Tag: Rayo Vallecano

យោងតាមអ្នកកាសែត Sergio Santos បានបង្ហើបឲ្យដឹងថាពេលនេះ ក្លិប Real Madrid កំពុងគិតគូយក ខ្សែការពារស្លាបឆ្វេង Fran Garcia ដែលជាអតីតកីឡាកររបស់ខ្លួនត្រឡប់មកវិញ។ កីឡាករវ័យ ២២ឆ្នាំរូបនេះកំពុងលេងឲ្យក្លិប Rayo Vallecano ប៉ុន្តែគេធ្លាប់ជាកីឡាករ Real Madrid កំលុងឆ្នាំ២០១៣ និងទើបតែផ្លាស់ចេញនៅឆ្នាំ២០២១ ។ Real Madrid ធ្លាប់ដាក់គេឲ្យ Rayo Vallecano ខ្ចីជើងនៅឆ្នាំ២០២០ ប៉ុន្តែក្លិបបានសម្រេចទិញផ្ដាច់តែម្ដង។ ពេលនេះ ភាគីលោក Carlo Ancelotti កំពុងខ្វះខ្សែការពារផងទើបសម្លឹងចង់បានគេមកវិញ។ Marcelo ដែលជាប្រធានក្រុម Real Madrid អាចនឹងចាកចេញដោយគ្មានតម្លៃខ្លួនពេលអស់កុងត្រា ខណៈដែល Ferland Mendy រងរបួសញឹកញាប់ពេក។ យ៉ាងណាមិញក្រៅពី Fran Garcia គឺ Real Madrid ក៏ចង់បាន Sergio Reguilon មកវិញដែរ៕

កីឡាករ Alex Berenguer រក​បាន​គ្រាប់​នៅ​នាទី​ទី​៨៩ ជួយ​ឲ្យ Athletic Bilbao ទម្លាក់​ Real Madrid ចេញ​ពី​ពាន Copa del Rey ឡើង​ទៅ​វគ្គ​ពាក់​កណ្ដាល​ផ្ដាច់ព្រ័ត្រ។ Berenguer បាន​ប្ដូរ​ចូល​ក្នុង​វគ្គ​​ទី​​ពីរ​ ជំនួស​កីឡាករ Nico Williams។ នៅ​ចុង​ម៉ោង​ខ្សែ​ប្រយុទ្ធ​វ័យ ​២៦​ឆ្នាំ​បាន​ប្រើ​បច្ចេកទេស​​ញាក់​ដាច់​ខ្សែ​ការពារ​របស់ Real រួច​បន្ត​​ទាត់​កោង​ចូល​ទី​​បាន​សម្រេច។ លទ្ធផល ១ ទល់នឹង ០ គ្រប់​គ្រាប់​សម្រាប់ Bilbao ឈាន​ទៅ​វគ្គ​ពាក់​កណ្ដាល​ផ្ដាច់ព្រ័ត្រ។ Bilbao កំពុង​តែ​សម្លឹង​ឃើញ​ឈាន​ទៅ​វគ្គ​ផ្ដាច់ព្រ័ត្រ​ជា​លើក​ទី​៣​រដូវ​កាល​ជាប់​គ្នា​ក្នុង​ពាន​រង្វាន់ Copa del Rey។ ៤​ក្រុម​ដែល​បាន​ឡើង​ទៅ​កាន់​វគ្គ​ពាក់​កណ្ដាល​ផ្ដាច់ព្រ័ត្រ​មាន Valencia, Real Betis, Rayo Vallecano និង Bilbao៕

បន្ទាប់ពីការបណ្តេញលោក Ronald Koeman លោក Joan Laporta បាននិយាយជាមួយកីឡាករ Barcelona នៅរសៀលនេះ។ បន្ទាប់ពីការបរាជ័យរបស់ក្រុម Barcelona ក្រោមស្នាដៃក្រុម Rayo Vallecano កាលពីយប់ថ្ងៃពុធ លោក Koeman ត្រូវបានបណ្តេញចេញ។ បុរសសញ្ជាតិហូឡង់បានចូលកាន់ដំណែងតាំងពីខែសីហាឆ្នាំ 2020 ប៉ុន្តែបន្ទាប់ពីមានសម្ពាធយ៉ាងធ្ងន់ធ្ងរជាច្រើនខែមក រជ្ជកាលដឹកនាំរបស់គាត់បានឈានដល់ការបណ្ដេញចេញដែលមិនអាចគេចផុតបាន។ ការស្វែងរកអ្នកជំនួសតំណែងរបស់លោក Ronald Koeman បានចាប់ផ្តើមរួចហើយ វាហាក់ដូចជាអតីតកីឡាករ និងជាអ្នកចាត់ការទូទៅរបស់ Al-Sadd គឺលោក Xavi Hernandez នឹងក្លាយជាអ្នកទទួលខុសត្រូវបន្ទាប់។ Laporta បានជួបជាមួយកីឡាករនៅមជ្ឈមណ្ឌលហ្វឹកហាត់ Cuitat Esportiva របស់ក្លឹបក្នុងពេលជាមួយគ្នា៕

អ្នក​ចាត់​ការ Ronald Koeman ត្រូវ​បាន​បណ្ដេញ​ចេញ​​ពី​តំណែង​​ក្នុង​ក្លឹប Barcelona ហើយ​​ក្រោយ​ដឹក​នាំ​បាន​១៤​ខែ​នៅ​កីឡដ្ឋាន Nou Camp។ Barca ពេល​នេះ​មាន​តែ​១៥​ពិន្ទុ​ប៉ុណ្ណោះ​​ពី​ការ​លេង​១០​ប្រកួត​ក្នុង La Liga និង​បាន​ចាញ់​២​ប្រកួត​ក្នុង​ពាន​រង្វាន់ Champions League ក្នុង​វគ្គ​សន្សំ​ពិន្ទុ។ ពេល​នេះ​​ពួក​គេ​កំពុង​នៅ​លេខ​៩​ក្នុង​តារាង​ពិន្ទុ La Liga ក្រោយ​ចាញ់ Rayo Vallecano កាល​ពី​យប់​មិញ។ នេះ​គឺ​ជា​ការ​ចាញ់​​៣​ប្រកួត ក្នុង​ចំណោម​៤​ប្រកួត​ចុងក្រោយ​របស់ Barca នៅ​ក្នុង​លីគ​។ អតីត​វីរបុរស​របស់​ក្លឹប​លោក Xavi ដែល​កំពុង​ដឹក​នាំ​នៅ Al Sadd SC ​ក្លឹប​ក្នុង​ប្រទេស​កាតា​ត្រូវ​​បាន​គេ​មើល​ឃើញ​ថា អាច​នឹង​មក​ជំនួស​កន្លែង​លោក Koeman៕

ខ្សែប្រយុទ្ធ Radamel Falcao របស់ក្លឹប Galatasaray នឹងបន្តអាជីពរបស់គាត់នៅអេស្ប៉ាញ។ យោងតាមសារព័ត៌មាន Marca បានឲ្យដឹងថាកីឡាករវ័យ ៣៥ ឆ្នាំរូបនេះបានចុះកិច្ចសន្យា ២ ឆ្នាំជាមួយក្លឹប Rayo Vallecano ។ ប្រភពបានអះអាងថាខ្សែប្រយុទ្ធសញ្ជាតិកូឡុំប៊ីរូបនេះបានត្រឡប់មកកាន់លីក La Liga ឡើងវិញដោយសារតែបំណងរបស់គាត់ចង់មានឈ្មោះក្នុងក្រុមជម្រើសជាតិដើម្បីបានចូលរួមប្រកួតបាល់ទាត់ពិភពលោកឆ្នាំ ២០២២ នៅកាតា។ ដើម្បីរំលឹកឡើងវិញ Falcao ធ្លាប់លេងឱ្យក្រុម Atletico Madrid ក្នុងឆ្នាំ ២០១១ ដល់ ២០១៣ ។

Highlight បាល់ទាត់ La Liga (Mon/03/11) Rayo Vallecano 2-3 Barcelona