Tag: Saul Niguez

ក្លិបតោខៀវ Chelsea នឹងបើកភ្លើងខៀវអនុញ្ញាតឲ្យខ្សែបម្រើ Saul Niguez ត្រឡប់ទៅក្លិប Atletico Madrid វិញនៅចប់រដូវកាលនេះ។ កីឡាករវ័យ២៧ឆ្នាំរូបនេះបានផ្ទេរមកទឹកដី Stamford Bridge ក្នុងលក្ខខណ្ឌ​​​ខ្ចីជើងរហូត​​ដល់​​​ចប់​​រដូវកាលដោយសង្ឃឹមថាអាចមានឱកាសបានចូលលេងទៀងទាត់ប៉ុន្តែលោក Thomas Tuchel ពុំសូវប្រើប្រាស់គេនោះឡើយ។ សារព័ត៌មាន Express បានបង្ហើបថា Chelsea មិនចង់ចំណាយលុយទិញផ្ដាច់យក Saul នោះទេដែលធ្វើឲ្យ Atletico Madrid មានភាពខកចិត្តបន្តិចបន្តួចព្រោះរំពឹងថានឹងអាចលក់គេចេញ។ តាំងពីផ្ទេរមក Chelsea គឺខ្សែបម្រើ Saul Niguez ចូលលេងបាន ៥ប្រកួតប៉ុណ្ណោះនិងមិនទាន់​​បានស៊ុត​​​បញ្ចូលទីទេ៕

ក្លិបតោខៀវ Chelsea បានប្រកាសពីការចុះហត្ថលេខាលើកីឡាករ Saul Niguez ពីក្លិប Atletico Madrid ។ ខ្សែបម្រើសញ្ជាតិអេស្ប៉ាញរូបនេះបានចុះហត្ថលេខាលើកិច្ចសន្យារយៈពេលមួយរដូវជាមួយនឹងជម្រើសសម្រាប់ការផ្ទេរជាអចិន្ត្រៃយ៍នៅចុងបញ្ចប់នៃរដូវកាលនេះ។ ក្លឹប Atletico Madrid នឹងទទួលបាន ៤ លានអឺរ៉ូសម្រាប់កីឡាករវ័យ ២៦ ឆ្នាំរូបនេះ។ Saul Niguez រកគ្រាប់បាល់បាន ៥៣ គ្រាប់ក្នុងការបង្ហាញខ្លួន ៤៤៧ លើកសម្រាប់ក្លឹប Atletico Madrid ដែលធ្លាប់ឈ្នះពានរង្វាន់ Europa League លីកចំនួន ២ ដងពានរង្វាន់ Copa del Rey ពានរង្វាន់ UEFA Super Cup ពានរង្វាន់ក្នុងស្រុកមួយនិងពានរង្វាន់ La Liga ផងដែរ។

ក្លិបអ្នកមានបុណ្យ Barcelona បានស្នើដាក់ខ្សែប្រយុទ្ធ Antoine Griezmann ប្ដូរយកខ្សែការពារ Victor Lindelof ពី Manchester United បន្ទាប់ពីបរាជ័យក្នុងការចរចាជាមួយ Atletico Madrid។ Barcelona ធ្លាប់ចង់យក Griezmann មកប្ដូរនឹង Saul Niguez ដោយឲ្យ Atletico Madrid ថែមលុយមួយចំនួនទៀតប៉ុន្តែការចរចាក៏បានបរាជ័យដូច្នេះក្លិបបានងាកមករក Manchester United វិញដោយសម្លឹងចង់បានខ្សែការពារ Lindelof ម្ដង។ Barcelona ចង់លក់ Griezmann ចេញឲ្យឆាប់ៗដោយសារតែត្រូវការកាត់បន្ថយប្រាក់ឈ្នួលកីឡាករដើម្បីអាចចុះកុងត្រាយកកីឡាករថ្មីៗរួមទាំង កំពូលខ្សែប្រយុទ្ធ Lionel Messi ផងដែរ។ ការមកដល់របស់ Raphael Varane នៅក្លិប Manchester United អាចធ្វើឲ្យ Lindelof លែងបានជាប់ជម្រើស១១នាក់ដំបូងទើប Barcelona គិតចង់ដាក់សំណើប្ដូរកីឡាករនេះឡើងប៉ុន្តែបើសិន Man United ចង់បាន Griezmann មែនគឺត្រូវថែមលុយឲ្យ Barcelona មួយចំនួនទៀត៕

ក្លឹប Barcelona មាន​បំណង​ចង់​លក់​ខ្សែ​បម្រើ​ប្រយុទ្ធ Antoine Griezmann ដើម្បី​បង្កើន​ចំណូល​ខ្លះ ប៉ុន្តែ​ទល់​នឹង​ពេល​នេះ​មិន​ទាន់​មាន​ក្លឹប​មួយ​ណា​ដាក់​សំណើរ​​ចង់​ទិញ​​កីឡាករ​នៅ​ឡើយ​ទេ។ Atletico Madrid ​ជា​ក្លឹប​បង្ហាញ​ការ​ចាប់​អារម្មណ៍​ខ្លាំង​បំផុត​លើ Griezmann ប៉ុន្តែ​​ក្រុម​ជើង​ឯក La Liga មួយ​នេះ​ចង់​​យក​ខ្សែ​បម្រើ Saul Niguez ដាក់​ក្នុង​លក្ខខណ្ឌ​ដោះដូរ​ជាមួយ Barca។ Griezmann ធ្លាប់​ជា​អតីត​កីឡាករ​របស់ Atletico មុន​​ផ្លាស់​ទៅ Barcelona កាល​ពី​ឆ្នាំ​២០១៩ ក្នុង​តម្លៃ​ខ្លួន​១០២​លាន​ផោន។ ទាក់ទង​ជាមួយ Manchester City ក្លឹប​ Barcelona ក៏​មាន​បំណង​ចង់​​យក​ Griezmann ទៅ​ដោះដូរ​ជាមួយ​កីឡាករ​ណា​ម្នាក់​របស់​ក្លឹប​អង់គ្លេស​មួយ​នេះ រួម​មាន  Riyad Mahrez, Aymeric Laporte, Raheem Sterling ឬ Bernardo Silva។ Chelsea និង Juventus សុទ្ធ​តែ​ចាប់​អារម្មណ៍ Griezmann។ ប៉ុន្តែ​បើ​តាម​កាសែត​អេស្ប៉ាញ Marca ឲ្យ​ដឹង​ថា ទល់​នឹង​ពេល​នេះ Barcelona មិន​ទាន់​ទទួល​បាន​សំណើរ​ជា​លុយ​ពី​ក្លឹប​ណា​មួយ​ឡើយ​ក្នុង​ការ​ទិញ

ខ្សែ​បម្រើ​ក្លឹប​ Atletico Madrid កីឡាករ​ Saul Niguez ត្រូវ​បាន​ព័ត៌មាន​ជា​ច្រើន​បាន​ចុះ​ផ្សាយ​ថា​ បាន​ព្រមព្រៀង​ទៅ​លេង​ឲ្យ​ក្លឹប​ Bayern Munich នៅ​រដូវកាល​ខាង​មុខ​ នេះ​បើ​យោង​តាម​ការ​ចុះ​ផ្សាយ​របស់​ Daily Mail នៅ​ក្នុង​ថ្ងៃ​នេះ​។ តាម​ពិត​ទៅ​កីឡាករ​នេះ​ត្រូវ​ទៅ​លេង​ឲ្យ​ក្លឹប​ Manchester United ក្នុង​តម្លៃ​ជាង​១០០លាន​ដុល្លារ​ឯណោះ​នៅ​ដើម​រដូវកាល​នេះ​ តែ​ត្រូវ​បាន​លោក​​ Diego Simeone បដិសេធ​។ ប៉ុន្តែ​ក្រោយមក​នៅ​ក្នុង​រដូវកាល​នេះ​​មក​​លោក​ Simeone ហាក់​បី​ដូច​ជា​មិន​ពេញ​ចិត្ត​នឹង​ទម្រង់​លេង​របស់​ Saul ម្ល៉ោះ​ហើយ​ លោក​ក៏​សម្រេច​ចិត្ត​លក់​កីឡាករ​នេះ​ចេញ​ភ្លាម​ក្រោយ​ Bayern ឲ្យ​​តម្លៃ​ជាង​៩៦លាន​ដុល្លារ​ក្នុង​ការ​ទិញ​កីឡាករ​នេះ​កាល​ពី​ពេល​ថ្មីៗ​នេះ​។ ចំពោះ​ទំហំលុយ​ទាំង​អស់​នេះ​ លោក​ Simeone នឹង​ចំណាយ​លុយ​នេះ​ពាក់​កណ្ដាល​ជាង​៤៨លាន​ដុល្លារ​ ដើម្បី​ទិញ​យក​ខ្សែ​បម្រើ​ Rodrigo De Paul ពី​ក្លឹប​ Udinese Calcio ដើម្បី​ជំនួស​កន្លែង​ Saul ។ គួរ​បញ្ជាក់​ផង​ដែរ​ថា​ Saul បាន​មក​លេង​ឲ្យ​ក្លឹប​ Atletico តាំង​ពី​ឆ្នាំ​២០១១មក ដោយ​ចូល​រួម​លេង​បាន​៣៣៧ប្រកួត និង​រកគ្រាប់បាល់​បាន​៤៣គ្រាប់​៕

ខ្សែបម្រើ ពិតជាមានសារៈសំខាន់ខ្លាំងណាស់ ក្នុងទីលានបាល់ទាត់ ដូច្នេះហើយ តម្លៃខ្លួនរបស់កីឡាករ ដែលលេងក្នុងតំបន់ខ្សែបម្រើ ក៏មានភាពប្រកួតប្រជែងទីផ្សារខ្លាំងផងដែរ

ខ្សែបម្រើក្លឹប Atletico Madrid លោក Saul Niguez ចង់ចូលក្លឹប Manchester United នៅរដូវក្តៅខាងមុខនេះ