Tag: Atl Madrid

ជាមួយ Real Madrid ឈ្នះ​ពាន La Liga ជា​លើក​ទី​៣៥​​របស់​ខ្លួន​ គ្រប់​ក្រសែ​ភ្នែក​ពេល​នេះ​កំពុង​​រង​ចាំ​ការ​ប្រកួត​នៅ​ថ្ងៃ​អាទិត្យ​ខាង​មុខ​ Madrid Derby ដែល​នឹង​​លេង​នៅ​កីឡដ្ឋាន Estadio Wanda Metropolitano។ Real Madrid បាន​ក្លាយ​ជា​​ជើងឯក​លីគ​ក្នុង​រដូវ​កាល​​នេះ ប៉ុន្តែ​​មាន​ការ​ពិភាក្សា​​គ្នា​ជា​ច្រើន​​អំពី​តើ Atl Madrid នឹង​ឈរដើម្បី​អបអរ​ជើង​ឯក​ក្នុង​កីឡដ្ឋាន​របស់​ខ្លួន​ឬ​អត់? ការ​សម្រេច​​នៅ​តែ​មិន​ទាន់ធ្វើ​ឡើង​នៅ​ឡើយ ប៉ុន្តែ​​មួយ​ផ្នែក​ធំ​នៃ​ក្រុម​កីឡាករ​របស់ Atl Madrid មិន​ចាប់​អារម្មណ៍​​លើ​គំនិត​ឈរ​អបអរ​នេះ​ឡើយ។ អ្នក​ចាំ​ទី Jan Oblak បាន​បញ្ចេញ​គំនិត​របស់​ខ្លួន​​ក្រោយ​ប្រកួត​ចាញ់ Bilbao ២-០ កាល​ពី​ចុង​សប្ដាហ៍​ថា ក្នុង​នាម​ជា​ប្រធាន​ក្រុម គេ​​ជា​ម្នាក់​​ក្នុង​ចំណោម​កីឡាករ​​​ដែល​មិន​ពេញ​ចិត្ត​ក្នុង​ការ​ឈរ​អបអរ​នេះ​ទេ។ គ្រប់​យ៉ាង​​មិន​ទាន់​បាន​សម្រេច​ ហើយ​ក្លឹប​នឹង​ពិភាក្សា​លើ​រឿង​នេះ​ជាមួយ​កីឡាករ​ទាំង​អស់​នៅ​សប្ដាហ៍​នេះ។ កីឡាករ​ចាស់​​ៗ​មួយ​ចំនួន​ក្នុង​ជួរ​របស់ Atl Madrid រួម​ទាំង​ Oblak នៅ​​ចាំ​បាន​ថា ពេល​ដែល​ក្រុម​របស់​ពួក​គេ​ឈ្នះ​ពាន​លីគ​កាល​ពី​ឆ្នាំ​២០១៤ ក្រុម Real Madrid មិន​បាន​ឈរ​អបអរសម្រាប់​ពួក​គេ​ឡើយ​ក្នុង​ការ​ប្រកួត​​បន្ទាប់។ ហេតុផល​របស់ Real ពេល​នោះ ដោយ​សារ​តែ​ពួក​គេ​ត្រូវ​​លេង​ផ្ដាច់ព្រ័ត្រ​​ជាមួយ Atl Madrid ក្នុង​ទីក្រុង