Tag: Xavi
Football News
ក្លិប Barca គ្រោងនឹងនាំយកលោក Luis Enrique អតីតគ្រូបង្វឹកខ្លួនមកដឹកនាំជំនួស Xavi
យោងតាម El Chiringuito បានចុះផ្សាយថា ក្លិប Barcelona ចង់នាំយកអតីតគ្រូបង្វឹកគឺលោក Luis Enrique មកដឹកនាំជំនួស Xavi Hernández ។ លោក Xavi ដែលជាវីរបុរសរបស់ក្លិបបានចូលមកដឹកនាំក្លិបយក្សនៅតំបន់កាតាឡាន់រូបនេះតាំងពីខែវិច្ឆិកាឆ្នាំមុន ដោយបានជួយឲ្យ Barca ជាប់លេខ២ក្នុងតារាង La Liga កាលពីរដូវកាលមុន។ យ៉ាងណាមិញ នៅរដូវកាលថ្មីនេះ ទោះ Xavi ធ្វើបានល្អក្នុងការប្រកួតក្នុងលីគគឺស្ថិតនៅចំណាត់ថ្នាក់លេខ២ក៏ដោយ ក៏ងាកមកមើលការប្រកួតនៅ Champions League វិញគឺពិតជាទទួលបានលទ្ធផលមិនបានល្អទេ។ Barca បានធ្លាក់ទៅលេងនៅ Europa League សាជាថ្មីបន្ទាប់ពីចាញ់ Bayern Munich ៣ ទល់នឹង០ ហើយលោកក៏បានចាយប្រាក់ទិញកីឡាករថ្មីដល់ទៅជាង ១៣៧លានអឺរ៉ូ(ស្មើនឹងប្រមាណ ១៣៦.២ លានដុល្លារ)ផងដែរ។ លោក Enrique ដែលបច្ចុប្បន្នជាគ្រូរបស់ក្រុមជម្រើសជាតិអេស្ប៉ាញ ធ្លាប់ដឹកនាំ Barcelona ពីឆ្នាំ ២០១៤ រហូតដល់ឆ្នាំ២០១៧ ដោយបានឈ្នះពានដល់ទៅ៩ឲ្យក្លិប៕
29 Oct 2022
39 views
Football News
Xavi ចង់យក Asensio មក Barcelona នៅខែមករាខាងមុខ
Barcelona កំពុងត្រៀមដេញថ្លៃទិញយកខ្សែបម្រើប្រយុទ្ធរបស់ Real Madrid កីឡាករ Marco Asensio មកកាន់ទឹកដី Camp Nou។ ក្រុមរបស់លោក Xavi កំពុងមានគម្រោងបន្តការចំណាយរបស់ពួកគេពេលដែលទីផ្សារដោះដូរកីឡាករបើកម្ដងទៀតនៅខែមករាខាងមុខ។ Asensio ត្រូវបានរាយការណ៍ថាជាគោលដៅមួយរបស់អ្នកចាត់ការវ័យ៤២ឆ្នាំ។ Asensio នៅសល់កុងត្រាតិចជាងមួយឆ្នាំក្នុងកិច្ចសន្យារបស់គេក្លឹប Madrid។ ហើយបើតាម The Sun កីឡាករវ័យ២៦ឆ្នាំឆាប់ៗអាចនឹងផ្លាស់មកកាន់ក្លឹបគូប្រជែង Barcelona។ កីឡាករសញ្ជាតិអេស្ប៉ាញមានការទាក់ទងផ្ទេរចេញពី Bernabeu អំឡុងពេលរដូវក្ដៅនេះ ប៉ុន្តែមិនអាចកើតឡើង ខណៈគេនឹងចាកចេញដោយគ្មានតម្លៃខ្លួននៅឆ្នាំក្រោយ។ ត្បិតរដូវក្ដៅនេះ Barca បាននាំចូលកីឡាករសំខាន់ៗដូចជា Robert Lewandowski និង Raphinha ប៉ុន្តែពួកគេនៅតែមានគម្រោងចង់បន្តចំណាយលុយទៀត ដើម្បីពង្រឹងខ្លួនឲ្យឡើងជាក្រុមកំពូលនៅអឺរ៉ុបវិញ។ Barca ចាប់អារម្មណ៍លើ Asensio ដោយសារតែគេនៅក្មេង កម្រិតនៃការលេង និងបច្ចេកទេស៕
20 Sep 2022
87 views
Football News
Xavi ថា ជាថ្ងៃត្រូវឈ្នះ Bayern Munich មិនសមចាញ់សោះ
ក្រុម Barcelona នៅតែមិនអាចសងសឹក Bayern Munich បាន បន្ទាប់ពីចាញ់ ២-០ ក្នុងការប្រកួតសន្សំពិន្ទុក្នុងពូល C នៃពានរង្វាន់ Champions League។ ២គ្រាប់របស់ក្រុមម្ចាស់ផ្ទះ Bayern ធ្វើបានដោយខ្សែការពារ Lucas Hernandez និងខ្សែបម្រើប្រយុទ្ធ Leroy Sane។ ជំនួបនេះលោក Xavi ពិតជាចង់ឈ្នះ Bayern ខ្លាំងណាស់ បន្ទាប់ពីរដូវកាលមុនក្នុងពាន UCL នេះដូចគ្នា Barca បានចាញ់ក្រុមយក្សរបស់អាល្លឺម៉ង់ទាំងពីរជើងសរុប ៦-០។ ក្រោយបញ្ចប់ការប្រកួត អ្នកចាត់ការ Xavi បានបង្ហាញអារម្មណ៍មិនសប្បាយចិត្ត ដោយគិតថាក្រុមរបស់ខ្លួនសមតែឈ្នះ មិនសមចាញ់សោះ។ និយាយប្រាប់សារព័ត៌មានបុរសសញ្ជាតិអេស្ប៉ាញលើកឡើងថា Barca ល្អជាង Bayern ក្នុងទិដ្ឋភាពជាច្រើន ជាពិសេសការគ្រប់គ្រងនៅវគ្គទីមួយ។ វាជាថ្ងៃត្រូវឈ្នះ ដោយសារក្រុមលេងដោយអារម្មណ៍ល្អនិងមានឱកាសទាត់ច្បាស់ៗដល់ទៅ៧ដង។ តាមរយៈលទ្ធផលខាងលើ Bayern ឈរកំពូលតារាងពូល C ឆ្លងកាត់២ប្រកួតមាន៦ពិន្ទុពេញ ខណៈ Barcelona នៅលេខពីរមាន៣ពិន្ទុស្មើគ្នាជាមួយ Inter
14 Sep 2022
81 views
Football News
Xavi ព្រមានថា នឹងផ្លាស់ប្ដូរប្រវត្តិសាស្រ្ដពេលប៉ះ Bayern Munich យប់នេះ
អ្នកចាត់ការ Xavi ជឿជាក់ថា Barcelona នឹងអាចផ្លាស់ប្ដូរប្រវត្តិសាស្រ្ដ បន្ទាប់ពីធ្វើមិនសូវបានល្អរាល់ពេលប៉ះ Bayern Munich នៅប៉ុន្មានប្រកួតចុងក្រោយនេះ។ Barcelona នឹងត្រូវទៅសួរសុខទុក្ខ Bayern នៅរាត្រីនេះក្នុងការប្រកួតវគ្គសន្សំពិន្ទុពូល C នៃពានរង្វាន់ Champions League។ Bayern បានឈ្នះនៅ៤ប្រកួតចុងក្រោយពេលប៉ះ Barca ក្នុងនោះពួកគេបានឈ្នះ ៣-០ ក្នុងវគ្គសន្សំពិន្ទុកាលពីរដូវកាលមុន និងឈ្នះ ៨-២ ក្នុងវគ្គ៨ក្រុមចុងក្រោយកាលពីឆ្នាំ២០២០។ ត្បិតជួបលទ្ធផលមិនបានល្អបែបនេះក្ដី តែលោក Xavi ជឿជាក់ថាក្រុមរបស់ខ្លួននឹងបញ្ចប់ដំណើរអវិជ្ជមាន។ មុនការប្រកួតមកដល់អ្នកចាត់ការសញ្ជាតិអេស្ប៉ាញបាននិយាយថា៖ “ខ្ញុំគិតថាមានការរំពឹងទុកជាច្រើនមកលើពួកយើង។ ការប្រកួតមិនអាចផ្លាស់ប្ដូរអ្វីបានឡើយ ពួកយើងមិនអាចសន្និដ្ឋានបានទេ”។ លោកបានបន្ថែមទៀតថា៖ “៩ខែបានកន្លងផុតទៅ ហើយគ្រប់យ៉ាងមើលទៅខុសគ្នា។ ពួកយើងបានផ្លាស់ប្ដូរទិដ្ឋភាពជាច្រើន។ ពួកយើងមើលឃើញថាពួកយើងមានសមត្ថភាពប្រកួតប្រជែង។ ពួកយើងពិតជារំភើប និងអាចឈ្នះការប្រកួតនេះ ផ្លាស់ប្ដូរប្រវត្តិសាស្រ្ដ។ ពួកយើងនឹងបង្ហាញថាពួកយើងស្ថិតនៅកម្រិតណា”៕
13 Sep 2022
45 views
Football News
Xavi ប្រកាសថា Pjanic នឹងចាកចេញពី Barca ផ្លាស់កាន់ក្លឹបនៅអារ៉ាប់រួម
លោក Xavi គ្រូបង្គោលក្លឹប Barcelona បាននិយាយទៅកាន់សារព័ត៌មាននៅក្នុងថ្ងៃនេះថា ខ្សែបម្រើ Miralem Pjanic នឹងចាកចេញពីក្លឹបផ្លាស់ទៅក្លឹប Sharjah ដែលជាក្លឹបនៅលីគកំពូលរាជាណាចក្រអារ៉ាបរួម។ លោក Xavi បានលើកឡើងថា៖” Pjanic សម្រេចចាកចេញដើម្បីស្វែងរកឱកាសផ្សេងៗបន្ថែមទៀត។ គេជាកីឡាករអាជីពដ៏អស្ចារ្យមួយរហូតមក អញ្ចឹងខ្ញុំធ្លាប់គិតថាគេនឹងមានឱកាសជាមួយយើងនៅនេះ ប៉ុន្តែមនុស្សម្នាក់ៗគេរើសផ្លូវដើរគេរៀងខ្លួនអញ្ចឹងហើយ។ បើយោងតាមការចុះផ្សាយរបស់កំពូលអ្នកកាសែត Fabrizio Romano បានឲ្យដឹងថា Pjanic និងក្លឹប Sharjah បានព្រមព្រៀងគ្នាតាំងពីកាលថ្ងៃម្សិលមិញម្ល៉េះ។ កីឡាករនេះនឹងផ្លាស់ទៅកាន់ក្លឹបនេះក្នុងកុងត្រា៣ឆ្នាំ។ នៅក្នុងឆ្នាំនេះ Pjanic មានវ័យ៣២ឆ្នាំហើយ ដោយចាប់ជាកីឡាករក្រុមឈុតធំកាលរដូវកាលឆ្នាំ២០០៧/២០០៨ រហូតមកដល់បច្ចុប្បន្ន ដោយលេងក្លឹប Metz, Lyon, Roma, Juventus, Barcelona និង Beşiktaş (ក្នុងលក្ខខ័ណ្ឌខ្ចីជើងកាលពីរដូវកាលឆ្នាំ២០២១/២២៕
06 Sep 2022
60 views
Football News
កីឡាករ Martin Braithwaite សម្រេចចិត្តផ្លាស់ទៅក្លិប Espanyol ជាផ្លូវការ
កីឡាករ Martin Braithwaite សម្រេចចិត្តផ្លាស់ទៅក្លិប Espanyol ជាផ្លូវការ បន្ទាប់ពីក្លិប Barcelona សម្រេចចិត្តផ្តាច់កុងត្រារបស់គេ។ ជាការពិតណាស់ Braithwaite ចាប់ផ្តើមអស់តួនាទី ក្រោយពី Barca បានយក Lewandowski មករួមក្រុម។ ទោះបីជា Braithwaite ចង់បន្តស្នាក់នៅ Camp Nou ក្តី ក៏លោក Xavi បានបញ្ជាក់ច្បាស់ហើយថា Braithwaite គឺមិនស្ថិតក្នុងគម្រោងរបស់ក្រុមទេ ដូច្នេះហើយទើបថ្មីៗនេះ ក្លិបបានប្រកាសផ្តាច់កុងត្រាគេតែម្តង។ បើយោងទៅតាមសារកាសែត Sports Mole បានចុះផ្សាយឲ្យដឹងថា ក្លិប Espanyol បានយក Braithwaite ទៅរួមក្រុមពី Barca ជាមួយនឹងកុងត្រារយៈពេល ៣បីឆ្នាំ ពោលគឺដល់ឆ្នាំ ២០២៥៕
02 Sep 2022
100 views
Football News
Pep ថា ជាការពិត Bernardo Silva ពេញចិត្តនឹង Barcelona
លោក Pep Guardiola អ្នកចាត់ការក្លឹប Manchester City បាននិយាយទៅកាន់អ្នកកាសែតនៅក្នុងថ្ងៃនេះថា ជាការពិត ខ្សែបម្រើ Bernardo Silva ពេញចិត្តនឹងក្លឹប Barcelona តែយ៉ាងណាលោកចង់ឲ្យគេនៅបន្តជាមួយក្លឹបលោកទៀត។ កាលពីពេលថ្មីៗនេះ Bernardo ត្រូវបានសារព័ត៌មានជាច្រើនចុះផ្សាយថា គេនឹងផ្លាស់ទៅកាន់ Barca ខណៈពេលដែលលោក Xavi គ្រូបង្គោល Barca ធ្លាប់និយាយថាពេញចិត្តរូបគេ។ ដូច្នេះហើយលោក Pep ក៏បានឆ្លើយតបនឹងបញ្ហាដោយលើកឡើងថា៖” យើងចង់បាន Bernardo Silva បន្តជាមួយយើង ប៉ុន្តែខ្ញុំក៏មិនចង់ឲ្យមានអ្នកមិនសប្បាយចិត្តនៅទីនេះផងដែរ។ ជាដំបូងហ្នឹងរឿងអញ្ចឹងកើតឡើងបានទាល់តែក្លឹបទាំងពីរព្រមព្រៀងគ្នា តែយ៉ាងណាច្បាស់ណាស់ ខ្ញុំចង់ឲ្យគេបន្តនៅជាមួយក្រុមខ្ញុំ តែវាក៏ជាពិតផងដែរដែល Bernardo Silva ពេញចិត្តនឹង Barcelona “។ បើតាមប្រភពជាច្រើនបានឲ្យថា Man City មិនចង់ឲ្យ Bernardo Silva ចាកចេញនោះទេព្រោះជិតដល់ថ្ងៃបិទទីផ្សារទិញដូរលក់កីឡាករ ដូច្នេះពិបាកក្នុងការរកកីឡាករថ្មីជំនួស៕
26 Aug 2022
69 views
Football News
Pedri ថា Lewandowski ចាស់តែអាយុទេ កម្លាំងដូចកីឡាករវ័យ២០ឆ្នាំ
ខ្សែបម្រើ Pedri បានធ្វើការសរសើរ ខ្សែប្រយុទ្ធ Robert Lewandowski ក្រោយជួយឲ្យឈ្នះប្រកួតរវាង Barca និង Real Sociedad នូវលទ្ធផល ៤-១ កាលពីយប់មិញ។ Pedri បាននិយាយថា៖” Lewandowksi អាយុ៣៤ឆ្នាំតែអាយុទេ តែគាត់ដូចជាកីឡាករអាយុ២០ឆ្នាំអញ្ចឹង។ វាពិតជាអស្ចារ្យមែនទែននូវចំនួនគ្រាប់បាល់ ដែលគាត់ស៊ុតចូល ហើយលើសពីហ្នឹងទៅទៀតនោះគឺរបៀបដែលគាត់ធ្វើការងារជាក្រុមគឺថា គាត់ជួយយើងបានច្រើនណាស់ “។ មិនត្រឹមតែ Pedri នោះទេសូម្បីតែលោក Xavi គ្រូបង្គោល Barca ក៏ថាខ្សែប្រយុទ្ធទើបផ្លាស់ពី Bayern Munich នេះគឺលេងបានល្អ និងជួយច្រើនដល់ក្រុម។ ចំពោះ Lewandowksi ក៏ពេញចិត្តខ្លាំងនឹងនៅ Barca ផងដែរដោយនៅក្នុងរដូវកាលថ្មីនេះ គេចូលលេងបាន២ប្រកួតហើយ និងស៊ុតចូល២គ្រាប់ ដោយគ្រាប់បាល់២គ្រាប់នេះ ជាគ្រាប់បាល់ដែលគេស៊ុតចូលក្នុងប្រកួតខាងលើនេះ៕
22 Aug 2022
77 views
Football News
Barca ទារ Chelsea ៣០លានដុល្លារ បើចង់បាន Aubameyang
ក្លឹប Chelsea ត្រូវបានប្រភពជាច្រើនបានចុះផ្សាយកន្លងមកថា ទាក់ទងចង់បាន ខ្សែប្រយុទ្ធ Pierre-Emerick Aubameyang ពីក្លឹប Barcelona រហូតមកសម្រាប់ពង្រឹងក្រុមរបស់ខ្លួនក្នុងរដូវកាលក្ដៅនេះ។ បើយោងតាមការចុះផ្សាយរបស់កំពូលអ្នកកាសែត Fabrizio Romano បានឲ្យដឹងថា Barca បានទារថ្លៃពី Chelsea ប្រមាណ ៣០.៥លានដុល្លារ បើចង់យក Aubameyang។ យ៉ាងណា Chelsea មិនចង់ទិញកីឡាករវ័យ៣៣ឆ្នាំរូបខាងលើនេះ ក្នុងតម្លៃប្រមាណ ៣០លានដុល្លារនោះទេ ដោយចង់បានតម្លៃក្រោមនេះ ព្រោះត្រូវចំណាយលើប្រាក់ពលកម្មច្រើនលើកីឡាកររូបនេះ។ Aubameyang បានផ្លាស់ទៅកាន់ Barca ដោយ Free Transfer ក្រោយចប់ជាមួយ Arsenal ដោយសារតែមានភាពរកាំរកូសជាមួយអ្នកចាត់ការ Arteta។ កីឡាករនេះបានបង្ហាញទម្រង់លេងយ៉ាងល្អរហូតមកតាំងពីផ្លាស់ទៅកាន់ Barca ដែលជាហេតុធ្វើឲ្យលោក Tuchel អ្នកចាត់ការ Chelsea ចង់បាន ខណៈលោក Xavi គ្រូបង្គោល Barca មិនចង់លក់គេចេញនោះទេ៕
16 Aug 2022
73 views
Football News
គ្រូបង្វឹក Xavi និយាយថា Raphinha លេងដូច Neymar ចំណែកការស៊ុតដូច Rivaldo
គ្រូបង្វឹកលោក Xavi Hernandez បានបង្ហាញការកោតសរសើរទៅកាន់កីឡាករ Raphinha ដោយលោកបានមានប្រសាសន៍ថាខ្សែប្រយុទ្ធរូបនេះមានចំណុចពិសេសខុសពីកីឡាករប្រេស៊ីលដ៏ទៃដែលលោកធ្លាប់លេងជាមួយជាពិសេសរូបគេមានចង្វាក់លេងនៅស្លាបដូច Neymar ចំណែករបៀបស៊ុតវិញដូច Rivaldo។ ជាការពិតណាស់ នៅរដូវក្តៅនេះ Barcelona បានទិញយក Raphinha ពី Leeds United ក្នុងតម្លៃ ៥៥ លានផោន ឬប្រមាណជា (៦៦ លានដុល្លារអាមេរិក) អមជាមួយកុងត្រារយៈពេល ៥ ឆ្នាំពោលគឺដល់ខែមិថុនា ឆ្នាំ ២០២៧ ខណៈការចាប់ផ្តើមរដូវកាលដំបូងជាមួយក្រុមអ្នកមានបុណ្យខ្សែប្រយុទ្ធសញ្ជាតិប្រេស៊ីល កំពុងតែបង្ហាញសញ្ញាណវិជ្ជមាន ក្រោមការដឹកនាំរបស់លោក Xavi។ ទាក់ទងនឹងរឿងខាងលើ លោក Xavi បានមានប្រសាសន៍យ៉ាងដូច្នេះថា៖ “Raphinha គឺមានភាពខុសប្លែកពីកីឡាករ ប្រេស៊ីល ដ៏ទៃដែលខ្ញុំធ្លាប់លេងជាមួយ។ គាត់គឺលេងដូច Neymar ក្នុងនាមជាខ្សែប្រយុទ្ធស្លាប ប៉ុន្តែគាត់មានរបៀបស៊ុតដូច Rivaldo។ គាត់ជាកីឡាករម្នាក់ ដែលមានភាពសុខប្លែកពីគេ”៕
15 Aug 2022
165 views
Football News
Memphis Depay របស់ Barcelona ខិតជិតផ្លាស់មកកាន់ Juventus ហើយ
ខ្សែប្រយុទ្ធក្លិប Barcelona កីឡាករ Memphis Depay ត្រូវបានគេរាយការណ៍ថាកាន់តែខិតជិតក្នុងការផ្លាស់មកកាន់ Juventus ហើយ។ ជា ការពិត ណាស់ Depay បានចូលរួមជាមួយ Barcelona កាលពីរដូវកាលមុនប៉ុន្តែក្រោយ ការ ចាកចេញរបស់លោក Ronald Koeman និងការមកដល់របស់លោក Xavi ធ្វើឲ្យកីឡាករសញ្ជាតិ ហូ ល្លង់ខាងលើទទួលបានឪកាសបង្ហាញខ្លួននៅលើទីលានស្ដួចស្ដើងមែនទែនហើយសម្រាប់ រដូវ កាលថ្មីខាងមុខនេះរូបគេក៏មិនស្ថិតនៅក្នុងផែនការលេងរបស់ក្រុម ផង ដែរ។ បើ យោងទៅតាមការចុះផ្សាយរបស់លោក Fabrizio Romano បានបញ្ជាក់យ៉ាងច្បាស់ថា Juventus ជាក្លិបតែមួយគត់ដែលចូលរួមប្រជែងក្នុងការនាំយក Depay មករួមក្រុមហើយការចរចារនៅពេលនេះ គឺកាន់តែកៀកក្នុងការទទួលបានជោគជ័យហើយខណៈភាគីក្លិបនិងភ្នាក់ងារកំពុងពិភាក្សាលើការ ផ្តល់ជូនកិច្ចសន្យារយៈពេល២ឆ្នាំ ដល់រូបគេ៕
13 Aug 2022
132 views
Football News
លោក Xavi ចង់ឃើញ Lionel Messi វិលត្រឡប់មកកាន់ Camp Nou វិញជាលើកទីពីរ
គ្រូបង្វឹកក្លិប Barcelona លោក Xavi Hernandez បានលើកឡើងថា លោកចង់ឃើញកំពូលខ្សែប្រយុទ្ធ Lionel Messi វិលត្រឡប់មកកាន់កីឡដ្ឋាន Camp Nou វិញជាលើកទីពីរ។ ជាការពិតណាស់ កាលពីរដូវកាលមុន វាពិតជាភ្ញាក់ផ្អើលមែនទែនបន្ទាប់ពី Messi និង Barcelona បានសម្រេចចិត្តចែកផ្លូវគ្នាក្រោយរួមរស់ជាមួយគ្នាអស់រយៈពេល២១ឆ្នាំ ដោយសារតែ ច្បាប់ហិរញ្ញវត្ថុរបស់ La Liga ត្រូវបានចែងឡើង ហើយ Barcelona មិនអាចស្របតាមបាន ខណៈ ម្ចាស់ពានរង្វាន់ Ballon d’Or ៧សម័យខាងលើបានសម្រេចចិត្តផ្លាស់ទៅកាន់ Paris Saint-Germain។ Xavi បាននិយាយថា៖ “ខ្ញុំចង់ឲ្យពេលវេលារបស់ Messi នៅ Barcelona មិនទាន់បញ្ចប់។ ខ្ញុំគិតថាគាត់ស័ក្តិសមនឹងត្រឡប់មកវិញជាលើកទីពីរ ហើយ វាជាអ្វីដែលខ្ញុំប្រាថ្នា។ បើមានសំណួរថាតើខ្ញុំចង់ឱ្យគាត់ត្រឡប់មកវិញទេ? ចម្លើយគឺខ្លាំងមែនទែន”៕
30 Jul 2022
138 views
Football News
Barca យកបានខ្សែការពារ Jules Kounde ពី Sevilla បានហើយ
ក្លឹប Barcelona បានយកបាន ខ្សែការពារ Jules Kounde ពីក្លឹប Sevilla នៅក្នុងថ្ងៃនេះហើយ ដោយរង់ចាំតែពេលប្រកាសជាផ្លូវការប៉ុណ្ណោះ។ នេះបើយោងតាមការចុះផ្សាយរបស់កំពូលអ្នកកាសែត Fabrizio Romano ។ Barca បានទិញយក Kounde ពី Sevilla ក្នុងតម្លៃប្រមាណ ៥០លានដុល្លារ ដោយអាចនឹងចុះកុងត្រារយៈពេល៤ឆ្នាំ រហូតដល់ថ្ងៃទី៣០ ខែមិថុនា ឆ្នាំ២០២៦។ Kounde និង លោក Xavi គ្រូបង្គោលក្លឹប Barca បានព្រមព្រៀងជាលក្ខណៈឯកជនកាលពីអាទិត្យមុនមកម្ល៉េះ។ ខ្សែការពារវ័យ២៣ឆ្នាំខាងលើ បានចូលក្នុងវិស័យបាល់ទាត់ក្រុមឈុតធំតាំងពីឆ្នាំ២០១៧ ដោយចូលលេងឲ្យក្លឹប Bordeaux នៅ Ligue 1 លុះនៅឆ្នាំ២០១៩ ក៏ផ្លាស់មក Sevilla ដោយលេងបាន៣រដូវកាល ចូលរួមលេងបាន ១៣៣ប្រកួត និងស៊ុតចូល៩គ្រាប់៕
29 Jul 2022
156 views
Football News
Xavi៖ នៅ Barcelona …មិនគិតប្រកួតមិត្ដភាពអ្វីទេ សំខាន់ឈ្នះ
លោក Xavi បានអះអាងថាក្រុម FC Barcelona មិនដែលគិតថាប្រកួតមិត្តភាពឬផ្លូវការឡើយ ដោយពួកគេផ្ដោតតែលើលទ្ធផលឈ្នះប៉ុណ្ណោះ ជាពិសេសប៉ះក្រុម Real Madrid ។ មិត្តភាពនៅទឹកដីអាមេរិកម្សិលមិញនេះ ក្រុមBarcelona បានយកឈ្នះលើក្រុម Real Madrid ក្នុងលទ្ធផល ១-០ ដោយកីឡាករ Raphinha ជាអ្នកសម្រេចទីបាន។ ប្រកួតនេះដែរ ឃើញថាក្រុមទាំងសងខាងប្រឹងប្រែងរៀងខ្លួន ដោយដាក់កីឡាករល្អៗចូលលេង រហូតដល់មានការប៉ះទង្គិចគ្នាលើទីលានផងដែរ។ តែយ៉ាងលទ្ធផលចប់ការប្រកួត មានគ្រាប់បាល់កើតឡើងតែ១គ្រាប់ប៉ុណ្ណោះ។ លោក Xavi បាននិយាយក្រោយចប់ការប្រកួតថា៖ “យើងមកទីនេះដើម្បីឈ្នះ ហើយយើងបានធ្វើវា។ យើងរងសម្ពាធរហូតដល់ចប់ការប្រកួត ប៉ុន្តែខ្ញុំពេញចិត្តនឹងលទ្ធផលនៅថ្ងៃនេះ។ យើងជាក្រុមល្អប្រសើរហើយ។ នៅ Barcelona មិនមានការប្រកួតមិត្តភាពទេ…យើងតែងតែចង់ឈ្នះ ជាពិសេសទល់ក្រុម Real Madrid ”។ ដោយឡែកងាកទៅខាងលោក Carlo Ancelotti វិញ បានបង្ហាញចំណាប់អារម្មណ៍លើការប្រកួតនេះដែរថាក្រុមរបស់លោកធ្វើបានល្អ ហើយលោកគិតថា Real Madrid កំពុងមានសមាជិកក្រុមនៅរដូវកាលនេះល្អជាងរដូវកាលមុនទៀត។ ការប្រកួតមិត្តភាពនេះ លោកចង់ឱ្យកីឡាករបានបង្ហាញសមត្ថភាពនិងមាននាទីលេងដើម្បីស្ទង់មើលសមត្ថភាព៕
25 Jul 2022
61 views
Football News
ក្លិប Barcelona ចង់យកខ្សែការពារ Jules Kounde ពី Sevilla ជំនួស Gerard Pique
យោងទៅតាមរបាយការណ៍បានឲ្យដឹងថា ក្លិប Barcelona ចង់យក ខ្សែការពារ Jules Kounde ពី Sevilla មករួមក្រុម ដើម្បីឲ្យ Gerard Pique ឆាប់ចូលនិវត្តន៍។ ជាការពិតណាស់ មានពាក្យចរចាមអារាម ជាច្រើនធ្លាប់ចេញផ្សេងម្តងហើយ ម្តងទៀតទាក់ទិននឹងការចូលនិវត្តន៍របស់ ខ្ញីចាស់របស់ Barca ខាងលើនេះ។ គួរបញ្ចាក់ផងដែរថា Pique វ័យ៣៥ឆ្នាំ នៅសល់កុងត្រាជាមួយក្លិប រហូតដល់ឆ្នាំ ២០២៤ ឯណោះទេ បន្ទាប់ពីគេបានបង្ហាញខ្លួនជាង៦០០ប្រកួត និង ជួយក្រុមឲ្យបានឈ្នះពានធំៗជាច្រើន។ បើយោងទៅតាមសារកាសែត El Nacional បានចុះផ្សាយឲ្យដឹងថា លោក Xavi កំពុងតែដុតដៃជើង រំអុកឲ្យប្រធានក្លិប យក Kounde មករួមក្រុមឆាប់ៗ ដើម្បីមកជំនួស Pique ក្នុងឈុតធំ សម្រាប់រដូវកាលថ្មីឆ្នាំ ២០២២/២៣ ខាងមុខនេះ៕
19 Jul 2022
83 views
Football News
លោក Luis Garcia ថា Harvey Elliot របស់ Liverpool លេងបាល់ស្ដាយដូច Xavi និង Iniesta
លោក Luis Garcia សរសើរកីឡាករ Harvey Elliot របស់ Liverpool ថា លេងបាល់ដូច Xavi និង Iniesta ។ ជាការពិតណាស់ ខ្សែបម្រើខាងលើ បានផ្លាស់ពីក្លិប Fulham មក Liverpool តាំងពីឆ្នាំ ២០១៩ មកម្ល៉េះ ដោយពេលនោះ គេក្លាយជាកីឡាករវ័យក្មេងបំផុត ដែលផ្លាស់មកលេងនៅលីគ PL ក្នុងវ័យ ១៦ឆ្នាំ។ លោក Garcia បាននិយាយថា៖ “យើងធ្លាប់តែឃើញ Xavi និង Iniesta លេងកាលពីជំនាន់ពួកយើង ក៏ប៉ុន្តែមិនដឹងថា សព្វថ្ងៃនេះ នៅសល់ប្រភេទកីឡាករ បែបនេះទៀត ឬអត់ទេ។ យ៉ាងណាមិញ ខ្ញុំចាប់អារម្មណ៍កីឡាករម្នាក់ ដែលធ្វើឲ្យខ្ញុំ នឹកដល់ពួកគេ នោះគឺ Elliot។ ចលនាខ្លួនប្រាណគេនៅលើទីលាន ការគ្រប់គ្រងស្ថានការរបស់គេនៅលើទីលាន និង ការគ្រប់គ្រងបាល់ មើលទៅដូចគេ កំពុងលេងទម្រង់របស់ Barca
17 Jul 2022
138 views
Football News
ឲ្យតម្រុយ Pique អាចនឹងត្រលប់ទៅលេងនៅអង់គ្លេសវិញ ក្រោយ Barca លែងត្រូវការ
ខ្សែការពាររបស់ Barcelona កីឡាករ Gerard Pique បានបង្កឲ្យមានពាក្យចចាមអារ៉ាមអំពីការផ្ទេរជាច្រើន បន្ទាប់ពីប្រទះឃើញយួរថង់មានឡូហ្គោរបស់ Chelsea។ កីឡាករវ័យ៣៥ឆ្នាំកំពុងស្ថិតក្នុងទីក្រុងឡុងដ៏ដើម្បីលើកទឹកចិត្តកីឡាករវាយកូនបាល់ Rafael Nadal ប្រកួតក្នុងកម្មវិធី Wimbledon។ ប៉ុន្តែគេបានមើលឃើញ Pique កាន់កាន់ថង់មានរូបសញ្ញាក្រុមតោខៀវ Chelsea។ ជាមួយអ្នកចាត់ការរបស់ Barca លោក Xavi បានប្រាប់ Pique ថា គេលែងជាតម្រូវការនៅកីឡដ្ឋាន Nou Camp ការសម្រេចចិត្តរបស់កីឡាករសញ្ជាតិអេស្ប៉ាញបង្ហាញឡូហ្គោ Chelsea បានធ្វើឲ្យមានការពិភាក្សាជាច្រើនអំពីការលទ្ធភាពផ្ទេរ។ យោងតាមសារព័ត៌មានរបស់អេស្ប៉ាញបានចុះផ្សាយថា Pique បានទៅហាងរបស់ Chelsea ដើម្បីទិញអាវឲ្យកូនៗ។ ការផ្លាស់ទៅកាន់កីឡដ្ឋាន Stamford Bridge នឹងមិនមានបញ្ហាអ្វីឡើយ ខណៈដែលក្រុមលោក Thomas Tuchel កំពុងចង់ពង្រឹងតំបន់ការពារបន្ថែម ក្រោយពីការចាកចេញរបស់ Antonio Rudiger និង Andreas Christensen។ Gerard Pique ត្រូវបាន Xavi ប្រាប់កាលពី២សប្ដាហ៍មុនថា គេគ្មានអនាគតនៅ
29 Jun 2022
158 views
Football News
ធ្លាយសម្ដីពិត Xavi ប្រាប់ Pique ថា Barcelona លែងត្រូវការគេទៀតហើយ
អ្នកចាត់ការរបស់ Barcelona លោក Xavi បានប្រាប់ ខ្សែការពារ Gerard Pique ថា គេលែងស្ថិតក្នុងគម្រោងរបស់លោកទៀតហើយ និងអាចដើរចេញពីកីឡដ្ឋាន Nou Camp បាន។ កីឡាករសញ្ជាតិអេស្ប៉ាញត្រូវបានប្រាប់ថា គេអស់អនាគតជាមួយក្លឹបកាលពី២សប្ដាហ៍មុនដោយសារតែការប្រព្រឹត្តិមិនប្រកបដោយវិជ្ជាជីវៈនៅខាងក្រៅទីលាន និងវ័យក៏កាន់តែជ្រេ។ សម្ដីដ៏ភ្ញាក់ផ្អើលពី Xavi លេចឡើងប៉ុន្មានថ្ងៃមុនពេល Pique ចែកផ្លូវគ្នាជាមួយគូស្នេហ៍នាង Shakira។ សារព័ត៌មានរបស់អេស្ប៉ាញ SPORT បានបន្ថែមលើករឿងនេះថា បញ្ហាចម្បងរបស់ Xavi ជាមួយ Pique គឺដោយសារតែគេមានអាជីវកម្មក្រៅទីលានច្រើនពេក។ គេថែមទាំងដឹងទៀតថា Barca ពេលនេះកំពុងតែជំពាក់ Pique ដល់ទៅ៤០លានអឺរ៉ូសម្រាប់ការពន្យារពេលទូទាត់ថ្លៃពលកម្ម។ Xavi បានទៅនិយាយបញ្ហាទាំងឡាយជាមួយ Pique ដោយផ្ទាល់និងបញ្ជាក់ច្បាស់ថា គេមិនត្រូវបានបញ្ចូលក្នុងគម្រោងរបស់លោកសម្រាប់ពេលអនាគតឡើយ។ Barca សង្ឃឹមថា Pique អាចដើរចេញពីក្លឹបដោយខ្លួនឯងក្នុងរដូវក្ដៅនេះ ព្រមទាំងលុបចោលប្រាក់ទាំងអស់ដែលក្លឹបជំពាក់គេ ដូចដែល Carles Puyol ធ្លាប់ធ្វើ ពេលដែលគេចាកចេញកាលពីឆ្នាំ២០១៤៕
14 Jun 2022
72 views
