Tag: Tite

បុរស​ខ្លាំង​ខាង​ទម្រង់​លេង Tiki-taka​ លោក Pep Guardiola ត្រូវ​បាន​ក្រុម​ជម្រើសជាតិ​ប្រេស៊ីល​ទាក់ទង​ឲ្យ​ទៅ​ដឹក​នាំ ដោយ​ហ៊ាន​ឲ្យ​ថ្លៃ​ឈ្នួល​១០​លាន​ផោន​ក្នុង​មួយ​ឆ្នាំ។ ​ប្រេស៊ីល​នឹង​ត្រូវ​​ប្រជែង​ជាមួយ​ជម្រើសជាតិ​ហុល្លង់​​ដែល​កំពុង​ចង់​បាន​ Guardiola ដូច​គ្នា ពេល​ដែល​​លោក​បញ្ចប់​ការងារ​​ជាមួយ Manchester City។ កុងត្រា​របស់​​អ្នក​ចាត់​ការ​វ័យ​៥១​ឆ្នាំ​​ជាមួយ Man City នៅ​សល់​រហូត​ដល់​ឆ្នាំ​២០២៣ ហើយ​គម្រោង​នៅ​​ពេល​ខាង​មុខ​លោក​ចង់​សាក​រសជាតិ​ទៅ​ដឹក​នាំ​ក្រុម​ជម្រើស​ជាតិ​វិញ​ម្ដង។ ប្រេស៊ីល​គឺ​ជា​​ក្រុម​ជម្រើសជាតិ​មួយ​ដែល​លោក Guardiola ធ្លាប់​បង្ហាញ​ការ​ចាប់​អារម្មណ៍​និង​សរសើរ។ គ្រូ​បច្ចុប្បន្ន​​របស់​ប្រេស៊ីល​លោក Tite បាន​ប្រកាស​រួច​មក​ហើយ​ថា លោក​នឹង​​​លាលែង​ចេញ​ពី​តំណែង​ពេល​ដែល​បញ្ចប់​ព្រឹត្តិការណ៍ World Cup ២០២២​នៅ​ប្រទេស​កាតា។ សហព័ន្ធ​បាល់ទាត់​ប្រទេស​ប្រេស៊ីល​​បាន​ចុច​ឈ្មោះ​លោក Guardiola ជា​បេក្ខភាព​​ក្នុង​ការ​ជំនួស​កន្លែង​របស់​លោក Tite។ ប្រេស៊ីល​សង្ឃឹម​ថា អតីត​​​អ្នក​ចាត់​ការ​របស់​ Barcelona ម្នាក់​​នេះ​អាច​​បញ្ជ្រាប​ទម្រង់​លេង Tiki-taka ក្នុង​ក្រុម​ ដើម្បី​​លេង​ក្នុង​ព្រឹត្តិការណ៍​ Copa America ២០២៤ និង World Cup ២០២៦ ដែល​នឹង​រៀបចំ​នៅ​សហរដ្ឋអាមេរិក កាណាដា និង​ម៉ិកស៊ិក៕

ខ្សែប្រយុទ្ធវ័យ 21 ឆ្នាំរូបនេះ Everton ទិញពី Watford ក្នុងតម្លៃ 44 លានផោននៅរដូវកាលក្តៅនេះ។ ខណៈដែរការប្រកួតជាមួយ Bournemouth

ពិតណាស់ Neymar ដែលបានរងរបួសកាលពីពាក់កណ្ដាលរដូវកាល ត្រូវបានគ្រូបង្វឹកប្រេស៊ីល បញ្ចូលឈ្មោះក្នុងបញ្ជីកីឡាករទាំង23 រូបផងដែរ

ពិតណាស់  ប្រេស៊ីល បានចាញ់ធ្ងន់ករ ទៅលើក្រុមអាល្លឺម៉ង់ ក្នុងវគ្គពាក់កណ្ដាលផ្ដាច់ព្រ័ត្រពានរង្វាន់ World Cup កាលពី 4ឆ្នាំមុន

Carlos ថា ក្រុមប្រេស៊ីលមានគ្រូបង្វឹកល្អ ព្រមទាំងមានកីឡាករឆ្នើមទៀត ដូច្នេះលោកក៏មានភាពជឿជាក់ច្រើនដែរ