Tag: Ibrahima Konate

ខ្សែការពារ Ibrahima Konate បានបោះសម្ដីថាគេនឹងពុំឲ្យ កីឡាករ Real Madrid ណាម្នាក់ស៊ុតបញ្ចូលទីក្នុងការប្រកួត Champions League វគ្គផ្ដាច់ព្រ័ត្រ ទល់នឹង Liverpool នោះឡើយ។ ​Liverpool នឹងត្រូវជួបសត្រូវចាស់ Real Madrid សាជាថ្មីម្ដងទៀតនៅការប្រកួត UCL វគ្គផ្ដាច់ព្រ័ត្រ ថ្ងៃទី២៩ខែ ឧសភា ខាងមុខ នៅឯទីក្រុងប៉ារីស ប្រទេសបារាំង បន្ទាប់ពីធ្លាប់ជួបគ្នាម្ដងមកហើយកាលពីឆ្នាំ២០១៨។ Real Madrid ក៏ធ្លាប់បានយកឈ្នះ Liverpool ៣ ទល់នឹង ១ កាលណោះផងដែរដែលធ្វើឲ្យកូនក្រុមរបស់លោក Jurgen Klopp សុទ្ធតែមានមហច្ឆិតាចង់សងសឹក។​ ដោយឡែក Konate ដែលជាកីឡាករចំណូលថ្មីរបស់ Liverpool បានថ្លែងបង្អើលទៅ Real Madrid ថា៖ “Karim Benzema មានរដូវកាលមួយដ៏ពិសេស ប៉ុន្តែនៅក្នុងក្រុមគេទាំងអស់ គឺមិនមែនមានតែគេទេ។ គោលដៅរបស់ខ្ញុំគឺខ្ញុំនឹងមិនឲ្យកីឡាករក្រុមពួកគេណាម្នាក់ស៊ុតបញ្ចូលទីនោះឡើយ”៕

តាមរយៈការលើកឡើងរបស់ខ្សែការពារក្រុម Liverpool កីឡាករ Ibrahima Konate បានបញ្ជាក់ថា រូបគេគឺមិនមានអ្វីត្រូវព្រួយបារម្ភឡើយ ចំពោះការតទល់គ្នានៅលើទីលានជាមួយ Cristiano Ronaldo ដោយគាត់បានលើកហេតុផលថា ខ្សែប្រយុទ្ធរបស់ Manchester United រូបនេះក៏មានដៃ ២ ជើង ២ ដូចជាគាត់ដែរ។ គួរបញ្ជាក់ថា Konate បានផ្លាស់ចេញពីក្រុម RB Leipzig មកចូលរួមជាមួយ Liverpool នៅរដូវកាលនេះ ចំណែកឯ Ronaldo វិញបានផ្ទេរចេញពី Juventus មកចូលរួមជាមួយ Man UTD នៅរដូវកាលនេះដូចគ្នា។ ខណៈពួកគេទាំងពីរក៏បានលេងតទល់គ្នាម្តងហើយដែរ ដោយក្នុងនោះក្រុមហង្សក្រហមបានទទួលជ័យជម្នះទៅលើក្រុមបិសាចក្រហមក្នុងលទ្ធផល ៥ ទល់នឹង ០។ Konate បានលើកឡើងពី Ronaldo យ៉ាងដូច្នេះថា៖ “ញុំពិតជាភ្ញាក់ផ្អើលណាស់ ដោយសារគាត់គឺជាកីឡាករឆ្នើមបំផុតនៅលើពិភពលោកយើងនេះ។ ប៉ុន្តែគាត់គ្រាន់តែជាមនុស្សម្នាក់ដូចខ្ញុំដែរ ដែលមានដៃ ២ និង ជើង ២ ដូចគ្នា”៕

ក្លិបហង្សក្រហម Liverpool បានប្រកាសជាផ្លូវការថា ខ្សែការពារ Virgil van Dijk, Joe Gomez និង Joel Matip នឹងវិលត្រឡប់មកលេងលើទីលានវិញនៅការប្រកួតបើករដូវកាលថ្មីបន្ទាប់ពីពួកគេទាំងបីត្រូវរបួសញំញីនិងតម្រូវឲ្យសម្រាកព្យាបាលរយៈពេលវែង។ Van Dijk បានបាត់មុខពីទីលានតាំងពីខែតុលាឆ្នាំមុន ដោយសាររបួសធ្ងន់ក្នុងការប្រកួត Merseyside Derby ជាមួយ Everton ដែលធ្វើឲ្យគេអាក់ខានពេញមួយរដូវកាល ឯ Joe Gomez បានរងរបួសផ្នែកសរសៃកែងជើងតាំងពីខែមករា។ យ៉ាងណាមិញដំណឹងដ៏រីករាយនេះមានន័យថាកីឡាករទាំងបីនាក់នឹងអាចធ្វើដំណើរទៅប្រទេស អូទ្រីស ជាមួយលោកគ្រូបង្វឹក Jurgen Klopp ដោយមាន Mohamed Salah, Sadio Mane និង Ibrahima Konate ទៅជាមួយផងដែរ។ កីឡាករ Liverpool ទាំងអស់នឹងចំណាយពេលនៅឯជំរុំហ្វឹកហាត់មួយទៀតឯប្រទេសអូទ្រីស ដែលនៅជិតក្រុង Salzburg ហើយនិងមានគម្រោងទៅហ្វឹកហាត់នៅតំបន់ Tyrol ដែរ ប៉ុន្តែយោងតាមសារព័ត៌មាន Goal គឺក្លិបមិនទាន់ច្បាស់នៅឡើយទេដោយសារបញ្ហារីករាលដាលនៃជំងឺកូវីដ១៩៕

Liverpool ​ កំពុង​​ដាក់​គោលដៅ​ឲ្យ​បាន​លឿន​​នាំ​យក​ខ្សែ​ការពារ​កណ្ដាល​​​របស់ Leipzig ​​ហើយ​ក៏​ជា​កីឡាករ​​​លេង​ឲ្យ​ជម្រើស​ជាតិ​បារាំង​ក្រោម​អាយុ​២១​ឆ្នាំ Ibrahima Konate ​ដែល​ទើន​​មាន​វ័យ​២២​ឆ្នាំ​ មក​កាន់ Anfield នៅ​រដូវ​ក្ដៅ​ខាងមុខ​នេះ​ក្នុង​តម្លៃ ៤០ លាន​ផោន​ស្មើ ៥៧ លាន​ដុល្លារ​​។ ហង្ស​ក្រហម​បាន​ជួប​គ្នា​រួច​ហើយ ​ក្នុង​ការ​ចរចា​យក​ខ្សែ​ការពារ​ខាង​លើ​​ ក្នុង​តម្លៃ​ទិញ​ផ្ដាច់កុង​ត្រា​ប្រមាណ ៤០​លានផោន​។ Konate បង្ហាញ​ខ្លួន​បាន ៩០ ប្រកួត​គ្រប់​​ក្របខណ្ឌ​ក្នុង​​ការ​ស្នាក់​នៅ Leipzig ចំនួន ៤ ​​រដូវ​​កាល​។ រឿង​ដែល​ធ្វើ​ឲ្យ​លោក Jurgen Klopp ចាប់​អារម្មណ៍​ចង់​បាន​រូប​គេ​ ដោយសារ​កាល​ពី​រដូវ​កាល​២០១៩-២០២០ Konate បាន​ក្លាយ​ជា​ខ្សែ​ការ​ពារ​សំខាន់​របស់ Leipzig ​ហើយ​ជួយ​ក្រុម​នេះ​ឲ្យ​ស្ថិត​នៅ​លេខ២​ក្នុង​តារាង​ Bundesliga រដូវ​កាលមុន​។ ​​បើ​និយាយ​ពី​វិបត្តិ​​ខ្សែ​ការពារ Liverpool រដូវ​កាល​មុន​ស្ទើរ​តែ​មិន​អាច​​ជាប់ Top4 ដោយសា​កីឡាករ​សំខាន់​ៗ​របួស​ដូច​ជា Virgil van Dijk, Joe Gomez and Joel Matip បាន​រង​របួស។ យ៉ាង​ណា​​​រដូវ​​កាល​ថ្មី​ពូកគេ​នឹង​ត្រឡប់​មក​វិញ​ ប៉ុន្តែ​ Klopp

ក្នុងប៉ុន្មានសប្តាហ៍ថ្មីៗនេះក្រុម Liverpool ត្រូវបានផ្សារភ្ជាប់ជាមួយនឹងការដេញថ្លៃយកខ្សែការពារ Ibrahima Konate របស់ក្រុម RB Leipzig ហើយវាហាក់ដូចជាថាហង្សក្រហមកំពុងបញ្ចប់កិច្ចព្រមព្រៀង។ យោងតាមអ្នកសារព័ត៌មាន Fabrizio Romano បានអោយដឹងថាកីឡាកររូបនេះនឹងចូលរួមជាមួយ Liverpool នៅរដូវកាលក្រោយ ។ បន្ទាប់ពីកីឡាករ Van Dijk មានបញ្ហារបួសនៅរដូវកាលនេះធ្វើឲ្យលោក Jurgen Klopp ចង់ជ្រើសរើសខ្សែការពារកណ្តាលកំពូលហើយខ្សែការពារ Konate មានសក្តានុពលក្នុងការចុះហត្ថលេខាសម្រាប់ក្លឹបនៅ Premier League ។ ខ្សែការពារសញ្ជាតិបារាំងរូបនេះត្រូវបានគេយកចិត្តទុកដាក់ខ្ពស់នៅអឺរ៉ុបហើយជាមួយនឹងពេលវេលានិងការបង្វឹកគាត់អាចប្រែក្លាយជាកីឡាករលំដាប់កំពូលមួយ ។ ចាប់តាំងពីចូលកាន់តំណែងជាអ្នកចាត់ការនៅក្រុមហង្សក្រហម Liverpool លោក Klopp បានជួយកីឡាករដូចជា Andy Robertson, Joe Gomez និង Trent Alexander-Arnold មានការអភិវឌ្ឍយ៉ាងខ្លាំងហើយគាត់អាចជួយកីឡាករវ័យក្មេង Konate ឲ្យកាន់តែរីកចម្រើនដូចគ្នា ។

ខ្សែការពារ Ibrahima Konate របស់ RB Leipzig ទំនងជាបន្តអាជីពរបស់គាត់នៅប្រទេសអង់គ្លេស ។ ដោយមានការ ចាប់អារម្មណ៍ ពីក្លិបធំៗចំនួន ២ គឺក្រុម បីសាចក្រហម Manchester United នឹង ហង្សក្រហម Liverpool ។ កាលពីពេលថ្មីៗនេះមានសេចក្តីរាយការណ៍មកថាខ្សែការពារកណ្ដាលសញ្ជាតិបារាំងអាយុ ២១ ឆ្នាំរូបនេះបានពិនិត្យសុខភាពរបស់ខ្លួនរួចទៅហើយជាមួយក្រុម Liverpool ។ Ibrahim ដែលជាខ្សែការពារកណ្ដាល មានវ័យទើប ២១ឆ្នាំនោះ មានតម្លៃទំហំទឹកប្រាក់ ៤០ លានផោនក្នុងកុងត្រារបស់គាត់ ។ ទោះយ៉ាងណាបើយោងតាមគេហទំព័រ Eurosport បានអោយដឹងថាក្រុមបិសាចក្រហម អាចប្រកួតប្រជែងជាមួយក្រុម Liverpool ក្នុងការចុះហត្ថលេខាជាមួយខ្សែការពារ របស់ក្រុម RB Leipzig ។ ខណះ United កំពុងស្វែងរកខ្សែការពារកណ្តាលក្នុងករណីដែល Eric Bailly នឹងចាកចេញនៅរដូវក្តៅហើយកីឡាករ Leipzig កំពុងត្រូវបានវាយតម្លៃដោយក្លិបរបស់ក្លឹបអង់គ្លេស ។ ខ្សែការពាររូបនេះលេងបាន ១០ ប្រកួតនៅ