Tag: Granit Xhaka
Other News
Newcastle ចង់ដាក់សំណើខ្ចីជើងកីឡាករ១រូបរបស់ Arsenal នៅខែមករាខាងមុខ
ក្លិប Newcastle United ត្រូវបានគេរាយការណ៍ថាគ្រោងនឹងដាក់សំណើទៅកាន់ក្លិបកាំភ្លើងធំ Arsenal ក្នុងការខ្ចីជើងខ្សែបម្រើកណ្ដាលកីឡាករ Granit Xhaka នាអំឡុងពេលទីផ្សារដោះដូរកីឡាករខែមករាខាងមុខនេះ។ ខ្សែបម្រើវ័យ២៧ឆ្នាំរូបនេះ បានជាប់ពាក់ព័ន្ធនឹងរឿងស្ដោះទឹកមាត់ដាក់អ្នកគាំទ្ររបស់ក្រុមកាំភ្លើងធំ Arsenal កាលពីខែមុន អំឡុងពេលប្រកួតទល់នឹងក្រុម Crystal Palace ដោយរូបគេបានបង្ហាញកាយវិការខឹងសម្បារពេលត្រូវបានផ្លាស់ប្ដូរចេញ។ ខណៈពេលនោះ Xhaka បានដោះអាវ Arsenal ចេញបោះចោលលើដី រួចដើរសំដៅទៅបន្ទប់ផ្លាស់សម្លៀកបំពាក់តែម្ដង។ បន្ទាប់មកកីឡាករ Granit Xhaka ក៏បានចេញសេចក្ដីថ្លែងការមួយថាទង្វើមិនសមរម្យដែលកើតឡើងទាំងនេះ គឺដោយសារតែគាត់និងក្រុមគ្រួសារត្រូវបានគំរាមកំហែងពីសំណាក់អ្នកគាំទ្ររបស់ Arsenal មួយចំនួនតាមរយៈប្រព័ន្ធអ៊ីនធឺណែត។ ចាប់តាំងពីពេលនោះមកគាត់ត្រូវបានដកសិទ្ធចេញពីប្រធានក្រុមរបស់ក្រុមកាំភ្លើងធំ Arsenal ហើយទំនាក់ទំនងរបស់រូបគេនឹងក្លិបដែលមានមូលដ្ឋាននៅទីក្រុងឡុងដ៍មួយនេះកាន់តែយ៉ាប់យ៉ឺនទៅ។ យោងតាមកាសែត The Telegraph បានអោយដឹងថាក្លិប Newcastle United ចង់ឆ្លៀតយកឱកាសនេះដាក់សំណើទៅដល់ Arsenal ខ្ចីជើង Xhaka នាខែមករាខាងមុខនេះ។ គួររម្លឹកផងដែរថាកីឡាករ Granit Xhaka បានចាកចេញពីក្លិប Borussia Monchengladbach មកចូលរួមជាមួយនឹងក្លិបកាំភ្លើងធំ Arsenal កាលពីឆ្នាំ២០១៦ ជាមួយនឹងតម្លៃផ្ទេរ ៤៥លានអឺរ៉ូ (ឬប្រហែល៤៩លានដុល្លារអាមេរិក) ដោយបង្ហាញខ្លួនបានចំនួន១៤៤ប្រកួត
16 Nov 2019
63 views
Other News
លោក Unai Emery សម្រេចដកតួនាទីប្រធានក្រុមពី Granit Xhaka ជាផ្លូវការ!
អ្នកចាត់ការទូទៅក្លឹបកាំភ្លេីងធំ Arsenal លោក Unai Emery បានសម្រេចដកតួនាទីប្រធានក្រុម ពីកីឡាករខ្សែបម្រេី Granit Xhaka ជាផ្លូវការហេីយ ដោយតែងតាំងមិត្តរួមក្រុម Pierre-Emerick Aubameyang ជំនួសវិញ។ ការសម្រេចផ្ទេរមុខតំណែងនេះដែរត្រូវបានធ្វេីឡេីង ក្រោយពេលអ្នកចាត់ការបានជួបពិភាក្សាជាមួយកីឡាករ ស្វីសកាលពីម្សិលមិញ ដោយមានការឯកភាពពី Xhaka និងទទួលកំហុសរបស់គេផងដែរ។ កំហុសរបស់កីឡាករដែលបានចូលលេងអោយ Arsenal ១៤៤ប្រកួតនៅ Emirates បានប៉ះពារជាមួយអ្នកគាំទ្រ របស់ខ្លួន ក្រោយពេលត្រូវបានពិន័យកាតក្រហម ក្នុងដែលកាំភ្លេីងធំលេងស្មេី ២-២ ទល់នឹងភ្ញៀវ Crystal Palace នៅ Premier League នៃសប្តាហ៍១០ ជេីងទី១។ បន្ថែមលេីនេះ ទាំង Xhaka និង Mesut Ozil ក៏បន្តអវត្តមានពីជំនួប Arsenal ប៉ះម្ចាស់ផ្ទះ Vitoria de Guimaraes របស់ព័រទុយហ្គាល់នៅ UEFA Europa League រាត្រីថ្ងៃស្អែកផងដរ៕
06 Nov 2019
79 views
Other News
គ្រូបង្វឹក Arsenal ត្រៀមដកតំណែងប្រធានក្រុមចេញពី Granit Xhaka ហើយ
លោក Unai Emery គ្រូបង្វឹករបស់ Arsenal នឹងដកតំណែងប្រធានក្រុមចេញពីខ្សែបម្រើ Granit Xhaka វិញ ក្រោយពីកីឡាកររូបនេះបង្ហាញកាយវិការមើលងាយទៅកាន់អ្នកគាំទ្រ ពេលដែលគេត្រូវប្ដូរចេញ។ ជំនួប Arsenal ២-២ Crystal Palace កាលពីពេលកន្លងទៅ មានរឿងមិនល្អកើតឡើងសម្រាប់ក្រុម Arsenal ។ ដោយកីឡាករ Granit Xhaka បានបង្ហាញកាយវិការមិនសមរម្យដាក់អ្នកគាំទ្រ ពេលដែលត្រូវប្ដូរចេញ ជាហេតុកើតមានការមិនពេញចិត្តពេញកីឡដ្ឋានតែម្ដង។ អ្នកគាំទ្របានស្រែកទាមទារឱ្យមានការសុំទោសចំពោះរឿងនេះ ខណៈដែលគ្រូបង្វឹកនិងវីរបុរសក្លឹបកាំភ្លើងធំក៏ចង់ឱ្យកីឡាករនេះ សុំទោសជាសាធារណៈផងដែរ។ ជាមួយគ្នានោះ លោក Emery ក៏បានបញ្ជាក់ដែរថានឹងដកតំណែងប្រធានក្រុមចេញពី Xhaka វិញហើយ ព្រោះកាយវិការមិនសមរម្យរបស់គេបានធ្វើឱ្យប៉ះពាល់ខ្លាំងដល់កិត្តិយសក្លឹបនិងអ្នកគាំទ្រដែលបានចំណាយពេលវេលា មកគាំទ្រដល់កីឡដ្ឋានផ្ទាល់៕
30 Oct 2019
81 views
