Senegal Archives

Football News

សេណេហ្គាល់ឈ្នះពានរង្វាន់ Africa Cup of Nations ជាលើកដំបូងរយះពេល ៦០ឆ្នាំចុងក្រោយ

ក្រុមជម្រើសជាតិសេណេហ្គាល់បានឈ្នះពានរង្វាន់ Africa Cup of Nations ជាលើកដំបូង ក្រោយឈ្នះបាល់ប៉េណាល់ទីកាត់សេចក្ដី ៤ ទល់នឹង ២ លើអេហ្ស៊ីបកាលពីយប់មិញ។ ការប្រកួតដែលរៀបចំឡើងក្នុងប្រទេសកាមេរ៉ូន ក្រុមជម្រើសជាតិសេណេហ្គាល់និងអេហ្ស៊ីបបានបញ្ចប់ត្រឹមលទ្ធផល ០ ទល់នឹង ០ ប៉ុណ្ណោះក្រោយលេងអស់ ១២០នាទី។ ដូច្នេះពួកគេត្រូវទាត់ប៉េណាល់ទីកាត់សេចក្ដី ជាលទ្ធផលសេណេហ្គាល់បានយកឈ្នះ ៤ ទល់នឹង ២ លើអេហ្ស៊ីប។ លោក Aliou Cisse គ្រូរបស់ក្រុមជម្រើសជាតិសេណេហ្គាល់បាននិយាយថា វាបានបង្ហាញថា ប្រសិនបើអ្នកខិតខំ តស៊ូ អ្នកនឹងទទួលបានផលនូវអ្វីដែលអ្នកចង់បាន។ លោកពិតជាមានអារម្មណ៍រំជួលចិត្ត ព្រោះតែប្រជាជនសេណេហ្គាល់ចង់ឈ្នះពាននេះអស់រយៈពេល ៦០ឆ្នាំមកហើយ។ ម្ចាស់ផ្ទះកាមេរ៉ូនបានត្រឹមចំណាត់ថ្នាក់លេខ៣ប៉ុណ្ណោះ ក្រោយឈ្នះបាល់ប៉េណាល់ទីកាត់សេចក្ដីលើប៊ូគីណាហ្វាសូ ៥ ទល់នឹង ៣៕

08 Feb 2022

58 views

Football News

ទីបំផុតក្រុម Salah នឹង Mane ជួបគ្នាវគ្គផ្ដាច់ព្រ័ត្រពាន Africa Cup of Nations

ក្រុមជម្រើសជាតិអេហ្ស៊ីបបានឡើងទៅកាន់វគ្គផ្ដាច់ព្រ័ត្រពានរង្វាន់ Africa Cup of Nations ហើយ ក្រោយយកឈ្នះបាល់ប៉េណាល់ទីកាត់សេចក្ដីលើម្ចាស់ផ្ទះកាមេរ៉ូន។ ការប្រកួតដ៏តានតឹងរវាងអេហ្ស៊ីបនិងកាមេរ៉ូនបានលេងដល់ម៉ោងបន្ថែម១២០នាទី ប៉ុន្តែក្រុមទាំងពីរមិនអាចធ្វើអ្វីគ្នាបានឡើយ បានត្រឹមលទ្ធផល ០ ទល់នឹង ០។ ដូច្នេះត្រូវប៉េណាល់ទីកាត់សេចក្ដី ដើម្បីរកអ្នកឈ្នះ។ បាល់ប៉េណាល់ទី ៤គ្រាប់ដំបូងរបស់កាមេរ៉ូនធ្វើមិនបានល្អឡើយ ពោលចូលតែមួយគ្រាប់គត់ ខណៈអេហ្ស៊ីប៣គ្រាប់ដំបូងចូលទាំងអស់។ លទ្ធផលចុងក្រោយអេហ្ស៊ីបឈ្នះប៉េណាល់ទីកាមេរ៉ូន ៣ ទល់នឹង ១។ ដូច្នេះវគ្គផ្ដាច់ព្រ័ត្រ Africa Cup of Nations អេហ្ស៊ីបត្រូវជួបជាមួយសេណេហ្គាល់។ មានន័យថា ខ្សែបម្រើប្រយុទ្ធរបស់ Liverpool ទាំងពីរអ្នកគឺ Mo Salah និង Sadio Mane ត្រូវប្រឈមមុខនឹងគ្នាហើយ៕

05 Feb 2022

80 views