Tag: Georginio Wijnaldum

ក្លិប Paris Saint-Germain បានដាក់តម្លៃខ្លួនចំនួន ២១លានផោន ឬប្រមាណ (២៧លានដុល្លារ) ទៅលើកីឡាករ Georginio Wijnaldum ខណៈអ្នកចាត់ការក្រុម Aston Villa លោក Steven Gerrard កំពុងសម្លឹងចង់បានខ្សែបម្រើសញ្ជាតិហូឡង់រូបនេះ។ Wijnaldum បានផ្លាស់មកកាន់ក្លិបអ្នកមានបារាំង កាលពីរដូវក្ដៅឆ្នាំមុននេះ ពីក្លិបហង្សក្រហម Liverpool ដោយពុំមានតម្លៃខ្លួន ប៉ុន្តែត្រូវបានគេរាយការណ៍មកថា រូបគេពុំសូវសប្បាយចិត្តនៅទឹកដីប៉ារីស ប៉ុន្មានទេ ដោយចង់ត្រឡបទៅលេងនៅ Premier League វិញ។ ជាមួយគ្នានេះ បើយោងតាមការចុះផ្សាយរបស់កាសែតអេស្ប៉ាញ Sport ក្លិប PSG ក៏មិនចង់រក្សាទុក Wijnaldum ដែរ ដោយបើកទទួលសំណើ ក្នុងការលក់រូបគេ ក្នុងតម្លៃ២១លានផោន។ គួររម្លឹកដែរថា ចាប់តាំងពីមកដល់ PSG ខ្សែបម្រើសញ្ជាតិហូឡង់ បង្ហាញខ្លួនសរុបបាន២៨ប្រកួត ក្នុងនោះគេរកបាន៣គ្រាប់ ហើយសម្រាប់កុងត្រាបច្ចុប្បន្ន​របស់រូបគេជាមួយក្លិបយក្សបារាំង គឺមានសុពលភាព ដល់ឆ្នាំ២០២៤ ៕

ក្លឹប Barcelona កំពុង​សម្លឹង​មើល​ការ​ផ្ទេរ​​តារា​របស់​ក្លឹប Lille គឺ Renato Sanches បន្ទាប់​ពី​បង្ហាញ​ទម្រង់​លេង​គួរ​ឲ្យ​ចាប់​អារម្មណ៍​​ក្នុង​ព្រឹត្តិការណ៍ Euro ២០២០ ជាមួយ​ព័រទុយហ្គាល់។ ក្រៅ​ពី Barcelona ក្លឹប​ហង្សក្រហម​ Liverpool ក៏​ជា​ក្រុម​មួយ​ចង់​បាន Sacnhes វ័យ​២៣​ឆ្នាំ​ដូច​គ្នា។ Sacnhes បាន​ធ្វើ​ឲ្យ​ខ្លួន​ឯង​​ល្អ​ប្រសើរ​ឡើង​វិញ​ក្នុង​អាជីព​ពេល​មក​លេង​នៅ Lille ក្រោយ​ចាកចេញ​ពី Bayern Munich កាល​ពី​ឆ្នាំ​២០១៩ និង​ខ្ចី​ជើង​​មួយ​រយៈ​នៅ Swansea City។ គេ​ជា​កីឡាករ​ដ៏​សំខាន់​ជួយ Lille ឈ្នះ​ពាន Ligue 1 យ៉ាង​ភ្ញាក់ផ្អើល​កាល​ពី​រដូវ​កាល​មុន និង​បង្ហាញ​ការ​លេងល្អ​នៅ​ព្រឹត្តិការណ៍ Euro ឆ្នាំ​នេះ។ សម្រាប់ Lille ក៏​មាន​ចិត្ត​ចង់​លក់ Sacnhes​ ចេញ​ដែរ​ដើម្បី​​ទទួល​បាន​ចំណូល​ខ្លះ​មក​វិញ។ Liverpool ជា​​ក្រុម​ដែល​ចង់​បាន​ Sacnhes​ ដូច​គ្នា ដើម្បី​យក​មក​បំពេញ​នៅ​តំបន់​​បម្រើ​កណ្ដាល ក្រោយ​ពេល Georginio Wijnaldum បាន​ផ្លាស់​ទៅ​លេង​នៅ Paris Saint-Germain៕

ក្រុមហង្សក្រហម Liverpool និងក្រុម Arsenal ពិតជាមានឆន្ទៈចង់បានខ្សែបម្រើ Renato Sanches បស់ក្រុម Lille ។ កាលពីរដូវកាលមុនកីឡាករសញ្ជាតិព័រទុយហ្កាល់រូបនេះបានដើរតួយ៉ាងសំខាន់ក្នុងការប្រជែងដណ្តើមពានរង្វាន់ Ligue 1 របស់បារាំងដោយបានស៊ុតបាល់បញ្ចូលទីបាន ១ គ្រាប់និងជួយ Assists ឲ្យមិត្តរួមក្រុម ៣ ដងផ្សេងទៀតក្នុងការបង្ហាញខ្លួន ២៣ ប្រកួត។ នៅពេលដែល Liverpool ព្យាយាមរកអ្នកជំនួសកន្លែងទំនេរដែលនៅសេសសល់ដោយការចាកចេញរបស់ កីឡាករ Georginio Wijnaldum ស្របពេលក្រុម Arsenal បាននិយាយលាទៅកាន់ខ្សែបម្រើ Granit Xhaka ដូចគ្នាហើយភាគីទាំងពីរត្រូវបានគេរំពឹងថានឹងស្វែងរកកម្លាំងបន្ថែមថ្មីជួយក្រុមរបស់ពួកគេ។ យោងតាមគេហទំព័រ Onzemondial បានឱ្យដឹងថាក្រុមគីឡូធ្ងន់នៅក្របខ័ណ្ឌ Premier League ទាំងពីរនេះត្រូវបានកំណត់ដើម្បីប្រកួតប្រជែងសម្រាប់ការចុះហត្ថលេខាយកខ្សែបម្រើ Renato Sanches ។ កីឡាករ Renato Sanches ដែលមានកិច្ចសន្យារយៈពេល ២ ឆ្នាំជាមួយនឹងក្រុម Lille OSC បានលេងនៅក្នុងការប្រកួត Euro ២០២០ របស់ព័រទុយហ្កាល់ទាំង

Georginio Wijnaldum នឹង​ពាក់​​ស្លាក​ប្រធាន​ក្រុម​​ពណ៌​ឥន្ធូរ​ជាមួយ​នឹង​ពាក្យ “One Love” ក្នុង​ការ​ប្រកួត​របស់​ហូឡង់​នៅ​វគ្គ​១៦​ក្រុម​ចុងក្រោយ​ពាន​ Euro ២០២០ ទល់​នឹង​ឆេក​ក្នុង​ប្រទេស​ហុងគ្រី​នៅ​ថ្ងៃ​អាទិត្យ​នេះ។ ​​ខ្សែ​បម្រើ​ដែល​ទើប​ផ្លាស់​ពី Liverpool ទៅ​ចូលរួម​ជាមួយ PSG ក៏​បាន​និយាយ​​បន្ថែម​ទៀត​ថា ក្រុម​ហូឡង់​ក៏​នឹង​ដើរ​ចេញ​ពី​ទីលាន​ផង​ដែរ ប្រសិន​​បើ​មាន​ការ​រើសអើង​ពូជសាសន៍​និង​ភេទ។ កន្លង​ទៅ Cristiano Ronaldo និង Kylian Mbappe សុទ្ធ​តែ​​ធ្លាប់​ត្រូវ​បាន​រើសអើង​​កាល​ពី​ប្រកួត​ក្នុង​ពូល​នៅ​កីឡដ្ឋាន Pukas Arena ក្នុងប្រទេស​ហុងគ្រី។​ Wijnaldum បាន​​លើក​ឡើង​ថា ការ​ពាក់​ស្លាក​ដៃ​ដូច​ដែល​បាន​រៀបរាប់​ខាង​លើ​គឺ​​ចង់​ប្រឆាំង​នឹង​ច្បាប់​អនុម័ត​របស់​ហុងគ្រី​ដែល​ហាម​​មិន​ឲ្យ​ក្រុម​ស្រឡាញ់​ភេទ​ដូច​​គ្នា​​ចូលរួម​​កម្មវិធី​​​ទូរទស្សន៍​សម្រាប់​​អ្នក​ទស្សនាដែល​មាន​អាយុ​ក្រោម​១៨​ឆ្នាំ និង​ចែក​សម្ភារៈ​សិក្សា​តាម​សាលា។ “វា​មិន​ត្រឹម​តែ​ប្រឆាំង​និង​ប្រទេស​ហុងគ្រី​ទេ។ ស្លាកដៃ​នេះ​មាន​អត្ថន័យ​ច្រើន​ណាស់ ព្រោះ​ពួក​យើង​​ឈរ​លើ​ភាព​ចម្រុះ។ One Love មាន​ន័យ​ថា គ្រប់​គ្នា​គឺ​​ជា​ផ្នែក​របស់​វា ហើយ​គ្រប់​គ្នា​គួរ​តែ​មាន​សេរីភាព​ដើម្បី​បង្ហាញ​​ថា ពួក​គេ​ជា​នរណា”។ សម្ដី Wijnaldum៕

បន្ទាប់​ពី​ជោគជ័យ​ក្នុង​ការ​ចុះ​កុងត្រា​យក Sergio Aguero ​កាល​ពី​យប់មិញ​មក ​ស្រាប់​តែ​ពេល​នេះ​ក្រុម FC Barcelona ​បាន​បង្ហាញ​កីឡាករ​ថ្មី​ម្នាក់​ទៀត​ហើយ ​ដែល​យក​ចេញ​ពី Manchester City ​ដែរ។ ​Eric Garcia ខ្សែ​ការពារ​វ័យ​ក្មេង​ដែល​ផុត​កុងត្រា​ជាមួយ​ក្រុម Manchester City ​នៅ​រដូវ​កាល​នេះ ​ត្រូវ​បាន​ក្រុម Barcelona ​ចុះ​កុងត្រា​យក​បាន​ហើយ។ ​រូបគេ ​នឹង​ក្លាយ​ជា​កីឡាករ​ក្រុម​អ្នក​មាន​បុណ្យ​រហូត​ដល់​ឆ្នាំ​២០២៦​ឯ​ណោះ ​ហើយ​តម្លៃ​ផ្ដាច់​កុងត្រា​ថ្មី​វិញ ​មាន​រហូត​ដល់​៤០០​លាន​អឺរ៉ូ។ ​អតីត​យុវជន​របស់​ក្រុម Barcelona ​ខាង​លើ​ត្បិត​តែ​មិន​សូវ​បាន​លេង​នៅ​រដូវ​កាល​នេះ​ក្រោម​ការ​ដឹក​នាំ​របស់​លោក Pep ​មែន ប៉ុន្តែ​រូបគេ​ក៏​មាន​ឈ្មោះ​ក្នុង​ក្រុម​ជម្រើស​ជាតិ​អេស្ប៉ាញ​ដើម្បី​ត្រៀម​លេង Euro 2020 ​ខាង​មុខ​នេះ​ផង​ដែរ។ ​គេ​សង្កេត​ឃើញ​ថា​នា​រដូវ​កាល​ដោះដូរ​នេះ ​ក្រុម FC Barcelona ​ហាក់​ដូច​ជា​ពន្លឿន​មែនទែន ​ក្នុង​ការ​ចុះ​កុងត្រា ​ជា​ពិសេស​ទៅ​លើ​កីឡាករ​ដែល​ផុត​កុងត្រា​ជាមួយ​ក្លឹប​ចាស់។ ​​ប្រភព​នៅ​អេស្ប៉ាញ ​បាន​បញ្ជាក់​ថា​នៅ​មាន​ម្នាក់​ទៀត​ដែល​នឹង​ចុះ​កុងត្រា​ឆាប់​ៗ​នេះ​ដែរ ​គឺ Georginio Wijnaldum ​ដែល​ផុត​កុងត្រា​នៅ Liverpool ​ទៅ​ហើយ​នោះ៕

ខ្សែបម្រើជម្រើសជាតិហុល្លង់ Georginio Wijnaldum នឹងអវត្តមានពីការប្រកួតវគ្គពាក់កណ្ដាលផ្ដាច់ព្រ័ត្រ FIFA Club World Cup 2019 ទល់នឹង Monterrey ម៉ោង១២៖៣០យប់ថ្ងៃពុធទី១៨ខែធ្នូនេះ ដោយសាររបួសសាច់ដុំ។ តែខ្សែការពារកណ្ដាលឆ្នើម Virgil van Dijk អាចលេងបាន ថ្វីបើអវត្តមានពីការហ្វឹកហាត់កាលពីថ្ងៃចន្ទក្ដី ដោយលោក Jurgen Klopp បាននិយាយក្នុងសន្និសីទសារព័ត៌មានគេមិនអីទេ។ ដោយឡែក Dejan Lovren, Joel Matip និង Fabinho សុទ្ធតែកំពុងមានរបួស មិនទាន់ជា។ លោក Klopp ដែលទើបស៊ីញេកុងត្រាថ្មីជាមួយ Liverpool ដល់ឆ្នាំ២០២៤ និយាយថា Liverpool មិនមែនជាក្រុមរំពឹងលើកពាន (Favourites) ទេ តែជាក្រុមប្រកួតប្រជែងមួយ (Challengers)។ ក្រុមរបស់លោកមកទីនេះដើម្បីតំណាងទីក្រុង Liverpool និងតំណាងទ្វីបអឺរ៉ុបទាំងមូល។ ទោះយ៉ាងណា ក្រុមលោកគោរព Monterrey យ៉ាងខ្លាំង។ លោក Klopp បន្ថែមថា Monterrey