Tag: Barcelona

ក្លិប Barcelona កំពុងពិចារណាទិញយកខ្សែប្រយុទ្ធ Romelu Lukaku ពីក្លិប Chelsea បើសិនជាទិញយក ខ្សែប្រយុទ្ធ Robert Lewandowski ពីក្លិប Bayern Munich មិនបាន នេះបើយោងតាម Mundo Deportivo ។​ លោក Ronald Koeman ជាអតីតគ្រូរបស់ Barca ធ្លាប់ចង់ទិញយកកីឡាករសញ្ជាតិបែលស៊ិករូបនេះកាលរដូវក្ដៅឆ្នាំ២០២០ ប៉ុន្តែស្ថានភាពហិរញ្ញវត្ថុរបស់ Barca បង្ខាំងមិនឲ្យការផ្ទេរនេះកើតឡើង។ ​យ៉ាងណាមិញ អនាគតរបស់ Lukaku នៅ Chelsea ពេលនេះហាក់ស្រពេចស្រពិលបន្ទាប់ពីបាត់បង់ជម្រើស១១នាក់ដំបូងក្រោមការដឹកនាំរបស់លោក Thomas Tuchel ដោយស៊ុតបញ្ចូលទីបានតែ ១៥ គ្រាប់នៅរដូវកាលមុន។ ដោយឡែក Lukaku ធ្លាប់ផ្ដល់បទសម្ភាសន៍ថាគេចង់វិលត្រឡប់ទៅក្លិប Inter Milan វិញខណៈ Inter Milan ក៏ត្រូវបានគេរាយការណ៍ចង់យកអតីតតារាឆ្នើមរបស់ខ្លួនរូបនេះមកវិញដែរ៕

​ខ្សែ​បម្រើ​ប្រយុទ្ធ Sadio Mane ត្រូវ​បាន​រាយការណ៍​យល់​ព្រម​​កុងត្រា​រយៈពេល​៣​ឆ្នាំ​ជាមួយ​ជើងឯក​របស់​អាល្លឺម៉ង់ Bayern Munich។ ​Mane តារា​របស់ Liverpool បាន​ប្រកាស​ចង់​ចាកចេញ​ពី​កីឡដ្ឋាន Anfield បន្ទាប់​ពី​ចំណាយ​ពេល​៦​ឆ្នាំ​ជាមួយ​ក្លឹប។ កីឡាករ​សញ្ជាតិ​សេណេហ្គាល់​​ក៏​បាន​បង្ហាញ​ជំហរ​ថា ទីក្រុង Munich ជា​គោលដៅ​​ដែល​គេ​ចង់​ទៅ បន្ទាប់​ពី​​បាន​និយាយ​ផ្ទាល់​ជាមួយ​អ្នក​ចាត់​ការ​របស់ Bayern លោក Julian Nagelsmann។ យ៉ាងណាក្ដី ក្លឹប​ទាំង​ពីរ Liverpool និង Bayern មិន​ទាន់​​កំណត់​តម្លៃ​ខ្លួន​របស់​កីឡាករ​វ័យ​៣០​នៅ​ឡើយ​ទេ។ អ្នក​តំណាង​របស់​ក្លឹប​ទាំង​ពីរ​បាន​បើក​ការ​ចរចា​គ្នា​កាល​ពី​ដើម​សប្ដាហ៍។ ក្រៅ​ពី Bayernក្លឹប​យក្ស​ពីរ​នៅ​អឺរ៉ុប​ដូច​ជា Barcelona និង Paris Saint-Germain​ ក៏​បាន​បង្ហាញ​ការ​ចាប់​អារម្មណ៍​លើ​ Mane ផង​ដែរ។ ​តែ​បើ​តាម Daily Mail ឲ្យ​ដឹង​ថា ហង្សក្រហម​​ចង់​បាន​តម្លៃ​ខ្លួន​របស់ Mane យ៉ាង​តិច​ណាស់​៣៥​លាន​ផោន ប្រសិន​ក្លឹប​ណា​ចង់​បាន។ Mane បាន​ដើរ​តួ​យ៉ាង​សំខាន់​​ក្នុង​ក្លឹប Liverpool ដោយ​បាន​ជួយ​ក្រុម​ឈ្នះ​ពាន Premier League ជា​លើក​ដំបូង​ក្នុង​រយៈពេល​៣០​ឆ្នាំ និង​​ឡើង​​ផ្ដាច់ព្រ័ត្រ UCL ៣​ដង

ខ្សែ​ប្រយុទ្ធ​ Robert Lewandowski នឹង​ចាកចេញ​ពី​ក្លឹប​ Bayern Munich នៅ​រដូវកាល​ក្ដៅ​ខាង​មុខ​ ដោយ​ថា​គេ​លែង​ចង់​បន្ត​នៅ​ទៀត​ហើយ​។ នេះ​បើ​យោង​តាម​ការ​ចុះ​ផ្សាយ​របស់​កំពូល​អ្នក​កាសែត​ Fabrizio Romano។ Lewandowski បាន​និយាយ​ថា​៖” ពេល​វេលា​របស់​ខ្ញុំ​នៅ​ Bayern គឺ​ចប់​ហើយ​។ ខ្ញុំ​មើល​មិន​ឃើញ​ពី​លទ្ធភាព​ដែល​អាច​បន្ត​លេង​នៅ​ក្លឹប​នេះ​ទៀត​ឡើយ​ “។ កីឡាករ​នេះ​បន្ត​ថា​៖” Bayern គឺ​ក្លឹប​គិត​គូរ​តឹង​តែង​រឿង​ហ្នឹង​ណាស់​ អញ្ចឹង​ខ្ញុំ​ជឿជាក់​ថា​ពួក​គេ​មិន​ទុក​ខ្ញុំ​ទៀត​ទេ​។ ខ្ញុំ​ក៏​មិន​ចង់​លេង​នៅ​ហ្នឹង​ទៀត​ដែរ​។ ការ​ចាកចេញ​ជា​ជម្រើស​ល្អ​បំផុត​។ ខ្ញុំ​សង្ឃឹម​ថា​ ពួក​គេ​មិន​ហាម​ឃាត់​ខ្ញុំ​ទេ​ “។ បើ​តាម​សារព័ត៌មាន​ចុះ​ផ្សាយ​កន្លង​ទៅ​ ក្លឹប​ Barcelona ជា​ក្លឹប​ដែល​ទំនង​​ Lawandowski អាច​នឹង​ទៅ​លេង​បន្ទាប់​ពី​ Bayern នេះ​៕

ខ្សែប្រយុទ្ធ Ousmane Dembele ត្រូវបានគេរាយការណ៍ថា កៀកនឹងចុះកុងត្រាជាមួយ Chelsea ហើយ បន្ទាប់ពីមានព័ត៌មានចម្រូងចម្រាស់ជាច្រើនខែជាមួយ Barcelona។ ជាការពិតណាស់ Dembele នៅសល់កុងត្រាត្រឹមតែ១រដូវកាលនេះទៀតប៉ុណ្ណោះជាមួយ Barcelona ខណៈថ្មីៗមានក្លិបយក្សមួយចំនួនដូចជា Paris Saint-Germain និង Chelsea ជាដើមកំពុងចាប់អារម្មណ៍ចង់បានខ្សែប្រយុទ្ធសញ្ជាតិ បារាំង ក្រោយលេចឮថារូបគេមិនចង់បន្តកុងត្រាថ្មីជាមួយក្លិបអ្នកមានបុណ្យ។ យ៉ាងណាមិញ ក៏មានពាក្យចចាអារ៉ាមថា Barca គ្រោងលក់ខ្សែប្រយុទ្ធវ័យ ២៥ ឆ្នាំរូបនេះដែរ ដោយសារតែវិបត្តិហិរញ្ញវត្ថុ, ជាមួយគ្នានេះ យោងតាមការចុះផ្សាយរបស់កាសែត Mundo Deportivo បានឱ្យដឹងថា Dembele ជិតនឹងបញ្ចប់កិច្ចព្រមព្រៀងផ្ទេរទៅកាន់ក្លិបនៅក្របខណ្ឌ Premier League ហើយ នោះគឺក្លិប Chelsea៕

ខ្សែ​ប្រយុទ្ធ​ Lionel Messi បាន​ធ្វើ​ការ​ឆ្លើយ​តប​ទៅ​នឹង​លោក​ Joan Laporta ប្រធាន​ក្លឹប​ Barcelona ដែល​តែង​តែ​វាយ​ប្រហារ​តាម​រយៈ​ពាក្យ​សម្ដី​មក​លើ​​រូប​គេ​​កន្លង​មក​ ដែល​ជា​ពិសេស​គឺ​ពេល​ថ្មី​ៗ​ ប្រធាន​ក្លឹប​រូប​នេះ​ក៏​បាន​និយាយ​ថា​ ពួក​កីឡាករ​ទៅ​លេង​ឲ្យ​ឲ្យ​ Paris Saint Germain សុទ្ធ​តែ​ជា​ទាសករ​លុយ​ ហើយ​ថា​ Messi អី​ហ្នឹង​មក​ Barca វិញ​បាន​បើ​ Free ។ Messi បាន​និយាយ​ថា​៖” គ្មាន​នរណា​ធ្លាប់​មក​សុំ​ឲ្យ​មក​លេង​ដោយ​ Free នោះ​ទេ​ អញ្ចឹង​ហើយ​ក្នុង​ពេល​ជា​មួយ​គ្នា​នេះ​ខ្ញុំ​គិត​ពាក្យ​សម្ដី​ចេញ​ពី​មាត់​លោក​ប្រធាន​ក្លឹប​នេះ​គឺ​ហួស​ព្រំដែន​ពេក​ហើយ​ “។ កីឡាករ​រូប​នេះ​បន្ត​ថា​៖” ពួក​គេ​គឺ​បាន​វាយ​ប្រហារ​ខ្ញុំ​ ធ្វើ​ទុក្ខបុកម្នេញ​ខ្ញុំ​ ព្រោះ​ថា​ពាក្យ​ទាំង​នេះ​គាត់​មិន​គួរ​និយាយ​ចេញ​មក​នោះ​ទេ​។ ធ្វើ​បែប​នេះ​គឺ​ដូច​និយាយ​ឲ្យ​រួច​ពី​ខ្លួន​ អត់​មាន​ទទួល​ខុស​ត្រូវ​នឹង​អ្វី​ដែល​ខ្លួន​បាន​ប្រព្រឹត្ត​សោះ​ “។ លោក​ Jorge Messi ភ្នាក់ងារ​ ក៏​ដូច​ជា​ឪពុក​របស់​ Messi ផ្ទាល់​តែង​តែ​ទាក់ទង​ទៅ​កាន់​ លោក​ Laporta គឺ​មិន​មែន​ពី​រឿង​អនាគត​អី​នោះ​ទេ​ គឺ​និយាយ​សុំ​ឲ្យ​ ប្រធាន​ក្លឹប​ Barca នេះ​ឈប់​តាមដាន​កូន​របស់​លោក​​ទៀត​ ព្រោះ​កូន​លោក​មិនចូល​ចិត្ត​ទេ​ ដោយ​សារ​ចង់​បញ្ចប់​រឿង​នៅ​ Barca កន្លង​មក​

អតីតខ្សែប្រយុទ្ធឆ្នើមប្រចាំក្លិប Liverpool គឺ Luis Suarez បាននិយាយថារូបគេនឹងគាំទ្រក្រុមហង្សក្រហមរបស់លោក Jurgen Klopp ពេញទំហឹង នៅការប្រកួតវគ្គផ្ដាច់ព្រ័ត្រ Champions League ប៉ុន្តែក៏បានកោតសរសើរខ្សែប្រយុទ្ធ Karim Benzema នៃក្លិប Real Madrid ផងដែរ។​ Liverpool នឹងត្រូវជួបតទល់ជាមួយ Real Madrid នាទីក្រុងប៉ារីស ថ្ងៃទី២៩ ខែឧសភា ក្នុងការប្រកួតវគ្គផ្ដាច់ព្រ័ត្រ UCL ខាងមុខនេះហើយដោយក្រុមទាំងពីរជាគូសងសឹក ព្រោះកាលពីឆ្នាំ២០១៨ គឺ Real Madrid ធ្លាប់ទម្លាក់ Liverpool ក្នុងលទ្ធផល ៣ ទល់នឹង ១។ យ៉ាងណាមិញ Suarez បាននិយាយថា៖ “ខ្ញុំជាអ្នកគាំទ្ររបស់ Barcelona, Liverpool និង Atletico ដែលជាក្លិបខ្ញុំធ្លាប់លេងឲ្យ។ ប៉ុន្តែគ្រាប់បាល់ស៊ុតបញ្ចូលទីរបស់ Benzema គឺគ្រាប់ទី២ដែលស៊ុតទល់នឹង Chelsea គឺខ្ញុំពិតជាចង់ទះដៃអបអរដល់គេ ព្រោះខ្ញុំពិតជា ស្ញើចសរសើរអ្វីដែលគេបានធ្វើណាស់”៕

លោក​ Joan Laporta ប្រធាន​ក្លឹប​ Barcelona និយាយ​ទៅ​កាន់​សារព័ត៌មាន​ L’Esportiu de Catalunya នៅ​ក្នុង​ថ្ងៃ​នេះ​ថា​ កីឡាករ​ដូច​ជា​ Neymar ជា​ដើម​ដែល​ទៅ​លេង​ឲ្យ​ក្លឹប​ Paris Saint Germain ដូច​ទៅ​ធ្វើ​ជា​ទាសករ​ដើម្បី​តែ​លុយ​អញ្ចឹង​។ លោក​ Laporta បាន​និយាយ​ថា​៖” នរណា​គេ​មិន​ចង់​បាន​ Neymar ? គេ​ជា​កីឡាករ​ដ៏​អស្ចារ្យ​មួយ​រូប​។ យ៉ាង​ណា​គេ​នៅ​កុងត្រា​ជា​មួយ​ PSG សល់​ ៤-៥ឆ្នាំ​អី​ទៀត​ណោះ​។ កីឡាករ​ដូច​ជា​ពួក​គេ​អញ្ចឹង​ ដែល​ទៅ​លេង​ឲ្យ​ PSG ដូច​ទៅ​ធ្វើ​ជា​ទាសករ​ដើម្បី​តែ​លុយ​អញ្ចឹង​ “។ ប្រធាន​ក្លឹប​ Barcelona រូប​នេះ​ក៏​បាន​និយាយ​បែប​ខឹង​នឹង​ PSG ផង​ដែរ​ដោយ​ថា​ កីឡាករ​ដែល​ទៅ​លេង​ឲ្យ​ PSG ដែល​សូម្បី​តែ​ Messi តែ​ Lionel Messi អី​ហ្នឹង​ក៏​មិន​ងាយ​នឹង​ចាកចេញ​វិញ​ដែរ​ ដោយ​សារ​តែ​ទំហំ​ទឹកប្រាក់​យ៉ាង​ច្រើន​សន្ធឹកសន្ធាប់​​ដែល​ក្លឹប​បារាំង​នេះ​ផ្ដល់​ឲ្យ​។ លោក​ Laporta ក៏​លើក​ឡើង​ពី​អនាគត​របស់​ Neymar ក៏​ដូច​ជា​ Messi ផង​ដែរ​ថា​ ក្លឹប​នឹង​យក​កីឡាករ​ល្អ​ដូច​ជា​ពួក​គេ​មក​

ក្លិបសេះបង្កង់ Juventus នឹងមិនទិញផ្ដាច់ខ្សែប្រយុទ្ធ Alvaro Morata នោះឡើយ ដោយក្លិបនឹងបើកផ្លូវឲ្យគេចាកចេញទៅ Atletico Madrid វិញនៅដំណាច់រដូវកាលនេះ។ Morata បានចំណាយពេលពីររដូវកាលលេងខ្ចីជើងនៅ Juventus ពីក្លិប Atletico Madrid ហើយនៅដំណាច់រដូវកាលនេះ ពេលវេលាខ្ចីជើងរបស់គេបានមកដល់ទីបញ្ចប់ហើយ។ យ៉ាងណាមិញ ភាគីលោក Max Allegri គ្មានគម្រោងចង់ទិញយកគេផ្ដាច់ឡើយ នេះបើយោងតាមការរាយការណ៍ពី Marca ។ Juventus ត្រូវចាយលុយខ្ទង់៣៥លានអឺរ៉ូ៎(ស្មើនឹងប្រមាណ ៣៦.៩ លានដុល្លារ) បើចង់ទិញយកគេ ខណៈដែល Atletico Madrid ក៏មិនចង់បាន Morata មកវិញដែរដោយលោក Diego Simeone បានបាត់បង់ទំនុកចិត្តលើគេទៅហើយ។ យ៉ាងណាមិញ Barcelona ធ្លាប់ចង់បានគេកាលពីខែមករាតែឥលូវនេះដោយសារមាន Pierre-Emerick Aubameyang ក្នុងក្រុមនិងកំពុងជិតទិញបាន Robert Lewandowski ទៀតនោះគឺក្លិបទំនងមិនចង់បានគេទៀតឡើយ៕

យោងទៅតាមរបាយការណ៍ បានឲ្យដឹងថា ក្លិប Manchester United គ្មានគម្រោងក្នុងការជះលុយដើម្បីយក Frenkie de Jong ពី Barcelona មករួមក្រុមឡើយ។ ជាការពិតណាស់ De Jong ស្ថិតនៅក្នុងគម្រោងរបស់ លោក Ten Hag ដែលជាអ្នកដឹកនាំក្រុមថ្មី ចាប់តាំងពីលោកត្រូវបានតែងតាំងភ្លាមៗមកម្ល៉េះ។ យ៉ាងណាមិញ De Jong ក៏ត្រូវបានក្លិប Barca តាមចងជើងណាស់ដែរ ក៏ព្រោះតែគេជាកីឡាករសំខាន់ម្នាក់ដែរ នៅតំបន់បម្រើ។ បើយោងទៅតាមសារកាសែត Daily Mail បានចុះផ្សាយឲ្យដឹងថា Man Utd គ្មានគម្រោងចាយលុយធំដើម្បីទិញយក De Jong មករួមក្រុមឡើយ ដោយ Barca ទាមទារតម្លៃខ្លួន ៦៥លានផោន។ Man Utd បោះចោលគម្រោងយក De Jong មករួមក្រុម ក៏ព្រោះតែពួកគេប្រកាន់គោលការណ៍ ការចាយវាយមានដែនកំណត់ បន្ទាប់ពីត្រូវគ្មានឈ្មោះក្នុងក្របខណ្ឌ UCL នៅឆ្នាំក្រោយនេះ៕

ក្លិប Atletico Madrid បានប្រកាសជាផ្លូវការថា ខ្សែប្រយុទ្ធ Luis Suarez នឹងចាកចេញពីក្លិបក្រោយបញ្ចប់រដូវកាលនេះ។ ជាការពិតណាស់ Suarez បានចាកចេញពី Barcelona មករួមរស់ជាមួយ Atletico Madrid នៅក្នុងឆ្នាំ២០២០ ដោយ រូបគេបានរួមចំណែកជួយក្រុមឲ្យឈ្នះពាន La Liga នៅក្នុងឆ្នាំដំបូងតាមរយៈការបង្ហាញទម្រង់លេងដ៏លេចធ្លោ ២១គ្រាប់ក្នុងមួយរដូវកាល។ យ៉ាងណាក្តី មកទល់ពេលនេះ កុងត្រារបស់គេជាមួយក្លិបនឹងអស់សុពលភាពក្រោយបញ្ចប់រដូវកាលនេះ ហើយ ការចរចារលើការបន្តកិច្ចសន្យាថ្មីក៏មិនបានធ្វើឡើងដូចគ្នា។ ក្រោយការប្រកាសចាកចេញរបស់ Suarez ក៏មានពាក្យចចាមអារ៉ាមមួយចំនួនបានលើកឡើងថា រូបគេទំនងជានឹងវិលត្រឡប់ទៅកាន់ Barcelona បើពុំដូច្នោះទេគេនៅបន្តលេងនៅតំបន់អឺរ៉ុប ពោលគេមិនមានបំណងចង់ផ្លាស់ទៅកាន់លីគនៃសហរដ្ឋអាមេរិកនៅឡើយទេ៕

កាលពីយប់មិញខ្សែប្រយុទ្ធឆ្នើម Robert Lewandowski បានសម្រក់ទឹកភ្នែកនៅមុខអ្នកគាំទ្រក្រុម Bayern Munich ក្រោយបញ្ចប់ការប្រកួតទល់នឹងក្រុម Wolfsburg នៃក្របខណ្ឌ Bundesliga។ ជាការពិតណាស់ នៅក្នុងការប្រកួតនោះក្រុម Bayern Munich បានទទួលលទ្ធផលស្មើគ្នាជាមួយក្រុមម្ចាស់ផ្ទះ Wolfsburg ០-០ ក្នុងនោះ Lewandowski ក៏បានចូលរួមចំណែកស៊ុតមួយគ្រាប់ឱ្យក្រុមជើងឯកនៃលីគកំពូល អាល្លឺម៉ង់ផងដែរ។ យ៉ាងណាមិញ ក្រោយបញ្ចប់ការប្រកួត Lewandowski បានឈរសម្រក់ទឹកភ្នែក និងនិយាយលាគ្នាទៅកាន់អ្នកគាំទ្រក្រុម Bayern Munich ទាំងអួលដើមក ហើយតាមរយៈសកម្មភាពបែបនេះយើងអាចសន្មតបានថាខ្សែប្រយុទ្ធសញ្ជាតិ ប៉ូឡូញ ទំនងជានឹងចាកចេញពី Bayern នៅដំណាច់រដូវកាលនេះហើយ ទោះមិនទាន់មានការប្រកាសផ្លូវការពីក្លិបក៏ដោយខណៈបច្ចុប្បន្ន Barcelona ត្រូវបានគេមើលឃើញថា កំពុងនាំគេដែលអាចយកបានខ្សែប្រយុទ្ធរូបនេះ។ ទាក់ទងនឹងរឿងខាងលើ Lewandowski បានថ្លែងប្រាប់កាសែត Sport Polska យ៉ាងដូច្នេះថា៖ “វាពិតជាមានសារៈសំខាន់ខ្លាំងណាស់ ដែលនេះជាការប្រកួតចុងក្រោយរបស់ខ្ញុំជាមួយ Bayern”៕

សារព័ត៌មាន Sport បានរាយការណ៍ថាលោក Xavi Hernandez គ្រូបង្វឹករបស់ក្រុម Barcelona បានបើកភ្លើងខៀវអនុញ្ញាតឲ្យក្លិបលក់ ខ្សែការពារ Sergino Dest ចេញ។​ កីឡាករវ័យ២១ឆ្នាំរូបនេះបានផ្ទេរពី Ajax មកកាន់ទឹកដី Camp Nou កាលឆ្នាំ២០២០ ប៉ុន្តែដោយសារក្លិបជិតនឹងនាំយក ខ្សែការពារ Andreas Christensen និង Cesar Azpilicueta ពី Chelsea នោះ គឺ Xavi គ្មានបញ្ហានោះឡើយបើសិនក្លិបលក់ Dest ចេញ។ Dest នៅតែពុំទាន់លេងបានល្អត្រូវចិត្តលោកគ្រូបង្វឹកសញ្ជាតិអេស្ប៉ាញនេះនោះឡើយ ហើយលោកត្រូវការខ្សែការពារដែលមានបទពិសោធន៍ច្រើនជាងនេះ។ ​គួរបញ្ជាក់ផងដែរថា Sergino Dest ចូលលេងឲ្យ Barcelona បាន៣០ប្រកួតនៅរដូវកាលនេះ៕

សារព័ត៌មាន Sky Germany បានចុះផ្សាយថា ខ្សែប្រយុទ្ធ Robert Lewandowski បានជូនដំណឹងទៅក្លិប Bayern Munich ថារូបគេចង់ចាកចេញនៅរដូវក្ដៅនេះតែម្ដង គឺមិនរង់ចាំឲ្យផុតកុងត្រាសិនឡើយ។ ​ខណៈនោះដែរ អ្នកកាសែត Fabrizio Romano បានរាយការណ៍ថាក្លិប Barcelona នៅតែចិញ្ចឹមចិត្តចង់បាន​ Lewandowski ពីក្លិប Bayern Munich បើទោះបីជាកន្លងមកថ្នាក់ដឹកនាំផ្នែកកីឡារបស់ Barca ធ្លាប់ចេញមុខបដិសេធថាមិនបានចរចាជាមួយ កីឡាករសញ្ជាតិប៉ូឡូញរូបនេះក្ដី។ Bayern Munich កំពុងពិភាក្សាលើកុងត្រាថ្មីជាមួយកីឡាករវ័យ៣៣ឆ្នាំរូបនេះ ដោយមិនទាន់ឈានដល់ការព្រមព្រៀងណាមួយនោះឡើយ ប៉ុន្តែមើលទៅ Lewandowski ទំនងជាមិនចង់ស្នាក់នៅបន្ត។​ ឥលូវនេះ ភាគីលោក Xavi Hernandez កំពុងរង់ចាំយ៉ាងអត់ធ្មត់ ដោយ Romano បង្ហើបថា Robert Lewandowski ក៏បានដឹងដែរថាក្លិបយក្សនៅតំបន់កាតាឡាន់មួយនេះចង់បានរូបគេ។​ Barca នឹងមិនបោះបង់ការព្យាយាមក្នុងការចុះកុងត្រាយកគេនោះឡើយស្របពេល Lewandowski នៅសល់កុងត្រា១ឆ្នាំទៀតស្នាក់នៅទឹកដី Allianz Arena ។​គួរបញ្ជាក់ផងដែរថា នៅរដូវកាលនេះ Robert Lewandowski

ក្លឹប Barcelona បាន​ខាត​ដល់​ទៅ​១២៥​លាន​ផោន បន្ទាប់​ពី​សម្រេច​ចិត្ត​លក់​ខ្សែ​បម្រើ​ប្រយុទ្ធ Philippe Coutinho ទៅ​ឲ្យ Aston Villa។ កាល​ពី​ខែ​មករា Coutinho វ័យ​២៩​ឆ្នាំ​បាន​ចូលរួម​ជាមួយ Aston Villa ក្រោម​ការ​ដឹក​នាំ​របស់ Steven Gerrard ជា​កីឡាករ​ខ្ចី​ជើង​ ជាមួយ​លក្ខខណ្ឌ​ទិញ​ផ្ដាច់​​នៅ​បញ្ចប់​រដូវ​កាល​។ គេ​បាន​បង្ហាញ​សមត្ថភាព​ល្អ​ដោយ​រក​បាន​៤​គ្រាប់ ក្នុង​ការ​លេង​១៦​ប្រកួត​ជាមួយ Aston Villa។ កត្តា​នេះ​ហើយ​ទើប​ធ្វើ​ឲ្យ Gerrard សម្រេច​ចិត្ត​​ទិញ​ផ្ដាច់​យក Coutinho មក​តែ​ម្ដង។ ក្រោយ​ពី​មាន​ការ​ពិភាក្សា​គ្នា​ជាមួយ Barcelona ក្លឹប Aston Villa បាន​ទិញ​កីឡាករ​សញ្ជាតិ​ប្រេស៊ីល​ក្នុង​​តម្លៃ​​ត្រឹម​តែ​១៧​លាន​ផោន ជាមួយ​កុងត្រា​ដល់​ឆ្នាំ​២០២៦។ Barca បាន​ទិញ Coutinho ពី Liverpool កាល​ពី​ខែ​ មករា ឆ្នាំ ២០១៨ ក្នុង​តម្លៃ​ខ្លួន​១៤២​​លាន​ផោន។ នេះ​មាន​ន័យ​ថា ការ​លក់ Coutinho ទៅ​ឲ្យ Aston Villa ក្លឹប Barcelona ខាត​​ដល់​ទៅ​១២៥​លាន​ផោន៕

​ខ្សែ​ការពារ​របស់ Barcelona កីឡាករ Ronald Araujo ត្រូវ​បាន​បញ្ជូន​នៅ​មន្ទីរពេទ្យ បន្ទាប់​​ពី​ដេក​ដួល​លើ​ទីលាន​ក្នុង​ការ​ប្រកួត​ទល់​នឹង Celta Vigo ក្នុង​ក្របខណ្ឌ La Liga។ កីឡាករ​វ័យ​២៣​ឆ្នាំ​បាន​​ទទួល​រង​របួស​​ដោយ​សារ​តែ​ប៉ះ​ទង្គិច​ក្បាល​គ្នា​ជាមួយ​មិត្តរួម​ក្រុម Gavi អំឡុង​​ពេល Barca កំពុង​នាំ​មុខ Celta Vigo ៣-១ ក្នុង​កីឡដ្ឋាន Nou Camp។ Araujo ត្រូវ​បាន​សង្គ្រោះ​​ជា​ច្រើន​នាទី​លើ​ទីលាន មុន​ពេល​បញ្ជូន​ឡើង​ឡាន​ពេទ្យ​​ចេញ​ទៅ​ក្រៅ។ ​ចុង​បញ្ចប់​នៃ​ការ​ប្រកួត Barcelona បាន​យក​ឈ្នះ Celta Vigo ៣-១។ ៣​គ្រាប់​​របស់​ក្រុម​លោក Xavi ធ្វើ​បាន​ដោយ​ខ្សែ​ប្រយុទ្ធ Memphis Depay និង Pierre-Emerick Aubameyang ២​គ្រាប់​ម្នាក់​ឯង។ ក្រោយ​បញ្ចប់​ការ​ប្រកួត Xavi បាន​ប្រាប់​ពី​អាការៈ​របស់ Araujo ថា គេ​បាន​ដឹង​ខ្លួន​ ហើយ​​ត្រូវ​ចំណាយ​ពេល​មួយ​យប់​នៅ​មន្ទីរពេទ្យ ប៉ុន្តែ​គេ​បាន​គេច​ផុត​ពី​គ្រោះ​ថ្នាក់​ហើយ៕

Real Madrid បាន​​ដាក់​តម្លៃ​ទិញ​ផ្ដាច់​កុងត្រា​​របស់ Antonio Rudiger ដល់​ទៅ​៣៤០​​លាន​ផោន​ បន្ទាប់​​ពី​ខ្សែ​ការពារ​របស់ Chelsea បាន​បញ្ចប់​ការ​ផ្លាស់​មក​កាន់​ប្រទេស​អេស្ប៉ាញ​កាល​ពី​ថ្ងៃ​អង្គារ។ កីឡាករ​សញ្ជាតិ​អាល្លឺម៉ង់​​​បាន​ចុះ​កុងត្រា​រយៈពេល​៤​ឆ្នាំ​ជាមួយ Real Madrid ដោយ​ទទួល​បាន​ថ្លៃ​នឿយហត់​៣១,៥​ម៉ឺន​ផោន​ក្នុង​មួយ​សប្ដាហ៍។ ការ​ប្រកាស​ជា​ផ្លូវការ​​ Rudiger ក្លាយ​ជា​កីឡាករ​របស់ Madrid រំពឹង​នឹង​បង្ហាញ​​នៅ​ចុង​ខែ​ឧសភា​ឬ​ដើម​ខែ​មិថុនា។ Rudiger បាន​បដិសេធ​សំណើ​​ធំ​ៗ​ជា​ច្រើន​ពី​ក្លឹប​ក្នុង​តំបន់​អឺរ៉ុប ដើម្បី​បាន​ចូលរួម​ជាមួយ Real ដោយ​គ្មាន​តម្លៃ​ខ្លួន (អស់​កុងត្រា​ជាមួយ Chelsea)។ Manchester United, Barcelona, Paris Saint-Germain និង Juventus សុទ្ធសឹងតែ​ចាប់​អារម្មណ៍​លើ កីឡាករ​វ័យ​២៩​ឆ្នាំ។ ដោយ​សារ​តែ​ជាប់​ទណ្ឌកម្ម​របស់​រដ្ឋាភិបាល​អង់គ្លេស ក្លឹប​ Chelsea មិន​​អាច​បន្ថែម​កុងត្រា​ថ្មី​លើ​កីឡាករ​របស់​ខ្លួន​បាន​ឡើយ។ Rudiger បាន​​ចូលរួម​ជាមួយ Chelsea ផ្លាស់​ពី​ក្លឹប Roma ក្នុង​តម្លៃ​ខ្លួន​២៩​លាន​ផោន​កាល​ពី​ឆ្នាំ​២០១៧ ជាមួយ​កុងត្រា​៥​ឆ្នាំ។ ទល់​នឹង​ពេល​នេះ ៥​រដូវ​កាល​ជាមួយ​ក្លឹប គេ​រក​បាន​១២​គ្រាប់​​ក្នុង​ការ​បង្ហាញ​ខ្លួន​១៩៩​ប្រកួត​គិត​គ្រប់​កម្មវិធី៕

អ្នកចាត់ការរបស់ក្រុម Paris Saint-Germain លោក Mauricio Pochettino បានមានប្រសាសន៍ថា Lionel Messi រៀងខ្សត់គ្រាប់បាល់នៅរដូវកាលនេះមិនមែនដោយសារបញ្ហាធ្លាក់ទម្រង់នោះទេ ប៉ុន្តែដោយសារតែរូបគេគ្មានសំណាង។ ជាការពិតណាស់ ក្រោយ Messi ផ្ទេរចេញពី Barcelona មកចូលរួមជាមួយ PSG នៅរដូវកាលនេះ គាត់នៅតែបង្ហាញសមត្ថភាពដ៏លេចធ្លោររបស់ខ្លួនដដែល ក្នុងការអូស ញាក់ និង បញ្ជូនឱ្យមិត្តរួមក្រុមស៊ុតបញ្ចូលទីជាដើម, ប៉ុន្តែអ្វីដែលជាបញ្ហាចោទនោះ គិតមកដល់ពេលនេះរូបគេទើបតែរកបាន ៤ គ្រាប់ប៉ុណ្ណោះ ដែលនេះជាបញ្ហាធំបំផុតសម្រាប់ខ្សែប្រយុទ្ធសញ្ជាតិ អាហ្សង់ទីន។ យ៉ាងណាមិញ សម្រាប់ការប្រកួតនៅក្នុងក្របខណ្ឌ Ligue 1 ដែល PSG ស្មើគ្នា ២-២ ជាមួយក្រុម Troyes ម្សិលមិញ Messi មានឱកាសស៊ុតល្អៗដល់ទៅ ២ លើក ប៉ុន្តែចុងក្រោយរូបគេមិនអាចរកគ្រាប់បាល់បាននោះទេ ដោយគ្រាប់បាល់ទាំង ២ គ្រាប់នោះ បានប៉ះរបាទី និង បង្គោលទីទាំង ២ លើក។ ទាក់ទងនឹងបញ្ហាខាងលើអ្នកចាត់ការលោក

អតីត​កីឡាករ​របស់ Liverpool លោក Jamie Carragher បាន​និយាយ​ថា Real Madrid នឹង​មិន​មាន​ឱកាស​​ឈ្នះ​ពាន​ Champions League នៅ​រដូវ​​កាល​នេះ​ឡើយ។ ក្រុម​ជើងឯក​របស់ La Liga បាន​វាយ​បក​យកឈ្នះ​ PSG, Chelsea និង Manchester City ក្នុង​​វគ្គ​ចាញ់​ធ្លាក់ ធានា​បាន​​កៅអី​វគ្គ​ផ្ដាច់ព្រ័ត្រ​ដែល​នឹង​ត្រូវ​លេង​នៅ​ថ្ងៃ​ទី ២៩ ខែ​ ឧសភា​ទល់​នឹង Liverpool ​ក្នុង​ទីក្រុង​ប៉ារីស។ ត្បិត​តែ​ Madrid ធ្វើ​បាន​ល្អ​បែប​នេះ​ក្ដី​ តែ​ក្នុង​កម្មវិធី​របស់ CBS Studio លោក Carragher ​បាន​រំឭក​ពាក្យ​ដែល​ខ្លួន​ធ្លាប់​និយាយ​​ថា Real Madrid នឹង​មិន​​អាច​ឈ្នះ Champions League ឡើយ។ ឮ​បែប​នេះ Micah Richards ដែល​ស្ថិត​ក្នុង​កម្មវិធី​ជាមួយ​គ្នា​បាន​សើច និង​និយាយ​ទៅ​កាន់ Carragher ថា៖ “ឯង​នឹង​ភ័យ​នៅ​វគ្គ​ផ្ដាច់ព្រ័ត្រ”។ ​មិន​ទុក​យូរ ភ្លាម​នោះ Carragher បាន​តប​វិញ​ថា៖