Tag: Newcastle United

​លោក​ Unai Emery គ្រូ​បង្គោល​ក្លឹប​ Villarreal បាន​និយាយ​ទៅ​កាន់​សារព័ត៌មាន​នៅ​ក្នុង​ថ្ងៃ​នេះ​ថា​ ក្លឹប​ Newcastle United ពិត​ជា​ចាប់​អារម្មណ៍​ចង់​បាន​លោក​ធ្វើ​ជា​អ្នកចាត់​ការ​ថ្មី​របស់​ក្លឹប​ពួក​គេ​មែន​។ លោក​ Emery បាន​និយាយ​ថា​៖” ខាង​ Newcastle ពិត​ជា​ចាប់​អារម្មណ៍​ចង់​បាន​ខ្ញុំ​ពិត​មែន​។ តែអត់​ទាន់​មាន​អី​លើស​ពី​ហ្នឹង​ទេ​ “។ លោក​បាន​បន្ត​ថា​៖” ពួក​គេ​អត់​ទាន់​បាន​​លើក​សំណើ​ជា​ផ្លូវការ​មក​កាន់​ខ្ញុំ​ និង​ក្លឹប​ខ្ញុំ​នៅ​ឡើយ​ទេ​។ និយាយ​ទៅ​អត់​ទាន់​អី​លើស​ពី​ហ្នឹង​ផ្សេង​ទៀត​មែន​​។ មុន​ពេល​សម្រេច​ថា​ ទៅ​ ឬ​មិន​ទៅ​ ខ្ញុំ​នឹង​និយាយ​រឿង​នេះ​ជា​មួយ​ក្លឹប​ខ្ញុំ​សិន​ “។ សូម​រំលឹក​ផង​ដែរ​ថា​ លោក​ Emery ជា​បេក្ខជន​ឈាន​មុខ​ដែល​ Newcastle ចង់​បាន​ខណៈ​ប្រធាន​ក្លឹប​ Villarreal បាន​ត្រឹម​សង្ឃឹម​ថា​គ្រូ​បង្គោល​រូប​នេះ​នឹង​នៅ​ដឹក​នាំ​ក្លឹប​លោក​រហូត​ដល់​ចប់​កុងត្រា​ឆ្នាំ​២០២៣៕​

គ្រូបង្វឹកក្រុម AS Roma លោក Jose Mourinho បានបដិសេធចំពោះពាក្យចចាមអារាមដែលថាលោកអាចផ្លាស់ទៅ Newcastle United ។ មុននេះត្រូវបានគេរាយការណ៍ថាគ្រូបង្វឹកសញ្ជាតិព័រទុយហ្កាល់រូបនេះត្រូវបានជាប់ក្នុងបញ្ជីសម្រាំងជាអ្នកស្នងតំណែងរបស់លោក Steve Bruce នៅដំណែងអ្នកចាត់ការទូទៅរបស់ក្រុមសារិកាព្រៃ Newcastle United បន្ទាប់ពីសេដ្ធីមកពីអារ៉ាប៊ីសាអូឌីតចូលកាន់កាប់ក្លឹប។ នេះបើយោងតាមរបាយការណ៍របស់ Fabrizio Romano បានស្រង់សម្ដីលោក Mourinho និយាយថា៖ “ ការងាររបស់ Newcastle? ខ្ញុំសម្រេចចិត្តស្នាក់នៅទីនេះខ្ញុំមិនចាកចេញទេ។ ខ្ញុំបានចុះហត្ថលេខាលើគម្រោងរយៈពេល ៣ ឆ្នាំជាមួយក្រុម Roma ហើយខ្ញុំនឹងមិនចាកចេញពីកីឡាកររបស់ខ្ញុំទេ” ។ ក្រុម AS Roma មាន ១៥ ពិន្ទុបន្ទាប់ពីការប្រកួត ៨ ប្រកួតដែលឈរនៅលេខ ៤ ក្នុងតារាង Serie A ជាមួយលោក Jose Mourinho ជាអ្នកទទួលខុសត្រូវ៕

ក្លិប Newcastle United បានប្រកាសថាគ្រូបង្វឹក Steve Bruce បានចាកចេញពីក្លិបដោយមានការយល់ព្រមពីគ្នាដូចដែលបានរាយការណ៍ដោយសារព័ត៌មានផ្លូវការណ៍របស់ក្លិប។ គ្រូបង្វឹកសញ្ជាតិអង់គ្លេសរូបនេះចាកចេញពីក្រុមសារិកាព្រៃ Newcastle United បន្ទាប់ពីដឹកនាំអស់រយៈពេលជាង ២ ឆ្នាំដោយដឹកនាំក្លិបនេះឲ្យបញ្ចប់ក្នុងចំណាត់ថ្នាក់លេខ ១៣ និងទី ១២ នៅ Premier League និងឈានដល់វគ្គ ៨ ក្រុមចុងក្រោយទាំងពានរង្វាន់ FA Cup នឹង Carabao Cup ក្នុងអំឡុងពេលកាន់តំណែង។ Steve Bruce ដឹកនាំបានតែមួយប្រកួតប៉ុណ្ណោះបន្ទាប់ពីសេដ្ធីអារ៉ាប៊ីសាអូឌីតបានទិញក្លឹបសារិកាព្រៃ Newcastle United បានដោយជោគជ័យហើយការប្រកួតមួយលើកនោះគឺចាញ់ក្រុម Tottenham Hotspur ក្នុងលិទ្ធផល ៣ ទល់នឹង ២ ក្នុងការប្រកួតទី ១០០០ របស់គាត់ក្នុងនាមជាអ្នកចាត់ការទូទៅ។ សេចក្តីថ្លែងការណ៍ផ្លូវការបាននិយាយថា“ គ្រូបង្វឹកថ្មីកំពុងដំណើរការហើយការតែងតាំងនឹងត្រូវបានប្រកាសតាមពេលវេលាដែលបានកំណត់” ។

ខ្សែបម្រើស្លាប Gareth Bale របស់ Real Madrid ត្រូវបានក្លឹបសារិកាព្រៃ Newcastle United របស់ប្រទេសអង់គ្លេសដាក់ការចាប់អារម្មណ៍នាំមកចូលរួមជាមួយ។ យោងតាមសារព័ត៌មាន Marca បានឲ្យដឹងថាក្លិប Newcastle United កំពុងបង្ហាញចំណាប់អារម្មណ៍ក្នុងការចុះហត្ថលេខាលើកីឡាករវ័យ ៣២ ឆ្នាំរូបនេះ។ ក្រុមអង់គ្លេសមួយនេះត្រូវបានគេចាត់ទុកថាជាក្លឹបនៅក្នុងក្របខ័ណ្ឌ Premier League ដែលមានលុយច្រើនជាងគេបំផុតនៅពេលនេះបន្ទាប់ពីខ្សែរាជវង្សរបស់ប្រទេសអារ៉ាប៊ីសាអូឌីតទើបនឹងទិញបានមកជាមួយនឹងតម្លៃទ្រព្យសម្បត្តិដែលប៉ាន់ប្រមាណគិតរាប់ពាន់លានដុល្លារ។ កិច្ចសន្យារបស់កីឡាករសញ្ជាតិវេលស៍រូបនេះនឹងផុតកំណត់នៅរដូវក្តៅឆ្នាំ ២០២២ ដែលមានន័យថាក្លឹបអាចអនុញ្ញាតឱ្យគាត់ចាកចេញភ្លាមៗនៅខែមករា។ រដូវកាលនេះ Bale ស៊ុតបញ្ចូលទីបានតែ ១ គ្រាប់គត់ក្នុងការបង្ហាញខ្លួន ៣ ប្រកួតអោយក្លឹបនិងអវត្តមានពីក្រុមជាបណ្តោះអាសន្នដោយសាររបួស៕

ខ្សែបម្រើ Donny van de Beek របស់ក្រុមបិសាចក្រហម Manchester United អាចនឹងចាកចេញពីក្លឹប។ យោងតាមគណនី Twitter របស់លោក Nicolo Schira បញ្ជាក់ថាក្លឹប Juventus បង្ហាញចំណាប់អារម្មណ៍ក្នុងការចុះហត្ថលេខាលើកីឡាករវ័យ ២៤ ឆ្នាំរូបនេះក្នុងលក្ខខណ្ឌខ្ចីជើងជាមួយនឹងជម្រើសក្នុងការទិញផ្ដាច់ផងដែរ។ អ្នកកាសែតរូបនេះអះអាងថានាយកកីឡារបស់ក្លឹបសេះបង្កង់ Juventus លោក Federico Cherubini បានទាក់ទងភ្នាក់ងាររបស់ខ្សែបម្រើសញ្ជាតិហូឡង់រួចហើយនៅថ្ងៃមុន។ ទោះយ៉ាងណាក៏ដោយក្រុមដែលមានម្ចាស់ក្លឹបជាមហាសេដ្ធី Newcastle United បានចាប់អារម្មណ៍កីឡាកររូបនេះផងដែរ ។ ក្រុមសារិកាព្រៃ Newcastle United នឹងទាក់ទងខ្សែបម្រើ Donny van de Beek ដែលទើបបង្ហាញខ្លួនតែ ៣ ដងប៉ុណ្ណោះសម្រាប់ក្លឹបក្នុងការប្រកួតទាំងអស់ក្នុងរដូវកាលនេះ៕

ក្លិបសារិកាព្រៃ Newcastle United ត្រូវគេរាយការណ៍ថា បានដាក់រ៉ាដាលើខ្សែបម្រើប្រយុទ្ធ Philippe Coutinho របស់ក្រុម Barcelona ជាកីឡាករចំណូលថ្មីដំបូងគេដែលពួកគេចង់បាន ក្រោយមានវត្ដមានម្ចាស់ក្លិបថ្មី ជាព្រះអង្គម្ចាស់​នៃ​ប្រទេស​អារ៉ាប៊ីសាអ៊ូឌីត។ សារព័ត៌មានអេស្ប៉ាញ ​Sport.es បានអះអាងថា អ្នកតំណាងរបស់ Coutinho បានជួបពិភាក្សាជាមួយម្ចាស់ថ្មីរបស់ក្លិប Newcastle នៅដើមឆ្នាំនេះ ពោលគឺនៅមុនប៉ុន្មានខែដែលព្យាយាមទិញយកក្លិប។ របាយការណ៍បញ្ជាក់ដែរថាខ្សែបម្រើវ័យ ២៩ឆ្នាំរូបនេះក៏ទំនងជាចាប់អារម្មណ៍ក្នុងការផ្លាស់ទៅលេងនៅក្របខណ្ឌ Premier League វិញផងដែរ បន្ទាប់ពីរយៈពេល ៤ឆ្នាំនៃការចាកចេញពី Liverpool ទៅចូលរួម​ Barcelona។ ប៉ុន្ដែ នៅឯទឹកដីអេស្ប៉ាញ រូបគេមិនទាន់ជោគជ័យឡើយ ដោយសារបញ្ហារបួសញាំញី បូករួមទាំងការមិនពេញចិត្ដរបស់លោកគ្រូបង្វឹក Ronald Koeman។ គួរបញ្ជាក់ថា ម្ចាស់ក្លិបថ្មីដែលមានទ្រព្យច្រើនមហាសាល នឹងត្រៀមចំណាយលើកីឡាករចំណូលថ្មីៗ នាទីផ្សារដោះដូរកីឡាករនាពេលខាងមុខនេះ ដោយបានកត់ឈ្មោះកីឡាករគោលដៅចូលទៅក្នុងបញ្ជីរួចរាល់ផងដែរ៕

លោក Antonio Conte អាចបន្តអាជីពជាគ្រូបង្វឹកនៅអង់គ្លេសជាមួយក្រុម Newcastle United ។ យោងតាមសារព័ត៌មាន La Gazzetta dello Sport បានអោយដឹងថាក្លឹប Newcastle United ចាប់អារម្មណ៍អ្នកចាត់ការវ័យ ៥២ ឆ្នាំរូបនេះបន្ទាប់ពីសេដ្ធីអារ៉ាប៊ីសាអូឌីតទិញក្លឹបសារិកាព្រៃ Newcastle United ក្នុងទំហំទឹកប្រាក់ ៣០០ លានផោន។ ប្រធានក្លឹប Newcastle ត្រូវបានគេនិយាយថាមានទ្រព្យសម្បត្ដិច្រើនជាងក្លឹបអ្នកមានបារាំង Paris Saint-Germain ដល់ទៅ ៥០ ដងឯណោះ។ ក្លឹបចំនួនពីរចុងក្រោយរបស់លោក Conte គឺ Chelsea និង Inter Milan សុទ្ធតែអាចឈ្នះពានរង្វាន់ទាំងពីរក្រោមការដឹកនាំរបស់លោក ដោយលោកដឹកនាំក្រុម Chelsea ឈ្នះពានរង្វាន់ Premier League ក្នុងឆ្នាំ ២០១៧ និង Inter Milan ឈ្នះពានរង្វាន់ Serie A នៅរដូវកាលមុនផងដែរ ។ បច្ចប្បន្នការចរចាររវាងភាគីទាំងពីរនូវមិនទាន់ដំណើរការនៅឡើយទេ៕

​ខ្សែ​ប្រយុទ្ធ Cristiano Ronaldo ​បាន​បង្ហាញ​ខ្លួន​ឱ្យ​ក្រុម​បិសាច​ក្រហម Manchester United ​ជា​លើក​ទី​២​ហើយ​នៅ​យប់មិញ​នេះ ​និង​រក​បាន​ដល់​ទៅ​២​គ្រាប់​ថែម​ទៀត​ក្នុង​ជ័យជម្នះ​លើ​ក្រុម Newcastle United ​លទ្ធផល ​៤-១។ ​លោក Ole ​អ្នក​ចាត់ការ​ក្រុម Man Utd ​មិន​ឱ្យ​អ្នក​គាំទ្រ​ខក​ចិត្ត​នោះ​ទេ ដោយ​លោក​បាន​ដាក់ Ronaldo ​លេង​ជម្រើស​១១​នាក់​ដំបូង​តែ​ម្ដង។ ​ពេញ​កីឡដ្ឋាន Old Trafford ​សុទ្ធ​តែ​អ្នក​គាំទ្រ​ដែល​ចង់​ឃើញ​វត្តមាន Cr7 ​នៅ​លើ​ទីលាន​វិញ​ខ្លាំង​ណាស់ ហើយ​នៅ​​យប់មិញ​នេះ​ពួកគេ​ស្រែក​ច្រៀង​និង​ហៅ​ឈ្មោះ Cristiano Ronaldo ​ពេញ​មួយ​ប្រកួត​តែ​ម្ដង។ ​ក្រោយ​ពី​រក​បាន​២​គ្រាប់​ក្នុង​ប្រកួត​ដំបូង ខ្សែ​ប្រយុទ្ធ​វ័យ​ជ្រេ​តែ​សមត្ថភាព​នៅ​ល្អខ្លាំង Ronaldo ​បាន​និយាយ​ថា​៖ “ពេល​ចាប់​ផ្ដើម​ការ​ប្រកួត ​ខ្ញុំ​ភ័យ​ខ្លាំង​ណាស់ ​នេះ​ជា​រឿង​ពិត។ ​វា​ជា​ធម្មតា​ទេ ព្រោះ​ខ្ញុំ​មិន​រំពឹង​ថា​អ្នក​គាំទ្រ​ស្រែក​ច្រៀង​ឈ្មោះ​របស់​ខ្ញុំ​ពេញ​ការ​ប្រកួត​បែប​នេះ​ទេ។ ខ្ញុំ​ពិត​ជា​ភ័យ រំភើប​ខ្លាំង​ណាស់។ ប្រហែល​ជា​ខ្ញុំ​មិន​បាន​បង្ហាញ​វា ប៉ុន្តែ​ខ្ញុំ​ពិត​ជា​ភ័យ​មែន។ ការ​ទទួល​នេះ​ពិត​ជា​អស្ចារ្យ ក្លឹប​នេះ​ពិត​ជា​អស្ចារ្យ​ខ្លាំង​ណាស់”៕

Rio Ferdinand ​មាន​ទំនុក​ចិត្ត​ថា​ខ្សែ​ប្រយុទ្ធ Cristiano Ronaldo ​នឹង​រក​គ្រាប់​បាល់​បាន​យ៉ាង​តិច​៣០​គ្រាប់​ឱ្យ​ក្រុម​បិសាច​ក្រហម Manchester United ​នា​រដូវ​កាល​នេះ។ Ronaldo ​នឹង​បង្ហាញ​វត្តមាន​លើ​ទីលាន​ឱ្យ​ក្រុម Man Utd ​ប្រកួត​ទល់​ក្រុម Newcastle United ​នៅ​ម៉ោង​៩​យប់​នេះ​សម្រាប់​ការ​ប្រកួត​ពាន​រង្វាន់ English Premier League ​។ ​វត្ដមាន​តារា​ឆ្នើម​វ័យ​៣៦​ឆ្នាំ​មក Old Trafford ​ជា​លើក​ទី​២​នេះ ​ត្រូវ​បាន​អ្នក​គាំទ្រ​ជា​ច្រើន​កំពុង​ទន្ទឹង​រង់ចាំ​ទស្សនា​ការ​លេង​របស់​គេ​ហើយ ​និង​ជឿ​ជាក់​ថា​រូបគេ​ផ្ដល់​ភាព​វិជ្ជមាន​ច្រើន​ដល់​ក្រុម​ផង​ដែរ។ ​ជាក់​ស្ដែង​លោក Rio ​អតីត​កីឡាករ​បិសាច​ក្រហម ​និង​បច្ចុប្បន្ន​ធ្វើ​ការ​ជា​អ្នក​វិភាគ​បាល់ទាត់​នោះ ​បាន​បង្ហាញ​ចំណាប់​អារម្មណ៏​ថា​៖ “Cristiano ​មក​លើ​នេះ​នឹង​ជួយ​ក្រុម​បាន​ច្រើន។ ​កីឡាករ​ក្មេង​ៗ​ដសូចជា Greenwood ​និង Rashford ​នឹង​មាន​ឱកាស​បាន​រៀន​សូត្រ​ពី​រាម​ច្បង​ម្នាក់​នេះ ​ថា​ត្រូវ​ធ្វើ​យ៉ាង​ដើម្បី​ក្លាយ​ជា​កីឡាករ​កំពូល​ម្នាក់។ ​ខ្ញុំ​សង្ឃឹម​ថា​គាត់​នឹង​រក​បាន​២៥​ទៅ​៣០​គ្រាប់​នៅ​រដូវ​កាល​នេះ គ្រប់​ការ​ប្រកួត​ទាំង​អស់។ បើ​សិន​គាត់​ធ្វើ​មិន​បាន​ទេ ​ខ្ញុំ​នឹង​ភ្ញាក់ផ្អើល​ហើយ”។ ​រំលឹក​ថា​តាំង​ពី​ឆ្នាំ​២០០៩​គ្រា​ដែល Ronaldo ​ចាកចេញ​ពី Man Utd ​ទៅ​នោះ ​មាន​តែ​១​រដូវ​កាល​ប៉ុណ្ណោះ​ដែល​រូបគេ​រក​បាន​តិច​ជាង​៣០​គ្រាប់។ ដោយ​រដូវ​កាល​នោះ​រូបគេ​លេង​ឱ្យ​ក្រុម Juventus ​ឆ្នាំ​២០១៨-១៩ ​រក​បាន​ត្រឹម​២៨​គ្រាប់​ប៉ុណ្ណោះ។

​ខ្សែ​ប្រយុទ្ធ Cristiano Ronaldo ​បាន​ផ្ទេរ​មក​លេង​ឱ្យ​ក្រុម Manchester United ​ជា​ផ្លូវការ​ហើយ បន្ទាប់​ពី​រូបគេ​​សម្រេច​ចិត្ត​ចាកចេញ​ពី​ក្រុម Juventus ​។ ​ការ​ត្រលប់​មក Old Trafford ​ជា​លើក​ទី​២​នេះ ​ត្រូវ​បាន Ronaldo ​ចាត់​ទុក​ថា​ជា​ការ​ត្រលប់​មក​ផ្ទះ​វិញ ​ក្រោយ​ពី​បាន​ចេញ​ទៅ​ប្រកប​អាជីព​នៅ​ក្លឹប​ដទៃ​ជាង​១០​ឆ្នាំ​មក​នេះ​។ ​ខណៈ​ដែល​អ្នក​គាំទ្រ​ក៏​បាន​ស្វាគមន៍​និង​រំភើប​ជាមួយ​វត្តមាន​របស់​គេ​ត្រលប់​មក​វិញ​នេះ​ផង​ដែរ។ ​ដោយ​នៅ​លើ​បណ្ដាញ​សង្គម IG ​ផ្លូវ​ការ​របស់ Man Utd ​កើន​អ្នក​គាំទ្រ​ដល់​ទៅ​ជាង​១​លាន​នាក់​ឯ​ណោះ។ ​ដោយ​ឡែក​ការ​មក​ដល់​របស់​គេ​នេះ ​ក៏​នឹង​មិន​អាច​បង្ហាញ​ខ្លួន​ភ្លាម​ៗ​ដែរ។ ​ដោយសារ​តែ Ronaldo ​មាន​របួស​ដៃ​តាំង​ពី​នៅ​ក្រុម Juventus ​ម្ល៉េះ។ ​ដូច្នេះ​ហើយ​ប្រកួត​ចុង​សប្ដាហ៍ ឬ​អាច​និយាយ​បាន​ថា​នៅ​ជម្រើស​ជាតិ​ក៏​ទំនង​ជា​គេ​មិន​អាច​ទាន់​ចូល​លេង​ដែរ។ ​តែ​ប្រភព​នៅ​អង់គ្លេស​ជឿ​ថា ​ខ្សែ​ប្រយុទ្ធ​វ័យ​៣៦​ឆ្នាំ​នេះ នឹង​អាច​ចូល​លេង​បង្ហាញ​ខ្លួន​ក្នុង​ឯកសណ្ឋាន Man Utd ​ជា​ផ្លូវការ​នៅ​ថ្ងៃ​ទី​១១​ខែ​ក្រោយ​ឯ​ណោះ ដែល​ជា​ការ​ប្រកួត​ទល់​ក្រុម Newcastle United ​ក្នុង​កីឡដ្ឋាន Old Trafford ​ផ្ទាល់៕

Burnley បានចាញ់ការប្រកួត ២ ជាប់ៗគ្នាជាមួយក្រុមដែលស្ថិតក្បែរតំបន់កាត់ចោល Newcastle United បានយកឈ្នះក្នុងលិទ្ធផល ២ ទល់នឹង ១ នៅឯកីឡាដ្ធាន Turf Moor ។ ដើមតង់ដំបូងក្រុមម្ចាស់ផ្ទះធ្វើបានល្អមែនទែនដោយខ្សែប្រយុទ្ធកីឡាករ Matej Vydra បានរកគ្រាប់បាល់បញ្ចូលទី ១គ្រាប់ នៅនាទីទី ១៨ ដែលបានទទួលបាល់យ៉ាងស្អាតពីមិត្តរួមក្រុមកីឡាករ Chris Wood ស្ថិតនៅផ្នែកខាងឆ្វេង ។ ចុងតង់ទី ១ នៅនាទីទី ៣៨ កីឡាករ James Tarkowski របស់ក្រុម Newcastle ស្ទើតែទទួលបានបាល់ប៉េណាល់ទីដោយ កីឡាករ Sean Longstaff តែត្រូវអាជ្ញាកណ្ដាល ពិនិត្យ VAR បន្ទាប់មកក៏សម្រេចថាមិនផ្ដល់បាល់ពិន័យ ១១ម៉ែត្រទៅវិញ ។ ម៉្យាងវិញទៀត Burnley បានបន្តដាក់សម្ពាធទៅលើក្រុមភ្ញៀវម្តងទៀតនៅដើមតង់ទី ២ បានត្រឹមប៉ុន្មាននាទីប៉ុណ្ណោះត្រូវបានក្រុមភ្ញៀវស៊ុតតាមស្មើមកវិញដោយកីឡាករ Jacob Murphy នៅនាទីទី ៥៩ នឹងបន្ថែមគ្រាប់ជ័យជំនះទៅលើក្រុមម្ចាស់ផ្ទះដោយ

លោក Eddie Howe នឹងត្រូវតែងតាំងជាអ្នកចាត់ការថ្មីរបស់ក្រុម Celtic បន្ទាប់ពីអតីតអ្នកចាត់ការ Bournemouth បានយល់ព្រមទទួលបន្ទុកដឹកនាំក្លឹបជាគោលការណ៍។ Howe បានបាត់បង់ការងារធ្វើចាប់តាំងពីចាកចេញពីក្រុម Bournemouth បន្ទាប់ពីពួកគេត្រូវបានកាត់ចេញពីក្របខ័ណ្ឌ Premier League កាលពីខែសីហាឆ្នាំ ២០២០ ។ Newcastle United និង Sheffield United ទាំងពីរត្រូវបានផ្សារភ្ជាប់ជាមួយនឹងការនាំយកអ្នកចាត់ការវ័យ ៤៣ ឆ្នាំរូបនេះប៉ុន្តែកាសែត Scottish Sun បានរាយការណ៍ថាពេលនេះគាត់ត្រូវបានគេរំពឹងថានឹងមកកាន់កាប់នៅឯ Celtic Park ។ យោងតាមរបាយការណ៍ព័ត៌មានលម្អិតនៃកិច្ចព្រមព្រៀងនេះត្រូវបានគេលុបចោលហើយលោក Howe នឹងចុះហត្ថលេខាលើកិច្ចព្រមព្រៀង ២ លានផោនក្នុងមួយឆ្នាំជាមួយក្រុមម្ចាស់ជើងឯកស្កុតលែនរដូវកាលមុន ។ ការប្រកាសជាផ្លូវការដែលគេរំពឹងទុកថានៅសប្តាហ៍ក្រោយ ។

Newcastle បានបង្ហាញថាពួកគេមានចំណង់ក្នុងការឡើងឱ្យផុតពីពាក់កណ្ដាលតារាងខាងក្រោម ស្របពេល Isaac Hayden តែតគ្រាប់ជ័យជម្នះក្នុងនាទី៩០+៤ ដើម្បីឆក់យក៣ពិន្ទុពេញដ៏សំខាន់ពី Chelsea ដែលបានត្រួតត្រាការប្រកួតនៅ St James’ Park យប់ថ្ងៃសៅរ៍ទី១៨ខែមករាឆ្នាំ២០២០។ ក្រុមលោក Frank Lampard លេងបានល្អជាងសឹងគ្រប់នាទី តែមិនអាចរកគ្រាប់បាល់បាន។នេះទើបតែជាជ័យជម្នះលើកទី២ប៉ុណ្ណោះសម្រាប់លោក Steve Bruce ក្នុងចំណោមការដឹកនាំក្រុមប្រកួតលីគទល់នឹង Chelsea ២៣លើកក្នុងអាជីពទាំងមូល។ ពេលនេះ Chelsea បានចាញ់៨ដងក្នុង២៣ប្រកួតដំបូងនៃរដូវកាលនេះ ស្មើនឹងចំនួនបរាជ័យសរុបរបស់ពួកគេក្នុងរដូវកាល២០១៨-១៩។ តាំងពីដើមរដូវកាលមក មានតែ Liverpool, Man City និង Spurs ប៉ុណ្ណោះដែលឈ្នះក្នុងផ្ទះក្នុងក្របខ័ណ្ឌ Premier League ច្រើនដងជាង Newcastle។Newcastle ឥឡូវនេះឡើងមកលេខ១២ មាន២៩ពិន្ទុ ខណៈ Chelsea ឈរលេខរៀងទី៤ដដែល មាន៣៩ពិន្ទុ៕

Highlight បាល់ទាត់ Newcastle United Vs Chelsea Premier League ក្របខ័ណ : Premier League ថ្ងៃទី : ១៩ មករា ២០២០ លទ្ធផល : Newcastle United 1-0 Chelsea

Highlight បាល់ទាត់ Wolverhampton Wanderers Vs Newcastle United Premier League ក្របខ័ណ : Premier League ថ្ងៃទី : ១១ មករា ២០១៩ លទ្ធផល : Wolverhampton Wanderers 1-1 Newcastle United

ក្លិប Newcastle United ត្រូវបានគេរាយការណ៍ថាគ្រោងនឹងដាក់សំណើទៅកាន់ក្លិបកាំភ្លើងធំ Arsenal ក្នុងការខ្ចីជើងខ្សែបម្រើកណ្ដាលកីឡាករ​ Granit Xhaka នាអំឡុងពេលទីផ្សារដោះដូរកីឡាករខែមករាខាងមុខនេះ។ ខ្សែបម្រើវ័យ២៧ឆ្នាំរូបនេះ បានជាប់ពាក់ព័ន្ធនឹងរឿងស្ដោះទឹកមាត់ដាក់អ្នកគាំទ្ររបស់ក្រុមកាំភ្លើងធំ Arsenal កាលពីខែមុន អំឡុងពេលប្រកួតទល់នឹងក្រុម Crystal Palace ដោយរូបគេបានបង្ហាញកាយវិការខឹងសម្បារពេលត្រូវបានផ្លាស់ប្ដូរចេញ។ ខណៈពេលនោះ Xhaka បានដោះអាវ Arsenal ចេញបោះចោលលើដី រួចដើរសំដៅទៅបន្ទប់ផ្លាស់សម្លៀកបំពាក់តែម្ដង។ បន្ទាប់មកកីឡាករ Granit Xhaka ក៏បានចេញសេចក្ដីថ្លែងការមួយថាទង្វើមិនសមរម្យដែលកើតឡើងទាំងនេះ គឺដោយសារតែគាត់និងក្រុមគ្រួសារត្រូវបានគំរាមកំហែងពីសំណាក់អ្នកគាំទ្ររបស់ Arsenal មួយចំនួនតាមរយៈប្រព័ន្ធអ៊ីនធឺណែត។ ចាប់តាំងពីពេលនោះមកគាត់ត្រូវបានដកសិទ្ធចេញពីប្រធានក្រុមរបស់ក្រុមកាំភ្លើងធំ Arsenal ហើយទំនាក់ទំនងរបស់រូបគេនឹងក្លិបដែលមានមូលដ្ឋាននៅទីក្រុងឡុងដ៍មួយនេះកាន់តែយ៉ាប់យ៉ឺនទៅ។ យោងតាមកាសែត The Telegraph បានអោយដឹងថាក្លិប Newcastle United ចង់ឆ្លៀតយកឱកាសនេះដាក់សំណើទៅដល់ Arsenal ខ្ចីជើង Xhaka នាខែមករាខាងមុខនេះ។ គួររម្លឹកផងដែរថាកីឡាករ Granit Xhaka បានចាកចេញពីក្លិប Borussia Monchengladbach មកចូលរួមជាមួយនឹងក្លិបកាំភ្លើងធំ Arsenal កាលពីឆ្នាំ២០១៦ ជាមួយនឹងតម្លៃផ្ទេរ ៤៥លានអឺរ៉ូ (ឬប្រហែល៤៩លានដុល្លារអាមេរិក) ដោយបង្ហាញខ្លួនបានចំនួន១៤៤ប្រកួត

 ក្រោយបរាជ័យក្រោមថ្វីជើងសារិកាព្រៃ Newcastle United ក្នុងលទ្ធផល ១ទល់នឹង០ ក្នុងជំនួបសប្ដាហ៍ទី៨ កាលពីយប់មិញ បិសាចក្រហម Manchester United កំពុងឈរនៅលេខ១២ នៅក្នុងតារាងចំណាត់ថ្នាក់ក្របខណ្ឌ Premier League។ ៨ប្រកួតក្នុងរដូវកាលថ្មីក្របខណ្ឌ Premier League របស់ជើងឯកលីគកំពូលអង់គ្លេស ២០សម័យកាល Manchester United មាន៩ពិន្ទុ ដោយឈ្នះបានតែ ២ប្រកួតប៉ុណ្ណោះ ខណៈ ៥ប្រកួតទៀតគឺស្មើ២ និងចាញ់៣ ដែលនេះជាកំណត់ត្រាដ៏អាក្រក់មួយ។ បើទោះបីជាកំពុងឈរនៅលេខ១២ពិតមែន ប៉ុន្តែក្រុមរបស់លោក Ole Gunnar Solskjaer មានពិន្ទុលើសក្រុមដែលកំពុងស្ថិតនៅតំបន់កាត់ចោលតែ ២ពិន្ទុប៉ុណ្ណោះ ដែលនេះជាសម្ពាធមួយយ៉ាងខ្លាំងរបស់អ្នកចាត់ការទូទៅសញ្ជាតិន័រវេស ចំពោះមុខអ្នកគាំទ្រ។ គួររំលឹកឡើងវិញដែរថា មុនពេលចាប់ផ្ដើមរដូវកាលថ្មីនេះ Man UTD បានចំណាយប្រាក់អស់ ១៥៩លានអឺរ៉ូក្នុងការទិញកីឡាករល្អៗចូល ៣រូបរួមមាន Harry Maguire, Wan-Bissaka និង Daniel James ប៉ុន្តែលទ្ធផលហាក់មិនសមប្រកបសោះ៕

Leiceste City បាន​យក​ឈ្នះ​​ក្រុម​មាន​គ្នា​១០​នាក់​ Newcastle United ដោយ​លទ្ធផល​ ៥​ទល់​នឹង​០ ក្នុង​ការ​ប្រកួត​ Premier League សប្ដាហ៍​ទី​៧។ ជ័យ​ជម្នះ​នេះ​ធ្វើ​ឲ្យ​ក្រុម​រហស្សនាម​ថា​កញ្ជ្រោង​បន្ត​ឈរ​លេខ​៣​ក្នុង​តារា​លីគ​កំពូល​ដោយ​ដាច់​ពិន្ទុ Chelsea និង​ Arsenal ​ជា​គូ​ប្រជែង​ Top 4 ចំនួន​៣​ពិន្ទុ​ និង​ដាច់​ United ចំនួន​​៦​ពិន្ទុ​ហៅ​លែង​ឭ​។​ ៥​គ្រាប់​របស់ Leicester ជា​គុណ​សម្បត្តិ​របស់​ Pereira, Ndidi ម្នាក់​១​គ្រាប់​, Vardy ២​គ្រាប់​ និង​បាល់​ចូល​ទី​ខ្លួន​ឯង​របស់​ Dummett។ នៅ​ចុង​សប្ដាហ៍​នេះ​លោក​ Brendan Rodgers​ ត្រូវ​ដឹកនាំ​ Leicester ទៅ​ប្រឈម​មុខ​នឹង​ក្លឹប​ចាស់​ Liverpool ដែល​ជា​ក្រុម​កំពូល​តារាង​ Premier League៕ X