Tag: Club Bruges

ក្រុមម្ចាស់ជើងឯក UEFA Europa League 2017 Manchester United ត្រូវបានចាប់ឆ្នោតប៉ះគូប្រជែង Club Bruges ដែលជាក្លឹបរបស់ប្រទេសប៊ែលហ្សិក ក្នុងវគ្គ ៣២ក្រុមចុងក្រោយនៃ UEL នារដូវកាលឆ្នាំ២០១៩-២០២០។ Man Utd បានឈ្នះពាននេះជាលើកដំបូងប្រវត្តិសាស្រ្តរបស់ក្លឹប នៅពេលបំបាក់គូប្រជែង Ajax របស់ហូឡង់ក្នុងលទ្ធផល ២-០ កាលឆ្នាំ២០១៧ នៅទីក្រុង Stockholm នៃប្រទេសស៊ុយអែត ក្រោមការបង្វឹករបស់អ្នកចាត់ការទូទៅ Jose Mourinho ដែលបច្ចុប្បន្នកំពុងដឹកនាំក្លឹប Spurs។ ក្នុងការចាប់ឆ្នោតជ្រើសរើសគូប្រកួតនាយប់មិញនេះ ដែលត្រូវបានធ្វើឡើងនៅទីក្រុង Nyon ប្រទេសស្វីសនោះ ២ក្រុមផ្សេងទៀតរបស់អង់គ្លេសរួមមាន កាំភ្លើងធំ Arsenal ប៉ះក្រុមរបស់ប្រទេសក្រិក Olympiakos នៅពេលដែល Wolverhamton Wanderers ត្រូវប៉ះក្រុម Espanyol របស់អេស្ប៉ាញដែលនឹងធ្វើឡើងនៅថ្ងៃទី២០ ខែកុម្ភៈ ឆ្នាំ២០២០ សម្រាប់ជើងទី១ មុនពេលជើងទី២ នឹងធ្វើឡើងនៅថ្ងៃទី២៧ ខែ-ឆ្នាំដដែល។  

អ្នកចាំទីជម្រើសជាតិបែលហ្ស៊ិក Simon Mignolet បានចុះកិច្ចសន្យា៥ឆ្នាំជាមួយ Club Bruges ក្រោយផ្ទេរចេញពី Liverpool ក្នុងតម្លៃ៧លានអឺរ៉ូ (៦.៤លានផោន)។ អតីតយុវជន Sint-Truiden វ័យ៣១ឆ្នាំរូបនេះបានចូលលេងតែ២ប្រកួតប៉ុណ្ណោះសម្រាប់ក្រុមហង្សក្រហមរដូវកាលមុន ហើយលេងក្នុង Cup ទាំងពីរដង។ គេបានអង្គុយកៅអីបម្រុងពេល Liverpool ប្រកួតពានបើករដូវកាល FA Community Shield ចាញ់ Manchester City ដោយបាល់ប៉េណាល់ទីយប់ថ្ងៃអាទិត្យទី៤ខែសីហា។ តែប្រហែល៦ម៉ោងក្រោយការប្រកួតនោះ Club Bruges បានប្រកាសថាពួកគេបានចុះកិច្ចសន្យាជាមួយអ្នកចាំទីល្អបំផុតម្នាក់របស់ Premier League។ សូមរំឭកថា Mignolet បានផ្ទេរពី Sunderland មក Anfield ក្នុងឆ្នាំ២០១៣ ក្នុងតម្លៃ៩លានផោន។ គេវិះតែចេញពី Liverpool ម្ដងហើយក្នុងរដូវក្ដៅឆ្នាំមុន តែដំណើរការផ្ទេរទៅ Napoli បានបរាជ័យ ដោយ Liverpool អនុញ្ញាតឱ្យ Loris Karius ចេញទៅចូលរួម Besiktas។ ក្នុងរយៈពេល៦រដូវកាលនៅ Liverpool