Tag: Jurgen Klopp

អតីតខ្សែប្រយុទ្ធឆ្នើមប្រចាំក្លិប Liverpool គឺ Luis Suarez បាននិយាយថារូបគេនឹងគាំទ្រក្រុមហង្សក្រហមរបស់លោក Jurgen Klopp ពេញទំហឹង នៅការប្រកួតវគ្គផ្ដាច់ព្រ័ត្រ Champions League ប៉ុន្តែក៏បានកោតសរសើរខ្សែប្រយុទ្ធ Karim Benzema នៃក្លិប Real Madrid ផងដែរ។​ Liverpool នឹងត្រូវជួបតទល់ជាមួយ Real Madrid នាទីក្រុងប៉ារីស ថ្ងៃទី២៩ ខែឧសភា ក្នុងការប្រកួតវគ្គផ្ដាច់ព្រ័ត្រ UCL ខាងមុខនេះហើយដោយក្រុមទាំងពីរជាគូសងសឹក ព្រោះកាលពីឆ្នាំ២០១៨ គឺ Real Madrid ធ្លាប់ទម្លាក់ Liverpool ក្នុងលទ្ធផល ៣ ទល់នឹង ១។ យ៉ាងណាមិញ Suarez បាននិយាយថា៖ “ខ្ញុំជាអ្នកគាំទ្ររបស់ Barcelona, Liverpool និង Atletico ដែលជាក្លិបខ្ញុំធ្លាប់លេងឲ្យ។ ប៉ុន្តែគ្រាប់បាល់ស៊ុតបញ្ចូលទីរបស់ Benzema គឺគ្រាប់ទី២ដែលស៊ុតទល់នឹង Chelsea គឺខ្ញុំពិតជាចង់ទះដៃអបអរដល់គេ ព្រោះខ្ញុំពិតជា ស្ញើចសរសើរអ្វីដែលគេបានធ្វើណាស់”៕

Erik ten Hag បាន​និយាយ​​​រំឭក​​ទៅ​កាន់​លោក Pep Guardiola និង Jurgen Klopp ថា លោក​មក​អង់គ្លេស​ដើម្បី​ជួយ​រុញ Manchester United ត្រលប់​មក​កាន់​កំពូល​វិញ។ អ្នក​ចាត់​ការ​របស់ Manchester City និង Liverpool បាន​ចែក​ពាន​​លីគ​គ្នា​នៅ​៥​រដូវ​កាល​ចុងក្រោយ និង​តែងតែ​ឈរ​លើ​ក្លឹប​ផ្សេង​ក្នុង​ Premier League។ Man United គម្លាត​ដល់​ទៅ​៣៥​ពិន្ទុ​ឈរ​​​ពី​ក្រោម​ម្ចាស់​ជើង​ឯក Man City ក្នុង​រដូវ​កាល​នេះ។ ប៉ុន្តែ​អ្នក​ចាត់​ការ​ថ្មី​របស់​បិសាច​ក្រហម​លោក Ten Hag បាន​លើក​ឡើង​ថា លោក​​ត្រៀម​រួចរាល់​ដើម្បី​បញ្ចប់​រជ្ជកាល​​ត្រួតត្រា​ពាន​ក្នុង​ស្រុក​របស់ Pep និង Klopp។ ក្រោយ​ចូល​កាន់​តំណែង​ថ្មី​លោក Ten Hag បាន​និយាយ​ថា ក្នុង​ពេល​​នេះ​លោក​ពិត​ជា​សរសើរ​​ចំពោះ​ទាំង​ពីរ​ក្លឹប Man City និង Liverpool។ ក្រុម​ទាំង​ពីរ​លេង​ពិត​ជា​អស្ចារ្យ​ក្នុង​បាល់ទាត់។ ប៉ុន្តែ​គ្រប់​គ្នា​នឹង​ឃើញ​រជ្ជកាល​នេះ​​ដល់​ទី​បញ្ចប់។ លោក​​កំពុង​ទន្ទឹង​រង​ចាំ​ប្រជែង​ជាមួយ​ពួក​គេ និង​​ធ្វើ​ការ​ជាមួយ​បិសាច​ក្រហម​ជាមួយ​ប្រវត្តិសាស្ត្រ​ដ៏​ធំ។ បុរស​សញ្ជាតិ​ហុល្លង់​ក៏​បាន​បញ្ជាក់​ទៀត​ថា លោក​នឹង​ធ្វើ​ការ​ដើម្បី​ឲ្យ Man United ត្រលប់​មក​រក​ភាព​ជោគជ័យ​របស់​ខ្លួន​វិញ។

អ្នក​ចាត់​ការ Jurgen Klopp បាន​ជំរុញ​កីឡាករ​របស់​ខ្លួន​ដក​ការ​ខកចិត្ត​ចេញ និង​មក​ផ្ដោត​លើ​ការ​ប្រកួត​ជាមួយ Real Madrid វិញ​ដើម្បី​​ឈ្នះ​ពាន Champions League។ Liverpool បាន​ត្រឹម​ឈរ​ចំណាត់​ថ្នាក់​លេខ​២​ប៉ុណ្ណោះ​ក្នុង​តារាង​ពិន្ទុ Premier League ទោះបី​ពួក​គេ​ឈ្នះ Wolves ៣-១ ក្នុង​ថ្ងៃ​ចុងក្រោយ​ក៏​ដោយ។ Manchester City បាន​ក្លាយ​ជា​ម្ចាស់​ជើងឯក​លីគ​កំពូល​របស់​អង់គ្លេស​រដូវ​កាល​នេះ ក្រោយ​ប្រកួត​វាយ​បក​យក​ឈ្នះ Aston Villa ៣-២ ក្នុង​កីឡដ្ឋាន Etihad។ យ៉ាងណាមិញ Liverpool នៅ​សល់​​ភារកិច្ច​ធំ​មួយ​ទៀត​ត្រូវ​ប៉ះ​ជាមួយ Real Madrid ក្នុង​វគ្គ​​ផ្ដាច់ព្រ័ត្រ Champions League នៅ​ចុង​សប្ដាហ៍​នេះ។ ហង្សក្រហម​មាន​មហិច្ឆតា​ចង់​ឈ្នះ​ពាន​៤​ក្នុង​រដូវ​កាល​នេះ​​បន្ទាប់​ពី​លើក​​ពាន League Cup និង FA Cup ប៉ុន្តែ​ពេល​នេះ​បាន​របូត​ពាន​លីគ​មួយ​បាត់​ទៅ​ហើយ។ ការ​ខកខាន​មិន​បាន​ពាន Premier League លោក Klopp បាន​លើក​ឡើង​ថា វា​​ជា​កត្តា​ជំរុញ​ទឹក​ចិត្ត​កីឡាករ​ Liverpool កាន់​តែ​ចង់​ឈ្នះ​ពាន UCL។ ក្រោយ​​លេង​ប្រកួត​ចុងក្រោយ​ក្នុង​លីគ អ្នក​ចាត់​ការ​សញ្ជាតិ​អាល្លឺម៉ង់​បាន​​និយាយ​ថា

កីឡាករ Toni Kroos ថា ខ្លួនចង់លេងក្រោមការដឹកនាំរបស់លោក Jurgen Klopp ​នៅថ្ងៃណាមួយ។ ជាការពិតណាស់​​ Kroos បានផ្លាស់ពី Bayern Munich មកចូលរួមជាមួយក្លិប Real Madrid ចាប់តាំងពីឆ្នាំ ២០១៤ មកម្ល៉េះ តាមការពិតជាក់ស្តែង Kroos ត្រូវចូលរួមជាក្រុម Manchester United ទេ ក៏ប៉ុន្តែបន្ទាប់ពីក្លិបបណ្តេញលោក David Moyes ចេញ ជំនួសវិញដោយលោក Louis Van Gaal លោកក៏បដិសេធលែងចង់បាន Kroos វិញ។ ចាប់តាំងពីចូលរួមជាមួយ Real Madrid មក Kroos បានក្លាយជាកីឡាករសំខាន់មួយរូបដែល គ្រប់គ្រងនៅតំបន់បម្រើ ដោយជំនាញរបស់គេគឺ បញ្ជូនបាល់ដល់មិត្តរួមក្រុមបានយ៉ាងល្អឥតខ្ចោះ។ Kroos បាននិយាយថា៖ “ប្រាកដណាស់ដែលខ្ញុំចង់លេងក្រោមការដឹកនាំរបស់លោក Klopp ពីព្រោះ កាលពីលោក Klopp នៅដឹកនាំ Dortmund គាត់ពិតជាធ្វើបានអស្ចារ្យណាស់

លោក Jurgen Klopp ជាគ្រូបង្វឹករបស់ក្រុម Liverpool បានបញ្ជាក់ថា ខ្សែប្រយុទ្ធ Divock Origi នឹងចាកចេញពីក្លិបនៅដំណាច់រដូវកាលនេះ។​ កីឡាករសញ្ជាតិបែលស៊ិករូបនេះនឹងចាកចេញដោយគ្មានតម្លៃខ្លួន ដោយអ្នកកាសែ​ត Fabrizio Romano បង្ហើបថាគោលដៅបន្ទាប់របស់គេគឺក្លិប AC Milan នៅក្របខណ្ឌអ៊ីតាលី Serie A។ ​លោក Jurgen Klopp បានថ្លែងច្បាស់ៗថា៖ “ខ្ញុំរំពឹងទុកថា Divock នឹងទទួលបានការលាដ៏ពិសេស។ គឺគេជាកីឡាករដ៏សំខាន់បំផុតម្នាក់ តាមដែលខ្ញុំធ្លាប់មាន។ គេធ្វើឲ្យខ្ញុំរីករាយក្នុងការធ្វើការជាមួយ។ វាមិនទាន់ចប់នៅឡើយទេហើយគេសមគួរនឹងទទួលបានគំនិតល្អទាក់ទងនឹងអនាគតរបស់គេ។ គេនឹងជោគជ័យព្រោះគេពូកែ។ ខ្ញុំបានចងចាំរឿងជាច្រើននៅពេលខ្ញុំគិតពី Divock ។ ការស៊ុតបញ្ចូលទី ទាំងលើនិងក្រោមគឺជាវីរបុរសម្នាក់របស់ Liverpool”៕

ខ្សែការពារ Ibrahima Konate បានបោះសម្ដីថាគេនឹងពុំឲ្យ កីឡាករ Real Madrid ណាម្នាក់ស៊ុតបញ្ចូលទីក្នុងការប្រកួត Champions League វគ្គផ្ដាច់ព្រ័ត្រ ទល់នឹង Liverpool នោះឡើយ។ ​Liverpool នឹងត្រូវជួបសត្រូវចាស់ Real Madrid សាជាថ្មីម្ដងទៀតនៅការប្រកួត UCL វគ្គផ្ដាច់ព្រ័ត្រ ថ្ងៃទី២៩ខែ ឧសភា ខាងមុខ នៅឯទីក្រុងប៉ារីស ប្រទេសបារាំង បន្ទាប់ពីធ្លាប់ជួបគ្នាម្ដងមកហើយកាលពីឆ្នាំ២០១៨។ Real Madrid ក៏ធ្លាប់បានយកឈ្នះ Liverpool ៣ ទល់នឹង ១ កាលណោះផងដែរដែលធ្វើឲ្យកូនក្រុមរបស់លោក Jurgen Klopp សុទ្ធតែមានមហច្ឆិតាចង់សងសឹក។​ ដោយឡែក Konate ដែលជាកីឡាករចំណូលថ្មីរបស់ Liverpool បានថ្លែងបង្អើលទៅ Real Madrid ថា៖ “Karim Benzema មានរដូវកាលមួយដ៏ពិសេស ប៉ុន្តែនៅក្នុងក្រុមគេទាំងអស់ គឺមិនមែនមានតែគេទេ។ គោលដៅរបស់ខ្ញុំគឺខ្ញុំនឹងមិនឲ្យកីឡាករក្រុមពួកគេណាម្នាក់ស៊ុតបញ្ចូលទីនោះឡើយ”៕

ទាក់ទង​នឹង​ការ​មក​ដល់​របស់​ ខ្សែ​ប្រយុទ្ធ​ Erling Haaland ទៅកាន់​​ Manchester City រដូវកាល​ខាង​មុខ​នេះ​ លោក​ Jurgen Klopp អ្នកចាត់ការ​ក្លឹប​ Liverpool បាន​និយាយ​ក្រោយ​ប្រកួត​ឈ្នះ​ Aston Villa ២-១ យប់មិញ​ថា​ ខ្សែ​ប្រយុទ្ធ​រូប​ហ្នឹង​ អាច​ជួយ​ច្រើន​ដល់​ក្លឹប​ហ្នឹង​ឲ្យ​កាន់​តែ​ល្អ​បន្ថែម​ទៀត​។ លោក​ Klopp បាន​និយាយ​ថា​៖” Haaland ជា​កីឡាករ​ដ៏​ល្អ​។ យ៉ាងណា​ Man City មិន​ធ្លាប់​ នឹង​មិន​មែន​ជា​ក្រុម​ដែល​ឈ្នះ​ការ​ប្រកួត​ដោយ​ពឹង​លើ​កីឡាករ​តែ​ម្នាក់​នោះ​ទេ​។ ខ្ញុំ​គិត​ថា​ Haaland នឹង​ដឹង​ចំណុច​នេះ​ យ៉ាង​ណា​គេ​នឹង​នៅ​តែ​អាច​រក​គ្រាប់​បាន​ច្រើន​អញ្ចឹង​ ដោយ​គ្រាន់​តែ​ចាំ​ស៊ុត​បញ្ចូល​អញ្ចឹង​គេ​នឹង​ចូល​ចិត្ត​នៅ​ហ្នឹង​ “។ លោក​បាន​បន្ត​ថា​៖” សួរ​ថា​គេ​នឹង​អាច​ជួយ​ Man City ឲ្យ​កាន់​តែ​ល្អ​បាន​ប៉ុណ្ណា​? ខ្ញុំ​ថា​ គេ​នឹង​ជួយ​បាន​ច្រើន​ណាស់​។ គេ​ធ្លាប់​ឈឺ​ប៉ុន្មាន​ដង​ដែរ​នៅ​ Dortmund តែ​ពេល​គេ​ជា​ពេញ​លេញ​គឺ​ថា​ គេ​ខ្លាំង​ណាស់​។ និយាយ​ទៅគួរ​ឲ្យ​សោកស្ដាយ​មែន​ទែន​ ខាង​ Man City គេ​យក​បាន​ “។ ខ្សែ​ប្រយុទ្ធ​ Erling

​លោក​ Jurgen Klopp អ្នកចាត់ការ​ក្លឹប​ Liverpool បាន​និយាយ​នៅ​ក្នុង​សន្និសីទ​កាសែត​ក្នុង​កាល​ពី​ម្សិលមិញ​នេះ​ថា​ ក្លឹប​លោក​ត្រូវ​ត្រៀម​ប្រកួត​ UEFA Champions League ជើងទី២​ឲ្យ​មែនទែន​ ព្រោះ​ក្លឹប​ Villarreal នឹង​ខំ​វាយ​បក​មក​វិញ​ខ្លាំង​ជា​មិន​ខាន​។​ លោក​ Klopp បាន​និយាយ​ថា​៖” យើង​ត្រូវ​តែ​ត្រៀម​លេង​កំពូល​ប្រកួត​មួយ​នេះ​ឲ្យ​មែន​ទែន​ ព្រោះ​ពួក​គេ​ (Villarreal) នឹង​ខំ​វាយ​បក​មក​វិញ​ខ្លាំង​ដើម្បី​ឲ្យ​តាម​ទាន់​យើង​ជា​មិន​ខាន​។ ពួក​គេ​នឹង​ព្យាយាម​ខ្លាំង​ ជាង​អ្វី​ដែល​យើង​នឹង​ខំ​ទប់​ពួក​គេ​ “។ លោក​បាន​បន្ត​ថា​៖” អ្វី​ដែល​ខ្ញុំ​បារម្ភ​គឺ​យើង​ត្រូវ​ធ្វើ​អី​ខ្លះ​ និង​ត្រៀម​ទក់​សាច់​របស់​ពួក​គេ​ម៉េច​ខ្លះ​។ យ៉ាង​ណា​មិន​ឲ្យ​ចាញ់​ ១-០ ឬ​ក៏​ម៉េច​នោះ​ទេ​ តែ​ម៉េច​ក៏​ការ​ប្រកួត​បាល់ទាត់​យ៉ាង​ម៉េច​ក៏​មាន​ តែ​យើង​នឹង​ខំ​លេង​ប្រកួត​នេះ​ឲ្យ​ល្អ​បំផុត​ “។ ចំពោះ​ក្រុម​ Villarreal គ្រូ​បង្គោល​ Unai Emery ក៏​បាន​និយាយ​ផង​ដែរ​ថា​ នឹង​ខំ​វាយ​បក​ស៊ី​ Liverpool វិញ​ឲ្យ​បាន​។ ចំពោះ​ការ​ប្រកួត​ខាង​លើ​តង់​ទី​១ Liverpool យក​ឈ្នះ​ Villarreal ២-០ ចំពោះ​ការ​ប្រកួត​តង់​ទី​២ នឹង​ចាប់​ផ្ដើមនៅ​ម៉ោង​២យប់​ ទៀបភ្លឺ​នេះ​៕

Chelsea កំពុង​តែ​បារម្ភ​​ខ្សែ​បម្រើ Mason Mount ​ធ្លាក់​លើ​ដៃ​របស់ Manchester City ឬ Liverpool ដោយ​សារ​តែ​​ក្លឹប​របស់​ពួក​គេ​ជួប​វិបត្តិ​​ម្ចាស់​ក្លឹប។ កីឡាករ​សញ្ជាតិ​អង់គ្លេស​វ័យ​២៣​ឆ្នាំ​​គឺ​ជា​កីឡាករ​ Chelsea ម្នាក់​ដែល​មាន​ថ្លៃ​ពលកម្ម​ទាប​ជាង​គេ​បំផុត​រង្វង់​៧​ម៉ឺន​ផោន​ក្នុង​មួយ​សប្ដាហ៍។ Mount នៅ​សល់​កុងត្រា​​២​​ឆ្នាំ​​​ទៀត​លើ​កិច្ចសន្យា​របស់​​គេ ប៉ុន្តែ​ដោយ​សារ​តែ​​ទណ្ឌកម្ម​​បាន​រារាំង​ Chelsea មិន​អាច​ផ្ដល់​កុងត្រា​ថ្មី​ទៅ​កាន់​គេ។ គូ​ប្រជែង Liverpool និង Man City កំពុង​តែ​តាម​ដាន​ចាប់​អារម្មណ៍​ ដែល​ធ្វើ​ឲ្យ​តោខៀវ​កើន​ក្ដី​បារម្ភ​ថា Mount ត្រូវ​ក្លឹប​ទាំង​ពីរ​ឆក់​យក​ទៅ​បាត់។ កន្លង​ទៅ​លោក Jurgen Klopp ធ្លាប់​និយាយ​ជា​សាធារណៈ​សរសើរ​លើ Mount ខណៈ​លោក Pep Guardiola ក៏​ជា​ពេញ​ចិត្ត​កីឡាករ​សញ្ជាតិ​អង់គ្លេស​ដូច​គ្នា។ Mason Mount ជា​កីឡាករ​កើត​ចេញ​ពី​យុវជន​របស់ Chelsea ចូលហាត់​តាំង​តែ​ពី​ឆ្នាំ​២០០៥។ រហូត​ដល់​២០១៩ គេ​មាន​ឱកាស​បាន​មក​លេង​​ក្នុង​ក្រុម​ធំ ប៉ុន្តែ​​ធ្លាប់​ត្រូវ​បាន​ខ្ចី​ជើង​ទៅ​លេង​នៅ​ក្លឹប​ផ្សេង​ៗ​មួយ​រយៈ មុន​ក្លាយ​ជា​កីឡាករ​សំខាន់​ក្នុង​ក្រុម​ដូច​សព្វថ្ងៃ។ Mount ធ្លាប់​ត្រូវ​បាន​ក្លឹប Vitesse លេង​ក្នុង​លីគ​ប្រទេស​ហុល្លង់​ខ្ចី​ជើង​​កាល​ពី​រដូវ​កាល​២០១៧-១៨ និង​ខ្ចី​ជើង​ទៅ Derby County រដូវ​កាល​២០១៨-១៩៕

ក្លឹប​ Liverpool ត្រូវ​បាន​សារព័ត៌មាន​ Goal ក៏​ដូច​ជា​សារព័ត៌មាន​បាល់ទាត់​ធំៗ​ទៀត​ចុះ​ផ្សាយ​ថា​ នឹនង​បើក​កិច្ចចរចា​បន្ត​កុងត្រា​ថ្មី​ជា​មួយ​ លោក​ Jurgen Klopp នៅ​ក្នុង​ពេល​ឆាប់ៗ​។ លោក​ Klopp បាន​មក​ដឹកនាំ​ក្លឹប​ Liverpool នេះ​តាំង​ពី​ខែ​តុលា​ ឆ្នាំ​២០១៥​រហូត​មក​ ដោយ​ជួយ​ក្រុម​ហង្ស​ក្រហម​មួយ​នេះ​ឲ្យ​កាន់​តែ​ឈាន​ទៅ​កម្រិត​មួយ​ខ្ពស់​ និង​មាន​ការ​លិច​ធ្លោ​ខ្លាំង​ធ្វើ​ឲ្យ​មជ្ឈដ្ឋាន​បាល់ទាត់​ទទួល​ស្គាល់​ស្នាដៃ​របស់​លោក​។ អ្នក​ចាត់ការ​រូប​នេះ​នឹង​ចប់​កុងត្រា​ជា​មួយ​ក្លឹប​នៅ​ឆ្នាំ​២០២៤​ ដោយ​​កន្លង​មក​លោក​ធ្លាប់​បញ្ជាក់​ថា​នឹង​លាឈប់​ពី​ក្លឹប​នេះ​បន្ទាប់​ចប់កុងត្រា​លើក​នេះ​ យ៉ាង​ណា​កាល​ពី​ពេល​ថ្មីៗ​នេះ​ជំហរ​របស់​ខ្លួន​ហាក់​ដូច​ជា​ប្រែប្រួល​ដោយ​លោក​នឹង​បន្ត​ទៀត​ បើ​ក្លឹប​ឲ្យ​បន្ត​។ ដូច្នេះ​ហើយ​បើ​តាម​ប្រភព​ខាង​លើ​ ថ្នាក់ដឹកនាំ​ Liverpool កាន់​តែ​ទំនុក​ចិត្ត​លើ​ការ​ដឹកនាំ​របស់​ Klopp ដោយ​នឹង​ជួប​ជា​មួយ​ភ្នាក់ងារ​របស់​លោក​ឆាប់ៗ​ ដើម្បី​ពិភាក្សា​រឿងបន្ត​កុងត្រា​ក្នុងរយៈពេល​ ២ឆ្នាំ​បន្ថែម​ទៀត​។ រយៈពេល​ជិត​៧ឆ្នាំ​កន្លង​ទៅ​នេះ​ លោក​ Klopp បាន​ឈ្នះ​ពាន​ខ្លួន​ឯង​ក៏​ដូច​ជា​ឲ្យ​ក្លឹប​ Liverpool ដូច​ជា​​ ពាន​ World’s Best Club Coach ចំនួន​២ដង​ ពាន​ FIFA Club World Cup Winner ១ដង​ ពាន​ Premier League ១ដង​ ពាន​ UEFA

អ្នក​ចាត់​ការ Jurgen Klopp បាន​សន្យា​ថា Liverpool នឹង​មិន​មើល​ស្រាល Villarreal ក្រុម​របស់​លោក Unai Emery ឡើយ​សម្រាប់​ការ​ប្រកួត​ក្នុង​វគ្គ​ពាក់​កណ្ដាល​ផ្ដាច់ព្រ័ត្រ Champions League។ ហង្សក្រហម​នឹង​​​បើក​កីឡដ្ឋាន Anfield ​ស្វាគមន៍​ក្រុម​ខ្លាំង​មក​ពី La Liga សម្រាប់​ជើង​ទី​មួយ​នៅ​រាត្រី​នេះ​ម៉ោង​២​រំលង​អាធ្រាត្រ។ Villarreal បាន​បង្ក​​ភាព​ភ្ញាក់ផ្អើល​​ក្នុង​រដូវ​កាល​នេះ​ដោយ​បាន​ទម្លាក់ Juventus ក្នុង​វគ្គ​១៦​ក្រុម​ចុងក្រោយ រួច​បន្ត​បំបាក់ Bayern Munich នៅ​វគ្គ​៨​ក្រុម​ចុងក្រោយ​ទៀត។ ចំណុច​នេះ​ហើយ​លោក Klopp បាន​រំឭក​ថា Liverpool នឹង​មិន​មើល​ស្រាល Villarreal ឡើយ។ មុន​ការ​ប្រកួត​មក​ដល់​លោក Klopp បាន​និយាយ​ថា Villarreal បាន​ទទួល​ផល​​ចំណេញ ដោយ​សារ​តែប្រហែល Juventus និង Bayern បាន​មើល​ស្រាល​ពួក​គេ ប៉ុន្តែ​វា​មិន​អាច​កើត​ឡើង​​ឡើយ​សម្រាប់ Liverpool។ Villarreal ចង់​ឡើង​ទៅ​វគ្គ​ផ្ដាច់ព្រ័ត្រ តែ​នេះ​ក៏​ជា​រឿង​សំខាន់​ដូច​គ្នា​សម្រាប់​ហង្សក្រហម។ Klopp ក៏​បាន​សរសើរ​ផង​ដែរ​ថា Unai ជា​អ្នក​ចាត់​ការ​ពូកែ​ម្នាក់។ រំឭក​ថា លោក

អ្នកចាត់ការទូទៅក្លិប Liverpool លោក Jurgen Klopp បានសរសើរថាកូនក្រុមរបស់លោក គឺ កីឡាករ Divock Origi គឺជាវីរបុរសរបស់ក្លិបហង្សក្រហម ទាំងក្នុងនិងក្រៅទីលាន។ ជាការពិតណាស់ Origi ជាកីឡាករនាំសំណាងរបស់ Liverpool ចាប់តាំងពីគេជាអ្នកស៊ុតយកឈ្នះក្រុម Barca នៅចុងម៉ោង កាលពីកំឡុងការប្រកួត UCL ឆ្នាំ ២០១៩ មកម្ល៉េះ។ យ៉ាងណាមិញ Origi បច្ចុប្បន្ននេះនៅតែធ្វើឲ្យលោក Klopp ពេញចិត្ត ដោយគេនៅតែរកឱកាសបញ្ចប់បានជារឿយៗ គ្រប់ពេលគេបង្ហាញខ្លួននៅលើទីលាន ជាពិសេសដូចជាការស៊ុតបញ្ចូលទីទៅលើក្រុម Everton នៅនាទី ទី៨៥​ ដើម្បីរក្សាជ័យជម្នះ កាលពីយប់មិញនេះឯង។ លោក Klopp បាននិយាយថា៖ “Origi ជាវីរបុរសរបស់ Liverpool ទាំងក្នុង និង ក្រៅទីលាន។ គេពិតជាអស្ចារ្យណាស់ គេពិតជាស័ក្តិសមជាខ្សែប្រយុទ្ធលំដាប់ពិភពលោកមែន ហើយគេជាអ្នកបញ្ចប់ទីដ៏ពូកែបំផុតទៀត នៅក្នុងក្រុម”៕

ក្លឹប Manchester City បាន​ឡើង​មក​កាន់កាប់​កំពូល​តារាង​ Premier League វិញ​ហើយ បន្ទាប់​ពី​ប្រកួត​ឈ្នះ Brighton ៣-០ កាល​ពី​យប់​មិញ ​សម្រាប់​សប្ដាហ៍​ទី​៣២​របស់​ខ្លួន។ ៣​​គ្រាប់​ជ័យជម្នះ​ដ៏​មាន​សារៈសំខាន់​​របស់ City ធ្វើ​បាន​ដោយ​កីឡាករ​៣​នាក់​ផ្សេង​គ្នា​រួម​មាន Riyad Mahrez, Phil Foden និង Bernardo Silva។ Man City និង Liverpool បច្ចុប្បន្ន​កំពុង​ប្រជែង​​តំណែង​កំពូល​តារាង​យ៉ាង​ខ្លាំង ដោយ​ខុស​គ្នា​តែ​១​ពិន្ទុ​ប៉ុណ្ណោះ។ មើល​ឃើញ​ពី​គម្លាត​ពិន្ទុ​តិច​បែប​នេះ​ លោក Pep Guardiola បាន​បង្ហាញ​គោលជំហរ​ថា City នឹង​​មិន​របូត​ពាន​ឲ្យ​ក្រុម​លោក Jurgen Klopp ងាយ​ៗ​ឡើយ។ និយាយ​ក្រោយ​បញ្ចប់​ការ​ប្រកួត​ជាមួយ Brighton លោក​ Guardiola បញ្ជាក់​ថា៖ “ពួក​យើង​មិន​ឆ្កួត​ឡើយ។ ប្រសិន​បើ​ពួក​យើង​ប្រកួត​ស្មើ ចាញ់​គេ​២​ពិន្ទុ Liverpool នឹង​ក្លាយ​ជា​ជើងឯក។ ប្រសិន​បើ​​ពួក​​យើង​ឈ្នះ​គ្រប់​ការ​ប្រកួត​ដែល​នៅ​សល់ ពួក​យើង​នឹង​ក្លាយ​ជា​ជើងឯក។ កីឡាករ​ទាំង​អស់​សុទ្ធតែ​ដឹង​រឿង​នេះ”៕

ក្លិបហង្សក្រហម Liverpool បានទិញយកខ្សែបម្រើប្រយុទ្ធ Fabio Carvalho ពីក្លិប Fulham ហើយដោយរូបគេនឹងក្លាយជាកីឡាករទី១ដែល Liverpool ទិញបាននៅរដូវក្ដៅនេះ។ ភាគីលោក Jurgen Klopp បានចាយប្រាក់ខ្ទង់ ៧.៧លានផោន(ស្មើនឹងប្រមាណ ១០លានដុល្លារ) ដោយកន្លងមក Liverpool ធ្លាប់បានទាក់ទងយក Carvalho ម្ដងរួចមកហើយកាលពីខែមករា ប៉ុន្តែបានបរាជ័យ។ ប៉ុន្តែឥលូវនេះក្លិបបានសម្រេចជោគជ័យក្នុងការទិញយកកីឡាករសញ្ជាតិព័រទុយកាល់រូបនេះដោយ Carvalho នឹងចូលរួមជាមួយក្រុមនារដូវកាលក្រោយ។ Carvalho ក៏បានព្រមព្រៀងលក្ខខណ្ឌផ្ទាល់ខ្លួនទាំងអស់ជាមួយ Liverpool ដែរនិងថែមទាំងបានមកធ្វើតេស្តសុខភាពទៀតផង គួរបញ្ជាក់ផងដែរថា Carvalho ឡើងមកលេងឈុតធំនៅ Fulham កាលខែឧសភាឆ្នាំ២០២១ ដោយស៊ុតបញ្ចូលទីបាន៨គ្រាប់ក្នុងការបង្ហាញខ្លួន៣១ប្រកួតនៅក្របខណ្ឌ Championship នារដូវកាលនេះនិងបានចូលលេងនៅក្រុមជម្រើសជាតិព័រទុយកាល់ ក្រោម២១ឆ្នាំ ខណៈគេក៏ធ្លាប់លេងឲ្យក្រុមជម្រើសជាតិអង់គ្លេសក្រោម ១៨ឆ្នាំ ផងដែរ៕

​លោក​ Jurgen Klopp អ្នកចាត់ការ​ក្លឹប​ Liverpool បាន​និយាយ​ទៅ​កាន់សារព័ត៌មាន​ Sky Sports នៅ​ក្នុង​ថ្ងៃ​នេះថា​ លោក​ Pep Guardiola អ្នកចាត់ការ​ក្លឹប​ Manchester City ជា​គ្រូ​​ដ៏​ឆ្នើម​ជាង​គេ​លើ​លោក​។ លោក​ Klopp បាន​និយាយ​ថា​៖” Pep ជា​គ្រូ​ដ៏​ឆ្នើម​ជាង​គេ​នៅ​លើ​លោក​។ ខ្ញុំ​គិត​ថា​យើង​ទាំង​អស់​គ្នា​ប្រាកដ​ជា​ឯកភាព​លើ​ចំណុច​នេះ​ ប៉ុន្តែ​វា​អាច​ជា​ភាព​ចៃដន្យ​​អី​មិន​ដឹង​ដែល​​លោក​ដូច​ជា​មិន​ជោគជ័យ​នៅ​ប្រកួត​ពាន​ UCL។ ប៉ុន្តែ​ម៉េច​ក៏​ដោយ​បើ​នរណា​មិន​ទុក​ចិត្ត​សមត្ថភាព​របស់​គេ​ ខ្ញុំ​មិន​ដឹង​និយាយ​ថា​ម៉េច​ទេ​ “។ លោក​ Klopp ក៏​បាន​រៀប​រាប់​ពី​ការ​ប្រកួត​ប្រជែងរវាង​ Liverpool និង​ Man City ក្នុង​កំឡុង​៥ឆ្នាំ​ចុង​ក្រោយ​នេះ​ផង​ដែរដោយ​ថា​ នេះ​រឿង​ដ៏​ល្អ​ និង​អស្ចារ្យ​ដែល​តែង​តែ​មាន​ការ​ប្រកួត​ប្រជែង​ស្វិត​ស្វែង​ខ្លាំង​រវាង​ក្រុម​ទាំង​ពីរ​ ដោយ​សារ​អញ្ចឹង​លោក​យល់​បាន​ឲ្យ​ជួយ​ក្លឹប​លោក​កាន់​តែ​វិវត្តន៍​រីក​ចម្រើន​ទៅ​មុខ​ផង​ដែរ​។ Pep បាន​ដឹក​នាំ​​ Man City តាំង​ពីឆ្នាំ​២០១៦មក ឈ្នះ​ពាន​ PL ក្នុង​រយៈពេល​ ៣រដូវកាល​ជាប់​គ្នា​ចុង​ក្រោយ​ និង​ជួយ​ឲ្យ​ឈ្នះ​ពាន​ League Cup ៤រដូវកាល​ចុង​ក្រោយ​ជាប់​គ្នា​ផង​ដែរ​ ព្រម​ទាំង​ឈ្នះ​ពាន​ FA Cup ១ដង​

​លោក​ Jurgen Klopp អ្នកចាត់ការ​ក្លឹប​ Liverpool បាន​និយាយ​ទៅ​កាន់សារព័ត៌មាន​ Sport Bild នៅ​ក្នុង​ថ្ងៃ​នេះ​ថា​ ក្លឹប​លោក​មិន​ទៅ​ចូល​រួម​ដេញ​ថ្លៃ​យក​ ខ្សែ​ប្រយុទ្ធ​ Erling Haaland ជា​ដាច់​ខាត​។ លោក​ Klopp បាន​និយាយ​ថា​៖” យើង​មិន​ទៅ​ចូល​រួម​ដេញ​ថ្លៃ​យក​ Haaland មក​នោះ​ទេ​។ តម្លៃ​ក្នុង​ការ​យក​ខ្លួន​គេ​មក​នេះ​គឺ​ពិត​ជា​ខ្ពស់​ខ្លាំង​ណាស់​ យើង​មិន​ធ្វើ​អី​ពាក់ព័ន្ធ​នឹង​រឿង​នេះ​នោះ​ទេ​ គ្មាន​ផ្លូវ​ឡើយ​យើង​យក​គេ​មក​។ និយាយ​ឲ្យ​ស្មោះ​ត្រង់​ទៅ​ ខ្ញុំ​មិន​ចង់​ប្រឡូកប្រឡាក់​រឿង​ហ្នឹង​ទេ​ វា​អត់​សប្បាយ​ទេ​ “។ គួរ​បញ្ជាក់​ផង​ដែរ​ថា​ Haaland ត្រូវ​បាន​ក្លឹប​ធំៗ​ជា​ច្រើន​ចង់​បានពី​ Dortmund ​ដោយ​សារ​តែ​សារ​សមត្ថភាព​របស់​គេ​ ប៉ុន្តែ​នៅ​ក្នុង​ខណៈ​នេះ​ ខ្សែ​ប្រយុទ្ធ​មាន​តម្លៃ​ខ្ពស់​ណាស់​រហូត​ទៅ​ដល់​ ១៦៤លាន​ដុល្លារ​ ជា​មួយ​នឹង​ថ្លៃ​ពលកម្ម​ ៦៥ម៉ឺន​ដុល្លារ​ក្នុង​មួយ​សប្ដាហ៍​៕

ក្លឹប Liverpool និង Manchester City នឹង​ត្រូវ​ប៉ះ​គ្នា​ដល់​ទៅ​២​ដង​ត្រឹម​រយៈពេល​៦​ថ្ងៃ​ បន្ទាប់​ពី​ពួក​គេ​​ចាប់​គូ​ជួប​​គ្នា​នៅ​ពាក់​កណ្ដាល​​ផ្ដាច់ព្រ័ត្រ​ពាន​ FA Cup។ ក្រុម​លោក Pep Guardiola បាន​ឈាន​ដល់​វគ្គ​ពាក់​​កណ្ដាល​​​ផ្ដាច់ព្រ័ត្រ ក្រោយ​យក​ឈ្នះ Southampton លិទ្ធផល ៤ ទល់នឹង ១ ខណៈ Liverpool ឈ្នះ Nottingham Forest ក្នុងលិទ្ធផល ១ ទល់នឹង ០។ ​ជុំ​បន្ទាប់ ក្រុម​ទាំង​ពីរ​នឹង​ត្រូវ​ប៉ះ​គ្នា​នៅ​ថ្ងៃ​ទី ១៦ ខែ មេសា ដែល​លេង​នៅ​ក្នុង​កីឡដ្ឋាន Wembley។ Liverpool និង Man City ក៏​ជា​​គូប្រជែង​គ្នា​សម្រាប់​ពាន Premier League រដូវ​កាល​នេះ​ដែរ។ ក្នុង​នោះ​តាម​កាល​វិភាគ​​ពួក​គេ​ត្រូវ​​ប៉ះ​គ្នា​នៅ​ថ្ងៃ​ទី ១០ ខែ មេសា នៅ​ក្នុង​កីឡដ្ឋាន Etihad។ នេះ​មាន​ន័យ​ថា ត្រឹម​រយៈពេល​​៦​ថ្ងៃ​ក្រុម​ខ្លាំង​ទាំង​ពីរ​​ត្រូវ​​លេង​ជាមួយ​គ្នា​ដល់​ទៅ​២​ដង។ មុន​ប៉ះ​គ្នា​លោក Jurgen Klopp បាន​និយាយ​ថា

លោក​ Jurgen Klopp អ្នកចាត់ការ​ក្លឹប​ Liverpool បាន​និយាយ​នៅ​ក្នុង​ថ្ងៃ​នេះ​ក្រោយ​ឈ្នះ​ប្រកួត​នឹង​ Arsenal ក្នុងលិទ្ធផល ២ ទល់នឹង ០ ដោយ​លោក​ពេញ​ចិត្ត​នឹង​ខ្សែ​ការពារ​ Trent Alexander-Arnold ជា​ខ្លាំង​ បើ​នរណា​ហ៊ាន​រិះ​គន់​គេ​ថា​លេង​មិន​កើត​ លោក​នឹង​ទៅ​ដាក់​អ្នក​នោះ​ឲ្យ​ដេក​តែ​ម្ដង​។ លោក​ Klopp បាន​និយាយ​ថា​៖” ប្រសិន​បើ​មាន​នរណា​ម្នាក់​និយាយ​ថា​ Trent លេង​ការពារ​មិន​កើត​ ពួក​គេ​គួរ​តែ​មក​ជួប​ខ្ញុំ​មក​ ខ្ញុំ​នឹង​ដាក់​ពួក​គេ​ឲ្យ​ដេក​តែ​ម្ដង​។ ខ្ញុំ​មិន​ឮ​ពាក្យ​រិះគន់​ថា​គេ​អញ្ចឹង​ទៀត​នោះ​ទេ​ ខ្ញុំ​មិន​ដឹង​ថា​ គេ​គួរ​ធ្វើ​ម៉េច​ទៀត​ បើ​ល្អ​យ៉ាង​ហ្នឹង​ហើយ​នោះ​ “។ លោក​បាន​បន្ត​ថា​៖” ក្រុម​ទាំង​ពីរ​សុទ្ធ​តែ​ធ្វើ​បាន​ល្អ​។ ដូច​នៅ​ពេល​នោះ​ក្នុង​តង់​ទី​២ យើង​បាន​ការពារ​ខ្សែ​ប្រយុទ្ធ​គេ​ឲ្យ​ស៊ុត​ចូល​ ដោយ​ Martinelli ខំ​អូស​បាល់​មក​រក​ស៊ុត​ តែ​ត្រូវ​បាន​ Trent យើង​ការពារ​ជាប់​បាន​ល្អ​តែ​ម្ដង​។ Martinelli គេ​ជា​កីឡាករ​មាន​ទេពកោសល្យ​មួយ​រូប​ ការពារ​បាល់ទាត់​គេ​ជាប់​គឺ​ជា​រឿង​មិន​ធម្មតា​នោះ​ទេ​ “។ នៅ​ក្នុង​ពេល​នេះ​ Liverpool ឈរ​នៅ​លើ​ចំណាត់​ថ្នាក់​ទី​២ ក្នុង​ការ​ប្រកួត​ Premier League ដោយ​មាន​ ៦៩ពិន្ទុ​ នៅ​ក្រោយ​តែ ​១ពិន្ទុ​ នឹង​ក្លឹប​