វើការប្រកាសកាលពីល្ងាចមិញថា Antony នឹងពាក់អាវលេខ ២១ សម្រាប់រដូវកាលថ្មីជាមួយក្រុមបិសាចក្រហម ដែលនេះគឺជាលេខចាស់របស់ Edinson Cavani។ ជាមួយគ្នានេះ Man UTD ក៏បានប្រកាសពីលេខអាវរបស់អ្នកចាំទីចំណូលថ្មី Martin Dubravka ផងដៃ ដោយរូបគេនឹងពាក់អាវលេខ ៣១ ក្នុងនាមជាអ្នកចាំទីដៃទី ២៕

ខ្សែប្រយុទ្ធ​ Antony បាន​ធ្វើ​ការ​ចុះ​កុងត្រា​ក្លាយ​ជា​កីឡាករ​របស់​ក្លឹប​ Manchester United ជា​ផ្លូវការ​ចាប់​ពី​ថ្ងៃ​នេះ​ត​ទៅ​។ Antony និង​ Man Utd ព្រមព្រៀង​គ្នា​ចុះ​កុងត្រា​ក្នុង​រយៈពេល​៥ឆ្នាំ​ រហូត​ដល់​ថ្ងៃ​ទី​៣០ ខែ​មិថុនា​ ឆ្នាំ​២០២៧ ដោយ​មាន​លក្ខខ័ណ្ឌ​បន្ត​កុងត្រា​ថ្មី​១ឆ្នាំ​ទៀត​ រហូត​ដល់​ឆ្នាំ​២០២៨​។ ក្រោយ​ចុះ​កុងត្រា​ជា​ផ្លូវការ​នៅ​ក្នុង​ថ្ងៃ​នេះ​ លោក​ Erik Ten Hag អ្នកចាត់​ការ​ Man Utd បាន​សម្ដែង​ការ​ជឿជាក់​ថា​ Antony នឹង​នៅ​តែ​ជា​កីឡាករ​ដែល​ខិត​ខំ​ប្រែ​ប្រែង​ និង​ជួយ​ក្រុម​ឲ្យ​ទទួល​បាន​ជ័យ​ជំនះ​ដូច​កាល​នៅ​ Ajax។ សម្រាប់​តែ​ Antony ក៏​លើក​ឡើង​ផង​ដែរ​ថា​ មាន​កេត្តយស​ណាស់​ដែល​មក​លេង​ក្រោម​ការ​ដឹកនាំ​របស់​លោក​ Ten Hag ម្ដង​ទៀត​ ដោយ​នឹង​ប្រឺង​ឲ្យ​អស់​លទ្ធភាព​។ Antony ទើប​មាន​វ័យ​២២ឆ្នាំ​ ដោយ​ចូល​លេង​ក្រុម​ឈុត​ធំ​តាំង​ពី​ឆ្នាំ​២០១៨ ដោយ​ធ្លាប់​លេង​ឲ្យ​ Sao Paulo និង​ Ajax ដោយ​ចូល​រួម​ប្រកួត​សរុប​ ១៣៤ប្រកួត​ និង​ស៊ុត​ចូល​ ៣១គ្រាប់​៕

ក្លឹប Manchester United បាន​ឈាន​ដល់​កិច្ចព្រមព្រៀង​​យក​បាន​ខ្សែ​បម្រើ​ប្រយុទ្ធ​សញ្ជាតិ​ប្រេស៊ីល​ Antony ពី​ក្លឹប Ajax។ Man United បាន​ចំណាយ​ដល់​ទៅ​៩៥​លាន​អឺរ៉ូ (៨១,៣​លាន​ផោន) ដើម្បី​នាំ​យក Antony មក​កាន់​កីឡដ្ឋាន Old Trafford ធ្វើ​ឲ្យ​គេ​ក្លាយ​ជា​កីឡាករ​មាន​តម្លៃ​ខ្លួន​ថ្លៃ​ជាង​គេ​លំដាប់​ទី​៤​នៅ Premier League។ Antony បាន​យល់​ព្រម​ចុះ​កុងត្រា​រយៈពេល​៥​ឆ្នាំ​ជាមួយ​បិសាច​ក្រហម។ ការ​មក​កាន់​ក្លឹប​ថ្មី កីឡាករ​វ័យ​២២​ឆ្នាំ​នឹង​ទទួល​បាន​​ប្រាក់​ពលកម្ម​២០​ម៉ឺន​ផោន​ក្នុង​មួយ​សប្ដាហ៍​។ នេះ​​បាន​ធ្វើ​ឲ្យ​គេ​ក្លាយ​ជា​កីឡាករ​មាន​ប្រាក់​ពលកម្ម​ខ្ពស់​ជាង​គេ​ម្នាក់​នៅ Man United។ Antony បាន​ក្លាយ​ជា​កីឡាករ​ចំណូល​ថ្មី​ទី​៥​ដែល​លោក Erik ten Hag នាំ​ចូល​ក្នុង​រដូវ​ក្ដៅ​​នេះ ចាប់​តាំង​ពី​លោក​ចូល​ដឹក​នាំ​កាល​ពី​ខែ​មិថុនា៕

លោក​ Alfred Schreuder គ្រូ​បង្គោល​ក្លឹប​ Ajax បាន​និយាយ​ទៅ​កាន់​សារព័ត៌មាន​ Ziggo Sport នៅ​ក្នុង​ថ្ងៃនេះ​ដោយ​បាន​ជះ​កំហឹង​ ខ្សែ​ប្រយុទ្ធ​ Antony ដែល​សុខៗ​ចង់​ចាកចេញ​ទៅ​កាន់​ក្លឹប​ Manchester United ដោយ​បាន​ដាក់​សម្ពាធ​មិន​ចូល​រួម​លេង​ជា​មួយ​ក្រុម​តែ​ម្ដង​ ដោយ​អាក​ខាន​២ប្រកួត​ហើយ​។ លោក​ Schreuder បាន​និយាយ​ថា​៖” ខ្ញុំ​គិត​ថា​អតចរិក​របស់​គេ​អញ្ចឹង​គឺ​ចម្លែក​មែនទែន​។ វា​គួរ​ឲ្យ​ខ្មាស់​អៀន​ណាស់​ដែល​គេ​ធ្វើ​រឿង​អញ្ចឹង​ឲ្យ​កើត​ឡើង​​។ តាម​ការ​យល់​ឃើញ​ផ្ទាល់​ខ្លួន​របស់​ខ្ញុំ​ ខ្ញុំ​គិត​ថា​ធ្វើ​អញ្ចឹង​គឺ​អាក្រក់​ណាស់​។ ខ្ញុំ​ខឹង​នឹង​​រឿង​ហ្នឹង​ណាស់​។ ធ្វើ​ជា​គ្រូ​បង្ហាត់​គឺ​ខឹង​បំផុត​នៅ​ពេល​មាន​រឿង​អញ្ចឹង​ តែ​ក្រោយ​មក​ខ្ញុំ​ក៏​គិត​អញ្ចេះ​វិញ​ ឯង​គ្រាន់​តែ​ជា​កីឡាករ​ម្នាក់​សោះ​ “។ ទាក់ទង​នឹង​រឿង​នេះ​គ្រូបង្គោល​ Ajax ក៏​ចង់​ឲ្យ​ក្លឹប​ប្ដឹង​ Antony នឹង​សកម្មភាព​នេះ​ផង​ដែរ។​ មក​ទល់​នឹង​ពេល​នេះ​ Antony ដឹង​តែ​ផ្លាស់​ទៅ​កាន់​ Man Utd ហើយ​ដោយ​រង់ចាំ​តែ​ការ​ប្រកាស​ផ្លូវការ​ប៉ុណ្ណោះ​៕

ក្លឹប Manchester United បាន​​យល់​ព្រម​កិច្ចព្រមព្រៀង​ជាមួយ Ajax ហើយ​លើ​ខ្សែ​បម្រើ​ប្រយុទ្ធ Antony។ គេ​ត្រូវ​បាន​ដឹង​ថា Man United នឹង​ចំណាយ​៨០​លាន​ផោន​ទៅ​កាន់ Ajax ដើម្បី​នាំ​យក Antony មក​កាន់​ទឹក​ដី Old Trafford។ កីឡាករ​វ័យ​២២​ឆ្នាំ​​នឹង​មក​កាន់​ទីក្រុង Manchester ដើម្បី​បំពេញ​ការ​ពិនិត្យ​សុខភាព​នៅ​ប៉ុន្មាន​ថ្ងៃ​ខាង​មុន។ ប្រសិន​គ្រប់​យ៉ាង​ជោគជ័យ កីឡាករ​សញ្ជាតិ​ប្រេស៊ីល​ខាង​លើ​​នឹង​ក្លាយ​​ជា​​កីឡាករ​លំដាប់​ទី​ពីរ​របស់ Man United មាន​តម្លៃ​ខ្លួន​ខ្ពស់​​ជាង​គេ​​ជាមួយ Harry Maguire ខណៈ Paul Pogba បន្ត​ជា​កីឡាករ​មាន​ថ្លៃ​ខ្លួន​ខ្ពស់​ជាង​គេ​របស់​ក្លិប​៨៩​លាន​ផោន។ Antony រក​បាន​២៥​គ្រាប់ និង Assist ២២​គ្រាប់​ក្នុង​ការ​បង្ហាញ​ខ្លួន​៨២​​ប្រកួត​ឲ្យ Ajax ក្រោយ​ផ្ទេរ​ពី​ក្លឹប​នៅ​ប្រេស៊ីល Sao Paulo កាល​ពី​ឆ្នាំ​២០២០ ដោយ​កាល​នោះ​លោក Erik ten Hag ជា​អ្នក​ទិញ​​មក៕

ក្លឹប Ajax កំពុង​ព្យាយាម​តាម​ទិញ​ខ្សែ​បម្រើ​ប្រយុទ្ធ Hakim Ziyech ត្រឡប់​មក​វិញ​ពី​ក្លឹប Chelsea ដើម្បី​ជំនួស​កន្លែង Antony ដែល​ខិតជិត​ផ្លាស់​ទៅ​កាន់ Manchester United។ កីឡាករ​សញ្ជាតិ​ម៉ារ៉ុក​​បាន​ចូលរួម​ជាមួយ​តោខៀវ​​​ផ្លាស់​ចេញ​ពី Ajax ក្នុង​តម្លៃ​ខ្លួន​៣៨​លាន​ផោន​កាល​ពី​ឆ្នាំ​២០២០។ ប៉ុន្តែ​​ការ​ចាប់​ផ្ដើម​ជា​ជម្រើស​ដំបូង​នៅ​ក្នុង​ក្រុម​ហាក់​​លំបាក​សម្រាប់ Ziyech ក្រោម​ការ​ដឹក​នាំ​របស់​លោក Thomas Tuchel។ Ziyech កាន់​តែ​បាត់បង់​​តួ​នាទី​លេង​​នៅ​កីឡដ្ឋាន Stamford Bridge បន្ទាប់​ពី​ការ​មក​ដល់​របស់ Raheem Sterling ដែល​​រក​បាន​២​គ្រាប់​ជួយ Chelsea ឈ្នះ Leicester កាល​ពី​ចុង​សប្ដាហ៍។ ក្រៅ​ពី​អតីត​កីឡាករ​របស់​មេឃខៀវ Ziyech ត្រូវ​ប្រជែង​កន្លែង​ជាមួយ Mount, Kai Havertz, Pulisic និង Hudson-Odoi សម្រាប់​តំណែង​ប្រយុទ្ធ​ទាំង​៣​ខាង​លើ។ តែ​កាល​ពី​ម្សិលមិញ Ajax បាន​សម្រេច​ចិត្ត​លក់​​ខ្សែ​បម្រើ​ប្រយុទ្ធ Antony ទៅ​កាន់​ Manchester United ក្នុង​តម្លៃ​ខ្លួន៨០​លាន​ផោន ហើយ​ពួក​គេ​ចង់​យក Ziyech មក​វិញ​ដើម្បី​ជំនួស​កន្លែង៕

សារព័ត៌មាន Daily Mail បានចុះផ្សាយថាបើ ក្លិប Manchester United ទិញបានខ្សែប្រយុទ្ធ Antony ពី Ajax នោះក្លិបនឹងឲ្យ Anthony Elanga ចាកចេញទៅលេងខ្ចីជើងនៅក្លិបផ្សេង។ ថ្មីៗនេះ ភាគីលោក Erik Ten Hag កំពុងដុតដៃដុតជើងចរចាទិញយក Antony ពី Ajax ដែលកីឡាករសញ្ជាតិប្រេស៊ីលរូបនេះក៏រំអុកចង់ផ្លាស់មកទឹកដី Old Trafford ដែរ។ មានពាក្យចចាមអារ៉ាមថា Antony ក៏បានព្រមព្រៀងលក្ខខណ្ឌផ្ទាល់ខ្លួនជាមួយ Manchester United រួចរាល់ហើយដែរ។ ដូច្នេះ លោក Ten Hag បានគិតទុករួចជាស្រេចថាចង់ឲ្យ Elanga ចាកចេញពីក្លិបដើម្បីស្វែងរកនាទីលេងទៀងទាត់នៅក្លិបផ្សេងក្រោមលក្ខខណ្ឌខ្ចីជើង។ កីឡាករវ័យ២០ឆ្នាំរូបនេះ បានឡើងមកលេងឈុតធំក្រោមការដឹកនាំរបស់លោក Ralf Rangnick កាលពីរដូវកាលមុនខណៈដែល Everton ក៏ចង់បាន Anthony Elanga ដែរប៉ុន្តែ កីឡាកររូបនេះមិនចង់ចែកផ្លូវជាមួយបិសាចក្រហមទេ៕

Manchester United នឹង​ព្យាយាម​បង្កើន​​សំណើ​ដេញ​ថ្លៃ​ដល់​ទៅ​៨០​លាន​ផោន​ទៅ​កាន់ Ajax ដើម្បី​តាម​ទិញ​ខ្សែ​បម្រើ​ប្រយុទ្ធ Antony។ អ្នក​ចាត់​ការ Erik ten Hag ចង់​បាន​កីឡាករ​សញ្ជាតិ​ប្រេស៊ីល​​មក​កាន់​ទឹក​ដី Old Trafford ក្នុង​រដូវ​ក្ដៅ​នេះ ប៉ុន្តែ​សំណើ​ចុងក្រោយ​របស់ United ៦៨​លាន​ផោន​ត្រូវ​បាន​បដិសេធ។ ក្លឹប​បិសាច​ក្រហម​ត្រូវ​បាន​គេ​រំពឹង​ថា នឹង​បង្កើន​សំណើ​ដល់​៨០​លាន​ផោន​​ដើម្បី​យក​ឲ្យ​កីឡាករ​វ័យ​២២​ឆ្នាំ​ដើម្បី​បំពេញ​បន្ថែម​នៅ​តំបន់​ប្រយុទ្ធ។ ទាក់ទង​នឹង​ការ​លក់​​ចេញ​ទិញ​ចូល ខ្សែ​ការពារ Eric Bailly បាន​និយាយ​លា​​​មិត្តរួម​ក្រុម​នៅ​ទីលាន​ហ្វឹកហាត់ Carrington កាល​ពី​ថ្ងៃ​អង្គារ​មុន​​ហោះ​ទៅ​កាន់​ប្រទេស​បារាំង​ចូលរួម​ជាមួយ​ក្រុម Marseilla ក្នុង​លក្ខខណ្ឌ​ខ្ចី​ជើង​​ក្នុង​តម្លៃ​ខ្លួន​២​លាន​ផោន។ Marseille អាច​នឹង​យក Bailly ផ្ដាច់​​ដោយ​បង់​៦​លាន​ផោន ប្រសិន​បើ​ពួក​គេ​បាន​ទៅ​លេង​នៅ Champions League រដូវ​កាល​ក្រោយ៕