Tag: Parken
Football News
គ្រូក្រូអាត៖ ត្រឹមអេស្ប៉ាញមានអ្វីត្រូវខ្លាចទេ ទោះយប់នេះគ្មាន Perisic ក៏ដោយ
គ្រូរបស់ក្រូអាតលោក Zlatko Dalic បាននិយាយថា ក្រុមទាំងមូលការការភ្ញាក់ផ្អើលជាខ្លាំង ពេលដឹងថា Ivan Perisic កើតកូវីដ-១៩ ប៉ុន្តែមិនមែនជាបញ្ហាធំទេ ក្រុមរបស់លោកមានគុណភាពអាចយកឈ្នះអេស្ប៉ាញបាន។ Perisic តេស្ដវិជ្ជមានកូវីដ-១៩កាលពីថ្ងៃសៅរ៍ តែក្រុមកីឡាកររបស់ក្រូអាតផ្សេងទៀតទទួលបានលទ្ធផលអវិជ្ជមាន។ យ៉ាងណា លោក Zlatko បានបញ្ជាក់ថា កន្លែងលេងរបស់ Perisic មានកីឡាករល្អច្រើនអាចជំនួសបាន ហើយសង្ឃឹមថាគេនឹងអាចមកជួយក្រុមនៅ៧-៨ថ្ងៃខាងមុខ ពេលក្រូអាតឆ្លងទៅវគ្គបន្ត។ លោក Zlatko ក៏បានសរសើរអេស្ប៉ាញថាជាក្រុមមានគុណភាពល្អមួយ ប៉ុន្តែកីឡាកររបស់លោកមិនខ្លាចញញើតឡើយ។ “ពួកយើងត្រូវការឈ្នះ ការប្រកួតដ៏ល្អមួយ និងសម្រុក។ ប្រសិនបើពួកយើងលេងតែការពារ នោះពួកយើងនឹងមិនឈានដល់គោលដៅឡើយ”។ សម្ដី លោក Zlatko។ .ជំនួបរវាងក្រូអាតនិងអេស្ប៉ាញនឹងត្រូវលេងនៅម៉ោង១១:០០នាទីយប់នេះ ក្នុងកីឡដ្ឋាន Parken ប្រទេសដាណឺម៉ាកសម្រាប់វគ្គ១៦ក្រុមចុងក្រោយ៕
28 Jun 2021
184 views
