Tag: Rangnick

​ចាប់​តាំង​ពី​ក្លឹប​ Manchester United មាន​ឱកាស​ច្រើន​មិន​ជាប់​ក្នុង​តារាង​ Top 4 ដែល​មិន​អាច​មាន​កៅអី​ទៅ​លេង​ UEFA Champions League ​ក៏​ដូច​ជា​ លោក​ Erik Ten Hag នឹង​ក្លាយ​ជា​អ្នកចាត់ការ​ថ្មី​នៅ​រដូវកាល​ខាង​មុខ​ សារព័ត៌មាន​ជា​ច្រើន​ចុះ​ផ្សាយ​ថា​ ខ្សែ​ប្រយុទ្ធ​ Cristiano Ronaldo នឹង​មិន​បន្ត​ជា​មួយ​ក្រុម​នេះ​ទៀត​ទេ​​។ យ៉ាង​ណា​ លោក​ Ralf Rangnick អ្នកចាត់ការ​បណ្ដោះ​អាសន្ន​របស់​ក្លឹប​ Man Utd បាន​និយាយ​ទៅ​កាន់​ Stadium Astro នៅ​ក្នុង​ថ្ងៃ​នេះ​ថា​ តាម​អ្វី​ដែល​លោក​ដឹង​ Ronaldo នឹង​នៅ​បន្ត​ក្រុម​បិសាច​នៅ​រដូវកាល​ក្រោយ​ទៀត​។ លោក​ Rangnick បាន​និយាយ​ថា​៖” ខ្ញុំ​គិត​ថា​ រឿង​អី​ដែល​ Ronaldo ត្រូវ​លា​គ្នា​ចាកចេញ​ពី​ Man Utd? គេ​នៅ​មាន​កុងត្រា​១ឆ្នាំ​ទៀត​ ហើយ​អ្វី​ដែល​ខ្ញុំ​បាន​ដឹង​មក​ទល់​នឹង​ពេល​នេះ​គឺ​ គេ​នឹង​នៅ​ទី​នេះ​បន្ត​ទៀត​នៅ​រដូវកាល​ក្រោយ​ “។ ក្រោយ​ Man Utd ឈ្នះ​ Brentford ៣-០ នៅ​ក្នុង​ថ្ងៃ​នេះ​

លោក Ralf Rangnick បានស្នើឲ្យលោក Erik Ten Hag ដែលជាគ្រូបង្វឹកថ្មីរបស់ Manchester United ប្រញាប់ប្រញាល់ទិញខ្សែប្រយុទ្ធពីររូបមកពង្រឹងក្រុមនៅរដូវកាលក្រោយនេះ។ ​លោកក៏បាននិយាយដែរថា ក្រុមទាំងមូលរាងពឹងផ្អែកទៅលើខ្សែប្រយុទ្ធ Cristiano Ronaldo ពេកហើយក្រោយកីឡាករសញ្ជាតិព័រទុយកាល់រូបនេះបានស៊ុត១គ្រាប់ជួយសង្គ្រោះ Manchester United ឲ្យលេងស្មើ Chelsea ១ ទល់នឹង១ កាលពីថ្ងៃទី២៩ខែមេសាកន្លងទៅ។ ​ថ្លែងក្រោយចប់ការប្រកួត លោក Rangnick បាននិយាយថា៖ “ពួកយើងត្រូវតែមានភាពយុត្តិធម៌ចំពោះកីឡាករ។ ខ្ញុំចាំបានថា ក្នុង១០ប្រកួតដំបូង ពួកយើងមានអ្នកស៊ុតបញ្ចូលទី១០នាក់ខុសៗគ្នា។ នេះជារបៀបដែលពួកយើងអាចបង្កើតឱកាសនិងដឹងថាតើមានខ្សែប្រយុទ្ធប៉ុន្មាននាក់សម្រាប់ស៊ុតក្នុងក្រុម។ ឥលូវនេះពួកយើងដូចជាពឹងផ្អែកលើ Cristiano ជ្រុល តែគេក៏បានបង្ហាញទម្រង់លេងល្អដែរ នៅពេល Chelsea គ្រប់គ្រងបាល់។ ប៉ុន្តែពួកយើងគួរផ្ដោតទៅលើការទិញយកខ្សែប្រយុទ្ធ២ទៅ៣ទៀត គឺច្បាស់ណាស់”៕

អ្នកចាត់ការទូទៅក្លិប Manchester United លោក Ralf Rangnick បានសារភាពថា ក្រុមបិសាចក្រហមពិតជាពិបាកក្នុងការទិញយកកីឡាករណាស់ប្រសិនបើមានការប្រជែងពីសំណាក់ក្លិបចំនួនបី Manchester City, Liverpool និង Chelsea។ ជាការពិតណាស់ លោក Rangnick បានលើកឡើងបែបនេះ គឺ វាទាក់ទងទៅនឹងភាពខ្លាំងរបស់ក្រុមនីមួយៗនៅពេលបច្ចុប្បន្ន ដោយយើងក្រឡេកទៅមើល Man City, Liverpool និង Chelsea គឺ ជាក្រុមដ៏ខ្លាំង ខណៈ Man Utd វិញ ពិតជាធ្លាក់ទម្រង់លេងខ្លាំងមែនទែននៅក្នុងរដូវកាលនេះ។ លោក Rangnick បាននិយាយថា៖ “ដរាបណាក្លិបផ្សេងទៀតដូចជា Chelsea, Liverpool, Manchester City ចូលរួមប្រជែង អ្នកត្រូវការហេតុផលល្អខ្លះ និង ត្រូវការនរណាម្នាក់ដើម្បីពន្យល់ដល់កីឡាករ ហើយនេះហើយជាមូលហេតុដែលវាជារឿងសំខាន់ដែល Erik ten Hag ត្រូវគិត”៕

ខ្សែ​បម្រើ​ Paul Pogba មាន​របួស​កំភួនជើង​ក្នុង​ប្រកួត​រវាង​ក្លឹប​ Manchester United តទល់នឹង​ក្លឹប​ Liverpool ក្នុង​លទ្ធផល​ចាញ់​ ១-៤ កាល​ពី​ថ្ងៃ​ទី​១៩ ខែ​មេសា ឆ្នាំ​២០២២។ នៅ​ក្នុង​ថ្ងៃ​នេះ​ លោក​ Ralf Rangnick អ្នកចាត់ការ​ក្រុមបិសាច​បាន​នៅ​ក្នុង​សន្និសីទ​ត្រៀម​ប្រកួត​នឹង​ Arsenal ថា​ Pogba នឹង​លែង​បាន​ចូល​ប្រកួត​ទៀត​ហើយ​ក្នុង​រដូវកាល​នេះ​ដោយ​សារ​តែ​របួស​។ លោក​ Rangnick បាន​និយាយ​ថា​៖” Paul Pogba លែង​បាន​ចូល​ប្រកួត​ទៀត​ហើយ​ បន្ទាប់​ពី​ឆ្លង​កាត់​ការ​ពិនិត្យ​មើល​របួស​កន្លង​មក​ ឱកាស​តិច​តួច​ណាស់​ ដែល​គេ​អាច​ត្រលប់​មក​លេង​ប្រកួត​មុន​ពេល​បញ្ចប់​រដូវកាល​នេះ​។ ខាង​គ្រូ​ពេទ្យ​បាន​ប្រាប់​ខ្ញុំ​ថា​ របួស​គេ​ជាសះស្បើយ​ទាមទារ​យ៉ាង​តិច​ណាស់​ក៏​៤សប្ដាហ៍​ដែរ​ រី​ឯ​ការ​ប្រកួត​ចុង​ក្រោយ​របស់​យើង​គឺ​នៅ​ចុង​ខែ​ឧសភា​ហ្នឹង​ហើយ​ អញ្ចឹង​ខ្ញុំ​គិត​ថា​ ឱកាស​តិច​តួច​ណាស់​ “។ Pogba នឹង​ចប់​កុងត្រា​ជា​មួយ​ Man Utd នៅ​ថ្ងៃ​ទី​៣០ ខែ​មិថុនា​ ឆ្នាំ​២០២២ខាង​មុខ​ ខណៈ​ការ​សម្រេច​ចិត្ត​របស់​គេ​ចំពោះ​អនាគត​ថា​នឹង​នៅ​បន្ត​ឬ​ក៏​យ៉ាង​នោះ​គឺ​មិន​ទាន់​សម្រេច​ជា​ផ្លូវការ​នៅ​ឡើយ​ទេ​ តែ​ចំពោះ​មជ្ឈដ្ឋាន​បាល់ទាត់​ជា​ច្រើន​ថា​គេ​នឹង​ចាកចេញ​ពី​ក្លឹប​នេះ​ហើយ​៕

វីរបុរស​របស់ Manchester United លោក Nemanja Vidic បាន​និយាយ​ថា អ្នក​ចាត់​ការ Ralf Rangnick គួរ​ឲ្យ​​ខ្សែ​ការពារ Harry Maguire សម្រាក​សិន និង​ចាំ​លេង​ប្រកួត​ណា​ដែល​ស្រួល​ៗ។ កីឡាករ​ជម្រើស​ជាតិ​អង់គ្លេស Maguire ទទួល​បាន​​រង​ការ​រិះគន់​ជា​ច្រើន​ពី​អ្នក​គាំទ្រ​ ជាមួយ​មិត្ត​រួម​ក្រុម​ផ្សេង​ទៀត បន្ទាប់​ពី​បិសាច​ក្រហម​ប្រកួត​ចាញ់ Everton ១-០ កាល​ពី​ចុង​សប្ដាហ៍។ លទ្ធផល​នេះ Man United នៅ​តែ​បន្ត​ស្ថិត​នៅ​លេខ​៧​ក្នុង​តារាង​ពិន្ទុ Premier League ប្រឈម​មុខ​​មិន​អាច​​ទៅ​លេង​នៅ Champions League ឆ្នាំ​ក្រោយ។ ដោយ​សារ​តែ​មើល​ឃើញ​ពី​ទម្រង់​លេង​អន់​ខ្លាំង​ពេក Vidic ដែល​ធ្លាប់​បង្ហាញ​ខ្លួន​៣០០​ប្រកួត​ឲ្យ Man Utd បាន​ផ្ដល់​មតិ​ទៅ​លោក Rangnick គួរ​តែ​ទម្លាក់ Maguire មួយ​រយៈ​សិន​ទៅ​ដើម្បី​ឲ្យ​គេ​ស្ដារ​ទំនុក​ចិត្ត​ឡើយ​វិញ។ បើ​បន្ត​ឲ្យ​គេ​នៅ​លេង​បែប​នេះ​សម្ពាធ​​កាន់​តែ​កើត​មាន​ឡើង​ និង​បន្ត​ធ្លាក់​ទម្រង់។ Vidic និយាយថា “គ្រប់​កីឡាករ​​តែ​មាន​បញ្ហា​​ជាមួយ​ទម្រង់​លេង​​នៅ​ពេលវេលា​ក្នុង​អាជីព​របស់​ពួក​គេ។ ខ្ញុំ​ក៏​ធ្លាប់ ហើយ​វា​ច្បាស់​ណាស់​​ថា Maguire មាន​ទម្រង់​លេង​មិន​ល្អ​ទេ​នៅ​រដូវ​កាល​នេះ។ កីឡាករ​ត្រូវ​ការ​​អារម្មណ៍​ថាមពល និង​ខ្លាំង​លើ​ទីលាន។ វា​ពិត​ជា​ពិបាក​ក្នុង​​ការ​លេង​​ឲ្យ​ល្អ

លោក Ralf Rangnick បានធ្វើបទសម្ភាសន៍ និង បានបង្ហើបប្រាប់ពីហេតុផល ដែលកីឡាករឆ្នើម Cristiano Ronaldo ត្រូវបានអវត្តមានកាលពីយប់មិញ។ ជាការពិតណាស់ កាលពីម្សិលមិញនេះ ក្លិប Manchester United បានបើកកីឡដ្ឋានរបស់ខ្លួន Old Trafford ស្វាគមន៍ ក្រុម Leicester City ក្នុងជំនួបនៃក្របខណ្ឌ Premier League ហើយបានបញ្ចប់ដោយលទ្ធផល ១-១ ប៉ុណ្ណោះ រកគ្រាប់បាល់បានដោយ Fred របស់ Man Utd និង Iheanacho របស់ Leicester។ យ៉ាងណាមិញ គេឃើញថា Man Utd បានអវត្តមានកីឡាករឆ្នើមរបស់ខ្លួន ដូច្នេះហើយទើបលោក Rangnick លើកឡើងប្រាប់។ លោក Rangnick បាននិយាយថា៖ “ជាអកុសល ព្រោះ Ronaldo ថ្ងៃនេះគេមានអាការៈ ដូចជំងឺផ្តាសាយ។ តាមពិតទៅ គេអាចចូលលេងថ្ងៃនេះបាន

​លោក Diego Simeone ​បាន​រត់​ចូល​ទៅ​បន្ទប់​ផ្លាស់​សំលៀក​បំពាក់​ភ្លាម​ៗ ​ក្រោយ​ចប់​ការ​ប្រកួត ​ដោយសារ​តែ​អ្នក​គាំទ្រ Manchester United ​បាន​គប់​ដប​ទឹក​សុទ្ធ​ដាក់​ខ្លួន​ខ្លាំង​ពេក។ ​ក្រុម​របស់​លោក Simeone ​បាន​ទម្លាក់​ក្រុម Man Utd ​ពី​ពាន​រង្វាន់ UEFA Champions League ​វគ្គ​១៦​ក្រុម​ចុង​ក្រោយ​ហើយ​នៅ​យប់មិញ ​ដោយ​ឈ្នះ​ក្នុង​លទ្ធផល ១ ទល់នឹង ០។ ​តែ​ក្រោយ​ពី​ចប់​ការ​ប្រកួត​នេះ​ភ្លាម ​លោក Simeone ​ក៏​ដើរ​ទៅ​បន្ទប់​ផ្លាស់​សំលៀក​បំពាក់​ភ្លាម​ដែរ តែ​ក៏​ត្រូវ​អ្នក​គាំទ្រ Man Utd ​ធ្វើ​បាប​ដោយ​គប់​ដប​ទឹក​សុទ្ធ​ដាក់​តែ​ម្ដង។ ​ដោយសារ​តែ​ដូច្នេះ​ហើយ​ទើប​លោក​រត់​ចូល​យ៉ាង​លឿន​ដើម្បី​គេច​ខ្លាច​ត្រូវ​ក្បាល ​មាន​របួស​។ ​តែ​បើ​តាម​វីដេអូ គេ​ក៏​បាន​ឃើញ​ដប​ខ្លះ​ត្រូវ​ក្បាល​របស់​លោក Simeone ​ផង​ដែរ។ ​ការ​ដែល​អ្នក​គាំទ្រ​គប់​ដាក់​លោក​នេះ ​ត្រូវ​បាន​មតិ​មួយ​ចំនួន​យល់​ឃើញ​ថា​ដោយសារ​តែ​លោក​មិន​បាន​ទៅ​ស្វាគមន៍​អ្នក​ចាត់ការ Man Utd ​លោក Rangnick ​។ ការ​ធ្វើ​បែប​នេះ​មើល​ទៅ​មិន​សមរម្យ​សម្រាប់​ក្នុង​ចិត្ត​អ្នក​គាំទ្រ ទើប​ពួកគេ​ធ្វើ​បែប​នេះ៕

ខ្សែ​ប្រយុទ្ធ​ Cristiano Ronaldo បាន​ចេញ​សារ​មួយ​នៅ​ក្នុង​ថ្ងៃ​នេះ​ ក្នុង​ន័យ​បណ្ដុះ​ទឹក​ចិត្ត​ និង​កម្លាំង​ចិត្ត​ក្រុម​ Manchester United របស់​ខ្លួន​ឲ្យ​បន្ត​ខិត​ខំ​ ដើម្បី​បន្ត​ក្ដី​ស្រមៃ​ដណ្ដើម​យក​ពាន​ UEFA Champions League។ Ronaldo បាន​សរសេរ​ថា​៖” នៅ​ថ្ងៃ​ស្អែក​ (ម៉ោង​កម្ពុជា) ជា​ថ្ងៃ​មួយ​ដែល​យើង​បាន​រង់​ចាំ​។ នៅ​ក្នុង​ឱកាស​មួយ​នេះ​នឹង​បង្ហាញ​ពិភពលោក​ឲ្យ​ឃើញ​ពី​មូលហេតុ​ដែល​បង្ហាញ​ឲ្យ​ឃើញ​ម៉េច​បាន​ជា​ទីលាន​ Old Trafford ត្រូវ​បាន​គេ​ស្គាល់​ថា​ជា​ទីលាន​នៃ​ក្ដី​ស្រមៃ​។ យើង​នឹង​បង្កើត​ទស្សនីយភាព​ដ៏​អស្ចារ្យ​ដូច​អ្វី​ដែល​យើង​បាន​ឃើញ​ដូច​ពេល​ប្រកួត​ចុង​ក្រោយ​នៅ​​ទឹកដី​យើង​​លើក​មុន​នេះ​អញ្ចឹង​។ យើង​បន្ត​ក្ដី​ស្រមៃ​ដណ្ដើម​យក​ពាន​ UCL តទៀត​។ យើង​ជា​ Man Utd យើង​នឹង​ធ្វើ​វា​ឲ្យ​បាន​ទាំង​អស់​គ្នា​។ តោះ​យើង​ទៅ​ បិសាច​ក្រហម​ “។ នៅ​ក្នុង​ការ​ប្រកួត​ UCL ជើង​ទី២ តទល់នឹង​ Atletico Madrid ថ្ងៃ​ស្អែក​នេះ​ Rangnick ជឿជាក់​ Ronaldo នឹង​បង្ហាញ​ទម្រង់​លេង​ល្អ​ដូច​កាល​ពី​ប្រកួត​នឹង​ Spurs កន្លង​ទៅ​នេះ​ដែល​អាច​រក​បាន​ ៣គ្រាប់​។ កាល​ពី​ប្រកួត​ជើង​ទី១ នៃ​ការ​ប្រកួត​ខាង​លើ​ Man Utd និង​ Atletico បាន​ត្រឹម​លទ្ធផល​ ១

លោក Ralf Rangnick មិនសូវជាមានការភ្ញាក់ផ្អើលអ្វីឡើយដែលមនុស្សគ្រប់គ្នាតែងតែលើកសរសើរពី Cristiano Ronaldo បន្ទាប់ពីគាត់បានចូលរួមចំណែកយ៉ាងធំធេងក្នុងការជួយឱ្យ Manchester United បំបាក់ក្រុម Tottenham Hotspur យប់មិញប៉ុន្តែខ្សែបម្រើ Fred ទៅវិញទេដែលធ្វើឱ្យលោកមានការភ្ញាក់ផ្អើល និងលើកសរសើររូបគេមិនដាច់ពីមាត់។ ជាការពិតណាស់ នៅក្នុងជ័យជម្នះ ៣-២ របស់ Man UTD ទៅលើក្រុម Spurs យប់មិញគឺ Ronaldo រកបាន ៣ គ្រាប់ម្នាក់ឯង, ខណៈគ្រាប់ដំបូងរបស់ខ្សែប្រយុទ្ធសញ្ជាតិ ព័រទុយកាល់គឺកើតឡើងតាមរយៈការ assist ផាយកែងយ៉ាងល្អដោយខ្សែបម្រើសញ្ជាតិ ប្រេស៊ីល Fred។ ក្រោយបញ្ចប់ការប្រកួតលោក Rangnick បានបង្ហាញការកោតសរសើរពីទម្រង់លេងរបស់ Fred យ៉ាងដូច្នេះថា៖ “គាត់តែងតែជាកីឡាករល្អបំផុតម្នាក់នៅពេលដែលក្រុមគូប្រកួតគេដាក់ការគាបសង្កត់មកលើក្រុមយើងប៉ុន្តែគាត់នៅថ្ងៃនេះក៏បានបង្ហាញឱ្យអ្នកគ្រប់គ្នាបានឃើញផងដែរទាំងគុណភាពក្នុងការវាយបកនិងជួយគ្រប់គ្រងស្ថានការណ៍ប្រកួតនោះហើយជារបៀបដែលគាត់អាចលេងបានយើងអាចមើលឃើញហើយអំពីចំនួនបាល់ដែលគាត់ផ្តល់ឱ្យ និង assist។ វាជាលើកទី១ហើយដែលខ្ញុំឃើញគាត់ធ្វើបានល្អបែបនេះចាប់តាំងពីមកដឹកនាំនៅទីនេះ”៕

អ្នកចាត់ការទូទៅក្លិប Manchester United លោក Ralf Rangnick បានបញ្ជាក់ថា Luke Shaw នឹងអវត្តមានក្នុងការប្រកួតរាត្រីនេះ ខណៈ ចំពោះ Scott McTominay លោកទំនងជានឹងមិនប្រថុយដាក់ឲ្យគេចូលលេងឡើយ។ ជាការពិតណាស់ នៅរាត្រីនេះ Man Utd នឹងត្រូវបើកទ្វារកីឡដ្ឋាន Old Trafford របស់ខ្លួនស្វាគមន៍ Tottenham នៃការប្រកួតក្របខណ្ឌ Premier League សប្តាហ៍ទី២៩ ខណៈ កាលពីជើងទី១ ក្រុមបិសាចក្រហមទទួលបានជ័យជម្នះក្នុងលទ្ធផល ៣ទល់នឹង០។ លោក Rangnick បាននិយាយថា៖ “ពួកយើងនឹងបន្តអវត្តមាន Shaw។ មកទល់ម្សិលមិញ រូបគេនៅតែតេស្តឃើញមានវិជ្ជមានកូវីដ-១៩។ ចំពោះ McTominay វិញ គឺ ជាបញ្ហាចោទ គាត់មានបញ្ហារបួសសាច់ដុំ ដូច្នេះយើងនឹងរង់ចាំមើលបន្ទាប់ពីបញ្ចប់ការហ្វឹកហាត់។ យ៉ាងណាក៏ដោយ គាត់អាចនឹងគ្មានវត្តមានទេ ពីព្រោះប្រសិនបើយើងប្រថុយនឹងប្រើប្រាស់គាត់ គេអាចនឹងអវត្តមានក្នុងការប្រកួតទល់នឹង Atletico Madrid។ ដូច្នេះខ្ញុំត្រូវតែប្រុងប្រយ័ត្ន”៕

លោក Ralf Rangnick ត្រូវបានគេដឹងថាពេលនេះលោកនៅសល់ជំនឿតែលើ Luke Shaw និង Scott McTominay ប៉ុណ្ណោះ ដែលពួកគេអាចអាចមានគុណភាពគ្រប់គ្រាន់ដើម្បីជួយស្រោចស្រង់ Manchester United មកវិញបាន។ ជាការពិតណាស់ នៅក្នុងការបរាជ័យរបស់ Man UTD ក្នុងលទ្ធផល ៤ ទល់នឹង ១ ក្រុមថ្វីជើងក្រុម Manchester City ម្សិលមិញ, McTominay បានទទួលឱកាសលេង ៩០ នាទីពេញ ចំណែក Shaw វិញគាត់មិនមានវត្តមាននៅក្នុងការប្រកួតឡើយ ដោយសារគាត់បានរកឃើញវិជ្ជមានជម្ងឺកូវីដ-១៩។ យោងតាមកាសែត ESPN បានអះអាងថាលោក Rangnick បច្ចុប្បន្នកំពុងមានការព្រួយបារម្ភជុំវិញការធ្លាក់ចុះរបស់កីឡាករនៅក្នុងក្រុម Man UTD ទាំងមូលប៉ុន្តែទោះបីជាយ៉ាងណាក៏ដោយ លោកនៅតែមានភាពជឿជាក់លើ McTominay និង Shaw ថាពួកគេជាកីឡាករដែលមានភាពជាអ្នកដឹកនាំពេញលេញហើយអាចជួយស្រោចស្រង់ក្រុមបិសាចក្រហមឱ្យត្រឡប់មករកភាពល្អប្រសើរឡើងវិញបាន៕

ខ្សែ​ប្រយុទ្ធ​ Marcus Rashford កំពុង​គិត​គូរ​ពី​អនាគត​របស់​ខ្លួន​នៅ​ក្លឹប​ Manchester United ដោយ​នឹង​អាច​ចាកចេញ​ពី​ក្លឹប​នេះ​នៅ​រដូវកាល​ក្ដៅ​ខាង​មុខ​។ នេះ​បើ​យោង​តាម​ការចុះ​ផ្សាយ​របស់​ Daily Mail ។ ប្រភព​ជា​ច្រើន​បាន​ឲ្យ​ដឹង​ថា​ Rashford ហាក់​ដូច​ជា​មិន​សប្បាយ​ចិត្ត​ក្រោម​ការ​ដឹក​នាំ​របស់​ លោក​ Ralf Rangnick អ្នកចាត់ការ​បណ្ដោះអាសន្ន​របស់​ក្រុម​បិសាច​នេះ​ទេ​ ដោយ​សារ​តែ​ក្រោម​ការដឹកនាំ​របស់​លោក​ គេ​មិន​បាន​ទទួល​​ម៉ោង​លេង​ពេញ​លេញ​ និង​មិន​មែន​ជា​ជម្រើស​ដំបូង​ដែល​ដាក់​ឲ្យ​ចូល​លេង​នោះ​ទេ​។ មួយ​វិញ​ទៀត​ដោយ​សារ​ លោក​ Rangnick នឹង​នៅ​បន្ត​ពាក់ព័ន្ធ​នឹង​ការ​ដឹកនាំ​របស់​ Man Utd ដោយ​ចប់​រដូវកាល​នេះ​លោក​នឹង​ក្លាយ​ជា​អ្នក​ប្រឹក្សា​របស់​ក្លឹប​នេះ​ ដូច្នេះ​ហើយ​នៅ​ខណៈ​បាន​ធ្វើ​ឲ្យ​ Rashford ខ្វាយខ្វល់​នឹង​អនាគត​របស់​គេ​នៅ​ទី​នេះ​ ដោយ​គេ​ចង់​ដឹង​ច្បាស់​លាស់​​ថា​ក្លឹប​គិត​គូរ​បែប​ណា​ចំពោះ​គេ​ ដើម្បី​ងាយ​គេ​គិត​គូរ​សម្រេច​អនាគត​នៅ​រដូវកាល​នេះ​តែ​ម្ដង​។ Rashford មក​លេង​ឲ្យ​ក្រុម​ Man Utd តាំង​ពី​ក្មេង​មក​ ដោយ​បាន​ផ្លាស់​​មក​ក្រុម​ឈុត​ធំ​នៅ​រដូវកាល​ឆ្នាំ​២០១៥-១៦។ នៅ​រដូវកាល​នេះ​ គេ​ចូល​លេង​ឲ្យ​ Man Utd បាន​ ២៤ប្រកួត​ និង​រក​គ្រាប់​បាល់​បាន​ ៥គ្រាប់​។ កីឡាករ​នឹង​ចប់​កុងត្រា​នៅ​ឆ្នាំ​២០២៣​ខាង​មុខ​ ដោយមានលក្ខខណ្ឌ​អាចបន្តបាន​១ឆ្នាំ​ទៀត​ពី​ក្លឹប៕

បញ្ហា​ខ្សែ​ប្រយុទ្ធ​ Cristiano Ronaldo មិន​មាន​វត្តមាន​ក្នុង​ការ​ប្រកួត​ត​ទល់នឹង​ Manchester City ម្សិលមិញ​នេះ​គឺ​ត្រូវ​បាន​ លោក​ Ralf Rangnick អ្នកចាត់ការ​បណ្ដោះ​អាសន្ន​របស់​ Man Utd បកស្រាយ​ថា​ គឺ​ដោយ​សារ​គេ​មាន​របួស​ត្រគាក​។ ​ យ៉ាង​ណា​នេះ​រឿង​រ៉ាវ​នេះ​​ ​ត្រូវ​បាន​ប្រភព​ជា​ច្រើន​បាន​ចុះ​ផ្សាយ​វែក​ញែក​ ដោយ​ថា​ Ronaldo មិន​មាន​របួស​នោះ​ទេ​ កីឡាករ​រូប​នេះ​មិន​ចូល​រួម​ការ​ប្រកួត​នេះ​គឺ​មិន​មែន​ដោយ​សារ​របួស​នោះ​ទេ​ គឺ​ដោយ​សារ​តែ​លោក​ ​លោក​ Rangnick មិន​ដាក់​ឲ្យ​ចូល​លេង​។ ប្រភព​ដើម​នៃ​ការ​ចុះ​ផ្សាយ​ព័ត៌មាន​នេះ​គឺ​ចេញ​ពី​​​បណ្ដាញ​សង្គម​ Instagram ពី​គណនី​ cr7.o_lendario ដែល​គណនី​គាំទ្រ​កីឡាករ​រូប​នេះ​ ដែល​មាន​អ្នកគាំទ្រ​តាមដាន​ជិត​ ៦០ម៉ឺន​នាក់​ ដោយ​សារ​ចុះ​ផ្សាយ​ពី​បញ្ហា​នេះ​ត្រូវ​បាន​ Like (គាំទ្រ) ដោយ​បង​ស្រី​បង្កើត​របស់​ Ronaldo គឺ​ Katia Aveiro ។ ដូច្នេះ​ហើយ​បញ្ហា​ខាងលើនេះត្រូវ​បាន​គេ​លើក​ឡើង​មក​ពី​វែកញែក​ និង​បាន​យល់ឃើញ​ថា​ បញ្ហា​រវាង​ Rangnick និង​ Ronaldo គឺ​កាន់​តែ​មិន​ត្រូវ​រ៉ូវ​គ្នា​ហើយ​។ បើ​ប្រភព​ជា​ច្រើន​បាន​ឲ្យ​ដឹង​ថា​ ដោយ​សារ​តែ​រឿង​រ៉ាវ​នេះ​ Ronaldo បាន​មិន​បាន​ជួប​ជុំ​មិត្ត​រួម​ក្រុម​នៅ​ថ្ងៃ​សៅរ៍​កន្លង​នេះ​នោះ​ទេ​ ដោយ​បាន​ហោះ​ទៅ​កាន់​ព័រទុយហ្គាល់​ ដោយ​មិន​ទាំង​ចូល​រួម​មើល​មិត្ត​រួម​ក្នុង​ការ​ប្រកួត​ខាង​លើ​ផង​ដែរ​។

ក្លិប Manchester United កំពុងតាមចែចូវ កីឡាករ Robert Lewandowski មកពីក្លិប Bayern Munich។ ជាការពិតណាស់ ខ្សែប្រយុទ្ធរបស់ក្លិប Man Utd ដូចជា Cavani​ និង Ronaldo កំពុងតែមានភាពស្រពិចស្រពិល រឿងអនាគតនៅក្លិប ដូច្នេះហើយទើប Man Utd កំពុងស្វះស្វែងរកសមាសភាព ខ្សែប្រយុទ្ធថ្មី មកជំនួស។ បើយោងទៅតាមសារកាសែត 90 min បានចុះផ្សាយថា Lewandowski កំពុងតែជាគោលដៅចម្បង របស់ក្លិប Man Utd ដោយរបាយការណ៍បានបញ្ចាក់ទៀតថា អ្នកតំណាងឲ្យ Lewandowski បានធ្វើការទាក់ទងជាមួយលោក Rangnick រួចហើយ សម្រាប់ពិចារណា ក្នុងការផ្ទេរ នៅទីផ្សារដោះដូរខាងមុខនេះ៕

Marcus Rashford នៅរដូវកាល ២០២១-២០២២ នេះហាក់បង្ហាញទម្រង់លេងពុំសូវបានល្អប៉ុន្មានទេជារួមដោយសារកត្តារបួសនិងបញ្ហាផ្ទាល់ខ្លួនមួយចំនួនទៀតបានធ្វើឱ្យខ្សែប្រយុទ្ធសញ្ជាតិអង់គ្លេសចាប់ផ្តើមរៀងយឺតមែនទែន ដោយគិតមកត្រឹមពេលនេះរូបគេទើបតែរកបាន ៥ គ្រាប់ប៉ុណ្ណោះ។ ទោះបីជាយ៉ាងណាក៏ដោយគ្រូបង្វឹកបណ្តោះអាសន្នលោក Ralf Rangnick នៅតែជឿជាក់ថា Rashford នឹងអាចត្រឡប់មករកទម្រង់លេងដ៏ល្អបំផុតរបស់ខ្លួនវិញហើយគាត់ក៏បានលើកយក Sancho ជាគំរូផងដែរ ដើម្បីឱ្យកីឡាករវ័យ ២៤ឆ្នាំគួររៀនសូត្រតាមដូច្នេះហើយទើបគ្រូបង្វឹកសញ្ជាតិអាល្លឺម៉ង់មានទំនុកចិត្តថា Rashford នឹងអាចល្អប្រសើរឡើងវិញបាន។ នៅពេលគេសួរអំពី Rashford លោក Rangnick បានមានប្រសាសន៍យ៉ាងដូច្នេះថា៖ “ពួកយើងមានភាពស្រដៀងគ្នាជាមួយស្ថានភាពរបស់ Jadon Sancho កាលពី ៦ ទៅ ៧ សប្តាហ៍មុន។ គាត់គឺជាគំរូដ៏ល្អបំផុតសម្រាប់អ្វីដែលកំពុងកើតឡើង។ ក្នុងនាមគាត់ជាកីឡាករម្នាក់ដែលមានទម្រង់លេងផ្ទាល់ខ្លួនមួយ ហើយក្រោយមកគាត់ក៏បានធ្លាក់ទម្រង់លេង ហើយរហូតមកដល់ឥឡូវនេះវាពិតជាដូច Marcus មែនទែន”៕

អ្នកដឹកនាំក្រុម Paris Saint Germain លោក Mauricio Pochettino បានបដិសេធសំណើរបស់ក្លិប Manchester United ហើយចង់ទៅដឹកនាំនៅ Real Madrid វិញ។ ជាការពិតណាស់ លោក Pochettino ត្រូវបានគេសន្និដ្ឋានថា អាចនឹងចាកចេញពី PSG នៅពេលចប់រដូវកាលនេះហើយ លើសពីនេះផងដែរ មានរបាយការណ៍ជាច្រើន បានចុះផ្សាយថា Man Utd កំពុងតាមបញ្ចុះបញ្ចូលលោក Pochettino ខ្លាំង ដើម្បីឲ្យលោកមកជំនួស លោក Rangnick។ បើយោងទៅតាមសារកាសែត Sport បានចុះផ្សាយថា លោក Pochettino បានបដិសេធសំណើរបស់ Man Utd ហើយ ព្រោះលោកមានបំណងចង់ទៅដឹកនាំ Real Madrid ជាង។ ស្របពេលដែលលោក Florentino Perez កំពុងគិតគូរចង់បណ្តេញលោក Carlo Ancelotti ចេញ បន្ទាប់ពីចាញ់ PSG នៅ

អ្នកចាត់ការទូទៅក្លិប Manchester United លោក Ralf Rangnick បានបញ្ជាក់ថា កីឡាករ Edinson Cavani និង Scott McTominay នឹងអវត្តមានជួយក្រុមក្នុងការប្រកួតរាត្រីនេះ។ ជាការពិតណាស់ នៅរាត្រីនេះ Man Utd នឹងត្រូវបើកទ្វារកីឡដ្ឋាន Old Trafford របស់ខ្លួនស្វាគមន៍ក្លិប Watford ក្នុងការប្រកួតក្របខណ្ឌ Premier League សប្តាហ៍ទី២៧ ខណៈ កាលពីជើងទី១ក្រុមបិសាចក្រហមបានទទួលរងបរាជ័យយ៉ាងអាម៉ាស់ក្នុងលទ្ធផល៤ទល់នឹង១។ លោក Rangnick បាននិយាយថា៖ “ស្ថានភាពគឺដូចគ្នាបេះបិទ។ Cavani មិនបានហ្វឹកហាត់ជាមួយយើងទេ ដូច្នេះគាត់នឹងមិនមានវត្តមានសម្រាប់ការប្រកួតរាត្រីនេះទេ ហើយដូចគ្នាទៅនឹង McTominay ផងដែរ។ គាត់នៅតែឈឺ និង ​មិន​បាន​ហ្វឹកហាត់​ជាមួយ​យើង​ទេ ដូច្នេះ​សង្ឃឹម​ថា គាត់​នឹង​ចាប់​ផ្ដើម​ហ្វឹកហាត់​ជាមួយ​យើង​ជាថ្មីនៅ​សប្ដាហ៍​ក្រោយ ប៉ុន្តែ​សម្រាប់​ការ​ប្រកួត​រាត្រីនេះ ពួកគេទាំំងពីរនឹងអវត្តមាន”៕

ក្លិប Manchester United ត្រូវបានរាយការណ៍ថា កំពុងសម្លឹងឃើញខ្សែការពារ ក្លិប Chelsea កីឡាករ Antonio Rudiger ដើម្បីមកជំនួស Harry Maguire។ ជាការពិតណាស់ Rudiger នឹងត្រូវផុតកុងត្រាជាមួយក្លិបតោខៀវ នៅរដូវក្តៅខាងមុខនេះ លើសពីនេះផងដែរ គេក៏អាចមានសិទ្ធិចុះកុងត្រាបណ្តោះអាសន្នជាមួយ ក្លិបផ្សេងៗផងដែរ ស្របពេលដែលមានក្លិបយក្សដូចជា Real Madrid,​​ Paris Saint Germain,​ ព្រមទាំង Man Utd នេះផងដែរ ដែលកំពុងចាប់អារម្មណ៍រូបគេ។ បើយោងទៅតាមសារកាសែត Mirror បានចុះផ្សាយថា Man Utd នៅតែមានបំណងចង់បាន Rudiger មករួមក្រុមស្របពេលដែល Rudiger នៅមានបំណងចង់រកពានជាមួយ Chelsea សិនរដូវកាលនេះ ហើយគេនឹងមិនបន្តកុងត្រាជាមួយក្លិបទៀតទេ។ លើសពីនេះផងដែរ លោក Rangnick ក៏បានចាប់ចិត្តទៅលើខ្សែការពារសញ្ជាតិអាល្លឺម៉ង់រូបនេះដែរ ដោយលោកយល់ឃើញថា គេអាចមកជំនួសកន្លែងរបស់ Maguire បាន៕